༡. ཨ་ཙེ་ལ་ཀ་སི་ཀྑཱ་པ་ད-ཨ་ཏྠ་ཡོ་ཛ་ནཱ

༢༦༩. ཨ་ཙེ་ལ་ཀ་ཝ་གྒ་སྶ པ་ཋ་མེ པ་རི་ཝི་ས་ཏི ཨེ་ཏྠཱ་ཏི པ་རི་ཝེ་ས་ནནྟི ད་སྶེ་ནྟོ ཨཱ་ཧ ‘‘པ་རི་ཝེ་ས་ན་ཊྛཱ་ན’’ནྟི. པ་རི་བྦཱ་ཛ་ཀ་པ་བྦ་ཛ་ས་དྡཱ ས་མཱ་ནཱ་ཏི ཨཱ་ཧ ‘‘པ་རི་བྦཱ་ཛ་ཀ་ས་མཱ་པ་ནྣོ་ཏི པ་བྦ་ཛྫཾ ས་མཱ་པ་ནྣོ’’ཏི. ཏི་ཏྠེ་ན ས་མཾ པཱུ་ར་ཏཱི་ཏི ས་མ་ཏི་ཏྠཱི་ཀཾ, ན་དཱི་ཨཱ་དཱི་སུ ཨུ་ད་ཀཾ, ས་མ་ཏི་ཏྠི་ཀཾ ཝི་ཡཱ་ཏི ས་མ་ཏི་ཏྠི་ཀཾ, པ་ཏྟ་བྷཱ་ཛ་ནེ་སུ ཡཱ་གུ་བྷ་ཏྟཾ. ཏེ་སནྟི མཱ་ཏཱ་པི་ཏཱུ་ནཾ དེ་ནྟ་སྶཱ་ཏི ས་མྦ་ནྡྷོ. ‘‘དཱ་པེ་ཏཱི’’ཏི ཨེ་ཏྠ དཱ་དྷཱ་ཏུ་ཡཱ ས་མྤ་དཱ་ན་སྶ སུ་ཝི་ཛཱ་ནི་ཏ་ཏྟཱ ཏཾ ཨ་ད་སྶེ་ཏྭཱ ཀཱ་རི་ཏ་ཀ་མྨ་མེ་ཝ ད་སྶེ་ནྟོ ཨཱ་ཧ ‘‘ཨ་ནུ་པ་ས་མྤ་ནྣེ་ནཱ’’ཏི.

༢༧༣. ‘‘ས་ནྟི་ཀེ’’ཏི་ཨི་མི་ནཱ ‘‘ཨུ་པ་ནི་ཀྑི་པི་ཏྭཱ’’ཏི ཨེ་ཏྠ ཨུ་པ་ས་དྡ་སྶ ས་མཱི་པ་ཏྠཾ ད་སྶེ་ཏི. ཏེ་སནྟི ཏི་ཏྠི་ཡཱ་ནཾ. ཏ་ཏྠཱཏི བྷཱ་ཛ་ནེ. ཨི་ཏོཏི པ་ཏྟ་ཏོ. ཨི་དྷཱཏི མ་ཡ྄ཧཾ བྷཱ་ཛ་ནེ. ནནྟི ཁཱ་ད་ནཱི་ཡ་བྷོ་ཛ་ནཱི་ཡཾ. ཏ་སྶཱཏི ཏི་ཏྠི་ཡ་སྶཱ་ཏི. པ་ཋ་མཾ.