༤༧. པ་ཎྜ་ཀ་ཝ་ཏྠུ་ཀ་ཐཱ

༡༠༩. ད་ཧ་ར་ཏ་རུ་ཎ་ས་དྡཱ་ནཾ ཝེ་ཝ་ཙ་ན་ཏྟཱ ཝུ་ཏྟཾ ‘‘ད་ཧ་རེ…པེ… ཏ་རུ་ཎེ’’ཏི. མོ་ལི༹་ག་ལླས་དྡོ ཐཱུ་ལ་ས་རཱི་ར་ཝཱ་ཙ་ཀོ ཨ་ནི་པྥ་ནྣ་པཱ་ཊི་པ་དི་ཀོ་ཏི ཨཱ་ཧ ‘‘མོ་ལི༹་ག་ལླེ་ཏི ཐཱུ་ལ་ས་རཱི་རེ’’ཏི. ཧ་ཏྠི་བྷ་ཎྜེཏི ཨེ་ཏྠ ཧ་ཏྠི་ས་ངྑཱ་ཏཾ བྷ་ཎྜཾ ཨེ་ཏེ་ས་ནྟི ཧ་ཏྠི་བྷ་ཎྜཱ་ཏི ཝུ་ཏྟེ ཧ་ཏྠི་གོ་པ་ཀཱ་ཏི ཨཱ་ཧ ‘‘ཧ་ཏྠི་གོ་པ་ཀེ’’ཏི. ཨ་བྷི་དྷཱ་ནེ (ཨ་བྷི་དྷཱ་ན་པྤ་དཱི་པི་ཀཱ་ཡཾ ༣༦༧ གཱ་ཐཱ་ཡཾ) པ་ན ‘‘ཧ་ཏྠི་མེ་ཎྜོ’’ཏི པཱ་ཋོ ཨ་ཏྠི.

པ་ཎྜ་ཀོཏི པ་ཌ་ཏི ཝི་ཀ་ལ་བྷཱ་ཝཾ ག་ཙྪ་ཏཱི་ཏི པ་ཎྜ་ཀོ. སཾ་ཁེ་པེ་ན ཝུ་ཏྟ་མ་ཏྠཾ ཝི་ཏྠཱ་རེ་ན ད་སྶེ་ནྟོ ཨཱ་ཧ ‘‘ཏ་ཏྠཱ’’ཏི་ཨཱ་དི. ཏ་ཏྠ ཡ་སྶཱཏི པ་ཎྜ་ཀ་སྶ. ཨ་སུ་ཙི་ནཱཏི ས་མྦྷ་ཝེ་ན. ཨཱ་སི་ཏྟ་སྶཱཏི ཨཱ་སི་ཉྩི་ཏ་བྦ་སྶ. ཨི་མི་ནཱ ཨ་སུ་ཙི་ནཱ མུ་ཁེ ཨཱ་སི་ཉྩི་ཏ་བྦོ་ཏི ཨཱ་སི་ཏྟོཏི ཝ་ཙ་ན་ཏྠཾ ད་སྶེ་ཏི. ཨ་ཡནྟི པ་ཎྜ་ཀོ. ཨ་ཛ྄ཛྷཱ་ཙཱ་རནྟི མེ་ཐུ་ན་ཛ྄ཛྷཱ་ཙཱ་རཾ. ‘‘ཨུ་སཱུ་ཡཱ་ཡ ཨུ་པྤ་ནྣཱ་ཡཱ’’ཏི་ཨི་མི་ནཱ ཨུ་སཱུ་ཡ་ཏཱི་ཏི ཨུ་སཱུ་ཡོཏི ཝ་ཙ་ན་ཏྠཾ ད་སྶེ་ཏི. ཨུ་པ་ཀྐ་མེ་ནཱཏི ཝཱ་ཡཱ་མེ་ན. བཱི་ཛཱ་ནཱིཏི ཨ་ཎྜཱ་ནི. ཨི་མི་ནཱ ཨུ་པ་ཀྐ་མེ་ན ཨེ་ཏ་སྨཱ བཱི་ཛཱ་ནི ཨ་པ་ནཱི་ཏཱ་ནཱི་ཏི ཨོ་པ་ཀྐ་མི་ཀོཏི ཝ་ཙ་ན་ཏྠཾ ད་སྶེ་ཏི. པ་ཀྑེ པ་ཝ་ཏྟོ པ་ཎྜ་ཀོ པ་ཀྑ་པ་ཎྜ་ཀོ, པ་ཀྑེ པ་རི་ལཱ༹་ཧ་ཝཱུ་པ་ས་མོ པ་ཎྜ་ཀོ པ་ཀྑ་པ་ཎྜ་ཀོཏི ཝ་ཙ་ན་ཏྠཾ ད་སྶེ་ནྟོ ཨཱ་ཧ ‘‘ཨེ་ཀ་ཙྩོ པ་ནཱ’’ཏི་ཨཱ་དི. ཏ་ཏྠ པུ་བྦ་ཝ་ཙ་ན་ཏྠེ པ་ཀྑེཏི ཀཱ་ལ་པ་ཀྑེ་ཏི ཨ་ཏྠོ ད་ཊྛ་བྦོ. པ་ཙྪི་མ་ཝ་ཙ་ན་ཏྠེ པ་ཀྑེཏི ཛུ་ཎྷ་པ་ཀྑེ་ཏི ཨ་ཏྠོ ད་ཊྛ་བྦོ. ‘‘ཨ་ཀུ་ས་ལ་ཝི་པཱ་ཀཱ་ནུ་བྷཱ་ཝེ་ནཱ’’ཏི པ་དཾ ‘‘པ་ཎྜ་ཀོ ཧོ་ཏཱི’’ཏི་པ་དེ་ཡེ་ཝ ས་མྦ་ནྡྷི་ཏ་བྦཾ. ཨ་སྶཱཏི པ་ཎྜ་ཀ་སྶ. ན་པུཾ་ས་ཀ་པ་ཎྜ་ཀོཏི པུ་རི་སོ ཝི་ཡ སཱ་ཏི་ས་ཡཾ པ་ཙྩཱ་མི་ཏྟེ ན པུཾ་ས་ཀེ་ཏི ཨ་བྷི་མ་དྡ་ནཾ ཀཱ་ཏུཾ ན ས་ཀྐོ་ཏཱི་ཏི ན་པུཾ་ས་ཀོ. ན པུ་མཱ ན ཨི་ཏྠཱི་ཏི ན་པུཾ་ས་ཀོཏི ཀ་ཏྭཱ ན་པུ་མ་ན་ཨི་ཏྠི་ས་དྡ་སྶ ནི་རུ་ཏྟི་ན་ཡེ་ན ན་པུཾ་ས་ཀ་ཀ་ར་ཎ་མྤི ཝ་ད་ནྟི. ན་པུཾ་ས་ཀོ་ཡེ་ཝ པ་ཎྜ་ཀོ ན་པུཾ་ས་ཀ་པ་ཎྜ་ཀོ. ཏེ་སཱུཏི པ་ཉྩ་སུ པ་ཎྜ་ཀེ་སུ. ཏེ་སུ་པཱིཏི ཨོ་པ་ཀྐ་མི་ཀཱ་དཱི་སུ ཏཱི་སུ་པི. ‘‘ཡ་སྨིཾ པ་ཀྑེ’’ཏི ཨི་མི་ནཱ པ་ཀྑེ པ་ཀྑེ པ་ཎྜ་ཀ་བྷཱ་ཝཾ ནི་ཝ་ཏྟེ་ཏི. ཨ་སྶཱཏི པ་ཎྜ་ཀ་སྶ. ཨེ་ཏྠཱཏི པ་ཉྩ་སུ པ་ཎྜ་ཀེ་སུ. སོ་པཱིཏི པ་ཎྜ་ཀོ་པི. ཨི་ཏོཏི པ་ཎྜ་ཀ་ཝཱ་ར་ཏོ. ‘‘ཨེ་སེ་ཝ ན་ཡོ’’ཏི ཨི་མི་ནཱ ལི་ངྒ་ནཱ་ས་ན་མེ་ཝ ཨ་ཏི་དི་ས་ཏི.