༢. དུ་ཏི་ཡ་པཱ་རཱ་ཛི་ཀ་སི་ཀྑཱ་པ་དཾ

༦༦༤. དུ་ཏི་ཡེ ཀ་ཙྩི ནོ སཱཏི ཨེ་ཏྠ ནོས་དྡོ ནུ་ས་དྡ་ཏྠོ་ཏི ཨཱ་ཧ ‘‘ཀ་ཙྩི ནུ སཱ’’ཏི. པ་རི་ཝཱ་ར་ཝི་པ་ཏྟཱིཏི པ་རི་ཛ་ན་སྶ ཝི་ནཱ་ས་ནཾ. ‘‘ཨ་ཀི་ཏྟཱི’’ཏི ཨེ་ཏྠ ས་མྨུ་ཁཱ ནི་ནྡཾ ག་ཧེ་ཏྭཱ ‘‘ཨ་ཡ་སོ’’ཏི་ཨི་མི་ནཱ པ་ར་མྨུ་ཁཱ ནི་ནྡཱ ག་ཧེ་ཏ་བྦཱ་ཏི ད་སྶེ་ཏུཾ ཝུ་ཏྟཾ ‘‘པ་ར་མྨུ་ཁ་ག་ར་ཧཱ ཝཱ’’ཏི.

༦༦༦. ‘‘ཡཱ པཱ་རཱ་ཛི་ཀཾ ཨཱ་པ་ནྣཱ’’ཏི་ཨི་མི་ནཱ ‘‘སཱ ཝཱ’’ཏི ཨེ་ཏྠ ཏ་ས་དྡ་སྶ ཝི་ས་ཡཾ ད་སྶེ་ཏི. ཙ་ཏུ་ནྣནྟི ནི་དྡྷཱ་ར་ཎ་ཏྠེ ཙེ་ཏཾ སཱ་མི་ཝ་ཙ་ནཾ, ཙ་ཏཱུ་སཱུ་ཏི ཨ་ཏྠོ. པ་ཙྪཱཏི ས་བྦ་པཱ་རཱ་ཛི་ཀཱ་ནཾ པ་ཙྪཱ. ཨི་མ་སྨིཾ ཨོ་ཀཱ་སེཏི པ་ཋ་མ་ཏ་ཏི་ཡ་པཱ་རཱ་ཛི་ཀཱ་ན་མ་ནྟ་རེ ཋཱ་ནེ. ཋ་པི་ཏནྟི ས་ངྒཱི་ཏི་ཀཱ་རེ་ཧི ནི་ཀྑི་ཏྟཾ. ཨེ་ཏྠཱཏི ཨི་མ་སྨིཾ སི་ཀྑཱ་པ་དེ. ཏ་ཏྲཱཏི དུ་ཊྛུ་ལླ་སི་ཀྑཱ་པ་དེ་ཏི. དུ་ཏི་ཡཾ.