༤༩. ཏི་ར་ཙྪཱ་ན་ག་ཏ་ཝ་ཏྠུ

༡༡༡. དེ་ཝ་ས་མྤ་ཏྟི་ས་དི་སཾ ཨི་སྶ་རི་ཡ་ས་མྤ་ཏྟིཾ ཨ་ནུ་བྷ་ཝ་ནྟོ་པི སོ ནཱ་གོ ཀ་སྨཱ ནཱ་ག་ཡོ་ནི་ཡཱ ཨ་ཊྚཱི་ཡ་ཏཱི་ཏི ཨཱ་ཧ ‘‘ཀི་ཉྩཱ་པཱི’’ཏི་ཨཱ་དི.

ཏ་ཏྠ ཀི་ཉྩཱ་པི ཨ་ནུ་བྷོ་ཏཱི་ཏི ས་མྦ་ནྡྷོ. ཀི་ཉྩཱ་པིས་དྡོ ཧེ་ཏྠ ས་མྦྷཱ་ཝ་ནཱ་ཛོ་ཏ་ཀོ, པ་ན་ས་དྡོ ག་ར་ཧ་ཏྠ་ཛོ་ཏ་ཀོ. ཀུ་ས་ལ་ཝི་པཱ་ཀེ་ནཱཏི ཨ་ཧེ་ཏུ་ཀ་ཀུ་ས་ལ་ཝི་པཱ་ཀེ་ན. ཏ་སྶཱཏི ནཱ་ག་སྶ. ས་ཛཱ་ཏི་ཡཱཏི ས་མཱ་ན་ཛཱ་ཏི་ཡཱ ནཱ་གི་ཡཱ. ཨུ་ད་ཀ་ས་ཉྩཱ་རི་མ་ཎྜཱུ་ཀ་བྷ་ཀྑནྟི ཨུ་ད་ཀེ ས་ཉྩ་ར་ཎ་སཱི་ལཾ མ་ཎྜཱུ་ཀ་ས་ངྑཱ་ཏཾ བྷ་ཀྑཾ པཱ་ཏུ་བྷ་ཝ་ཏཱི་ཏི ཡོ་ཛ་ནཱ. སོཏི ནཱ་གོ. ཨ་ཊྚཱི་ཡ་ཏཱིཏི ཨ་ར་མ་ཎཾ པཱི་ལི༹་ཡ་ཏི. ཧ་རཱ་ཡ་ཏཱིཏི ཨེ་ཏྠ ཧ་རེ་དྷཱ་ཏུ ལ་ཛྫ་ན་ཏྠོ་ཏི ཨཱ་ཧ ‘‘ལ་ཛྫ་ཏཱི’’ཏི. ཨེ་ཀཱ་ར་ནྟོ དྷཱ་ཏུ བྷཱུ་ཝཱ་དི་ག་ཎི་ཀོ (ས་དྡ་ནཱི་ཏི་དྷཱ་ཏུ་མཱ་ལཱ་ཡཾ ༡༦ ར་ཀཱ་ར་ནྟ་དྷཱ་ཏུ). ཛི་གུ་ཙྪ་ཏཱིཏི ཨེ་ཏྠ གུ་པ་དྷཱ་ཏུ་ཡཱ ཀ་མྨཾ ད་སྶེ་ནྟོ ཨཱ་ཧ ‘‘ཨ་ཏྟ་བྷཱ་ཝ’’ནྟི. ‘‘ཏ་སྶ བྷི་ཀྑུ་ནོ’’ཏི་པ་ད་སྶ ‘‘ནི་ཀྑ་ནྟེ’’ཏི་པ་དེ་ན ཡོ་ཛི་ཏ་བྦ་ཏྟཱ བྷུ་མྨ་ཏྠེ སཱ་མི་ཝ་ཙ་ན་ནྟི ཨཱ་ཧ ‘‘ཏ་སྨིཾ བྷི་ཀྑུ་སྨི’’ནྟི. ཨ་ཐ ཝཱ ཏ་སྶ བྷི་ཀྑུ་ནོཏི སཱ་མི་ཡོ་ག་ཏྟཱ ‘‘ནི་ཀྑ་ནྟེ’’ཏི ཨེ་ཏྠ བྷཱ་ཝ་ཏྠེ མཱ་ན་པ་ཙྩ་ཡོ་ཏི ཨཱ་ཧ ‘‘ནི་ཀྑ་མ་ནེ’’ཏི. ཨི་མི་ནཱ ནི་ཀྑ་ནྟེ་ཏི ཨེ་ཏྠ ན ཨ་ནྟ་པ་ཙྩ་ཡོ, མཱ་ན་པ་ཙྩ་ཡ་སྶེ་ཝ ཨ་ནྟ་བྷཱ་ཝཾ ཀ་ཏྭཱ ཝུ་ཏྟོ་ཏི ད་སྶེ་ཏི. ཝི་སྶ་ཊྛོཏི ས་ཏི་ཝི་སྶ་ཛྫི་ཏོ. ཏ་སྨིནྟི བྷི་ཀྑུ་མྷི. ཀ་པི་མི་དྡྷ་ཝ་སེ་ནེ་ཝཱཏི ཀ་པི་ནོ མི་དྡྷ་ཝ་སེ་ན ཨེ་ཝ. ཨ་ཐ ཝཱ ཀ་པི་མི་དྡྷ་ཝ་སེ་ན ནི་དྡཱ་ཡ་ནྟོ ཨི་ཝ ནི་དྡཱ་ཡ་ནྟོ་ཏི ཡོ་ཛ་ནཱ. པ་ཊི་ནི་པ་ཛྫཱིཏི པུ་ན ནི་པ་ཛྫི. ཝི་སྶ་ར་མ་ཀཱ་སཱིཏི ཨེ་ཏྠ ཝི་ས་དྡོ ཝི་རཱུ་པ་ཏྠ་ཛོ་ཏ་ཀོ, ས་ར་ས་དྡོ ས་དྡ་ཝཱ་ཙ་ཀོ་ཏི ད་སྶེ་ནྟོ ཨཱ་ཧ ‘‘ཝི་རཱུ་པཾ མ་ཧཱ་ས་དྡ་མ་ཀཱ་སཱི’’ཏི.

‘‘ཨ་ཀཱ་ར་སྶ ལོ་པཾ ཀ་ཏྭཱ’’ཏི ཨི་མི་ནཱ ཏུ་མྷེ ཁོ་ཏྠཱཏི ཨེ་ཏྠ ‘‘ཏུ་མྷེ ཁོ ཨ་ཏྠཱ’’ཏི པ་ད་ཝི་བྷཱ་གཾ ཀ་ཏྭཱ ཨོ་ཀཱ་ར་ཏོ པ་ར་སྶ ཨ་ཀཱ་ར་སྶ ལོ་པཾ ད་སྶེ་ཏི. ‘‘ཨ་ཀཱ་ར་སྶཱ་ལོ་པ’’ནྟི་པི པཱ་ཋོ. ཨེ་ཝ་ཉྷི ས་ཏི ཨ་ཀཱ་ར་སྶ ཨ་ལོ་པཾ ཀ་ཏྭཱ་ཏི ཨ་ཏྠོ ད་ཊྛ་བྦོ. ཨི་མི་ནཱ ‘‘ཏུ་མྷེ ཁོ ཨ་ཏྠཱ’’ཏི པ་ད་ཙྪེ་དཾ ཀ་ཏྭཱ ཨ་ཀཱ་རེ པ་རེ ཨོ་ཀཱ་ར་སྶ ཝ་ཀཱ་རཾ ཀ་ཏྭཱ ཏུ་མྷེ ཁྭ་ཏྠཱ’’ཏི པཱ་ཋོ ད་སྶི་ཏོ. ཀ་སྨཱ ཨི་མ་སྨིཾ དྷ་མྨ་ཝི་ན་ཡེ ཨ་ཝི་རཱུ་ལ༹ྷི་དྷ་མྨཱ་ཏི ཨཱ་ཧ ‘‘ཛྷཱ་ན…པེ… ཨ་བྷ་བྦ་ཏྟཱ’’ཏི. ‘‘བྷ་ཝ་ཐཱ’’ཏི ཨི་མི་ནཱ ཨ་ཏྠཱཏི ཨེ་ཏྠ ཨ་ས་དྷཱ་ཏུ ས་ཏྟ་ཏྠ་ཝཱ་ཙ་ཀོ ཐ་ཝི་བྷ་ཏྟཱི་ཏི ད་སྶེ་ཏི. ས་ཛཱ་ཏི་ཡཱཏི ཨེ་ཏྠ ས་མཱ་ནཱ ཛཱ་ཏི ཨེ་ཏི་སྶཱ་ཏི ས་ཛཱ་ཏཱི་ཏི ཝུ་ཏྟེ ནཱ་གཱི ཨེ་ཝཱ་ཏི ཨཱ་ཧ ‘‘ནཱ་གི་ཡཱ ཨེ་ཝཱ’’ཏི. མ་ནུ་སྶི་ཏྠི་ཨཱ་དཱིཏི ཨེ་ཏྠ ཨཱ་དི་ས་དྡེ་ན ཏི་ར་ཙྪཱ་ན་ག་ཏི་ཏྠཱི་པེ་ཏི་ཏྠཱི་དེ་ཝི་ཏྠི་ཡོ ས་ངྒ་ཎྷཱ་ཏི. ‘‘དྭེ་མེ བྷི་ཀྑ་ཝེ པ་ཙྩ་ཡཱ’’ཏི དེ་ས་ནཱ སཱ་ཝ་སེ་ས་དེ་ས་ནཱ་ཏི ད་སྶེ་ནྟོ ཨཱ་ཧ ‘‘ཨེ་ཏྠ ཙཱ’’ཏི. ཨེ་ཏྠཱཏི ཏི་ར་ཙྪཱ་ན་ག་ཏ་ཝ་ཏྠུ་མྷི. ཨ་བྷི་ཎྷནྟི ཨ་བྷི་ཀྑ་ཎཾ པུ་ན་པྤུ་ན་ནྟི ཨ་ཏྠོ.

ཏི་ར་ཙྪཱ་ན་ག་ཏོཏི ཨེ་ཏྠ ཀིཾ ཨ་པཱ་ཡ་པ་རི་ཡཱ་པ་ནྣོ དུ་གྒ་ཏི་ཨ་ཧེ་ཏུ་ཀ་པ་ཊི་ས་ནྡྷི་ཀོ་ཝཱ་དྷི་པྤེ་ཏོ་ཏི ཨཱ་ཧ ‘‘ནཱ་གོ ཝཱ ཧོ་ཏཱུ’’ཏི་ཨཱ་དི.