༣༤. དཱ་ས་ཝ་ཏྠུ་ཀ་ཐཱ

༩༧. དཱ་སཱཏི ཙེ་ཊ་ཀཱ. ཏེ ཧི སཱ་མི་ཀེ་ཧི དུ་ཀྑེ ཝཱ དུ་ཊྛ་ཀ་མྨེ ཝཱ ཨ་སཱི་ཡ་ནྟི ཁི་པཱི་ཡ་ནྟཱི་ཏི དཱ་སཱ་ཏི ཝུ་ཙྩ་ནྟི. ཏ་ཏྠཱཏི ཙ་ཏཱུ་སུ དཱ་སེ་སུ. ‘‘གྷ་ར་དཱ་སི་ཡཱ པུ་ཏྟོ’’ཏི ཨི་མི་ནཱ ཨ་ནྟོ་གེ་ཧེ གྷ་ར་དཱ་སི་ཡཱ ཀུ་ཙྪི་མྷི ཛཱ་ཏོ ཨ་ནྟོ་ཛཱ་ཏོཏི ཝ་ཙ་ན་ཏྠཾ ད་སྶེ་ཏི. དྷ་ནཾ ད་ཏྭཱ ཀཱི་ཏོ དྷ་ན་ཀྐཱི་ཏོཏི ཝ་ཙ་ན་ཏྠཾ ད་སྶེ་ནྟོ ཨཱ་ཧ ‘‘དྷ་ན་ཀྐཱི་ཏོ ནཱ་མཱ’’ཏི་ཨཱ་དི. དྷ་ནེ་ན ཀཱི་ཏོ དྷ་ན་ཀྐཱི་ཏོ་ཏི ཝ་ཙ་ན་ཏྠོ་པི ཡུ་ཏྟོ་ཡེ་ཝ. དཱ་ས་ཙཱ་རི་ཏྟནྟི དེ་ས་ཀཱ་ལ་ཝ་སེ་ན དཱ་སཱ་ནཾ ཙཱ་རི་ཏྟཾ. ཏ་ཏྠ ཏ་ཏྠཱཏི ཏ་སྨིཾ ཏ་སྨིཾ དེ་སེ, ཀཱ་ལེ ཝཱ.

ཀ་ར་མ་རཱ་ནཱི་ཏོ ནཱ་མཱཏི ཨེ་ཏྠ ཀ་ར་མ་རོཏི ཝ་ནྡི. སོ ཧི ས་ཏྟཱུ་ནཾ ཀ་རེ་ན ཧ་ཏྠེ་ན མ་རི་ཏ་བྦ་ཏྟཱ ཀ་ར་མ་རོ་ཏི ཝུ་ཙྩ་ཏི. ཀ་ར་མ་ར་བྷཱ་ཝེ་ན ཨཱ་ནཱི་ཏོ ཀ་ར་མ་རཱ་ནཱི་ཏོ. ཏི་རོ་ར་ཊྛཱ ཨཱ་ཧ་ར་ནྟཱི་ཏི ས་མྦ་ནྡྷོ. ཨུ་པ་ལཱ་པེ་ཏྭཱ ཝཱཏི པ་ལོ་བྷེ་ཏྭཱ ཝཱ. ཏ་ཏོཏི ཀ་སྨཱ་ཙི གཱ་མ་ཏོ. མ་ནུ་སྶཱ ཨེ་ཝ མཱ་ནུ་སྶ་ཀཱ་ནི. ཨི་ཏྠི་པུ་རི་སཱ་ནཾ སཱ་དྷཱ་ར་ཎ་བྷཱ་ཝེ་ན སཱ་མ་ཉྙ་བྷཱ་ཝ་ཏོ ན་པུཾ་ས་ཀ་ལི་ངྒ་ཝ་སེ་ན ཝུ་ཏྟཾ. པི་ས་དྡེ་ན ན ཀེ་ཝ་ལཾ དྷ་ནཱ་ནི་ཡེ་ཝ ཨཱ་ཧ་ར་ནྟི, ཨ་ཐ ཁོ མཱ་ནུ་སྶ་ཀཱ་ནི་པཱི་ཏི ས་མྤི་ཎྜེ་ཏི. ཏ་ཏྠཱཏི མཱ་ནུ་སྶ་ཀེ་སུ. ཨེ་ཝ་རཱུ་པོ ཀ་ར་མ་རཱ་ནཱི་ཏོ དཱ་སོ ན པ་བྦཱ་ཛེ་ཏ་བྦོ་ཏི ཡོ་ཛ་ནཱ. ས་བྦ་སཱ་དྷཱ་ར་ཎེ་ནཱཏི བ་ནྡྷ་ནཱ་གཱ་ར་སོ་དྷ་ན་ཀཱ་ལེ ས་བྦེ་སཾ སཱ་དྷཱ་ར་ཎེ་ན.

དཱ་ས་བྱནྟི དཱ་ས་སྶ བྷཱ་ཝོ དཱ་ས་བྱཾ, ཏཾ. ཏེ་ན ཝུ་ཏྟཾ ‘‘དཱ་ས་བྷཱ་ཝ’’ནྟི. ‘‘ས་ཡ་མེ་ཝཱ’’ཏི ཨི་མི་ནཱ སཱ་མཾས་དྡོ ས་ཡ་མ་ཏྠེ ནི་པཱ་ཏོ་ཏི ད་སྶེ་ཏི. བྷུ་ཛི་སྶི་ཏྠི་ཡོཏི ར་ཉྙོ བྷུ་ཛི་སྶི་ཏྠི་ཡོ. ཝ་ཎྞ་དཱ་སཱི་ཧཱིཏི ན་ག་ར་སོ་བྷི་ནཱི་ཧི. ཏཱ ཧི ཝ་ཎྞ་ས་མྤ་ནྣ་དཱ་སི་བྷཱ་ཝ་ཏོ ཝ་ཎྞ་དཱ་སཱི་ཏི ཝུ་ཙྩ་ནྟི. ཏཱ་སནྟི བྷུ་ཛི་སྶི་ཏྠཱི་ནཾ. པ་ཎྞནྟི དཱ་སི་པ་ཎྞཾ. བྷ་ཊི་པུ་ཏྟ་ཀ་ག་ཎཱ་དཱི་ནནྟི ཨཱ་དི་ས་དྡེ་ན མ་ལླ་པུ་ཏྟ་ག་ཎཱ་ད་ཡོ ས་ངྒ་ཎྷཱ་ཏི. ཨི་མི་ནཱ བ་ཧུ་སཱ་མི་ཀ་དཱ་སཾ ད་སྶེ་ཏི. ཏེ་ཧཱིཏི བྷ་ཊི་པུ་ཏྟ་ཀ་ག་ཎཱ་དཱི་ཧི. ཨ་དི་ནྣཱ ན པ་བྦཱ་ཛེ་ཏ་བྦཱཏི བ་ཧཱུ་སུ སཱ་མི་ཀེ་སུ ཨེ་ཀེ་ན་པི ཨ་དི་ནྣཱ ན པ་བྦཱ་ཛེ་ཏ་བྦཱ. ཏེ་པཱིཏི ཨཱ་རཱ་མི་ཀ་དཱ་སེ་པི. ཨི་མ་སྨིཾ ཨཱ་རཱ་མི་ཀ་དཱ་ས་པ་བྦཱ་ཛ་ནེ ཨ་ཊྛ་ཀ་ཐཱ་ཝཱ་དཾ ད་སྶེ་ནྟོ ཨཱ་ཧ ‘‘མ་ཧཱ་པ་ཙྩ་རི་ཡ’’ནྟི་ཨཱ་དི. ‘‘ཏ་ཀྐ’’ནྟི པ་དཾ ‘‘ཨཱ་སི་ཏྟ་ཀ’’ཨི་ཏི པ་དེ ཀ་མྨཾ. ‘‘སཱི་སེ’’ཏི པ་དཾ ‘‘ཨཱ་སི་ཏྟ་ཀ’’ཨི་ཏི པ་དེ ཨཱ་དྷཱ་རོ. ཀེ་སུ་ཙི ཛ་ན་པ་དེ་སུ དེ་ས་ཙཱ་རི་ཏྟ་ཝ་སེ་ན སཱི་སེ ཏ་ཀྐ་སྶ ཨཱ་སི་ཉྩ་ནཾ དཱ་སཱ་ནཾ བྷུ་ཛི་སྶ་ཀ་ར་ཎ་ནྟི ཨ་དྷི་པྤཱ་ཡོ. ‘‘ཨཱ་རཱ་མི་ཀཾ དེ་མཱ’’ཏི ཝ་ཙ་ནཾ དཱ་སཱ་ནཾ བྷུ་ཛི་སྶ་ཝ་ཙ་ན་ནྟི ཝུ་ཏྟཾ ཧོ་ཏི. ཡེ་ན ཀེ་ན་ཙི ཝོ་ཧཱ་རེ་ནཱཏི ‘‘ཨཱ་རཱ་མི་ཀཾ དེ་མཱ’’ཏི ཝཱ ‘‘ཨཱ་རཱ་མི་ཀ་དཱ་སཾ དེ་མཱ’’ཏི ཝཱ ‘‘ཀ་པྤི་ཡ་ཀཱ་ར་ཀཾ དེ་མཱ’’ཏི ཝཱ ཡེ་ན ཀེ་ན་ཙི ཝོ་ཧཱ་རེ་ན. དྭཱི་སུ ཨ་ཊྛ་ཀ་ཐཱ་ཝཱ་དེ་སུ ཀུ་རུ་ནྡི་ཝཱ་ད་སྶ པ་ཙྪཱ ཝུ་ཏྟ་ཏྟཱ སོ་ཡེ་ཝ པ་མཱ་ཎ་ནྟི ད་ཊྛ་བྦཾ. དུ་གྒ་ཏ་མ་ནུ་སྶཱཏི དུ་ཀྑཾ ག་ཏ་མ་ནུ་སྶཱ. ཨེ་ཏེཏི དུ་གྒ་ཏ་མ་ནུ་སྶེ. ཏཾ པ་བྦཱ་ཛེ་ཏུཾ ན ཝ་ཊྚ་ཏཱིཏི མཱ་ཏཱ་པི་ཏཱུ་ནཾ དཱ་ས་བྷཱ་ཝཾ ཨུ་པ་ག་ཏ་ཀཱ་ལེ ཛཱ་ཏཾ པུ་ཏྟཾ ས་ནྡྷཱ་ཡ ཝུ་ཏྟཾ. ཨ་ཐ པ་ན མཱ་ཏཱ་པི་ཏ་རོ དཱ་ས་བྷཱ་ཝཾ ཨུ་པ་ག་ཏཱ, ན པུ་ཏྟོ, ཏཾ པ་བྦཱ་ཛེ་ཏུཾ ཝ་ཊྚ་ཏི. ‘‘བྷི་ཀྑུ་སྶཱ’’ཏི་པ་དཾ ‘‘ཉཱ་ཏ་ཀཱ ཝཱ ཨུ་པ་ཊྛཱ་ཀཱ ཝཱ’’ཏི་པ་དེ་སུ སཱ་མི་ས་མྦ་ནྡྷོ, ‘‘དེ་ནྟཱི’’ཏི པ་དེ ས་མྤ་དཱ་ནཾ. ཨ་སྶཱཏི བྷི་ཀྑུ་སྶ. ཨི་མནྟི དཱ་སཾ. ཨ་བྷི་ར་མི་སྶ་ཏཱིཏི བྷི་ཀྑུ་བྷཱ་ཝེ ཨ་བྷི་ར་མི་སྶ་ཏི. ཝི་བྦྷ་མི་སྶ་ཏཱིཏི ཝི་ནི་ཝ་ཏྟེ་ཏྭཱ གི་ཧི་བྷཱ་ཝཾ བྷ་མི་སྶ་ཏི. ཨི་ཏི ཝ་ཏྭཱ དེ་ནྟཱི་ཏི ས་མྦ་ནྡྷོ. ནི་སྶཱ་མི་ཀ་དཱ་སོཏི པ་རི་གྒཱ་ཧ་ཀ་སཱ་མི་ཀ་ཝི་ར་ཧི་ཏོ དཱ་སོ. ནི་སྶཱ་མི་ཀ་སྶ དཱ་ས་སྶ རཱ་ཛཱ སཱ་མཱི, ཏ་སྨཱ ར་ཉྙཱ ཨ་པ་རི་གྒ་ཧི་ཏེ ཨ་ཏྟ་ནཱ་ཝ ཨ་ཏྟཱ་ནཾ བྷུ་ཛི་སྶཾ ཀཱ་ཏུཾ ཝ་ཊྚ་ཏི. པ་རི་གྒ་ཧི་ཏེ རཱ་ཛཱ་ནཾ ཀཱ་རཱ་པེ་ཏུཾ ཝ་ཊྚ་ཏི. ཨ་ཛཱ་ན་ནྟོཏི ཨ་ཏྟ་ནོ དཱ་ས་བྷཱ་ཝ་མ་ཛཱ་ན་ནྟོ.

ཨ་ནུ་རཱ་དྷ་པུ་རཱཏི ཨ་ནུ་རཱ་དྷ་ན་ག་ར་ཏོ ནི་ཀྑ་མི་ཏྭཱ་ཏི ས་མྦ་ནྡྷོ. སོཏི པུ་ཏྟོ. ཨི་དྷཱཏི རོ་ཧ་ཎེ. མཱ་ཏ་རཾ པུ་ཙྪི་ཏྭཱ་ཏི ས་མྦ་ནྡྷོ. ཨཱ་ག་མྨཱཏི ཨཱ་ག་ནྟྭཱ. ཨ་ཏི་ཙྪ་ཐཱཏི ཨ་ཏི་ཀྐ་མི་ཏྭཱ ཨི་ཙྪ་ཐ, ཨི་དྷ ཀི་ཉྩི དེ་ཡྻ་དྷ་མྨཾ ན་ཏྠི, ཨི་དཾ ཨ་ཏི་ཀྐ་མི་ཏྭཱ ཨ་ཉྙ་ཏྠ ཋཱ་ཏུ་མི་ཙྪ་ཐཱ་ཏི ཝུ་ཏྟཾ ཧོ་ཏི. ཏེཏི གྷ་ར་སཱ་མི་ཀཱ. ཙ་ཏཱུ་ཧི པ་ཙྩ་ཡེ་ཧི པ་ཊི་ཛ་གྒ་ནྟཱ ཝ་སཱ་པེ་སུ་ནྟི ཡོ་ཛ་ནཱ.