༤༡. རཱ་ཧུ་ལ་ཝ་ཏྠུ་ཀ་ཐཱ
༡༠༥. ཀ་པི་ལ་ཝ་ཏྠཱུཏི ཨེ་ཏྠ ཀ་པི་ལོཏི ཀ་ལཱ༹་ར་ཝ་ཎྞོ ཨི་སི ཝུ་ཙྩ་ཏི, སོ ཝ་ས་ཏི ཨེ་ཏྠཱ་ཏི ཀ་པི་ལ་ཝ་ཏྠུ, ཨ་སྶ་མོ. ཏ་སྨིཾ ཋཱ་ནེ མཱ་པི་ཏ་ཏྟཱ ན་ག་ར་མྤི ཀ་པི་ལ་ཝ་ཏྠཱུ་ཏི (དཱི. ནི. ཨ་ཊྛ. ༡.༢༦༧; སུ. ནི. ཨ་ཊྛ. ༢.༣༦༢) ཝུ་ཙྩ་ཏི. ཨ་ཡནྟི ཝ་ཀྑ་མཱ་ན་ཀ་ཐཱ. སུ་དྡྷོ་ད་ན་མ་ཧཱ་རཱ་ཛཱཏི ཨེ་ཏྠ སུ་དྡྷོ་ད་ནོཏི ཏ་སྶ ར་ཉྙོ ནཱ་མཾ. ཨ་ཐ ཝཱ སུ་དྡྷཾ ཨོ་ད་ནཾ ཨི་མ་སྶཱ་ཏི སུ་དྡྷོ་ད་ནོ, སོ་ཡེ་ཝ མ་ཧཱ་རཱ་ཛཱ སུ་དྡྷོ་ད་ན་མ་ཧཱ་རཱ་ཛཱ. ཝི་ཧ་ར་ཏི ཀི་རཱ་ཏི ས་མྦ་ནྡྷོ. སོཏི སུ་དྡྷོ་ད་ན་མ་ཧཱ་རཱ་ཛཱ. རཱ་ཛ་ག་ཧནྟི རཱ་ཛ་ག་ཧ་ན་ག་རཾ. སཱ་དྷཱུཏི ཨཱ་ཡཱ་ཙ་ན་ཏྠེ ནི་པཱ་ཏོ. ཨཱ་ཡཱ་ཙཱ་མཱི་ཏི ཧི ཨ་ཏྠོ. མེཏི མ་མ, པུ་ཏྟ་ནྟི ས་མྦ་ནྡྷོ, ཨ་ནཱ་ད་རེ ཝཱ སཱ་མི་ཝ་ཙ་ནཾ. སོཏི ཨ་མ་ཙྩོ. སཱ་དྷཱུཏི ས་མྤ་ཊི་ཙྪ་ན་ཏྠེ ནི་པཱ་ཏོ. ཨེ་ཝ་ནྟི ཧི ཨ་ཏྠོ. ཨ་ཐཱཏི ཏ་སྨིཾ ནི་སཱི་ད་ན་ཀཱ་ལེ. ཨ་སྶཱཏི པུ་རི་ས་ས་ཧ་སྶ་པ་རི་ཝཱ་ར་སྶ ཨ་མ་ཙྩ་སྶ. ཏ་ཏོཏི ཡཱ་ཙ་ན་ཀཱ་ར་ཎཱ. ནནྟི པུ་རི་ས་ས་ཧ་སྶ་པ་རི་ཝཱ་རཾ ཨ་མ་ཙྩཾ. ཏ་ཏྠེ་ཝཱཏི རཱ་ཛ་ག་ཧེ་ཡེ་ཝ. ཏེ་པཱིཏི ཨ་ཊྛ དཱུ་ཏཱ་པི. ཏེཏི ན་ཝ དཱུ་ཏཱ.
ཨ་ཐཱཏི ཏ་ཏོ པ་ཙྪཱ. ཨེ་ཀ་དི་ཝ་ས་ཛཱ་ཏ་ཀནྟི ཨེ་ཀ་སྨིཾ དི་ཝ་སེ ཛཱ་ཏ་ཀཾ. སོཏི ཀཱ་ལུ༹་དཱ་ཡཱི་ཨ་མ་ཙྩོ. པ་བྦ་ཛི་ཏྭཱ་པཱིཏི པི་ས་དྡེ་ན ‘‘ཨ་པ་བྦ་ཛི་ཏྭཱ་པཱི’’ཏི ཨ་ཏྠཾ ས་མྤི་ཎྜེ་ཏི. ཏ་ཐེ་ཝཱཏི ཡ་ཐཱ ན་ཝ དཱུ་ཏཱ ས་པ་རི་ཝཱ་རཱ ཨ་ར་ཧ་ཏྟཾ པཱ་པུ་ཎིཾ་སུ, ཏ་ཐེ་ཝཱ་ཏི ཨ་ཏྠོ. སོཏི ཀཱ་ལུ༹་དཱ་ཡཱི. ས་མྦྷ་ཏེ་སཱུཏི ས་མྦྷ་རི་ཏེ་སུ ག་ཧེ་ཏྭཱ ནི་ཊྛཱ་པི་ཏེ་སཱུ་ཏི ཨ་ཏྠོ. ཝི་སྶ་ཊྛ་ཀ་མྨེ་སཱུཏི ཝི་སྶ་ཊྛཱ ཀ་མྨ་ནྟཱ ཨེ་ཏེ་ས་ནྟི ཝི་སྶ་ཊྛ་ཀ་མྨ་ནྟཱ, ཏེ་སུ. སུ་པུ་པྥི་ཏེ་སཱུཏི སུ་ནྡ་ར་པུ་པྥ་ས་ཉྫཱ་ཏེ་སུ. པ་ཊི་པ་ཛྫ་ན་ཀྑ་མེཏི པ་ཊི་པ་ཛྫ་ན་ཏྠཱ་ཡ ཁ་མེ ཡོ་གྱེ. ག་མ་ན་ཝ་ཎྞཾ སཾ་ཝ་ཎྞེ་སཱི་ཏི ས་མྦ་ནྡྷོ. ས་ཊྛི་མ་ཏྟཱ་ཧཱིཏི (བུ. ཝཾ. ཨ་ཊྛ. ནི་དཱ་ན་ཀ་ཐཱ ༢) ས་ཊྛི་པ་མཱ་ཎཱ་ཧི. ཨེ་ཏནྟི ཨེ་ཏཾ སཾ་ཝ་ཎྞ་སྶ ཀཱ་ར་ཎཾ ཀི་ནྟི པུ་ཙྪི. ཙཱ་རི་ཀཾ པ་ཀྐ་མི་ཏུཾ ཀཱ་ལོ་ཏི ཡོ་ཛ་ནཱ. ཏེ་ན ཧཱིཏི ཨུ་ཡྻོ་ཛ་ན་ཏྠེ ནི་པཱ་ཏོ. བྷ་ག་ཝཱ པ་ཀྐཱ་མཱི་ཏི ས་མྦ་ནྡྷོ. པ་རི་ཝུ་ཏོཏི པ་རི་ས་མ་ནྟ་ཏོ ཝུ་ཏོ ཨཱ་ཝུ་ཏོ ནི་ཝུ་ཏོ ཧུ་ཏྭཱ་ཏི ས་མྦ་ནྡྷོ. ཨ་ཏུ་རི་ཏ་ཙཱ་རི་ཀནྟི ཨ་ཛ་ཝ་ན་ཙཱ་རི་ཀཾ.
ཨེ་ཝནྟི ཨི་མི་ནཱ ན་ཡེ་ན. བྷ་ག་ཝ་ཏི པ་ཀྐ་ནྟེ ཙ ས་ཏཱི་ཏི ཡོ་ཛ་ནཱ. ནི་ཀྑ་ནྟ་དི་ཝ་ས་ཏོཏི ཕ་གྒུ་ཎ་པུ་ཎྞ་མི་ཡཱ པཱ་ཊི་པ་ད་དི་ཝ་ས་ཏོ. ཨུ་ཏྟ་མ་བྷོ་ཛ་ན་ར་ས་སྶཱཏི ཨུ་ཏྟ་མ་བྷོ་ཛ་ན་ར་སེ་ན. ད་སྶ་ཐཱཏི ད་དེ་ཡྻཱ་ཐ. ཏེ་ནེ་ཝཱཏི ས་དྡྷཱ་ཡ ཨུ་པྤཱ་ད་ན་ཀཱ་ར་ཎེ་ནེ་ཝ. ནནྟི ཀཱ་ལུ༹་དཱ་ཡིཾ. བྷ་ག་ཝཱ ཋ་པེ་སཱི་ཏི ས་མྦ་ནྡྷོ. ཨེ་ཏ་ད་གྒནྟི ཨེ་སོ ཨ་གྒོ. ཡ་དི་དནྟི ཡོ ཨ་ཡཾ. ཨེ་ཏ་ད་གྒེཏི ཨེ་ཏ་ད་གྒ་ཊྛཱ་ནེ.
སཱ་ཀི་ཡཱ་པི ཁོ པ་ཧི་ཎིཾ་སཱུ་ཏི ས་མྦ་ནྡྷོ. ཉཱ་ཏི་སེ་ཊྛནྟི ཉཱ་ཏཱི་ནཾ སེ་ཊྛཾ, ཉཱ་ཏི་ཡེ་ཝ ཝཱ སེ་ཊྛཾ, བྷ་ག་ཝ་ནྟ་ནྟི ཡོ་ཛ་ནཱ. ནི་གྲོ་དྷ་ས་ཀྐ་སྶཱཏི ནི་གྲོ་དྷ་ནཱ་མ་ཀ་སྶ ས་ཀྐ་སྶ. ཏ་ཏྠཱཏི ནི་གྲོ་དྷ་ས་ཀྐ་སྶ ཨཱ་རཱ་མེ. པ་ཙྩུ་གྒ་མ་ནནྟི པ་ཊི་མུ་ཁཾ ཨུ་ཊྛ་ཧི་ཏྭཱ ག་མ་ནཾ. ཏ་ཏོཏི པ་ཧི་ཎ་ཏོ, པ་ར་ནྟི ས་མྦ་ནྡྷོ. རཱ་ཛ་ཀུ་མཱ་རེ ཙ རཱ་ཛ་ཀུ་མཱ་རི་ཀཱ་ཡོ ཙ པ་ཧི་ཎིཾ་སཱུ་ཏི ཡོ་ཛ་ནཱ. ཏེ་སནྟི རཱ་ཛ་ཀུ་མཱ་ར་རཱ་ཛ་ཀུ་མཱ་རི་ཀཱ་ནཾ. ཏ་ཏྲཱཏི ནི་གྲོ་དྷཱ་རཱ་མེ. མཱ་ནོ ཛཱ་ཏི ས་བྷཱ་ཝོ ཨེ་ཏེ་ས་ནྟི མཱ་ན་ཛཱ་ཏི་ཀཱ, མཱ་ནེ་ན, མཱ་ནོ ཝཱ ཐ་དྡྷོ ཨེ་ཏེ་ས་ནྟི མཱ་ན་ཐ་དྡྷཱ. ཏེཏི སཱ་ཀི་ཡཱ, ཨཱ་ཧཾ་སཱུ་ཏི ས་མྦ་ནྡྷོ.
ཏེ་སཱུཏི སཱ་ཀི་ཡེ་སུ. ནེཏི ཉཱ་ཏ་ཡོ. ཝུ་ཊྛཱ་ཡཱཏི ཙ་ཏུ་ཏྠ་ཛ྄ཛྷཱ་ན་ཏོ ཝུ་ཊྛ་ཧི་ཏྭཱ. ཏེ་སནྟི ཉཱ་ཏཱི་ནཾ. ཀ་ཎྜ་མྦ་རུ་ཀྑ་མཱུ་ལེཏི ཀ་ཎྜ་ནཱ་མ་ཀེ་ན ཨུ་ཡྻཱ་ན་པཱ་ལེ་ན རོ་པི་མ་སྶ ཨ་མྦ་རུ་ཀྑ་སྶ ཨཱ་ས་ནྣེ. རཱ་ཛཱཏི སུ་དྡྷོ་ད་ན་མ་ཧཱ་རཱ་ཛཱ. ཝོཏི ཏུ་མྷཱ་ཀཾ, པཱ་དེ་ཏི ས་མྦ་ནྡྷོ. ཨ་ཡནྟི ཝ་ནྡ་ནཱ. ཛ་མྦུ་ཙྪཱ་ཡཱ་ཡཱཏི ཛ་མྦུ་རུ་ཀྑ་སྶ ཚཱ་ཡཱ་ཡ. ཨི་ཏི ཨཱ་ཧཱ་ཏི ཡོ་ཛ་ནཱ.
སི་ཁཱ་པྤ་ཏྟོཏི ཨ་གྒ་པྤ་ཏྟོ, ཀོ་ཊི་པྤ་ཏྟོ་ཏི ཨ་ཏྠོ. ཏ་ཏོཏི ནི་སཱི་ད་ན་ཏོ, པ་ར་ནྟི ས་མྦ་ནྡྷོ. པོ་ཀྑ་ར་ཝ་སྶནྟི པ་དུ་མ་ཝ་ནེ ཝུ་ཊྛ་ཝ་སྶ་ས་དི་སཾ. ཏ་མྦ་ཝ་ཎྞནྟི ལོ་ཧི་ཏ་ཝ་ཎྞཾ. ཏནྟི ཨ་པ་ཏ་ནཾ བྷ་ག་ཝཱ ཀ་ཐེ་སཱི་ཏི ས་མྦ་ནྡྷོ.
དུ་ཏི་ཡ་དི་ཝ་སེཏི ཀ་པི་ལ་ཝ་ཏྠུཾ པ་ཏྟ་དི་ཝ་ས་ཏོ དུ་ཏི་ཡེ དི་ཝ་སེ. ཨི་ནྡ་ཁཱི་ལེཏི ན་ག་ར་སྶ ཨུ་མྨཱ་རེ. ཀ་ཐནྟི ཀེ་ནཱ་ཀཱ་རེ་ན ཙ་རིཾ་སུ ནུ ཁོ་ཏི ཡོ་ཛ་ནཱ. ཨ་ག་མཾ་སུ ཀིཾ ཙ་རིཾ་སུ ཀི་ནྟི ཡོ་ཛ་ནཱ. ས་པ་དཱ་ན་ཙཱ་རནྟི གྷ་ར་པ་ཊི་པཱ་ཊི་ཁ་ཎྜ་ན་ཝི་ར་ཧི་ཏེ་ན ས་ཧ པ་ཝ་ཏྟཾ ཙཱ་རཾ. ཏ་ཏོཏི ཨཱ་ཝ་ཛྫ་ན་ཏོ, པ་ར་ནྟི ས་མྦ་ནྡྷོ. ཨ་ཡ་མེ་ཝ ཝཾ་སོཏི པུ་བྦ་བུ་དྡྷཱ་ནཾ ཨ་ཡ་མེ་ཝ ཝཾ་སོ. ཨ་ཡཾ པ་ཝེ་ཎཱིཏི ཏ་སྶེ་ཝ ཝེ་ཝ་ཙ་ནཾ. ཨ་ནུ་སི་ཀྑ་ནྟཱཏི ཨ་ནུ པ་ཊི་བྷཱ་གཾ སི་ཀྑ་ནྟཱ. ནི་ཝི་ཊྛ་གེ་ཧ་ཏོཏི ནི་ཝཱ་ས་ན་ཏྠཱ་ཡ ཝི་སི་ཏ་གེ་ཧ་ཏོ. ཨ་ཡྻོཏི ཨ་དྷི་པོ སཱ་མཱི་ཏི ཨ་ཏྠོ. སི་དྡྷ་ཏྠ་ཀུ་མཱ་རོཏི ས་བྦ་ལོ་ཀ་སྶ སི་དྡྷོ ཨ་ཏྠོ ཨ་སྨིཾ ཨ་ཏྠཱི་ཏི སི་དྡྷ་ཏྠོ, སོ་ཡེ་ཝ ཀུ་མཱ་རོ སི་དྡྷ་ཏྠ་ཀུ་མཱ་རོ. སཱི་ཧ་པ་ཉྫ་རནྟི ཝཱ་ཏ་པཱ་ནཾ. ཏ་ཉྷི སཱི་ཧ་རཱུ་པཾ ད་སྶེ་ཏྭཱ ཀ་ཏ་པ་ཉྫ་ར་ཏྟཱ སཱི་ཧ་པ་ཉྫ་ར་ནྟི ཝུ་ཙྩ་ཏི. ད་སྶ་ན་བྱཱ་ཝ་ཊོཏི ད་སྶ་ནེ, ད་སྶ་ན་ཏྠཱ་ཡ ཝཱ བྱཱ་ཝ་ཊོ. རཱ་ཧུ་ལ་མཱ་ཏཱ་པི དེ་ཝཱི ཨཱ་རོ་ཙེ་སཱི་ཏི ས་མྦ་ནྡྷོ. ཀ་པཱ་ལ་ཧ་ཏྠོཏི ཀ་པཱ་ལོ ཧ་ཏྠེ་སུ ཨ་སྶ བྷ་ག་ཝ་ཏོ་ཏི ཀ་པཱ་ལ་ཧ་ཏྠོ, ཧུ་ཏྭཱ་ཏི ས་མྦ་ནྡྷོ. ནཱ་ནཱ་ཝི་རཱ་ག་ས་མུ་ཛྫ་ལཱ་ཡཱཏི ནཱ་ནཱ་ཋཱ་ནེ་སུ ཝི་རཱ་གཱ་ཡ ས་མུ་ཛྫ་ལཱ་ཡ. ཝི་རོ་ཙ་མཱ་ནཾ བྷ་ག་ཝ་ནྟ་ནྟི ས་མྦ་ནྡྷོ.
ཨུ་ཎྷཱི་ས་ཏོཏི སི་རོ་ཝེ་ཋ་ན་ཏོ. ཏ་ཉྷི ཨུ་པ་རི་སཱི་སེ ན་ཧ་ཏི བ་ནྡྷ་ཏི, ན་ཧཱི་ཡ་ཏི བ་ནྡྷཱི་ཡ་ཏཱི་ཏི ཝཱ ཨུ་ཎྷཱི་སོཏི ཝུ་ཙྩ་ཏི. ན་ར་སཱི་ཧ་གཱ་ཐཱ་ཧི ནཱ་མཱཏི ན་ར་སཱི་ཧ་གཱ་ཐཱ་ནཱ་མ་ཀཱ་ཧི. ཏཱ ཧི ཡ་སྨཱ ན་རོ་ཡེ་ཝ ས་བྦ་ས་ཏྟཱ་ནཾ སཱི་ཧོ སེ་ཊྛོ, ན་རཱ་ནཾ, ན་རེ་སུ ཝཱ སཱི་ཧོ སེ་ཊྛོ་ཏི ན་ར་སཱི་ཧོ, ཏ་སྶ པ་ཀཱ་ས་ཀཱ གཱ་ཐཱ ཧོ་ནྟི, ཏ་སྨཱ ན་ར་སཱི་ཧ་གཱ་ཐཱ་ཏི ཝུ་ཙྩ་ནྟི. ར་ཉྙོཏི ས་སྶུ་ར་ར་ཉྙོ, མཱ་ཏུ་ལ་ར་ཉྙོ ཝཱ. སཾ་ཝི་གྒ་ཧ་ད་ཡོཏི ཙ་ལ་ན་ཙི་ཏྟོ. ས་ཎྛཱ་པ་ཡ་མཱ་ནོཏི སུ་ཊྛུ ཋཱ་པ་ཡ་མཱ་ནོ. ཏུ་རི་ཏ་ཏུ་རི་ཏནྟི ཏུ་རི་ཏ་ཏོ ཏུ་རི་ཏཾ, ཨ་ཏི་སཱི་གྷ་ནྟི ཨ་ཏྠོ. ཀིཾ བྷ་ནྟེཏི ཀིཾ ཀཱ་ར་ཎཱ བྷ་ནྟེ. ཨ་ཧུ་ཝ་ཏྠཱཏི ཧི་ཡྻ་ཏྟ་ནཱི་མ་ཛ྄ཛྷི་མ་པུ་རི་ས་ས་ངྑཱ་ཏཱ་ཡ ཏྠ་ཝི་བྷ་ཏྟི་ཡཱ ཧཱུ་དྷཱ་ཏུ་སྶ ཨཱུ་ཀཱ་ར་སྶ ཨུ་ཝཱ་དེ་སོ ཧོ་ཏི, ཏ་སྨཱ ཏུ་མྷེ ཨེ་ཝཾ་ས་ཉྙི་ནོ ཨ་ཧུ་ཝ་ཏྠཱ་ཏི ཡོ་ཛ་ནཱ. ཝཾ་ས་ཙཱ་རི་ཏྟ་མེ་ཏནྟི ཨེ་ཏཾ པི་ཎྜཱ་ཡ ཙ་ར་ཎཾ ཝཾ་ས་ཏོ པ་ཝེ་ཎི་ཏོ ཙཱ་རི་ཏྟཾ. ཏ་ཏྠ ཙཱཏི མ་ཧཱ་ས་མྨ་ཏ་ཁ་ཏྟི་ཡ་ཝཾ་སེ ཙ. ཨ་ཡནྟི མ་ཧཱ་ས་མྨ་ཏ་ཁ་ཏྟི་ཡ་ཝཾ་སོ. ཨ་ནྟ་ར་ཝཱི་ཐི་ཡནྟི ཝཱི་ཐི་ཡཱ མ་ཛ྄ཛྷེ. ཋི་ཏོ་ཝ ཨཱ་ཧཱ་ཏི ས་མྦ་ནྡྷོ.
ཨུ་ཏྟི་ཊྛེཏི ཨུ་དྡི་སྶ, ཨུ་ཊྛ་ཧི་ཏྭཱ ཝཱ པི་ཎྜཱ་ཡ ཏི་ཊྛ་ནེ. དྷ་མྨཾ སུ་ཙ་རི་ཏནྟི སུ་ཊྛུ ཙ་རི་ཏ་བྦཾ བྷི་ཀྑཱ་ཙ་རི་ཡ་ས་ངྑཱ་ཏཾ དྷ་མྨཾ. ཙ་རེཏི ཙ་རེ་ཡྻ. དྷ་མྨ་ཙཱ་རཱིཏི བྷི་ཀྑཱ་ཙ་རི་ཡ་ས་ངྑཱ་ཏཾ དྷ་མྨཾ ཙ་ར་ཎ་སཱི་ལོ ས་མ་ཎོ. སུ་ཁཾ སེ་ཏཱིཏི ཨུ་པ་ལ་ཀྑ་ཎ་ཝ་སེ་ན ཝུ་ཏྟཾ. སེ་ས་ཨི་རི་ཡཱ་པ་ཐཱ་པི ལ་ཀྑ་ཎ་ཧཱ་ར་ཝ་སེ་ན ག་ཧེ་ཏ་བྦཱ ས་མཱ་ན་ཀི་ཙྩ་ཏྟཱ. ཨ་སྨི་ཉྩ ལོ་ཀེ པ་ར་མྷི ཙ ལོ་ཀེ་ཏི ཡོ་ཛ་ནཱ.
ན ཏཾ དུ་ཙྩ་རི་ཏཾ ཙ་རེཏི ཝེ་སི་ཡཱ་དི་གོ་ཙ་ར་ས་ངྑཱ་ཏཾ དུ་ཊྛུ ཙ་རི་ཏ་བྦཾ ཏཾ དྷ་མྨཾ ན ཙ་རེ་ཡྻ.
ཨེ་ཏྠ ཙ པ་ཋ་མ་གཱ་ཐཾ ཨ་ནྟ་ར་ཝཱི་ཐི་ཡཾ ཀ་ཐེ་ཏྭཱ རཱ་ཛཱ་ནཾ སོ་ཏཱ་པ་ཏྟི་ཕ་ལེ པ་ཏི་ཊྛཱ་པེ་སི, དུ་ཏི་ཡ་གཱ་ཐཾ པི་ཏུ་ནི་ཝེ་ས་ནེ ཀ་ཐེ་ཏྭཱ མ་ཧཱ་པ་ཛཱ་པ་ཏིཾ སོ་ཏཱ་པ་ཏྟི་ཕ་ལེ, རཱ་ཛཱ་ནཾ ས་ཀ་དཱ་གཱ་མི་ཕ་ལེ པ་ཏི་ཊྛཱ་པེ་སཱི་ཏི ད་ཊྛ་བྦཾ. དྷ་མྨ་པཱ་ལ་ཛཱ་ཏ་ཀཾ སུ་ཏྭཱཏི པུ་ན ཨ་པ་ར་སྨིཾ དི་ཝ་སེ (ཛཱ. ཨ་ཊྛ. ༤.༩༨ ཨཱ་ད་ཡོ; དྷ. པ. ཨ་ཊྛ. ༡.ན་ནྡ་ཏྠེ་ར་ཝ་ཏྠུ) དྷ་མྨ་པཱ་ལ་ཛཱ་ཏ་ཀཾ (ཛཱ. ཨ་ཊྛ. ༤.མ་ཧཱ་དྷ་མྨ་པཱ་ལ་ཛཱ་ཏ་ཀ་ཝ་ཎྞ་ནཱ) སུ་ཏྭཱ. མ་ར་ཎ་ས་མ་ཡེཏི མ་ར་ཎཱ་ས་ནྣ་ཀཱ་ལེ, མ་ར་ཎ་ས་མ་ཡ་ས་མཱི་པེ ཝཱ, ས་མཱི་པ་ཏྠེ ཙེ་ཏཾ བྷུ་མྨ་ཝ་ཙ་ནཾ.
སོ་ཏཱ་པ་ཏྟི་ཕ་ལཾ ས་ཙྪི་ཀ་ཏྭཱ པ་རི་ཝི་སཱི་ཏི ས་མྦ་ནྡྷོ. ས་བྦཾ ཨི་ཏྠཱ་གཱ་རནྟི ས་བྦོ ཨོ་རོ་དྷོ. སོ ཧི ཨི་ཏྠཱི་ནཾ ཨ་གཱ་ར་ནྟི ཨི་ཏྠཱ་གཱ་རནྟི ཝུ་ཙྩ་ཏི. ཨི་མི་ནཱ ཝ་ཙ་ན་ཏྠེ་ན ཨ་གཱ་ར་མེ་ཝ མུ་ཁྱ་ཏོ ལ་བྦྷ་ཏི, རཱ་ཛི་ཏྠི་ཡོ པ་ན ཨུ་པ་ཙཱ་རེ་ནཱ་ཏི ད་ཊྛ་བྦཾ. སཱ པ་ནཱཏི རཱ་ཧུ་ལ་མཱ་ཏཱ པ་ན. པ་རི་ཛ་ནེ་ནཱཏི པ་རི་ཝཱ་རེ་ན. ནནྟི ཨ་ཡྻ་པུ་ཏྟཾ. ‘‘རཱ་ཛཱ་ན’’ནྟི་པ་དཾ ‘‘གཱ་ཧཱ་པེ་ཏྭཱ’’ཏི་པ་དེ ཀཱ་རི་ཏ་ཀ་མྨཾ, ‘‘པ་ཏྟ’’ནྟི་པ་དཾ ཏ་ཏྠེ་ཝ དྷཱ་ཏུ་ཀ་མྨཾ. རཱ་ཛ་དྷཱི་ཏཱ་ཡཱཏི སུ་པྤ་བུ་དྡྷ་ར་ཉྙོ དྷཱི་ཏཱ་ཡ. སཱཏི རཱ་ཛ་དྷཱི་ཏཱ. གོ་པྥ་ཀེ་སཱུཏི ཙ་ར་ཎ་ག་ཎྛཱི་སུ བྷ་ག་ཝ་ནྟཾ ག་ཧེ་ཏྭཱ་ཏི ཡོ་ཛ་ནཱ. ཨ་ཐ ཝཱ བྷ་ག་ཝ་ཏོ གོ་པྥ་ཀེ ག་ཧེ་ཏྭཱ་ཏི ཡོ་ཛ་ནཱ. ཨེ་ཝ་ཉྷི ས་ཏི ཨུ་པ་ཡོ་ག་ཏྠེ བྷུ་མྨ་ཝ་ཙ་ན་ནྟི ད་ཊྛ་བྦཾ.
རཱ་ཛཱ ཀ་ཐེ་སཱི་ཏི ས་མྦ་ནྡྷོ. ཨ་ན་ཙྪ་རི་ཡནྟི ན ཨ་ཙྪ་རི་ཡཾ, ཨ་ཙྪ་རཾ པ་ཧ་རི་ཏུཾ ན ཡོ་གྱ་ནྟི ཨ་ཏྠོ. རཱ་ཛ་དྷཱི་ཏཱ ཡཾ ཨ་ཏྟཱ་ནཾ ར་ཀྑི, ཨི་དཾ ཨ་ན་ཙྪ་རི་ཡ་ནྟི ཡོ་ཛ་ནཱ.
ཏཾ་དི་ཝ་ས་མེ་ཝཱཏི ཏ་སྨིཾ དུ་ཏི་ཡ་དི་ཝ་སེ་ཡེ་ཝ. ཀེ་ས་ཝི་ས་ཛྫ་ནནྟི རཱ་ཛ་ཙཱུ་ལཱ༹་མ་ཎི་བ་ནྡྷ་ན་ཏྠཾ ཀུ་མཱ་ར་ཀཱ་ལེ བ་ནྡྷི་ཏ་སི་ཁཱ་ཝེ་ཎི་ས་ངྑཱ་ཏ་སྶ ཀེ་ས་སྶ ཝི་ས་ཛྫ་ནཾ, མོ་ཙ་ན་ནྟི ཨ་ཏྠོ. པ་ཊྚ་བ་ནྡྷོཏི ཨ་སུ་ཀོ ནཱ་མ རཱ་ཛཱ་ཏི ན་ལཱ་ཊེ སུ་ཝ་ཎྞ་མ་ཡ་སྶ པ་ཊྚ་སྶ བ་ནྡྷ་ནཾ. གྷ་ར་མ་ངྒ་ལནྟི ཨ་བྷི་ན་ཝ་གྷ་རཾ པ་ཝེ་ས་ན་མ་ངྒ་ལཾ. ཨཱ་ཝཱ་ཧ་མ་ངྒ་ལནྟི ཨཱ་ཝཱ་ཧེ པ་ཝ་ཏྟཾ མ་ངྒ་ལཾ. ཚ་ཏྟ་མ་ངྒ་ལནྟི རཱ་ཛ་ཚ་ཏྟུ་སྶཱ་པ་ན་ཀཱ་ལེ པ་ཝ་ཏྟཾ མ་ངྒ་ལཾ. མ་ངྒ་ལཾ ཝ་ཏྭཱཏི མ་ངྒ་ལ་སཾ་ཡུ་ཏྟཾ དྷ་མྨ་ཀ་ཐཾ ཀ་ཐེ་ཏྭཱ. ཛ་ན་པ་ད་ཀ་ལྱཱ་ཎཱིཏི ཛ་ན་པ་ད་མྷི ཀ་ལྱཱ་ཎ་ས་མ་ནྣཱ་ག་ཏཱ. ཏུ་ཝ་ཊྚཾ ཁོཏི ཁི་པྤ་མེ་ཝ. སོ་པཱིཏི ན་ནྡ་རཱ་ཛ་ཀུ་མཱ་རོ་པི. ཨི་ཏཱིཏི་ཨཱ་དི ནི་ག་མ་ནཾ. དུ་ཏི་ཡ་དི་ཝ་སེཏི ཀ་པི་ལ་ཝ་ཏྠུ་པ་ཏྟ་དི་ཝ་ས་ཏོ དུ་ཏི་ཡེ དི་ཝ་སེ. དྷ་མྨ་པ་ད་ཨ་ཊྛ་ཀ་ཐཱ་ཡཾ (དྷ. པ. ཨ་ཊྛ. ༡.ན་ནྡ་ཏྠེ་ར་ཝ་ཏྠུ; ཐེ་ར་གཱ. ཨ་ཊྛ. ༡.ན་ནྡ་ཏྠེ་ར་གཱ་ཐཱ་ཝ་ཎྞ་ནཱ) པ་ན ‘‘ཏ་ཏི་ཡ་དི་ཝ་སེ ན་ནྡཾ པ་བྦཱ་ཛེ་སཱི’’ཏི ཝུ་ཏྟཾ.
ས་ཏྟ་མེ དི་ཝ་སེཏི ཀ་པི་ལ་ཝ་ཏྠུ་པ་ཏྟ་དི་ཝ་ས་ཏོ་ཡེ་ཝ ས་ཏྟ་མེ དི་ཝ་སེ. ཨེ་ཏཾ ས་མ་ཎཾ པ་སྶཱ་ཏི ཡོ་ཛ་ནཱ. བྲ་ཧྨ་རཱུ་པ་ཝ་ཎྞནྟི བྲ་ཧྨུ་ནོ རཱུ་པ་ས་ངྑཱ་ཏོ ཝ་ཎྞོ ཝི་ཡ ཝ་ཎྞོ ཨི་མ་སྶཱ་ཏི བྲ་ཧྨ་རཱུ་པ་ཝ་ཎྞོ, ཏཾ. ཨ་ཡནྟི ཨ་ཡཾ ས་མ་ཎོ. ཏྱ་སྶཱཏི ཏེ ཨ་སྶ. ཏེཏི ནི་དྷ་ཡོ. ཨ་སྶཱཏི ས་མ་ཎ་སྶ. ནནྟི ས་མ་ཎཾ. ཡཱ་ཙཱཏི ཡཱ་ཙཱ་ཧི. ཨ་ཡཾ དྭི་ཀ་མྨི་ཀ་དྷཱ་ཏུ. ཧཱིཏི ས་ཙྩཾ, ཡ་སྨཱ ཝཱ. པུ་ཏྟོ པི་ཏུ་ས་ནྟ་ཀ་སྶ སཱ་མི་ཀོ, ཨི་ཏི ཏ་སྨཱ མེ དེ་ཧཱི་ཏི ཡོ་ཛ་ནཱ. ཨ་ནུ་རཱུ་པཾ ཝ་ཙ་ན་ནྟི ས་མྦ་ནྡྷོ. བྷ་ག་ཝ་ནྟཾ ཨ་ནུ་བ་ནྡྷཱི་ཏི བྷ་ག་ཝ་ཏོ པི་ཊྛི་ཏོ པི་ཊྛི་ཏོ ཨ་ནུ་བ་ནྡྷི.
ན ཝི་ས་ཧ་ཏཱིཏི ན ས་མ་ཏྠེ་ཏི. ཨ་ཡཾ ཀུ་མཱ་རོ པི་ཏུ་ས་ནྟ་ཀཾ ཡཾ དྷ་ནཾ ཨི་ཙྪ་ཏི, ཏ་ནྟི ཡོ་ཛ་ནཱ. ཝ་ཊྚཱ་ནུ་ག་ཏནྟི ཝ་ཊྚ་དུ་ཀྑཾ ཨ་ནུ་ག་ཏཾ. ས་ཝི་གྷཱ་ཏ་ཀནྟི ཝི་གྷཱ་ཏ་ཀེ་ཧི པ་ཉྩ་ཧི ཝེ་རེ་ཧི ས་ཧི་ཏཾ. ཨ་སྶཱཏི ཀུ་མཱ་ར་སྶ. ནནྟི ཀུ་མཱ་རཾ. ཨ་ཡནྟི ཀུ་མཱ་རོ. དཱ་ཡ་ཛྫནྟི དཱ་ཡ་ས་ངྑཱ་ཏཾ མཱ་ཏཱ་པི་ཏཱུ་ནཾ དྷ་ནཾ ཨཱ་ད་དཱ་ཏཱི་ཏི དཱ་ཡཱ་དོ, པུ་ཏྟོ, ཏ་སྶ ཨི་ད་ནྟི དཱ་ཡ་ཛྫཾ, མཱ་ཏཱ་པི་ཏཱུ་ནཾ དྷ་ནཾ.
‘‘ཀ་ཐཱ་ཧཾ བྷ་ནྟེ རཱ་ཧུ་ལ་ཀུ་མཱ་རཾ པ་བྦཱ་ཛེ་མཱི’’ཏི ཀ་སྨཱ ཨཱ་ཧ, ན་ནུ ཨཱ་ཡ་སྨཱ སཱ་རི་པུ་ཏྟོ བཱ་རཱ་ཎ་སི་ཡཾ ཏཱི་ཧི ས་ར་ཎ་ག་མ་ནེ་ཧི ཨ་ནུ་ཉྙཱ་ཏཾ པ་བྦ་ཛྫཾ ན ཛཱ་ནཱ་ཏཱི་ཏི ཨཱ་ཧ ‘‘ཨི་དཱ་ནཱི’’ཏི་ཨཱ་དི. ཡཱ སཱ པ་བྦ་ཛྫཱ ཙ ཨུ་པ་ས་མྤ་དཱ ཙ ཨ་ནུ་ཉྙཱ་ཏཱ་ཏི ཡོ་ཛ་ནཱ. ཏ་ཏོཏི པ་བྦ་ཛྫཱ་ཨུ་པ་ས་མྤ་ད་ཏོ. ཨུ་པ་ས་མྤ་དཾ པ་ཊི་ཀྑི་པི་ཏྭཱ་ཏི ས་མྦ་ནྡྷོ. ཝི་མ་ཏཱིཏི ཝི་ཝི་དྷཱ ཨི་ཙྪཱ. ཨི་མ་ཉྩ པ་ན་ཏྠནྟི ཨི་མ་མེ་ཝ ཝི་མ་ཏི་ས་ངྑཱ་ཏ་མ་ཏྠཾ. དྷ་མྨ་སེ་ནཱ་པ་ཏི ཨཱ་ཧཱ་ཏི ས་མྦ་ནྡྷོ. བྷ་ག་ཝ་ཏོ ཏཾ ཨ་ཛ྄ཛྷཱ་ས་ཡ་ནྟི ཡོ་ཛ་ནཱ.
‘‘ཨ་ཐ ཁོ…པེ… པ་བྦཱ་ཛེ་སཱི’’ཏི ཨེ་ཏྠ ཀིཾ ཀུ་མཱ་ར་སྶ ཀེ་ས་ཙྪེ་ད་ནཱ་དཱི་ནི ས་བྦ་ཀི་ཙྩཱ་ནི ཨཱ་ཡ་སྨཱ སཱ་རི་པུ་ཏྟོ་ཡེ་ཝ ཀ་རོ་ཏཱི་ཏི ཨཱ་ཧ ‘‘མ་ཧཱ་མོ་གྒ་ལླཱ་ན་ཏྠེ་རོ’’ཏི་ཨཱ་དི. ཨོ་ཝཱ་དཱ་ཙ་རི་ཡོཏི ནི་ཝཱ་ས་ན་པཱ་རུ་པ་ནཱ་དཱི་སུ སེ་ཁི་ཡ་ཝ་ཏྟེ་སུ, ཨཱ་བྷི་ས་མཱ་ཙཱ་རི་ཀེ་སུ ཙ ཨོ་ཝཱ་ད་ཀོ ཨཱ་ཙ་རི་ཡོ. ཨ་ཐ ཀ་སྨཱ ‘‘ཨཱ་ཡ་སྨཱ སཱ་རི་པུ་ཏྟོ རཱ་ཧུ་ལ་ཀུ་མཱ་རཾ པ་བྦཱ་ཛེ་སཱི’’ཏི ཝུ་ཏྟ་ནྟི ཨཱ་ཧ ‘‘ཡ་སྨཱ པ་ནཱ’’ཏི་ཨཱ་དི. ཏ་ཏྠཱཏི ཏ་སྶཾ པ་བྦ་ཛྫཱ་ཨུ་པ་ས་མྤ་དཱ་ཡཾ. ན ཨཱ་ཙ་རི་ཡོཏི པ་བྦ་ཛྫཱ་ཙ་རི་ཡོ ཙ ཨོ་ཝཱ་དཱ་ཙ་རི་ཡོ ཙ ན ཨི་སྶ་རོ.
ཨུ་པྤ་ནྣ་སཾ་ཝེ་གེ་ན ཧ་ད་ཡེ་ནཱཏི ཨེ་ཏྠ ཨི་ཏྠ་མྦྷཱུ་ཏ་ལ་ཀྑ་ཎེ ཀ་ར་ཎ་ཝ་ཙ་ནཾ. ཨུ་པྤ་ནྣ་སཾ་ཝེ་གོ ཧ་ད་ཡོ ཧུ་ཏྭཱ་ཏི ཧི ཡོ་ཛ་ནཱ. ས་བྦནྟི ས་བྦཾ ཝ་ཙ་ནཾ.
ཏ་ཏྠཱཏི པུ་རི་མ་ཝ་ཙ་ནཱ་པེ་ཀྑཾ. ཨ་ཝི་སེ་སེ་ནཱཏི ‘‘དྷ་ན’’ནྟི ཝཱ ‘‘ཨ་ཉྙ’’ནྟི ཝཱ ‘‘སཱ་ཝ་ཛྫ’’ནྟི ཝཱ ‘‘ཨ་ན་ཝ་ཛྫ’’ནྟི ཝཱ ཝི་སེ་ས་མ་ཀ་ཏྭཱ སཱ་མ་ཉྙེ་ན. ན ཙ བུ་དྡྷཱ་ནནྟི ཨེ་ཏྠ ཙ་ས་དྡེ་ན ན ཀེ་ཝ་ལཾ ཨ་པ་ཊི་རཱུ་པ་མེ་ཝ, ཨ་ཐ ཁོ བུ་དྡྷཱ་ན་ཉྩ ན ཨཱ་ཙི་ཎྞ་ནྟི ཨ་ཏྠཾ ད་སྶེ་ཏི. ཡནྟི ཡཾ ཝ་རཾ. ཏ་ཐཱ ན་ནྡེཏི ཨེ་ཏྠ ཏ་ཐཱ་ས་དྡ་སྶ ཨུ་པ་མེ་ཡྻ་ཏྠ་ཛོ་ཏ་ཀ་བྷཱ་ཝཾ ད་སྶེ་ནྟོ ཨཱ་ཧ ‘‘ཡ་ཐེ་ཝ ཀི་རཱ’’ཏི་ཨཱ་དི. ཡ་ཐེ་ཝ བོ་དྷི་ས་ཏྟཾ བྱཱ་ཀ་རིཾ་སུ, ཨེ་ཝཾ ན་ནྡ་མྤི རཱ་ཧུ་ལ་མྤི བྱཱ་ཀ་རིཾ་སུ ཀི་རཱ་ཏི ཡོ་ཛ་ནཱ. པཱ་ལི༹་ཡཾ པ་ན ཡ་ཐཱ བྷ་ག་ཝ་ཏི མེ བྷ་ནྟེ པ་བྦ་ཛི་ཏེ ཨ་ན་པྤ་ཀཾ དུ་ཀྑཾ ཨ་ཧོ་སི, ཏ་ཐཱ ན་ནྡེ པ་བྦ་ཛི་ཏེ ཨ་ན་པྤ་ཀཾ དུ་ཀྑཾ ཨ་ཧོ་སི, ཏ་ཐཱ རཱ་ཧུ་ལེ པ་བྦ་ཛི་ཏེ ཨ་དྷི་མ་ཏྟཾ དུ་ཀྑཾ ཨ་ཧོ་སཱི་ཏི ཡོ་ཛ་ནཱ. ནེ་མི་ཏྟ་ཀཱཏི སུ་བྷཱ་སུ་བྷ་ནི་མི་ཏྟཾ ཀ་ཐེ་ནྟཱི་ཏི ནེ་མི་ཏྟ་ཀཱ. པུ་ཏྟ་སྶཱཏི ཛེ་ཊྛ་པུ་ཏྟ་སྶ སི་དྡྷ་ཏྠ་ཀུ་མཱ་ར་སྶ. པ་བྦ་ཛྫཱ་ཡཱཏི པ་བྦ་ཛྫཱ་ཧེ་ཏུ པ་བྦ་ཛྫཱ་ཀཱ་ར་ཎཱ, པ་བྦ་ཛྫཱ་ནི་མི་ཏྟཾ ཝཱ. ཏ་ཏོཏི བྷ་ག་ཝ་ཏོ པ་བྦ་ཛྫ་ཏོ. ཏ་མྤཱིཏི ན་ནྡ་མྤི. ཨི་ཏཱིཏི ཨཱི་དི་སཾ. བྷ་ག་ཝ་ཏོ པ་བྦ་ཛྫཱ་ཡ མ་ཧ་ནྟཾ ཨི་ཙྪཱ་ཝི་གྷཱ་ཏ་ས་དི་ས་ནྟི ཨ་ཏྠོ. ཏ་མྤཱིཏི རཱ་ཧུ་ལ་མྤི. ཏེ་ནཱཏི པ་བྦ་ཛྫཱ་ཧེ་ཏུ་ནཱ. ཨ་སྶཱཏི ར་ཉྙོ. ཨུ་པྤ་ཛྫཱི་ཏི ས་མྦ་ནྡྷོ. ཨི་ཏོཏི སོ་ཀུ་པྤ་ཏྟི་ཏོ ཝ་ར་ཡཱ་ཙ་ན་ཏོ ཝཱ.
སོཏི རཱ་ཛཱ. ཡ་ཏྲ ཧི ནཱ་མཱཏི ཡོ ནཱ་མ. ཨ་ཧ་མྤི ནཱ་མ ཡོ ཡཱ་དི་སོ བུ་དྡྷ་མཱ་མ་ཀོ དྷ་མྨ་མཱ་མ་ཀོ ས་ངྒྷ་མཱ་མ་ཀོ ས་མཱ་ནོ, སོ ཏཱ་དི་སོ ཨ་ཧ་མྤི ན ས་ཀྐོ་མཱི་ཏི ཡོ་ཛ་ནཱ. ཨ་ཉྙེཏི མ་ཡཱ ཨ་པ་རེ. དུ་ཀྑནྟི ཉཱ་ཏི་ཝི་ཡོ་ག་དུ་ཀྑཾ. ནི་ཡྻཱ་ནི་ཀ་ཀཱ་ར་ཎནྟི མ་ནུ་སྶཱ་ནཾ ག་ར་ཧ་ཨུ་པ་ཝཱ་ད་ཨ་ཀྐོ་ས་ཏོ ནི་ཡྻཱ་ནི་ཀཾ ཀཱ་ར་ཎཾ.
ཏ་ཏྠཱཏི ‘‘ཨ་ན་ནུ་ཉྙཱ་ཏོ’’ཏི་ཨཱ་དི་ཝ་ཙ་ནེ. ཛ་ནེ་ཏཱི་ཏི ཛ་ན་ནཱི, མཱ་ཏཱ. ཛ་ནེ་ཏཱི་ཏི ཛ་ན་ཀོ, པི་ཏཱ. ཨི་མི་ནཱ པོ་སཱ་ཝ་ནི་ཀ་མཱ་ཏཱ་པི་ཏ་རོ ནི་ཝ་ཏྟེ་ཏི. མཱ་ཏཱ ཝཱ མ་ཏཱ ཧོ་ཏཱི་ཏི ཡོ་ཛ་ནཱ. སོ ཨེ་ཝ ཝཱཏི པུ་ཏྟོ ཨེ་ཝ ཝཱ. ཨ་ནུ་ཉྙཱ་ཏོ་མྷཱི་ཏི ཝ་ད་ཏཱིཏི ས་ཙྩེ་ན ཝཱ ཨ་ལི་ཀེ་ན ཝཱ ‘‘ཨ་ནུ་ཉྙཱ་ཏོ་མྷཱི’’ཏི ཝ་ད་ཏི. མཱ་ཏཱ ཝཱ ས་ཡཾ པ་བྦ་ཛི་ཏཱ་ཏི ཡོ་ཛ་ནཱ. པི་ཏ་སྶཱཏི པི་ཏཱ ཨ་སྶ. ཨ་སྶཱཏི པུ་ཏྟ་སྶ. ཝི་པྤ་ཝུ་ཏྠོཏི མཱ་ཏུ་ཡཱ ཀེ་ན་ཙི ཀཱ་ར་ཎེ་ན པ་ཝཱ་སོ.
ཙཱུ་ལ༹་མཱ་ཏཱ་དཱི་ནནྟི་ཨཱ་དི་ས་དྡེ་ན མ་ཧཱ་མཱ་ཏཱ་དཱི་ནི ས་ངྒ་ཎྷཱ་ཏི. པོ་ས་ན་ཀཱཏི ཝ་ཌྜྷ་ན་ཀཱ. ཏེ་སུ་པཱིཏི པོ་ས་ན་ཀ་མཱ་ཏཱ་པི་ཏ་རེ་སུ་པི.
ཡཾ པ་ན པུ་ཏྟཾ ནཱ་ནུ་ཛཱ་ན་ནྟཱི་ཏི ས་མྦ་ནྡྷོ. ཛཱི་ཝ་སྶེ་ཝཱཏི ཏ་སྶ ཛཱི་ཝ་སྶ ཨེ་ཝ, པ་བྦཱ་ཛེ་ནྟ་སྶ ཝཱ བྷི་ཀྑུ་སྶ, ན དེ་ས་ནྟ་ར་ག་མ་ནཱ་དཱི་ན་མ་ཏྠཱ་ཡཱ་ཏི ཨ་ཏྠོ. ཏེ་སནྟི མཱ་ཏཱ་པི་ཏཱུ་ནཾ.
མ་ཧཱ་ཀ་ནྟཱ་རོཏི ཀེ་ན ཨུ་ད་ཀེ་ན ཏ་རི་ཏ་བྦོ་ཏི ཀ་ནྟཱ་རོ, ནི་རུ་ད་ཀ་ཀ་ནྟཱ་རོ་ཝ མུ་ཁྱ་ཏོ ལ་བྦྷ་ཏི, ཝཱ་ལ༹་ཀ་ནྟཱ་རོ ཙོ་ར་ཀ་ནྟཱ་རོ ཨ་མ་ནུ་སྶ་ཀ་ནྟཱ་རོ དུ་བྦྷི་ཀྑ་ཀ་ནྟཱ་རོ མ་རུ་ཀ་ནྟཱ་རོ་ཏི ཨི་མེ པ་ཉྩ ཀ་ནྟཱ་རཱ རཱུ་ལ༹ྷཱི་ཝ་སེ་ན. མ་ཧ་ནྟོ ཀ་ནྟཱ་རོ མ་ཧཱ་ཀ་ནྟཱ་རོ.
ཡཱ་ཝ་ཏ་ཀེཏི ཨེ་ཏྠ ཡཱ་ཝ་ས་དྡོ པ་མཱ་ཎ་ཏྠོ་ཏི ཨཱ་ཧ ‘‘ཡ་ཏྟ་ཀེ’’ཏི.