༤༨. ཐེ་ཡྻ་སཾ་ཝཱ་ས་ཀ་ཝ་ཏྠུ་ཀ་ཐཱ
༡༡༠. པཱ་རི་ཛ་ཉྙ་པ་ཏྟ་སྶཱཏི པ་རི་ཧཱ་ཡ་ཏཱི་ཏི པ་རི་ཛཱ་ནི, ཨི་སྶ་རི་ཡ་བྷོ་གཱ་དི, ཏ་སྶ བྷཱ་ཝོ པཱ་རི་ཛ་ཉྙཾ, ཨི་སྶ་རི་ཡ་བྷོ་གཱ་དི་ཀྑ་ཡོ, ཏཾ པ་ཏྟོ་ཏི པཱ་རི་ཛ་ཉྙ་པ་ཏྟོ, ཏ་སྶ. ‘‘པཱ་རི་ཛུ་ཉྙ་པ་ཏྟ་སྶཱ’’ཏི་པི ཨུ་ཀཱ་རེ་ན ས་ཧ པཱ་ཋོ ཨ་ཏྠི. ཁཱི་ཎ་ཀོ་ལ་ཉྙོཏི ཨེ་ཏྠ ཀུ་ལེ ཛཱ་ཏཱ ཀོ་ལ་ཉྙཱ, ཎྱ་པ་ཙྩ་ཡོ, ན་ཀཱ་རཱ་ག་མོ. ཁཱི་ཎཱ ཀོ་ལ་ཉྙཱ ཨ་སྶཱ་ཏི ཁཱི་ཎ་ཀོ་ལ་ཉྙོ་ཏི ཝ་ཙ་ན་ཏྠཾ ད་སྶེ་ནྟོ ཨཱ་ཧ ‘‘མཱ་ཏི་པ་ཀྑ་པི་ཏི་པ་ཀྑ་ཏོ’’ཏི་ཨཱ་དི. ཏ་ཏྠ མཱ་ཏི་པ་ཀྑ་པི་ཏི་པ་ཀྑ་ཏོཏི མཱ་ཏུ་ཡཱ པ་ཀྑོ མཱ་ཏི་པ་ཀྑོ, པི་ཏུ་ནོ པ་ཀྑོ པི་ཏི་པ་ཀྑོ, མཱ་ཏི་པ་ཀྑོ ཙ པི་ཏི་པ་ཀྑོ ཙ མཱ་ཏི་པ་ཀྑ་པི་ཏི་པ་ཀྑཱ. ཕཱ་ཏིཾ ཀཱ་ཏུནྟི ཨེ་ཏྠ ཕཱ-དྷཱ་ཏུ ཝ་ཌྜྷ་ན་ཏྠོ་ཏི ཨཱ་ཧ ‘‘ཝ་ཌྜྷེ་ཏུ’’ནྟི. ‘‘པུ་ཙྪི་ཡ་མཱ་ནོ’’ཏི ཨི་མི་ནཱ ཨ་ནུ་ཡུ་ཉྫི་ཡ་མཱ་ནོཏི ཨེ་ཏྠ ཨ་ནུ་ཏྱཱུ་པ་ས་གྒ་ཝ་སེ་ན ཡུ་ཛ་ས་དྡོ པུ་ཙྪ་ན་ཏྠོ་ཏི ད་སྶེ་ཏི.
ཐེ་ཡྻ་སཾ་ཝཱ་ས་ཀོཏི ཐེ་ན་ནཾ ཐེ་ཡྻཾ ན་ཀཱ་ར་སྶ ཡ་ཀཱ་རཾ ཀ་ཏྭཱ, ཐེ་ཡྻཱ་ཡ སཾ་ཝཱ་ས་ཀོ ཨི་མ་སྶཱ་ཏི ཐེ་ཡྻ་སཾ་ཝཱ་ས་ཀོ. ཨེ་ཏྠ ཙ ན ཀེ་ཝ་ལཾ ཝ་སྶ་ག་ཎ་ནཱ་དི་ཀོ་ཡེ་ཝ སཾ་ཝཱ་སོ ནཱ་མ ཧོ་ཏི, ཨ་ཐ ཁོ ཐེ་ཡྻཱ་ཡ ལི་ངྒ་ག་ཧ་ཎ་མྤི སཾ་ཝཱ་སོ་ཡེ་ཝ ནཱ་མ. ཏ་སྨཱ ཏ་སྶ ཏི་ཝི་དྷ་བྷཱ་ཝཾ ད་སྶེ་ནྟོ ཨཱ་ཧ ‘‘ཏ་ཡོ’’ཏི་ཨཱ་དི. ཏ་ཏྠ ལི་ངྒཾ ཐེ་ནེ་ཏཱི་ཏི ལི་ངྒ་ཐེ་ན་ཀོ, ཨེ་སེ་ཝ ན་ཡོ ཨི་ཏ་རེ་སུ་པི. ཏ་མ་ཏྠཾ ཝི་ཏྠཱ་རེ་ནྟོ ཨཱ་ཧ ‘‘ཏ་ཏྠཱ’’ཏི་ཨཱ་དི. ཏ་ཏྠ ཡོཏི ཐེ་ཡྻ་སཾ་ཝཱ་ས་ཀོ. ལི་ངྒ་མ་ཏྟ་སྶེ་ཝཱཏི ཨེ་ཏྠ མ་ཏྟ་ས་དྡེ་ན སཾ་ཝཱ་སཱ་ད་ཡོ ནི་ཝ་ཏྟེ་ཏི.
ཝི་དེ་སནྟི ཨ་ཏྟ་ནོ དེ་ས་ཏོ ཝི་ཡོ་གཾ དེ་སཾ. ཝི་ས་དྡོ ཧེ་ཏྠ ཝི་ཡོ་ག་ཏྠ་ཝཱ་ཙ་ཀོ. ཨ་ཐ ཝཱ ཝི དཱུ་རཾ དེ་སཾ. ཝི་ས་དྡོ ཧེ་ཏྠ དཱུ་ར་ཏྠ་ཝཱ་ཙ་ཀོ. མུ་སཱཏི ཨ་བྷཱུ་ཏ་ཏྠེ དུ་ཏི་ཡ་ནྟ་ནི་པཱ་ཏོ, ཨ་བྷཱུ་ཏཾ ཝ་ཙ་ན་ནྟི ཨ་ཏྠོ. པ་ཊི་བཱ་ཧ་ཏཱིཏི ཨ་ཉྙེ ནི་ཝཱ་རེ་ཏི. སཾ་ཝཱ་ས་ཐེ་ན་ཀོ ནཱ་མཱཏི ཨེ་ཏྠ ཀོ སཾ་ཝཱ་སོ ནཱ་མ, ན་ནུ ཨེ་ཀ་ཀ་མྨཱ་དི་ཀོ་ཏི ཨཱ་ཧ ‘‘བྷི་ཀྑུ་ཝ་སྶ་ག་ཎ་ནཱ་དི་ཀོ’’ཏི་ཨཱ་དི. བྷི་ཀྑུ་ཝ་སྶ་ག་ཎ་ནཱ་དི་ཀོཏི ཨཱ་དི་ས་དྡེ་ན ཡ་ཐཱ་ཝུ་ཌྜྷཾ ཝ་ནྡ་ན་སཱ་དི་ཡ་ནཾ ཨཱ་ས་ན་པ་ཊི་བཱ་ཧ་ནཾ ཨུ་པོ་ས་ཐ་པ་ཝཱ་ར་ཎཱ་དཱི་སུ ས་ནྡི་སྶ་ན་ནྟི ཨི་མཱ་ནི ས་ངྒ་ཎྷཱ་ཏི. ‘‘ཀི་རི་ཡ་བྷེ་དོ’’ཏི ཨི་མི་ནཱ སཾ ཨེ་ཀ་ཏོ ཝ་སི་ཡ་ཏི ཨ་ནེ་ནཱ་ཏི སཾ་ཝཱ་སོཏི ཝ་ཙ་ན་ཏྠེ་ན ཀི་རི་ཡ་བྷེ་དོ སཾ་ཝཱ་སོ ནཱ་མཱ་ཏི ད་སྶེ་ཏི. ཨི་མ་སྨིཾ ཨ་ཏྠེཏི ཨི་མ་སྨིཾ ཝ་ཏྠུ་མྷི, ཨི་མ་སྨིཾ ཋཱ་ནེ་ཏི ཨ་ཏྠོ. ཨི་མི་ནཱ པཱ་རཱ་ཛི་ཀཱ་དི་ཊྛཱ་ནེ པ་ན ཨེ་ཀ་ཀ་མྨཱ་དི་ཀོ སཾ་ཝཱ་སོ ནཱ་མཱ་ཏི ད་སྶེ་ཏི.
‘‘ལི་ངྒ་སྶ ཙེ་ཝ སཾ་ཝཱ་ས་སྶ ཙཱ’’ཏི ཨི་མི་ནཱ ཨུ་བྷ་ཡ་ཐེ་ན་ཀོཏི ཨེ་ཏྠ ཨུ་བྷ་ཡ་ས་རཱུ་པཾ ད་སྶེ་ཏི.
ཨེ་ཏྠཱཏི ཐེ་ཡྻ་སཾ་ཝཱ་ས་ཀ་ཊྛཱ་ནེ. རཱ་ཛ…པེ… བྷ་ཡེ་ཧི ཝཱཏི ཨེ་ཏྠ བྷ་ཡ་ས་དྡོ པ་ཙྩེ་ཀཾ ཡོ་ཛེ་ཏ་བྦོ. རཱ་ཛ་བྷ་ཡེ་ན ཙ དུ་བྦྷི་ཀྑ་བྷ་ཡེ་ན ཙ ཀ་ནྟཱ་ར་བྷ་ཡེ་ན ཙ རོ་ག་བྷ་ཡེ་ན ཙ ཝེ་རི་བྷ་ཡེ་ན ཙཱ་ཏི ཧི ཨ་ཏྠོ. ཙཱི་ཝ་ར་ག་ཧ་ཎ་ཏྠནྟི ཙཱི་ཝ་རཱ་ཧ་ར་ཎ་ཏྠཾ, ཨ་ཡ་མེ་ཝ ཝཱ པཱ་ཋོ. ཝཱས་དྡོ ཧེ་ཏྭ་ཏྠཾ ཝཱ ས་མྤ་དཱ་ན་ཏྠཾ ཝཱ ས་མྤི་ཎྜེ་ཏི. ཨ་ཡཾ གཱ་ཐཱ ཝི་བྷ་ཏྟི་ཡཱ ཨུ་པྤ་ཊི་པཱ་ཊི་ཏྟཱ བྷ་གྒ་རཱི་ཏི་ས་ངྑཱ་ཏཱ ཨ་ལ་ངྐཱ་ར་དོ་སཱ ན མུ་ཏྟཱ. ལི་ངྒནྟི ས་མ་ཎ་ལི་ངྒཾ. ཨི་དྷཱཏི ཨི་མ་སྨིཾ སཱ་ས་ནེ.
ནཱ་དྷི་ཝཱ་སེ་ཏཱིཏི ན ས་མྤ་ཊི་ཙྪ་ཏི. ཡཱ་ཝཱཏི ཡ་ཏྟ་ཀཾ ཀཱ་ལཾ, ཨ་ཡཾ པ་ནེ་ཏྠ ཡོ་ཛ་ནཱ – ཨི་དྷ ཡོ རཱ་ཛ…པེ… བྷ་ཡེ་ན ཝཱ ཙཱི་ཝ་ར་ག་ཧ་ཎ་ཏྠཾ ཝཱ ལི་ངྒཾ ཨཱ་དི་ཡ་ཏི, སོ སུ་དྡྷ་མཱ་ན་སོ ཧུ་ཏྭཱ ཡཱ་ཝ སཾ་ཝཱ་སཾ ནཱ་དྷི་ཝཱ་སེ་ཏི, ཏཱ་ཝ ཨེ་སོ ‘‘ཐེ་ཡྻ་སཾ་ཝཱ་ས་ཀོ ནཱ་མཱ’’ཏི ན ཝུ་ཙྩ་ཏཱི་ཏི.
ཏ་ཏྲཱཏི ཏཱ་སུ གཱ་ཐཱ་སུ. ཨི་དྷཱཏི ཨི་མ་སྨིཾ སཱ་ས་ནེ. ཨེ་ཝནྟི ལི་ངྒེ ག་ཧི་ཡ་མཱ་ནེ. ཏ་སྨིནྟི ཛ་ནེ. ཨ་ནོ་ས་རི་ཏྭཱ་ཝཱཏི ཨ་ནོ་ཀྐ་མི་ཏྭཱ་ཝ. ལི་ངྒཾ ཨ་པ་ནེ་ཏྭཱཏི ས་ཡཾ ག་ཧི་ཏཾ ས་མ་ཎ་ལི་ངྒཾ ཝི་ནཱ་སེ་ཏྭཱ. པ་བྦ་ཛི་ཏཱ་ལ་ཡནྟི པ་བྦ་ཛི་ཏ་ཚཱ་ཡཾ. པུ་བྦེཏི སཾ་ཝཱ་ས་ཐེ་ན་ཀེ.
ས་བྦ་པཱ་ས་ཎྜི་ཡ་བྷ་ཏྟཱ་ནཱིཏི ས་བྦཱ་ནི པཱ་ས་ཎྜཾ ཨུ་དྡི་སྶ དི་ནྣཱ་ནི བྷ་ཏྟཱ་ནི.
ས་ཏྟེ ཝ་ཧ་ཏཱི་ཏི ས་ཏྟ་ཝཱ་ཧོ. ཝི་ར་མི་ཏ་བྦ་ནྟི ཝེ་རཾ, ཏཾ པ་ཝ་ཏྟེ་ཏཱི་ཏི ཝེ་རི་ཀོ. ཀཱ་ཡེ་ན པ་རི་ཧ་རི་ཏ་བྦཱ་ནཱི་ཏི ཀཱ་ཡ་པ་རི་ཧཱ་རི་ཡཱ་ནི. ཏནྟི ཏུ་ཝཾ. ཧཱི་ནཱ་ཡཱ་ཝ་ཏྟ་བྷཱ་ཝནྟི ཧཱི་ནཱ་ཡ གི་ཧི་བྷཱ་ཝཱ་ཡ ཨཱ་ཝ་ཏྟ་བྷཱ་ཝཾ.
ཨུ་པྤ་བྦ་ཛི་ཏྭཱཏི པ་བྦ་ཛ་ཝི་ཡོ་གཾ ཀ་ཏྭཱ. ཏ་མ་ཏྠནྟི ཨུ་པྤ་བྦ་ཛི་ཏ་ས་ངྑཱ་ཏ་མ་ཏྠཾ. ཨ་སྶཱཏི མ་ཧཱ་སཱ་མ་ཎེ་ར་སྶ.
མ་ཧ་ནྟོ ཝཱཏི ཨེ་ཏྠ ཝཱས་དྡོ ག་ར་ཧ་ཏྠོ. པ་གེ་ཝ ད་ཧ་རོ་ཏི ད་སྶེ་ཏི. ཨ་བྱ་ཏྟོ ཧོ་ཏཱི་ཏི ཡོ་ཛ་ནཱ. སོཏི སཱ་མ་ཎེ་རོ.
ཝ་ཙྪ་གོ་ར་ཀྑཱ་དཱི་ནཱིཏི ཨེ་ཏྠ ཝ་ཙྪོཏི ཏ་རུ་ཎ་གོ་ཎོ. སོ ཧི མཱ་ཏུ་ས་ནྟི་ཀེ ཝ་ས་ཏཱི་ཏི ཝ་ཙྪོ. མཱ་ཏུ་ཡཱ ཝི་ཡོ་ག་ཀཱ་ལེ ཝཱ ཝ་སྶ་ཏཱི་ཏི ཝ་ཙྪོ་ཏི ཝུ་ཙྩ་ཏི. ཨི་མི་ནཱ ད་མྨ་ག་ཝ་ཛ་ར་གྒ་ཝཱ་པི སཱ་མ་ཉྙ་ཏོ ག་ཧི་ཏཱ. གོ ཝུ་ཙྩ་ཏི ཁེ་ཏྟ་བྷཱུ་མི. ཝ་ཙྪོ ཙ གོ ཙ ཝ་ཙྪ་ག་ཝཱ, ཏེ་སཾ ར་ཀྑ་ནཾ ཝ་ཙྪ་གོ་ར་ཀྑོ, སོ ཨཱ་དི ཡེ་སཾ ཀ་སི་ཀ་མྨཱ་དཱི་ན་ནྟི ཝ་ཙྪ་གོ་ར་ཀྑཱ་དཱི་ནི. ‘‘སཱུ་པ་ས་མྤ་ནྣོ’’ཏི ཨི་མི་ནཱ ག་ཧ་ཊྛ་མྤི ས་ཙེ ཨུ་པ་ས་མྤཱ་དེ་ཏི, སཱུ་པ་ས་མྤ་ནྣོ་ཏི ད་སྶེ་ཏི. ཨ་ནུ་པ་ས་མྤ་ནྣ་ཀཱ་ལེ་ཡེ་ཝཱཏི སཱ་མ་ཎེ་ར་ཀཱ་ལེ་ཡེ་ཝ. ཝི་ན་ཡ་ཝི་ནི་ཙྪ་ཡེཏི ཝི་ན་ཡེ ཝུ་ཏྟ་སྶ ཐེ་ཡྻ་སཾ་ཝཱ་ས་ཀ་སྶ ཝི་ནི་ཙྪ་ཡེ. ཐེ་ཡྻ་སཾ་ཝཱ་ས་ཀོ ཧོ་ཏི ལི་ངྒ་སྶ ཨ་པ་ནཱི་ཏ་ཏྟཱ.
ཐེ་ཡྻ་སཾ་ཝཱ་ས་ཀོ ན ཧོ་ཏི ས་ལི་ངྒེ ཋི་ཏ་ཏྟཱ. ཨ་ཡ་མྤི ཐེ་ཡྻ་སཾ་ཝཱ་ས་ཀོ ན ཧོ་ཏི ཀཱ་སཱ་ཡེ ས་ཨུ་སྶཱ་ཧ་ཏྟཱ. ཐེ་ཡྻ་སཾ་ཝཱ་ས་ཀོ ཧོ་ཏི ཀཱ་སཱ་ཡེ དྷུ་ར་སྶ ནི་ཀྑི་ཏྟ་ཏྟཱ.
ཐེ་ཡྻ་སཾ་ཝཱ་ས་ཀོ ན ཧོ་ཏི ས་ལི་ངྒེ ཋི་ཏ་ཏྟཱ. ནེ་ཝ ཐེ་ཡྻ་སཾ་ཝཱ་ས་ཀོ ཧོ་ཏི ཀཱ་སཱ་ཡེ ས་ཨུ་སྶཱ་ཧ་ཏྟཱ. མེ་ཐུ་ན་སེ་ཝ་ནཱ་དཱི་ཧཱིཏི་ཨཱ་དི་ས་དྡེ་ན པཱ་ཎཱ་ཏི་པཱ་ཏཱ་ད་ཡོ ས་ངྒ་ཎྷཱ་ཏི. ཐེ་ཡྻ་སཾ་ཝཱ་ས་ཀོ ཧོ་ཏི ཀཱ་སཱ་ཡེ དྷུ་ར་སྶ ནི་ཀྑི་ཏྟ་ཏྟཱ. ཨོ་ཝ་ཊྚི་ཀནྟི ཨ་དྷོ་ཝ་ཊྚེ་ན ཀ་ར་ཎཾ. ར་ཀྑ་ཏི ཏཱ་ཝཱཏི ཏཱ་ཝ ར་ཀྑ་ཏི ཝཱི་མཾ་ས་ནེ་ན ནི་ཝཱ་སི་ཏ་ཏྟཱ. ལི་ངྒནྟི ས་མ་ཎ་ལི་ངྒཾ. ཐེ་ཡྻ་སཾ་ཝཱ་ས་ཀོ ཧོ་ཏི གི་ཧི་ལི་ངྒ་སྶ ས་མྤ་ཊི་ཙྪི་ཏ་ཏྟཱ.
ཝཱི་མཾ་ས་ཏི ཝཱ ས་མྤ་ཊི་ཙྪ་ཏི ཝཱ ར་ཀྑ་ཏི་ཡེ་ཝ ཨོ་དཱ་ཏ་ཝ་ཏྠ་སྶ ཨ་ནྟོ་ཀཱ་སཱ་ཡ་བྷཱ་ཝ་ཏོ. ‘‘བྷི་ཀྑུ་ནི་ཡཱ་པི ཨེ་སེ་ཝ ན་ཡོ’’ཏི ཝུ་ཏྟ་མེ་ཝ་ཏྠཾ ཝི་བྷཱ་ཝེ་ནྟོ ཨཱ་ཧ ‘‘སཱ་པཱི’’ཏི་ཨཱ་དི.
ཝུ་ཌྜྷ་པ་བྦ་ཛི་ཏོ སཱ་མ་ཎེ་རོ་ཏི ས་མྦ་ནྡྷོ. པཱ་ལི༹་ཡ་མྤཱིཏི པ་ནྟི་ཡ་མྤི. སེ་ནོ མཾ་ས་པེ་སིཾ ག་ཧེ་ཏྭཱ ག་ཙྪ་ཏི ཝི་ཡ བྷ་ཏྟ་པི་ཎྜེ པ་ཏྟཾ ཨུ་པ་ནཱ་མེ་ཏྭཱ ག་ཧེ་ཏྭཱ ག་ཙྪ་ཏི. ཐེ་ཡྻ་སཾ་ཝཱ་ས་ཀོ ན ཧོ་ཏི ཝ་སྶཱ་ནཾ ཨ་ག་ཎ་ན་ཏྟཱ.