༤༠. ནི་སྶ་ཡ་མུ་ཙྩ་ན་ཀ་ཀ་ཐཱ

༡༠༣. ཨོ་ག་ཎེ་ནཱཏི ཨེ་ཏྠ ཨོ་ཏྱཱུ་པ་ས་གྒོ ལཱ་མ་ཀ་ཏྠ་ཝཱ་ཙ་ཀོ་ཏི ཨཱ་ཧ ‘‘པ་རི་ཧཱི་ན་ག་ཎེ་ནཱ’’ཏི. ཨ་ཏྟ་ནོ ཝུ་ཌྜྷ་ཏ་ར་སྶེ་ཝ བྷི་ཀྑུ་སྶ ས་ནྟི་ཀེ ནི་སྶ་ཡོ ག་ཧེ་ཏ་བྦོ་ཏི ཨཱ་ཧ ‘‘ས་ཙཱ་ཡཾ ཝུ་ཌྜྷ་ཏ་ར’’ནྟི་ཨཱ་དི. ཏ་ཏྠ ཨ་ཡནྟི ཨ་བྱ་ཏྟོ བྷི་ཀྑུ. ཨུ་པ་ས་མྤ་དཱ་ཡཱཏི ཨུ་པ་ས་མྤཱ་དེ་ཏྭཱ. ཨཱ་ཡ་སྨ་ཏོཏི ཨཱ་ཡ་སྨ་ནྟཾ, ཨུ་པ་ཡོ་ག་ཏྠེ ཙེ་ཏཾ སཱ་མི་ཝ་ཙ་ནཾ. ཨཱ་ཡ་སྨ་ཏོ ཝཱ ཨོ་ཝཱ་ད་ནྟི ཡོ་ཛ་ནཱ. ས་བྦ་ཏྠཱཏི ས་བྦེ་སུ. ཨཱ་པུ་ཙྪ་ནེ་སཱུཏི དི་སཱ་པ་ཀྐ་མ་ནཱ་དི་ཨ་ཏྠཱ་ཡ ཨཱ་པུ་ཙྪ་ནེ་སུ. ཨེ་ཏྠཱཏི ཨི་མ་སྨིཾ ནི་སྶ་ཡ་ཝ་ས་ན་ཊྛཱ་ནེ. ཏནྟི ཏ་ཏྟ་ཀཾ སུ་ཏཾ. ཏ་སྶཱཏི སུ་ཏ་སྶ.