༡༢. ཨུ་རུ་ཝེ་ལ་པཱ་ཊི་ཧཱ་རི་ཡ་ཀ་ཐཱ

༣༨. པ་རི་ཡཱ་དི་ཡེ་ཡྻནྟི ཨེ་ཏྠ དཱ་དྷཱ་ཏུ་སྶ པ་རཱི་ཏི ཙ ཨཱ་ཏི ཙ ཨུ་པ་ས་གྒ་ཝ་སེ་ན ཨ་བྷི་བྷ་ཝ་ན་ཏྠོ་ཏི ཨཱ་ཧ ‘‘ཨ་བྷི་བྷ་ཝེ་ཡྻ’’ནྟི.

༣༩. པ་ཙྪཱ པ་ཀྑི་ཏྟཱཏི ས་ངྒཱི་ཏི་ཏོ པ་རཾ པོ་ཏྠ་ཀཱ་རཱུ་ལ༹ྷེ་ཧི ཋ་པི་ཏཱ་ཏི ཨ་ཏྠོ.

༤༤. ‘‘ཨེ་ཝཾ ཝ་ད་ནྟོ ཝི་ཡ ཨོ་ཎ་ཏོ’’ཏི ཨི་མི་ནཱ ‘‘ཨཱ་ཧ་ར་ཧ་ཏྠོ’’ཏི་པ་ད་སྶ ཏ་དྡྷི་ཏ་བྷཱ་ཝཾ ད་སྶེ་ཏི. ཝི་ཏྠི་ཎྞ་མུ་ཁ་ཏྟཱ མ་ནྡཾ ཧཱི་ནཾ ཨ་ཏི་མུ་ཁ་མེ་ཏཱ་ས་ནྟི ཝ་ཙ་ན་ཏྠེ་ན ཨ་གྒི་ཀ་པཱ་ལཱ མ་ནྡཱ་མུ་ཁི་ཡོཏི ཝུ་ཙྩ་ནྟཱི་ཏི ཨཱ་ཧ ‘‘ཨ་གྒི་བྷཱ་ཛ་ནཱ་ནི ཝུ་ཙྩ་ནྟཱི’’ཏི.

༥༡. ཡ་སྨཱ ཡོ ནཱ་ག་ད་མ་ན་ཀཱ་ལོ ཙི་རཾ པ་ཏ་ཏི པ་ཝ་ཏྟ་ཏི, ཏ་སྨཱ སོ ཙི་ར་པ་ཏི་ཀོཏི ཝུ་ཙྩ་ཏི, ཏ་སྨཱ ཙི་ར་པ་ཏི་ཀཱ པ་ཊྛཱ་ཡ ཨ་བྷི་པྤ་ས་ནྣཱ་ཏི ཡོ་ཛ་ནཱ. ཨི་ཏི ཨི་མ་མ་ཏྠཾ ད་སྶེ་ནྟོ ཨཱ་ཧ ‘‘ཙི་ར་ཀཱ་ལ་ཏོ པ་ཊྛཱ་ཡཱ’’ཏི.

༥༢. ས་བྦ་ཏྠཱཏི ས་བྦེ་སུ ‘‘ཛ་ཊཱ་མི་སྶ’’ནྟི་ཨཱ་དི་པ་དེ་སུ. ཁཱ་རི་ཀཱ་ཛནྟི ཨེ་ཏྠ ཀ་མ་ཎྜ་ལུ་ཨཱ་དི་ཀཱ ཏཱ་པ་ས་པ་རི་ཀྑཱ་རཱ ཁཱ་རཱི་ཏི ཝུ་ཙྩ་ནྟི, ཁཱ་རི་ས་ངྑཱ་ཏེ་ན བྷཱ་རེ་ན པཱུ་རི་ཏོ ཀཱ་ཛོ ཁཱ་རི་ཀཱ་ཛོ་ཏི ཨ་ཏྠཾ ཨེ་ཀ་དེ་སེ་ན ད་སྶེ་ནྟོ ཨཱ་ཧ ‘‘ཁཱ་རི་བྷཱ་རོ’’ཏི.