༤༢. སི་ཀྑཱ་པ་ད་ད་ཎྜ་ཀ་མྨ་ཝ་ཏྠུ་ཀ་ཐཱ

༡༠༦. ནཱ་ས་ན་ཝ་ཏྠཱུཏི ལི་ངྒ་ནཱ་ས་ནཱ་ཡ ཨ་དྷི་ཊྛཱ་ནཾ, ཀཱ་ར་ཎ་ནྟི ཝུ་ཏྟཾ ཧོ་ཏི. པ་ཙྪི་མཱ་ནཾ པ་ཉྩ་ནྣ་ནྟི ཡོ་ཛ་ནཱ. ད་ཎྜ་ཀ་མྨ་ཝ་ཏྠཱུཏི ད་ཎྜ་ཀ་མྨ་སྶ ཀཱ་ར་ཎཾ.

༡༠༧. ཨ་པྤ་ཏི་སྶཱཏི ཨེ་ཏྠ བྷི་ཀྑཱུ་ནཾ ཝ་ཙ་ན་སྶ པ་ཊི་མུ་ཁཾ ཨཱ་ད་རེ་ན ཨ་ས་ཝ་ནཾ བྷི་ཀྑཱུ ཛེ་ཊྛ་ཀ་ཊྛཱ་ནེ ན ཋ་པེ་ནྟི ནཱ་མཱ་ཏི ད་སྶེ་ནྟོ ཨཱ་ཧ ‘‘བྷི་ཀྑཱུ ཛེ་ཊྛ་ཀ་ཊྛཱ་ནེ’’ཏི་ཨཱ་དི. ‘‘ས་མཱ་ན་ཛཱི་ཝི་ཀཱ’’ཏི ཨི་མི་ནཱ ཨ་ས་བྷཱ་ག་ཝུ་ཏྟི་ཀཱཏི ཨེ་ཏྠ ས་བྷཱ་གས་དྡོ ས་མཱ་ན་ས་དྡ་པ་རི་ཡཱ་ཡོ, ཝུ་ཏྟིས་དྡོ ཛཱི་ཝི་ཀ་པ་རི་ཡཱ་ཡོ་ཏི ད་སྶེ་ཏི. པ་རི་ས་ཀྐ་ཏཱིཏི ཨེ་ཏྠ ས་ཀྐ ག་ཏི་ཡ་ནྟི་དྷཱ་ཏུ་པཱ་ཋེ་སུ (ས་དྡ་ནཱི་ཏི་དྷཱ་ཏུ་མཱ་ལཱ་ཡཾ ༡༦ ལ༹་ཀཱ་ར་ནྟ་དྷཱ་ཏུ) ཝུ་ཏྟ་ཏྟཱ པ་རི་པུ་བྦོ ས་ཀྐ་ས་དྡོ ག་ཏྱ་ཏྠོ་ཏི ཨཱ་ཧ ‘‘པ་ར་ཀྐ་མ་ཏཱི’’ཏི. ཀི་ནྟཱིཏི ཀི་མེ་ཝ. ཨི་ཏིས་དྡོ ཧེ་ཏྠ ཨེ་ཝ་ས་དྡ་ཏྠོ, ཀེ་ན ཨེ་ཝ ཨུ་པཱ་ཡེ་ནཱ་ཏི ཧི ཨ་ཏྠོ. ཨ་ཀྐོ་ས་ཏི ཙེ་ཝཱཏི ཛཱ་ཏི་ཨཱ་དཱི་ཧི ཨ་ཀྐོ་ས་ཏི ཙེ་ཝ. བྷེ་དེ་ཏཱིཏི བྷེ་དཱ་པེ་ཏི. ཨཱ་ཝ་ར་ཎཾ ཀཱ་ཏུནྟི ཨེ་ཏྠ ཨཱ་ཝ་ར་ཎ་ས་དྡོ ནི་ཝཱ་ར་ཎ་ས་དྡ་ཝེ་ཝ་ཙ་ནོ་ཏི ཨཱ་ཧ ‘‘ནི་ཝཱ་ར་ཎཾ ཀཱ་ཏུ’’ནྟི. ཡ་ཏྠཱཏི ཡ་སྨིཾ པ་རི་ཝེ་ཎེ, སེ་ནཱ་ས་ནེ ཝཱ. ཝ་སྶ་གྒེ་ནཱཏི ཝ་སྶ་ག་ཎ་ནཱ་ཡ. (ཏ་སྶཱཏི པ་རི་ཝེ་ཎ་སེ་ནཱ་ས་ན་སྶ. ཨུ་པ་ཙཱ་རེཏི ཨཱ་ས་ནྣེ). མུ་ཁ་དྭཱ་རི་ཀནྟི མུ་ཁ་ས་ངྑཱ་ཏེ་ན དྭཱ་རེ་ན ཨ་ཛ྄ཛྷོ་ཧ་རི་ཏ་བྦཾ. ‘‘ཝ་ད་ཏོ་པཱི’’ཏི ཨི་མི་ནཱ ཝ་ཙཱི་པ་ཡོ་གེ་ན དུ་ཀྐ་ཊཱ་པ་ཏྟིཾ ད་སྶེ་ཏི, ‘‘ནི་ཀྑི་པ་ཏོ་པཱི’’ཏི ཨི་མི་ནཱ ཀཱ་ཡ་པ་ཡོ་གེ་ན. ཨ་ནཱ་ཙཱ་ར་སྶཱཏི ད་ཎྜ་ཀ་མྨེ ཨ་ནཱ་ཙཱ་ར་སྶ. ཨེ་ཏྟ་ཀེ ནཱ་མ ད་ཎྜ་ཀ་མྨེཏི ཨེ་ཏྟ་ཀེ ནཱ་མ ཨུ་ད་ཀཱ་ཧ་རཱ་པ་ནཱ་དི་ས་ངྑཱ་ཏེ ད་ཎྜ་ཀ་མྨེ. ཨི་དནྟི ཡཱ་གུ་བྷ་ཏྟཱ་དིཾ. ལ་ཙྪ་སཱིཏི ལ་བྷི་སྶ་སི. ‘‘ཨེ་ཏྟ་ཀེ ནཱ་མ ད་ཎྜ་ཀ་མྨེ’’ཏི ཝུ་ཏྟ་ཝ་ཙ་ན་སྶ ཡུ་ཏྟིཾ ད་སྶེ་ནྟོ ཨཱ་ཧ ‘‘བྷ་ག་ཝ་ཏཱ ཧཱི’’ཏི་ཨཱ་དི. ད་ཎྜ་ཀ་མྨནྟི ད་ཎྜེ་ནྟི ད་མེ་ནྟི ཨེ་ཏེ་ནཱ་ཏི ད་ཎྜོ, སོ་ཡེ་ཝ ཀ་ཏྟ་བྦ་ཏྟཱ ཀ་མྨ་ནྟི ད་ཎྜ་ཀ་མྨཾ ཨཱ་ཝ་ར་ཎཱ་དི. ཨ་པ་རཱ་དྷཱ་ནུ་རཱུ་པནྟི ཝཱི་ཏི་ཀྐ་མ་སྶ ཨ་པ་རཱ་དྷ་སྶ ཨ་ནུ་རཱུ་པཾ. ཏ་མྤཱིཏི ཨུ་ད་ཀ་དཱ་རུ་ཝཱ་ལི་ཀཱ་དི་ཨཱ་ཧ་རཱ་པ་ཎ་མྤི. ཏ་ཉྩ ཁོཏི ཏ་ཉྩ ཀ་ར་ཎཾ. ཨོ་ར་མི་སྶ་ཏཱིཏི ཀཱ་ཡེ་ན ཨོ་ར་མི་སྶ་ཏི. ཝི་ར་མི་སྶ་ཏཱིཏི ཝཱ་ཙཱ་ཡ ཝི་ར་མི་སྶ་ཏི. ཨུ་ཎྷ་པཱ་སཱ་ཎེ ཝཱཏི་ཨཱ་དཱི་སུ ཝཱ་ས་དྡེ་ན ཨ་ཉྙཱ་ནི་པི ཨ་ཏྟ་ཏཱ་པ་ན་པ་རི་ཏཱ་པ་ནཱ་དཱི་ནི ཀ་མྨཱ་ནི ས་ངྒ་ཎྷཱ་ཏི.