༦. ཛོ་ཏི་སི་ཀྑཱ་པ་དཾ

༣༥༠. ཚ་ཊྛེ ཛ་ན་པ་ད་སྶ ནཱ་མ་ཏྟཱ བ་ཧུ་ཝ་ཙ་ན་ཝ་སེ་ན ‘‘བྷ་གྒེ་སཱུ’’ཏི པཱ་ལི༹་ཡཾ ཝུ་ཏྟཾ. སུ་སུ་མཱ་ར་ས་ཎྛཱ་ནོ པ་བྦ་ཏ་ས་ངྑཱ་ཏོ གི་རི ཨེ་ཏྠཱ་ཏི སུ་སུ་མཱ་ར་གི་རི, ཨེ་ཏ་སྶ ཝཱ མཱ་པི་ཏ་ཀཱ་ལེ སུ་སུ་མཱ་རོ གི་ར་ཏི ས་དྡཾ ནི་གྒི་ར་ཏི ཨེ་ཏྠཱ་ཏི སུ་སུ་མཱ་ར་གི་རཱིཏི ཨ་ཏྠ་མ་ན་པེ་ཀྑི་ཏྭཱ ཝུ་ཏྟཾ ‘‘ན་ག་ར་སྶ ནཱ་མ’’ནྟི. ཏཾ པ་ནཱཏི ཝ་ནཾ པ་ན. ‘‘མི་གཱ་ན’’ནྟི་ཨཱ་དི་ནཱ མི་གཱ་ནཾ ཨ་བྷ་ཡོ དཱི་ཡ་ཏི ཨེ་ཏྠཱ་ཏི མི་ག་དཱ་ཡོཏི ཨ་ཏྠཾ ད་སྶེ་ཏི.

༣༥༢. ‘‘ཛོ་ཏི་ཀེ’’ཏི་པ་ད་སྶ ཛོ་ཏི་སྶ ཨ་གྒི་སྶ ཀ་ར་ཎཾ ཛོ་ཏི་ཀནྟི ད་སྶེ་ཏུཾ ཝུ་ཏྟཾ ‘‘ཛོ་ཏི་ཀ་ར་ཎེ’’ཏི.

༣༥༤. ‘‘ས་མཱ་ད་ཧི་ཏུ་ཀཱ་མ་ཏཱ་ཡཱ’’ཏི་པ་དཾ ‘‘ཨ་ར་ཎི་ས་ཎྛཱ་པ་ན་ཏོ’’ཏི་པ་དེ ཧེ་ཏུ. ཛཱ་ལཱཏི སི་ཁཱ. སཱ ཧི ཛ་ལ་ཏི དི་བྦ་ཏཱི་ཏི ཛཱ་ལཱ་ཏི ཝུ་ཙྩ་ཏི.

པ་ཏི་ལཱ་ཏཾ ཨུ་ཀྑི་པ་ཏཱིཏི ཨེ་ཏྠ ‘‘པ་ཏི་ཏཱ་ལཱ་ཏ’’ནྟི ཝ་ཏྟ་བྦེ ཏ་ཀཱ་ར་ལོ་པཾ ཀ་ཏྭཱ ས་ནྡྷི་ཝ་སེ་ན པ་ཏི་ལཱ་ཏ་ནྟི ཝུ་ཏྟ་ནྟི ཨཱ་ཧ ‘‘ཨ་ལཱ་ཏཾ པ་ཏི་ཏཾ ཨུ་ཀྑི་པ་ཏཱི’’ཏི. ཨ་ལཱ་ཏནྟི ཨུ་མྨུ་ཀྐཾ. ཏ་ཉྷི ཨཱ་དི་ཏྟཾ ཧུ་ཏྭཱ ཨ་ཏི་ཨུ་ཎྷ་ཏྟཱ ན ལཱ་ཏ་བྦཾ ན ག་ཎྷི་ཏ་བྦ་ནྟི ཨ་ལཱ་ཏ་ནྟི ཝུ་ཙྩ་ཏི. ཨ་ཝི་ཛ྄ཛྷཱ་ཏནྟི ཛྷཱ་ཡ་ན་ཏོ ཌ་ཡ྄ཧ་ན་ཏོ ཨ་ཝི་ག་ཏཾ ཨ་ལཱ་ཏ་ནྟི ས་མྦ་ནྡྷོ. ཛྷཱ་ཡ་ནཾ ཌ་ཡ྄ཧ་ནཾ ཛྷཱ་ཏཾ, ཝི་ག་ཏཾ ཛྷཱ་ཏཾ ཨི་མ་སྶཱ་ལཱ་ཏ་སྶཱ་ཏི ཝི་ཛ྄ཛྷཱ་ཏཾ.

༣༥༦. པ་དཱི་པཱ་དཱི་ནཱིཏི པ་དཱི་པ་ཛོ་ཏི་ཀཱ་དཱི་ནི. ཏ་ཏྠཱཏི ཏཱ་སུ དུ་ཊྛ་ཝཱ་ལ༹་མི་ག་ཨ་མ་ནུ་སྶ་ས་ངྑཱ་ཏཱ་སུ ཨཱ་པ་དཱ་སུ ནི་མི་ཏྟ་བྷཱུ་ཏཱ་སུ. ནི་མི་ཏྟ་ཏྠེ ཙེ་ཏཾ བྷུ་མྨ་ཝ་ཙ་ན་ནྟི. ཚ་ཊྛཾ.