༣༣. ཨི་ཎཱ་ཡི་ཀ་ཝ་ཏྠུ་ཀ་ཐཱ

༩༦. ཨི་ཎཱ་ཡི་ཀོ ནཱ་མཱཏི ཨེ་ཏྠ ཨི་ཎནྟི ཨུ་དྡྷཱ་རོ. སོ ཧི ཡ་སྨཱ ཨེ་ཏི ཝུ་དྡྷིཾ ག་ཙྪ་ཏི, ཏ་སྨཱ ཨི་ཎ་ནྟི ཝུ་ཙྩ་ཏི. ཏཾ ག་ཎྷཱ་ཏི, དྷཱ་རེ་ཏཱི་ཏི ཝཱ ཨི་ཎཱ་ཡི་ཀོ. ཡཾ ཝཱཏི ཛ་ནཾ ཝཱ ཨཱ་ཋ་པེ་ཏྭཱ་ཏི ས་མྦ་ནྡྷོ. ཨཱ་ཋ་པེ་ཏྭཱཏི ཙ པེ་ས་ན་ཏྠཱ་ཡ དྷ་ན་སཱ་མི་ཀ་སྶ ས་ནྟི་ཀེ ཋ་པེ་ཏྭཱ་ཏི ཨ་ཏྠོ. ཨཱཀཱ་རོ ཧི པེ་ས་ན་ཏྠ་ཝཱ་ཙ་ཀོ. སོ་པཱིཏི པི་ས་དྡོ པུ་རི་མ་ཛ་ནེ ཨ་པེ་ཀྑ་ཏི. ‘‘དྷཱ་རེ་ཏཱི’’ཏི ཨི་མི་ནཱ ཨཱ་ཡི་ཀ་པ་ཙྩ་ཡོ དྷཱ་ར་ཎ་ཏྠེ ཧོ་ཏཱི་ཏི ད་སྶེ་ཏི. ཨ་ཉྙེཏི མཱ་ཏཱ་པི་ཏཱུ་ཧི ཨ་ཉྙེ. ཧཱིཏི ས་ཙྩཾ, ཡ་སྨཱ ཝཱ. ཏེཏི ཨ་ཉྙེ ཉཱ་ཏ་ཀཱ, ཏཾ ཨཱ་ཋ་པེ་ཏུཾ ཡ་སྨཱ ན ཨི་སྶ་རཱ, ཏ་སྨཱ ན ཨི་ཎཱ་ཡི་ཀོ་ཏི ཡོ་ཛ་ནཱ. ཨི་ཏ་རནྟི ན་ཨི་ཎཱ་ཡི་ཀ་ཏོ ཨ་ཉྙཾ. ཨ་སྶཱཏི ཛ་ན་སྶ. ནནྟི ཏཾ ཛ་ནཾ. ཏེ་སཱུཏི ཉཱ་ཏི་སཱ་ལོ་ཧི་ཏཱ་དཱི་སུ. ཏ་ཐཱ་རཱུ་པ་སྶཱཏི ཨ་ཏྟ་ནོ ཉཱ་ཏི་སཱ་ལོ་ཧི་ཏ་སྶཱ་ཏི ཨ་ཏྠོ. ཨཱ་རོ་ཙེ་ཏ་བྦཱ་ཀཱ་རཾ ད་སྶེ་ནྟོ ཨཱ་ཧ ‘‘ས་ཧེ་ཏུ་ཀོ’’ཏི་ཨཱ་དི. ཏ་ཏྠ ས་ཧེ་ཏུ་ཀོཏི བྷ་བྦོ. སོཏི ཨུ་པ་ཊྛཱ་ཀོ. པ་ཊི་པ་ཛྫ་ཏཱིཏི པ་ཊི་ད་དཱ་ཏི. ཨེ་ཏནྟི ཀ་པྤི་ཡ་བྷ་ཎྜཾ. ཨ་ཛཱ་ནི་ཏྭཱཏི ཨི་ཎཱ་ཡི་ཀ་བྷཱ་ཝ་མ་ཛཱ་ནི་ཏྭཱ. པ་སྶ་ནྟེ་ནཱཏི ཨི་ཎཱ་ཡི་ཀཾ པ་སྶ་ནྟེ་ན. ‘‘ཨ་པ་སྶ་ནྟ་སྶ གཱི་ཝཱ ན ཧོ་ཏཱི’’ཏི ཨི་མི་ནཱ པ་སྶི་ཏྭཱ ཨ་ད་སྶེ་ནྟ་སྶ གཱི་ཝཱ ཧོ་ཏཱི་ཏི ད་སྶེ་ཏི.

པུ་ཙྪི་ཡ་མཱ་ནོ་པཱིཏི ‘‘ཀིཾ ཏྭཾ ཨི་ཎཱ་ཡི་ཀོ་སཱི’’ཏི པུ་ཙྪི་ཡ་མཱ་ནོ་པི. ཏནྟི ཨི་ཎཱ་ཡི་ཀཾ. ཏ་ཏྠཱཏི ཨ་ཉྙ་སྨིཾ དེ་སེ. ཏནྟི ཨི་ཎ་སཱ་མི་ཀཾ. སོཏི ཨི་ཎ་སཱ་མི་ཀོ. ཨ་ཡནྟི ཨི་ཎཱ་ཡི་ཀོ. ཨ་ཡནྟི ཝ་ཙ་ནཱ. ཏ་ཏྠཱཏི ཨི་ཎཱ་ཡི་ཀ་སྶ པ་བྦཱ་ཛ་ནེ. སཱ་མཱི་ཙཱིཏི ཨ་ནུ་དྷ་མྨ་ཏཱ.

ནནྟི ཨི་ཎཱ་ཡི་ཀཾ. སོཏི ཨི་ཎ་སཱ་མི་ཀོ. ཨ་སྶཱཏི ཐེ་ར་སྶ. གཱི་ཝཱ ན ཧོ་ཏཱི་ཏི ས་མྦ་ནྡྷོ. ཨ་ཙྪ་ཏཱུཏི ཨཱ་ས་ཏུ ཨུ་པ་ཝེ་ས་ཏཱུ་ཏི ཨ་ཏྠོ. སོཏི ཨི་ཎཱ་ཡི་ཀོ. ཨཱི་དི་སོཏི ས་ཧེ་ཏུ་ཀོ ཝ་ཏྟ་ས་མྤ་ནྣོ་ཏི ཨ་ཏྠོ. ཨ་ཏི་ཨཱ་རཱ་དྷ་ཀོཏི ཝ་ཏྟཱ་ཙཱ་རེ་ན ཐེ་ར་སྶ ཨ་ཏི་ཏོ་ས་ཀོ.