༣. ས་བྷོ་ཛ་ན་སི་ཀྑཱ་པ་དཾ

༢༧༩. ཏ་ཏི་ཡེ ‘‘ས་ཡ་ནི་ཡ་གྷ་རེ’’ཏི ཝ་ཏྟ་བྦེ ཡ་ཀཱ་ར་ལོ་པཾ ཀ་ཏྭཱ ‘‘ས་ཡ་ནི་གྷ་རེ’’ཏི ཝུ་ཏྟ་ནྟི ཨཱ་ཧ ‘‘ས་ཡ་ནི་གྷ་རེ’’ཏི. ཡ་ཏོཏི ཨེ་ཏྠ ཏོ་ས་དྡོ པ་ཋ་མཱ་དཱི་སུ ཨ་ཏྠེ་སུ དི་སྶ་ཏི. ‘‘ཡ་ཏོ་ནི་དཱ་ན’’ནྟི་ཨཱ་དཱི་སུ (སུ. ནི. ༢༧༥) པ་ཋ་མ་ཏྠེ. ‘‘ཨ་ནྟ་རཱ་ཡེ ཨ་སེ་ས་ཏོ’’ཏི་ཨཱ་དཱི་སུ (དྷ. ས. ཨ་ཊྛ. ག་ནྠཱ་ར་མྦྷ་ཀ་ཐཱ ༧) དུ་ཏི་ཡ་ཏྠེ. ‘‘ཨ་ནི་ཙྩ་ཏོ’’ཏི་ཨཱ་དཱི་སུ (པ་ཊྛཱ. ༡.༡.༤༠༩) ཏ་ཏི་ཡ་ཏྠེ. ‘‘མཱ་ཏི་ཏོ པི་ཏི་ཏོ’’ཏི་ཨཱ་དཱི་སུ (དཱི. ནི. ༡.༣༡༡) པ་ཉྩ་མྱ་ཏྠེ. ‘‘ཡཾ པ་ར་ཏོ དཱ་ན་པ་ཙྩ་ཡཱ’’ཏི་ཨཱ་དཱི་སུ (ཛཱ. ༢.༢༢.༥༨༥) ཚ་ཊྛྱ་ཏྠེ. ‘‘པུ་ར་ཏོ པ་ཙྪ་ཏོ’’ཏི་ཨཱ་དཱི་སུ (པཱ་ཙི. ༥༧༦) ས་ཏྟ་མྱ་ཏྠེ. ‘‘པ་ད་མ་ཏོ’’ཏི་ཨཱ་དཱི་སུ ཀཱ་ར་ཎ་ཏྠེ དི་སྶ་ཏི. ཨི་དྷཱ་པི ཀཱ་ར་ཎ་ཏྠེ་ཡེ་ཝཱ་ཏི ཨཱ་ཧ ‘‘ཡ་སྨཱ’’ཏི. ཡ་སྨཱ ཀཱ་ར་ཎཱ ཨ་ཡྻ་སྶ བྷི་ཀྑཱ དི་ནྣཱ, ཏ་སྨཱ ག་ཙྪ་ཐ བྷ་ནྟེ ཏུ་མྷེ་ཏི ཨ་ཏྠོ. ཡནྟི བྷི་ཀྑཾ. ཝོཏི ཏུ་མྷེ་ཧི. ཨ་དྷི་པྤཱ་ཡོཏི པུ་རི་ས་སྶ ཨ་ཛ྄ཛྷཱ་ས་ཡོ. ‘‘པ་རི་ཡུ་ཊྛི་ཏོ’’ཏི སཱ་མ་ཉྙ་ཏོ ཝུ་ཏྟེ་པི ཨ་ཏྠ་པ་ཀ་ར་ཎཱ་དི་ཏོ རཱ་ག་པ་རི་ཡུ་ཊྛི་ཏོ་ཝཱ་དྷི་པྤེ་ཏོ་ཏི ཨཱ་ཧ ‘‘རཱ་ག་པ་རི་ཡུ་ཊྛི་ཏོ’’ཏི, རཱ་གེ་ན པ་རི་བྷ་ཝི་ཏྭཱ ཨུ་ཊྛི་ཏོ་ཏི ཨ་ཏྠོ.

༢༨༠. ས་བྷོ་ཛ་ནནྟི ཨེ་ཏྠ ས་ཀཱ་རོ ས་ཧ་ས་དྡ་ཀཱ་རི་ཡོ ཙ ཨ་ཀཱ་རུ་ཀཱ་རཱ་ནཾ ཨ་ས་རཱུ་པ་ཏྟཱ ཨ་ཀཱ་ར་ཏོ ཨུ་ཀཱ་ར་སྶ ལོ་པོ ཙ ཏཱི་སུ པ་དེ་སུ པ་ཙྪི་མཱ་ནཾ དྭི་ནྣཾ པ་དཱ་ནཾ ཏུ་ལྱ་ཏྠ་ནི་སྶི་ཏ་ས་མཱ་སོ ཙ པུ་བྦ་པ་དེ་ན ས་ཧ བྷེ་ད་ནི་སྶི་ཏ་བཱ་ཧི་ར་ཏྠ་ས་མཱ་སོ ཙ ཧོ་ཏི, ཨི་ཏི ཨི་མ་མ་ཏྠཾ ད་སྶེ་ནྟོ ཨཱ་ཧ ‘‘ས་ཧ ཨུ་བྷོ་ཧི ཛ་ནེ་ཧཱི’’ཏི. ཨ་ཐ ཝཱ བྷུ་ཉྫི་ཏ་བྦ་ནྟི བྷོ་ཛ་ནཾ, སཾ ཝི་ཛྫ་ཏི བྷོ་ཛ་ནཾ ཨ་སྨིཾ ཀུ་ལེ་ཏི ས་བྷོ་ཛ་ནནྟི ད་སྶེ་ནྟོ ཨཱ་ཧ ‘‘ཨ་ཐ ཝཱ’’ཏི་ཨཱ་དི. ཧཱིཏི ས་ཙྩཾ. ཏེ་ནེ་ཝཱཏི ཏེ་ནེ་ཝ ཨ་ཉྙ་མ་ཉྙཾ བྷུ་ཉྫི་ཏ་བྦ་ཏྟཱ. ཨ་སྶཱཏི ‘‘ས་བྷོ་ཛ་ནེ’’ཏི་པ་ད་སྶ. གྷ་རེཏི ཨེ་ཏྠ པུ་བྦོ ས་ཡ་ནི་ས་དྡོ ལོ་པོ་ཏི ཨཱ་ཧ ‘‘ས་ཡ་ནི་གྷ་རེ’’ཏི. ཨི་མི་ནཱ ‘‘ད་ཏྟོ’’ཏི་ཨཱ་དཱི་སུ ཝི་ཡ པུ་བྦ་པ་ད་ལོ་པ་ས་མཱ་སཾ ད་སྶེ་ཏི. པི་ཊྛ་ས་ངྒྷཱ་ཊ་སྶཱཏི ཨེ་ཏྠ པི་ཊྛ་ས་ངྒྷཱ་ཊོ ནཱ་མ ན ཨ་ཉྙ་སྶ ཡ་སྶ ཀ་སྶ་ཙི, ཨ་ཐ ཁོ ས་ཡ་ནི་གྷ་ར་ག་བྦྷ་སྶེ་ཝཱ་ཏི ཨཱ་ཧ ‘‘ཏ་སྶ ས་ཡ་ནི་གྷ་ར་ག་བྦྷ་སྶཱ’’ཏི. ཡ་ཐཱ ཝཱ ཏ་ཐཱ ཝཱཏི ཡེ་ན ཝཱ ཏེ ན ཝཱ ཨཱ་ཀཱ་རེ་ན. ཀ་ཏ་སྶཱཏི པི་ཊྛི་ཝཾ་སཾ ཨཱ་རོ་པེ་ཏྭཱ ཝཱ ཨ་ནཱ་རོ་པེ་ཏྭཱ ཝཱ ཀ་ཏ་སྶཱ་ཏི. ཏ་ཏི་ཡཾ.

༢༨༤. ཙ་ཏུ་ཏྠ་པ་ཉྩ་མེ་སུ ཡ་ཐཱ ཙ ས་བྷོ་ཛ་ན་སི་ཀྑཱ་པ་དཾ པ་ཋ་མ་པཱ་རཱ་ཛི་ཀ་ས་མུ་ཊྛཱ་ནཾ, ཨེ་ཝ་མེ་ཝ ཏཱ་ནི་པཱི་ཏི ཡོ་ཛ་ནཱ་ཏི. ཙ་ཏུ་ཏྠ་པ་ཉྩ་མཱ་ནི.