༤༨. ཏི་ཏྠི་ཡ་པ་ཀྐ་ནྟ་ཀ་ཀ་ཐཱ

༡༡༠. པ་ཀྐ་མ་ཏཱི་ཏི པ་ཀྐ་ནྟོ, ‘‘པ་ཝི་ཊྛོ’’ཏི ཨི་མི་ནཱ ཀ་མུ་དྷཱ་ཏུ་ཡཱ པ་ད་ཝི་ཀྑེ་པ་ཏྠཾ ད་སྶེ་ཏི, ཨི་ཙྪཱ་ཀ་ནྟི་ཨ་ཏྠེ ནི་ཝ་ཏྟེ་ཏི. སོཏི ཏི་ཏྠི་ཡ་པ་ཀྐ་ནྟ་ཀོ. ཏ་ཏྲཱཏི ཏི་ཏྠི་ཡ་པ་ཀྐ་ནྟ་ཀེ. ཨུ་པ་ས་མྤ་ནྣོ བྷི་ཀྑུ ག་ཙྪ་ཏཱི་ཏི ས་མྦ་ནྡྷོ. ཏེ་སནྟི ཏི་ཏྠི་ཡཱ་ནཾ. ‘‘ཏི་ཏྠི་ཡོ བྷ་ཝི་སྶཱ་མཱི’’ཏི པུ་བྦེ་ཝ ལ་དྡྷི་ག་ཧི་ཏ་ཏྟཱ ཝུ་ཏྟཾ ‘‘ལི་ངྒེ ཨཱ་དི་ནྣ་མ་ཏྟེ’’ཏི. ཀུ་ས་ཙཱི་རཱ་དཱི་ནཱིཏི ཨེ་ཏྠ ཀུ་སོ ཝུ་ཙྩ་ཏི ས་ལཱ་ཀཱ. ཙཱི་རོཏི པ་ནྟི, ཨཱ་ཝ་ལཱི་ཏི ཨ་ཏྠོ. ཀུ་སེ ར་ཛྫུ་ནཱ ཨཱ་ཝུ་ནི་ཏྭཱ ཀ་ཏོ ཙཱི་རོ ཀུ་ས་ཙཱི་རོ, སོ ཨཱ་དི ཡེ་སཾ ཏཱ་ནཱི་ཏི ཀུ་ས་ཙཱི་རཱ་དཱི་ནི. ཨཱ་དི་ས་དྡེ་ན ཕ་ལ་ཀ་ཙཱི་རཱ་ད་ཡོ ས་ངྒ་ཎྷཱ་ཏི. ཀུ་ས་ཏི་ཎེ་ཧི ཀ་ཏོ ཙཱི་རོ ཀུ་ས་ཙཱི་རོཏི་པི ཝ་ད་ནྟི. ན་གྒོཏི ཨ་ཙེ་ལ་ཀོ. ཨཱ་ཛཱི་ཝ་ཀོཏི ཨ་ཙེ་ལ་ཀ་ཝ་ཏ་མཱ་དཱ་ཡ ཛཱི་ཝ་ཏཱི་ཏི ཨཱ་ཛཱི་ཝ་ཀོ. ཏེ་སནྟི ཨཱ་ཛཱི་ཝ་ཀཱ་ནཾ. ཨོ་ཝ་དི་ཏོ ཧུ་ཏྭཱ་ཏི ས་མྦ་ནྡྷོ.

ཀིནྟི ཀིཾ ཝ་ཏཾ. ལུ་ཉྩཱ་པེ་ཏཱིཏི ཨ་པ་ན་ཡཱ་པེ་ཏི. མོ་ར་པི་ཉྪཱ་དཱི་ནཱིཏི ཨེ་ཏྠ པི་ཉྪཾ ཝུ་ཙྩ་ཏི པ་ཀྑོ. སོ ཧི པི་ཉྪ་ཏི ཨཱ་ཀཱ་སེ ག་ཙྪ་ཏི ཨ་ནེ་ནཱ་ཏི པི་ཉྪ་ནྟི ཝུ་ཙྩ་ཏི. པི་ཚི ག་ཏི་ཡ་ནྟི དྷཱ་ཏུ་པཱ་ཋོ. མོ་ར་སྶ པི་ཉྪཾ མོ་ར་པི་ཉྪཾ, ཏཾ ཨཱ་དི ཡེ་སཾ ཏཱ་ནཱི་ཏི མོ་ར་པི་ཉྪཱ་དཱི་ནི. ཨཱ་དི་ས་དྡེ་ན ཨུ་ལཱུ་ཀ་པི་ཉྪཱ་ད་ཡོ ས་ངྒ་ཎྷཱ་ཏི. ཡཱ་ཝ ན ས་མྤ་ཊི་ཙྪ་ཏཱིཏི ཡཱ་ཝ ལ་དྡྷིཾ ན ས་མྤ་ཊི་ཙྪ་ཏི. ནནྟི ཝཱི་མཾ་ས་མཱ་ནཾ བྷི་ཀྑུཾ. ལ་དྡྷཱིཏི ཏི་ཏྠི་ཡ་ལ་དྡྷི. ར་ཀྑ་ཏཱིཏི ཏི་ཏྠི་ཡ་པ་ཀྐ་ནྟ་ཀ་ཏོ ར་ཀྑ་ཏི. ལ་དྡྷི་ཡཱ ཨ་བྷཱ་ཝེ་ན ཏི་ཏྠི་ཡ་པ་ཀྐ་ནྟ་ཀོ ན ཧོ་ཏཱི་ཏི ཨ་དྷི་པྤཱ་ཡོ. ཨ་ཙྪི་དྡ་ཙཱི་ཝ་རོཏི ཨེ་ཏྠ ཨཱ་ཀཱ་རོ ཀོ་དྷ་ཏྠོ, ཨ་ཌྜ་ཏྠོ ཝཱ ཧོ་ཏི, ཚི་དྡ་ས་དྡོ དཱུ་ས་ན་ཏྠོ ཧོ་ཏི. ཏ་སྨཱ ཨཱ་ཀོ་དྷེ་ན ཨ་ཌྜེ་ན ཝཱ ཚི་དྡོ དཱུ་སི་ཏོ་ཏི ཨ་ཙྪི་དྡོཏི ཨ་ཏྠོ ད་ཊྛ་བྦོ. ‘‘ཨ་ཙྪི་ནྣོ’’ཏི་པི པཱ་ཋོ. ཨ་ཙྪི་དྡཾ ཙཱི་ཝ་ར་མེ་ཏ་སྶཱ་ཏི ཨ་ཙྪི་དྡ་ཙཱི་ཝ་རོ. ཏི་ཏྠཱ་ཡ་ཏ་ནནྟི ཏི་ཏྠཱི་ནཾ ནི་ཝཱ་ས་ཊྛཱ་ནཾ, ཏི་ཏྠི་ཡཱ་ནཾ ཨུ་པ་སྶ་ཡ་ནྟི ཨ་ཏྠོ.