༦. དུ་ཏི་ཡ་ས་ཧ་སེ་ཡྻ་སི་ཀྑཱ་པ་དཾ

༥༥. ཚ་ཊྛེ ཨཱ་ག་ནྟུ་ཀཱ ཝ་ས་ནྟི ཨེ་ཏྠཱ་ཏི ཨཱ་ཝ་ས་ཐོ, ཨཱ་ཝ་ས་ཐོ ཙ སོ ཨ་གཱ་ར་ཉྩེ་ཏི ཨཱ་ཝ་ས་ཐཱ་གཱ་རནྟི ད་སྶེ་ནྟོ ཨཱ་ཧ ‘‘ཨཱ་ག་ནྟུ་ཀཱ་ནཾ ཝ་ས་ནཱ་གཱ་ར’’ནྟི. མ་ནུ་སྶཱ་ནཾ ས་ནྟི་ཀཱ ཝ་ཙ་ནཾ སུ་ཏྭཱ་ཏི ཝ་ཙ་ན་སེ་སོ ཡོ་ཛེ་ཏ་བྦོ. སཱ་ཊ་ཀནྟི ཨུ་ཏྟ་ར་སཱ་ཊ་ཀཾ, ནི་ཝ་ཏྠ་ཝ་ཏྠ་ནྟི་པི ཝ་ད་ནྟི. ཨ་ཙྩཱ་ག་མྨཱཏི ཏྭཱ་པ་ཙྩ་ཡ་ནྟ་པ་ད་སྶ ས་མྦ་ནྡྷཾ ད་སྶེ་ཏུ་མཱ་ཧ ‘‘པ་ཝ་ཏྟོ’’ཏི. ཡ་ཐཱ ཨོ་མ་ས་ཝཱ་ད་སི་ཀྑཱ་པ་དེ ཨ་ཀྐོ་སེ་ཏུ་ཀཱ་མ་ཏཱ་ཡ ཁ་ཏྟི་ཡཾ ‘‘ཙ་ཎྜཱ་ལོ’’ཏི ཝ་ད་ཏོ ཨ་ལི་ཀཾ བྷ་ཎ་ཏོ་པི མུ་སཱ་ཝཱ་ད་སི་ཀྑཱ་པ་དེ་ན ཨ་ནཱ་པ་ཏྟི, ཨོ་མ་ས་ཝཱ་ད་སི་ཀྑཱ་པ་དེ་ནེ་ཝ ཨཱ་པ་ཏྟི, ཨེ་ཝ་མི་དྷཱ་པི མཱ་ཏུ་གཱ་མེ་ན ས་ཧ ས་ཡ་ཏོ པ་ཋ་མ་ས་ཧ་སེ་ཡྻ་སི་ཀྑཱ་པ་དེ་ན ཨ་ནཱ་པ་ཏྟི, ཨི་མི་ནཱ་ཝ ཨཱ་པ་ཏྟཱི་ཏི ད་ཊྛ་བྦ་ནྟི. ཚ་ཊྛཾ.