༥. ཀ་བ་ལ༹་ཝ་གྒ-ཨ་ཏྠ་ཡོ་ཛ་ནཱ

༦༡༧. ‘‘མུ་ཁ་དྭཱ་ར’’ནྟི ཀ་མྨ་སྶ ‘‘ཨ་ནཱ་ཧ་ཊེ’’ཏི ཙ ‘‘ཝི་ཝ་རི་སྶཱ་མཱི’’ཏི ཙ དྭཱི་སུ ཀི་རི་ཡཱ་སུ ས་མྦ་ནྡྷ་བྷཱ་ཝཾ ད་སྶེ་ཏུཾ ཝུ་ཏྟཾ ‘‘ཨ་ནཱ་ཧ་རི་ཏེ མུ་ཁ་དྭཱ་ར’’ནྟི.

༦༡༨. ས་ཀ་ལཾ ཧ་ཏྠནྟི པ་ཉྩ་ངྒུ་ལིཾ ས་ནྡྷཱ་ཡ ཝུ་ཏྟཾ.

༦༡༩. ས་ཀ་བ་ལེ༹་ནཱཏི ཨེ་ཏྠ ཀ་བ་ལ༹་ས་དྡེ་ན ཝ་ཙ་ན་སྶ ཨ་པ་རི་པུ་ཎྞ་ཀཱ་ར་ཎཾ ས་བྦ་མྤི ག་ཧེ་ཏ་བྦཾ.

༦༢༠. པི་ཎྜུ་ཀྑེ་པ་ཀནྟི་ཨཱ་དཱི་སུ ཝི་ཙྪ་ཏྠེ ཀ་པ་ཙྩ་ཡོ་ཏི ཨཱ་ཧ ‘‘པི་ཎྜཾ ཨུ་ཀྑི་པི་ཏྭཱ ཨུ་ཀྑི་པི་ཏྭཱ’’ཏི. ཏྭཱ་ས་དྡེ་ན ཀི་རི་ཡཱ་ཝི་སེ་ས་ན་བྷཱ་ཝཾ ད་སྶེ་ཏི.

༦༢༤. ‘‘ཨ་ཝ་ཀི་རི་ཏྭཱ’’ཏི ཨི་མི་ནཱ སི་ཏྠཱ་ཝ་ཀཱ་ར་ཀནྟི ཨེ་ཏྠ ཨ་ཝ་པུ་བྦོ ཀི་ར་དྷཱ་ཏུ་ཡེ་ཝ, ན ཀ་ར་དྷཱ་ཏཱུ་ཏི ད་སྶེ་ཏི.

༦༢༦. ‘‘ཙ་པུ་ཙ་པཱུ’’ཏི ཨེ་ཝཾ ས་དྡནྟི ‘‘ཙ་པུ་ཙ་པཱུ’’ཏི ཨེ་ཝཾ ཨ་ནུ་ཀ་ར་ཎ་ར་ཝ་ནྟི. པ་ཉྩ་མོ ཝ་གྒོ.