༢༨. ཙོ་ར་ཝ་ཏྠུ་ཀ་ཐཱ
༩༡. དི་ཊྛ་པུ་བྦོཏི ཨ་ངྒུ་ལི་མཱ་ལོ པུ་བྦེ དི་ཊྛོ. ཨ་ཡནྟི ཙོ་རོ. སོཏི ཨ་ངྒུ་ལི་མཱ་ལོ. ཨ་ཉྙེ་སཾ ས་ནྟི་ཀཱ ཝ་ཙ་ནཾ སུ་ཎ་ནྟཱི་ཏི ཡོ་ཛ་ནཱ. ཏེཏི མ་ནུ་སྶཱ. ཨུ་བྦི་ཛྫ་ནྟི་པཱིཏི ཀཱ་ཡེ་ན ཨུ་བྦི་ཛྫ་ནྟི་པི. ཨུ་ཏྟ་ས་ནྟི་པཱིཏི ཙི་ཏྟེ་ན ཨུ་ཏྟ་ས་ནྟི་པི. ཨ་ངྒུ་ལི་མཱ་ལོ བྷི་ཀྑཱུ་ཧི ན པ་བྦཱ་ཛི་ཏོ, ན་ནུ བྷ་ག་ཝ་ཏཱ པ་ན ས་ཡཾ པ་བྦཱ་ཛི་ཏོ, ཨ་ཐ ཀ་སྨཱ ‘‘ན བྷི་ཀྑ་ཝེ’’ཏི ཝུ་ཏྟ་ནྟི ཨཱ་ཧ ‘‘བྷ་ག་ཝཱ ས་ཡཾ དྷ་མྨ་སྶཱ་མཱི’’ཏི. དྷ་མྨ་སྶཱ་མཱིཏི ཙ དྷ་མྨ་སྶ ཨི་སྶ་རོ, དྷ་མྨེ་ན ཝཱ དེ་ཝ་མ་ནུ་སྶཱ་ནཾ ཨི་སྶ་རོ, ཨ་དྷི་པ་ཏཱི་ཏི ཨ་ཏྠོ. བྷི་ཀྑཱུ་ནཾ ཨ་ཀ་ར་ཎ་ཏྠཱ་ཡ བྷི་ཀྑཱུ་ནཾ སི་ཀྑཱ་པ་ད་ནྟི ཡོ་ཛ་ནཱ. ཏ་ཏྠཱཏི ‘‘ན བྷི་ཀྑ་ཝེ’’ཏི་ཨཱ་དི་ཝ་ཙ་ནེ. ‘‘དྷ་ཛཾ བ་ནྡྷི་ཏྭཱ’’ཏི་ཨཱ་དི་ནཱ དྷ་ཛ་སྶ བ་ནྡྷ་ནཾ དྷ་ཛ་བ་ནྡྷོ, དྷ་ཛ་བ་ནྡྷོ ཝི་ཡཱ་ཏི དྷ་ཛ་བ་ནྡྷོ, དྷ་ཛ་བ་ནྡྷོ ཧུ་ཏྭཱ ཙ་ར་ཏཱི་ཏི དྷ་ཛ་བ་ནྡྷོཏི ཝ་ཙ་ན་ཏྠཾ ད་སྶེ་ཏི. ཏ་སྨཱཏི ཡ་སྨཱ དྷ་ཛ་བ་ནྡྷོ, ཏ་སྨཱ. ཡོཏི ཙོ་རོ. པ་ནྠ་དུ་ཧ་ནཾ ཝཱཏི པ་ནྠེ དུ་ཧ་ནཾ ཝཱ. པ་ཉྙཱ་ཡ་ཏི ཙཱཏི ཨེ་ཏྠ ཙ་ས་དྡོ ཝཱ་ཀྱ་ས་མྤི་ཎྜ་ན་ཏྠོ. ན ཀེ་ཝ་ལ་ཉྷི ཝི་ཙ་ར་ཏི་ཡེ་ཝ, ཨ་ཐ ཁོ པ་ཉྙཱ་ཡ་ཏི ཙཱ་ཏི ཨ་ཏྠོ. ཨི་དནྟི ཙོ་ར་ཀ་མྨཾ. ར་ཛྫནྟི རཱ་ཛ་བྷཱ་ཝཾ. སོཏི རཱ་ཛ་པུ་ཏྟོ. ཧཱིཏི ས་ཙྩཾ, ཡ་སྨཱ ཝཱ. ཏ་སྨིནྟི རཱ་ཛ་པུ་ཏྟེ. པུ་བྦེཏི པུ་བྦ་ཀཱ་ལེ. ཏནྟི ཙོ་རཾ. ཨེ་ཝནྟི ཨི་མི་ནཱ་ཀཱ་རེ་ན, ཛཱ་ན་ནྟི ཙེ་ཏི ཡོ་ཛ་ནཱ. ཨ་དི་སྶ་མཱ་ནཱཏི ཨ་ཏྟཱ་ནཾ ཨ་པ་ཉྙཱ་ཡ་མཱ་ནཱ. ཨི་དཾ ས་ནྡྷི་ཙྪེ་དཱ་དི་ཙོ་རེ ས་ནྡྷཱ་ཡ ཝུ་ཏྟཾ, ན ཨ་མྦ་ལ་བུ་ཛཱ་དི་ཙོ་རེ. པ་ཙྪཱ་པཱིཏི ཐེ་ཡྻ་ཀ་ར་ཎ་ཏོ པ་ཙྪཱ་པི. ཏེ་པཱིཏི ཙོ་རེ་པི.
༩༢. བྷ་ཡེ་ནཱཏི བྷ་ཡ་ཏོ. ཨེ་ཏེ པ་ནཱཏི བྷི་ཀྑཱུ པ་ན. ལ་དྡྷཱ་བྷ་ཡ་ཏྟཱཏི རཱ་ཛ་ཏོ ལ་དྡྷོ ཨ་བྷ་ཡོ ཨི་མེ་ཧཱི་ཏི ལ་དྡྷཱ་བྷ་ཡཱ, ཏེ་སཾ བྷཱ་ཝོ ལ་དྡྷཱ་བྷ་ཡ་ཏྟཾ, ཏ་སྨཱ. ཀཱ་ར་བྷེ་ད་ཀོཏི ཨེ་ཏྠ ཀཱ་རས་དྡོ རུ་ཀྑ་ཝི་སེ་སེ =༠༩ ཙ ས་ཀྐཱ་རེ ཙ བ་ནྡྷ་ནཱ་ལ་ཡེ ཙ པ་ཝ་ཏྟ་ཏི, ཨི་དྷ པ་ན བ་ནྡྷ་ནཱ་ལ་ཡེ་ཏི ད་སྶེ་ནྟོ ཨཱ་ཧ ‘‘ཀཱ་རཾ ཝུ་ཙྩ་ཏི བ་ནྡྷ་ནཱ་གཱ་ར’’ནྟི. བ་ནྡྷ་ནཱ་གཱ་ར་ཉྷི ཀ་རོ་ནྟི ཏཾ པ་ཝེ་སི་ཏེ ཛ་ནེ ཧིཾ་ས་ནྟི ཨེ་ཏྠཱ་ཏི ‘‘ཀཱ་རཱ’’ཏི ཝུ་ཙྩ་ཏི. ཨི་དྷཱཏི ‘‘ཀཱ་ར་བྷེ་ད་ཀོ’’ཏི་པ་དེ. དཱི་པ་བ་ནྡྷ་ནཾ ཝཱ ཧོ་ཏཱུ་ཏི ཡོ་ཛ་ནཱ. ཨི་མེ་ཧི པ་དེ་ཧི ན ཀེ་ཝ་ལཾ བ་ནྡྷ་ནཱ་གཱ་རཾ་ཡེ་ཝ ཀཱ་རཱ ནཱ་མ ཧོ་ཏི, ཨ་ཐ ཁོ ཨ་ནྡུ་བ་ནྡྷ་ནཱ་དཱི་ནི་པི ཀཱ་རཱ་ཡེ་ཝ ནཱ་མཱ་ཏི ད་སྶེ་ཏི. ཡོཏི ཙོ་རོ. ཨེ་ཏེ་སཱུཏི བ་ནྡྷ་ནེ་སུ. མུ་ཉྩི་ཏྭཱ ཝཱཏི ར་ཛྫུ་བ་ནྡྷ་ནཾ ནི་བྦེ་ཋེ་ཏྭཱ ཝཱ. ཨི་མེ་ཧི པ་དེ་ཧི ན ཀེ་ཝ་ལཾ ཀཱ་རཱ་ཡ བྷི་ནྡ་ན་ཏོ ཨེ་ཝ ཀཱ་ར་བྷེ་ད་ཀོ ནཱ་མ ཧོ་ཏི, ཨ་ཐ ཁོ ཚི་ནྡ་ན་མུ་ཉྩ་ན་ཝི་ཝ་ར་ཎེ་ཧི་པི ཀཱ་ར་བྷེ་ད་ཀོ་ཡེ་ཝ ནཱ་མཱ་ཏི ད་སྶེ་ཏི. དཱི་པ་ནྟ་རནྟི བ་ནྡྷ་ན་དཱི་པ་ཏོ ཨ་ནྟ་རཾ ཨ་ཉྙཾ དཱི་པ་ནྟི ཨ་ཏྠོ. ཙ་ཀྐ་ཝཱ་ལ༹་བ་ནྡྷ་ནཾ བྷི་ནྡི་ཏྭཱ ཙ་ཀྐ་ཝཱ་ལ༹་ནྟ་རཾ ག་ཏོ ཨ་ཊྛ་ཀ་ཐཱ་ཡཾ ན ཝུ་ཏྟོ. སོཏི ན་ཙོ་ར་ཀོ. གཱ་མ་ནི་ག་མ་པ་ཊྚ་ནཱ་དཱི་ནཱིཏི ཨེ་ཏྠ པ་ཊྚ་ནནྟི ནཱ་ཝཱ་པ་ཊྚ་ནཾ, ས་ཀ་ཊ་པ་ཊྚ་ན་ཉྩ. ཀེ་ཎི་ཡཱཏི ར་ཉྙོ དཱ་ཏ་བྦ་ཨཱ་ཡེ་ན. ཏནྟི ཀེ་ཎིཾ. ནི་དྷཱ་ནནྟི ནི་ཀྑ་ཎི་ཏྭཱ ཋ་པི་ཏཾ དྷ་ནཾ. ཨུ་པ་སཾ་ཧ་རི་ཏྭཱཏི རཱ་ཛཱ་དཱི་ནཾ ས་ནྟི་ཀཾ ཧ་རི་ཏྭཱ. ཏནྟི ཀ་སི་ཀ་མྨཱ་དཱི་ཧི ས་མྤཱ་དེ་ཏྭཱ ཛཱི་ཝ་ནྟཾ. ཏ་ཏྠེ་ཝཱཏི བ་ནྡྷཱ་པི་ཏ་ཊྛཱ་ནེ་ཡེ་ཝ.
༩༣. ཡ་ཏྠཱཏི ཡ་སྨིཾ ཋཱ་ནེ. ཡོ ཀོ་ཙི པ་ལཱ་ཏོ་ཏི ས་མྦ་ནྡྷོ. ན་ནྟི ཡཾ ཀི་ཉྩི ཛ་ནཾ, ལི་ཁཱ་པེ་ཏཱི་ཏི ཡོ་ཛ་ནཱ. པ་ཎྞེ ཝཱཏི ཀུ་སེ ཝཱ. ཨ་སྶཱཏི ཛ་ན་སྶ. ད་ཎྜནྟི དྷ་ན་ད་ཎྜཾ. ལི་ཁི་ཏ་ཀོཏི ལི་ཁི་ཏ་བྦོ་ཏི ལི་ཁི་ཏོ, སོ་ཡེ་ཝ ལི་ཁི་ཏ་ཀོ.
༩༤. ཡོ པ་ན ཀ་སཱ་ཧི ཧ་ཉྙ་ཏཱི་ཏི ས་མྦ་ནྡྷོ. ཨི་མི་ནཱ ཨ་ཉྙེ་ཧི ཀ་སཱ་ཧི ཧ་ཉྙ་ཏཱི་ཏི ཀ་སཱ་ཧ་ཏོཏི ཝ་ཙ་ན་ཏྠཾ ད་སྶེ་ཏི. ‘‘ཨ་ཡ་མེ་ཝ ཏེ ད་ཎྜོ ཧོ་ཏཱུ’’ཏི ཨི་མི་ནཱ ཀ་ཏཾ ད་ཎྜ་ཀ་མྨཾ ཨི་མ་སྶཱ་ཏི ཀ་ཏ་ད་ཎྜ་ཀ་མྨོཏི ཝ་ཙ་ན་ཏྠཾ ད་སྶེ་ཏི. ཨ་ལླ་ཝ་ཎོཏི ཏི་ནྟ་ཝ་ཎོ. གྷཱ་ཏེ་ཏྭཱཏི ཧ་ནི་ཏྭཱ པ་ཧ་རི་ཏྭཱ་ཏི ཨ་ཏྠོ. ག་ཎྜི་ག་ཎྜི་ཡོཏི ཕོ་ཊ་ཕོ་ཊཱ. ས་ནྣི་སི་ནྣཱ་སཱུཏི ག་ཎྜཱི་སུ པ་ཀ་ཏི་ས་རཱི་རེ་ན ས་མཾ ནི་སི་ནྣཱ་སུ.
༩༥. ཀ་ཏ་ད་ཎྜ་ཀ་མྨ་བྷཱ་ཝོ ཏཱ་ཝ པུ་རི་མ་ན་ཡེ་ནེ་ཝ ཝེ་དི་ཏ་བྦོ ཧོ་ཏུ, ཀ་ཐཾ པ་ན ལ་ཀྑ་ཎཱ་ཧ་ཏ་བྷཱ་ཝོ ཝེ་དི་ཏ་བྦོ་ཏི ཨཱ་ཧ ‘‘ཡ་སྶ པ་ནཱ’’ཏི་ཨཱ་དི. ཏ་ཏྠ ཏ་ཏྟེ་ནཱཏི ཏཱ་པེ་ན. ལ་ཀྑ་ཎནྟི ས་ཉྙཱ་ཎཾ. སོཏི ཛ་ནོ. བྷུ་ཛི་སྶོཏི བྷུ་ཛོ ཨེ་ཏ་སྶ་ཏྠཱི་ཏི བྷུ་ཛི་སྶོ (མ. ནི. ཊཱི. ༢.༤༢༦). པ་རེ་ཧི ཨ་པཱ་ལི་ཏོ ཙ ཨ་ན་ཛ྄ཛྷོ་ཧ་རཱ་པི་ཏོ ཙ ཧུ་ཏྭཱ ས་ཡ་མེ་ཝ ཨ་ཏྟཱ་ནཾ པཱ་ལ་ནེ་ན ཙ བྷོ་ཛ་ནཾ ཨ་ཛ྄ཛྷོ་ཧ་ར་ཎེ་ན ཙ ས་མ་ནྣཱ་ག་ཏོ་ཏི ཝུ་ཏྟཾ ཧོ་ཏི. ཨ་སྶཱཏི ལ་ཀྑ་ཎཱ་ཧ་ཏ་སྶ. ཝ་ཎཱཏི ཨ་རཱུ་ནི. ཏཱ་ནི ཧི ཡ་སྨཱ ཝ་ཎ་ནྟི ག་ཏྟཱ་ནི ཝི་ཙུ་ཎྞཱ་ནི ཀ་རོ་ནྟི, ཏ་སྨཱ ཝ་ཎཱ་ཏི ཝུ་ཙྩ་ནྟི. རཱུ་ལ༹ྷཱཏི ཏ་རུ་ཎ་མཾ་སེ་ན རུ་ཧཱ. ཏི་མ་ཎྜ་ལ་ཝ་ཏྠ་སྶ ལ་ཀྑ་ཎཱ་ཧ་ཏ་སྶ ཛ་ན་སྶཱ་ཏི ས་མྦ་ནྡྷོ.