༦. ཝ་ཏྟཱ་དི་ཀ་ཎྜ་ནི་དྡེ་སོ
༩༦. ཨུ་པ་ཛ྄ཛྷཱ་ཙ་རི་ཡ་ཝ་ཏྟ་ཉྩ, ག་མི་ཀཱ་ག་ནྟུ་ཀ་མྤི ཙ;
སེ་ནཱ་ས་ནཱ་དི་ཝ་ཏྟ་ཉྩ, ཀཱ་ཏ་བྦཾ པི་ཡ་སཱི་ལི་ནཱ.
༩༧. ཧ་ཏྠ་པཱ་སེ ཋི་ཏོ ཀི་ཉྩི, ག་ཧི་ཏ་བྦཾ ད་དེ ཏི་དྷཱ;
ག་ཧེ་ཏུ་ཀཱ་མོ ག་ཎྷེ་ཡྻ, དྭི་དྷཱ་ཡཾ ས་མྤ་ཊི་གྒ་ཧོ.
༩༨. ས་ངྒྷཱ་ཊི་མུ་ཏྟ་རཱ་ས་ངྒཾ, ཏ་ཐཱ ཨ་ནྟ་ར་ཝཱ་ས་ཀཾ;
‘‘ཨེ་ཏཾ ཨི་མཾ ཨ་དྷི་ཊྛཱ་མི’’, ཏ་ཐཱ ‘‘པ་ཙྩུ་དྡྷ་རཱ་མི’’ཏི.
༩༩. ‘‘ཨི་མཾ ཨི་མཱ་ནི ཨེ་ཏཱ་ནི, ཨེ་ཏ་མྤི ཙཱི་ཝ་ར’’ནྟི ཝཱ;
‘‘པ་རི་ཀྑཱ་ར་ཙོ་ལཱ༹་ནཱི’’ཏི, ཏ་ཐཱ ‘‘པ་ཙྩུ་དྡྷ་རཱ་མི’’ཏི.
༡༠༠. ‘‘ཨེ་ཏཾ ཨི་མཾ ཨ་དྷི་ཊྛཱ་མི, པ་ཏྟཾ པ་ཙྩུ་དྡྷ་རཱ་མི’’ཏི;
ཨེ་ཝཾ པ་ཙྩུ་དྡྷ་རེ་དྷི་ཊྛེ, ཙཱི་ཝ་རཱ་དིཾ ཡ་ཐཱ་ཝི་དྷི.
༡༠༡. ས་ཉྩ་རི་ཏྟཾ ཝི་ནཱ སེ་སཱ, ས་ཙི་ཏྟཱ ག་རུ་ཀ་ནྟི་མཱ;
ཨ་ཙྪི་ནྣཾ པ་རི་ཎ་ཏཾ ཧི་ཏྭཱ, ནི་སྶ་གྒི་ཡ་མ་ཙི་ཏྟ་ཀཾ.
༡༠༢. པ་ད་སོ་དྷ་མྨཾ དུ་ཝེ སེ་ཡྻཱ, ཨི་ཏྠི་ཡཱ དྷ་མྨ་དེ་ས་ནཱ;
དུ་ཝེ སེ་ནཱ་ས་ནཱ་ནཱི་པི, སི་བྦ་ནཾ ཙཱི་ཝ་ར་སྶ་པི.
༡༠༣. པ་ཝཱ་རི་ཏཾ སུ་རཱ་པཱ་ནཾ, པ་ཉྩ་ས་ནྣི་དྷི་ཨཱ་དི་ཀཾ;
ཛོ་ཏི་ནུ་ཛྫཱ་ལ་ན་ཉྩེ་ཝ, ཀ་པྤ་བི་ནྡུ་མ་ནཱ་དི་ཀཾ;
གཱ་མ་པྤ་ཝེ་ས་ན་ནྟེ་ཏེ, པཱ་ཙི་ཏྟཱི་སུ ཨ་ཙི་ཏྟ་ཀཱ.
༡༠༤. པ་ཀི་ཎྞ་ཀེ་སུ ཨུ་དྡི་སྶ-ཀ་ཏཾ ཧི་ཏྭཱ་ཉྙ་མཾ་ས་ཀཾ;
ཨེ་ཀ་ཏྠ་ར་ཎ་པཱ་ཝུ་ར་ཎཾ, ཨེ་ཀ་མ་ཉྩེ ཏུ་ཝ་ཊྚ་ནཾ;
ཨེ་ཀ་ཏོ བྷུ་ཉྫ་ན་ཉྩཱ་པི, ན་ཙྩ་གཱི་ཏཱ་དི་ས་ཏྟ་པི.
༡༠༥. ཨ་ཀཱ་ཡ་བ་ནྡྷ་ན་ཉྩཱ་པི, པ་ཏྟ་ཧ་ཏྠ་ཀ་ཝཱ་ཊ་ཀཾ;
ཨ་ཙི་ཏྟ་ཀ་མི་དཾ ས་བྦཾ, སེ་ས་མེ་ཏྠ ས་ཙི་ཏྟ་ཀཾ.
༡༠༦. ཝཱི་ཏི་ཀྐ་མ་ན་ཙི་ཏྟེ་ན, ས་ཙི་ཏྟ་ཀ་མ་ཙི་ཏྟ་ཀཾ;
པ་ཉྙ་ཏྟི་ཛཱ་ན་ནེ་ནཱ་པི, ཝ་ད་ནྟཱ་ཙ་རི་ཡཱ ཏ་ཐཱ.
༡༠༧. པུ་བྦ་ཀ་ར་ཎཱ་དི་ཀཾ ཀ་ཏྭཱ, ཨུ་པོ་ས་ཐ་པྤ་ཝཱ་ར་ཎཾ;
ན་ཝ་དྷཱ དཱི་པི་ཏཾ ས་བྦཾ, ཀཱ་ཏ་བྦཾ པི་ཡ་སཱི་ལི་ནཱ.
༡༠༨. ས་མྨ་ཛྫ་ནཱི པ་དཱི་པོ ཙ, ཨུ་ད་ཀཾ ཨཱ་ས་ནེ་ན ཙ;
ཨུ་པོ་ས་ཐ་སྶ ཨེ་ཏཱ་ནི, པུ་བྦ་ཀ་ར་ཎ་ནྟི ཝུ་ཙྩ་ཏི.
༡༠༩. ཚ་ནྡ་པཱ་རི་སུ་དྡྷི་ཨུ་ཏུ་ཀྑཱ་ནཾ, བྷི་ཀྑུ་ག་ཎ་ནཱ ཙ ཨོ་ཝཱ་དོ;
ཨུ་པོ་ས་ཐ་སྶ ཨེ་ཏཱ་ནི, པུ་བྦ་ཀི་ཙྩ་ནྟི ཝུ་ཙྩ་ཏི.
༡༡༠. ཨུ་པོ་ས་ཐོ ཡཱ་ཝ་ཏི་ཀཱ ཙ བྷི་ཀྑཱུ ཀ་མྨ་པྤ་ཏྟཱ,
ས་བྷཱ་གཱ་པ་ཏྟི་ཡོ ཙ ན ཝི་ཛྫ་ནྟི;
ཝ་ཛྫ་ནཱི་ཡཱ ཙ པུ་གྒ་ལཱ ཏ་སྨིཾ ན ཧོ་ནྟི,
པ་ཏྟ་ཀ་ལླ་ནྟི ཝུ་ཙྩ་ཏི.
༡༡༡. པུ་བྦ་ཀ་ར་ཎ་པུ་བྦ་ཀི་ཙྩཱ་ནི ས་མཱ་པེ་ཏྭཱ དེ་སི་ཏཱ་པ་ཏྟི་ཀ་སྶ ས་མ་གྒ་སྶ བྷི་ཀྑུ་ས་ངྒྷ་སྶ ཨ་ནུ་མ་ཏི་ཡཱ པཱ་ཏི་མོ་ཀྑཾ ཨུ་དྡི་སི་ཏུཾ ཨཱ་རཱ་དྷ་ནཾ ཀ་རོ་མ.
༡༡༢. པཱ་རི་སུ་དྡྷི་ཨ་དྷི་ཊྛཱ་ན-སུ་ཏྟུ་དྡེ་ས་ཝ་སཱ ཏི་དྷཱ;
ག་ཎ་པུ་གྒ་ལ་ས་ངྒྷཱ ཙ, ཏཾ ཀ་རེ་ཡྻུཾ ཡ་ཐཱ་ཀྐ་མཾ.
༡༡༣. ཙཱ་ཏུ་དྡ་སོ པ་ནྣ་ར་སོ, སཱ་མ་གྒཱི དི་ན་ཏོ ཏི་དྷཱ;
དི་ན་པུ་གྒ་ལ་ཀ་ཏྟ་བྦཱ-ཀཱ་ར་ཏོ ཏེ ན་ཝེ་རི་ཏཱ.
༡༡༤. ཏ་ཡོ ཏ་ཡོ་ཏི ཀ་ཏྭཱ་ན, དི་ན་པུ་གྒ་ལ་བྷེ་ད་ཏོ;
ཏེ་ཝཱ་ཙཱི་དྭེ་ཀ་ཝཱ་ཙཱི་ཏི, ན་ཝ ཝུ་ཏྟཱ པ་ཝཱ་ར་ཎཱ.
༡༡༥. ཀ་ཏྟི་ཀ་ནྟི་མ་པ་ཀྑ་མྷཱ, ཧེ་མཾ ཕ་གྒུ་ན་པུ་ཎྞ་མཱ;
ཏ་སྶ ཨ་ནྟི་མ་པ་ཀྑ་མྷཱ, གི་མྷཾ ཨཱ་སཱ་ལ༹ྷི་པུ་ཎྞ་མཱ;
ཝ་སྶ་ཀཱ་ལཾ ཏ་ཏོ སེ་སཾ, ཙ་ཏུ་ཝཱི་ས་ཏུ་པོ་ས་ཐཱ.
༡༡༦. ཙཱ་ཏུ་དྡ་སཱ ཚ ཨེ་ཏེ་སུ, པ་ཀྑཱ ཏ་ཏི་ཡ་ས་ཏྟ་མཱ;
ཉེ་ཡྻཱ པ་ནྣ་ར་སཱ སེ་སཱ, ཨ་ཊྛཱ་ར་ས ཨུ་པོ་ས་ཐཱ.
༡༡༧. ‘‘ཚ་ནྡཾ ད་མྨི, ཚ་ནྡཾ མེ ཧ་ར, ཚ་ནྡཾ མེ ཨཱ་རོ་ཙེ་ཧཱི’’ཏི ཚ་ནྡཾ དཱ་ཏ་བྦཾ.
༡༡༨. ‘‘པཱ་རི་སུ་དྡྷིཾ ད་མྨི, པཱ་རི་སུ་དྡྷིཾ མེ ཧ་ར, པཱ་རི་སུ་དྡྷིཾ མེ ཨཱ་རོ་ཙེ་ཧཱི’’ཏི པཱ་རི་སུ་དྡྷི དཱ་ཏ་བྦཱ.
༡༡༩. ‘‘པ་ཝཱ་ར་ཎཾ ད་མྨི, པ་ཝཱ་ར་ཎཾ མེ ཧ་ར, པ་ཝཱ་ར་ཎཾ མེ ཨཱ་རོ་ཙེ་ཧི, མ་མ་ཏྠཱ་ཡ པ་ཝཱ་རེ་ཧཱི’’ཏི པ་ཝཱ་ར་ཎཱ དཱ་ཏ་བྦཱ.
༡༢༠. ཨཱ་པ་ཏྟི་དེ་ས་ཀེ་ན ‘‘ཨ་ཧཾ, བྷ་ནྟེ, ས་མྦ་ཧུ་ལཱ ནཱ་ནཱ་ཝ་ཏྠུ་ཀཱ ཨཱ་པ་ཏྟི་ཡོ ཨཱ་པ་ཛྫིཾ, ཏཱ ཏུ་མྷ་མཱུ་ལེ པ་ཊི་དེ་སེ་མཱི’’ཏི ཝ་ཏྭཱ པ་ཊི་གྒ་ཎྷ་ནྟེ་ན ‘‘པ་སྶ་སི, ཨཱ་ཝུ་སོ, ཏཱ ཨཱ་པ་ཏྟི་ཡོ’’ཏི ཝུ་ཏྟེ ‘‘ཨཱ་མ, བྷ་ནྟེ, པ་སྶཱ་མཱི’’ཏི ཝ་ཏྭཱ པུ་ན པ་ཊི་གྒ་ཎྷ་ནྟེ་ན ‘‘ཨཱ་ཡ་ཏིཾ, ཨཱ་ཝུ་སོ, སཾ་ཝ་རེ་ཡྻཱ་སཱི’’ཏི ཝུ་ཏྟེ ‘‘སཱ་དྷུ, སུ་ཊྛུ, བྷ་ནྟེ སཾ་ཝ་རི་སྶཱ་མཱི’’ཏི ཏི་ཀྑ་ཏྟུཾ ཝ་ཏྭཱ དེ་སེ་ཏ་བྦཾ.
༡༢༡. ཝེ་མ་ཏིཾ ཨཱ་རོ་ཙེ་ནྟེ་ན ‘‘ཨ་ཧཾ, བྷ་ནྟེ, ས་མྦ་ཧུ་ལཱ་སུ ནཱ་ནཱ་ཝ་ཏྠུ་ཀཱ་སུ ཨཱ་པ་ཏྟཱི་སུ ཝེ་མ་ཏི་ཀོ, ཡ་དཱ ནི་བྦེ་མ་ཏི་ཀོ བྷ་ཝི་སྶཱ་མི, ཏ་དཱ ཏཱ ཨཱ་པ་ཏྟི་ཡོ པ་ཊི་ཀ་རི་སྶཱ་མཱི’’ཏི ཏི་ཀྑ་ཏྟུཾ ཝ་ཏྭཱ ཨཱ་རོ་ཙེ་ཏ་བྦཾ.
༡༢༢. ‘‘ཨ་ཛྫ མེ ཨུ་པོ་ས་ཐོ ‘པ་ནྣ་ར་སོ, ཙཱ་ཏུ་དྡ་སོ’ཏི ཝཱ ཨ་དྷི་ཊྛཱ་མཱི’’ཏི ཏི་ཀྑ་ཏྟུཾ ཝ་ཏྭཱ པུ་གྒ་ལེ་ན ཨ་དྷི་ཊྛཱ་ནུ་པོ་ས་ཐོ ཀཱ་ཏ་བྦོ.
༡༢༣. དྭཱི་སུ པ་ན ཐེ་རེ་ན ‘‘པ་རི་སུ་དྡྷོ ཨ་ཧཾ ཨཱ་ཝུ་སོ, ‘པ་རི་སུ་དྡྷོ’ཏི མཾ དྷཱ་རེ་ཧཱི’’ཏི ཏི་ཀྑ་ཏྟུཾ ཝ་ཏྟ་བྦཾ. ན་ཝ་ཀེ་ན་པི ཏ་ཐེ་ཝ ཝ་ཏྟ་བྦཾ. ‘‘བྷ་ནྟེ, དྷཱ་རེ་ཐཱ’’ཏི ཝ་ཙ་ནཾ ཝི་སེ་སོ.
༡༢༤. ཏཱི་སུ པ་ན ‘‘སུ་ཎ་ནྟུ མེ ཨཱ་ཡ་སྨ་ནྟཱ, ཨ་ཛྫུ་པོ་ས་ཐོ པ་ནྣ་ར་སོ, ཡ་དཱ་ཡ་སྨ་ནྟཱ་ནཾ པ་ཏྟ་ཀ་ལླཾ, མ་ཡཾ ཨ་ཉྙ་མ་ཉྙཾ པཱ་རི་སུ་དྡྷི་ཨུ་པོ་ས་ཐཾ ཀ་རེ་ཡྻཱ་མཱ’’ཏི ཉ་ཏྟིཾ ཋ་པེ་ཏྭཱ པ་ཊི་པཱ་ཊི་ཡཱ ཝུ་ཏྟ་ན་ཡེ་ན པཱ་རི་སུ་དྡྷི་ཨུ་པོ་ས་ཐོ ཀཱ་ཏ་བྦོ.
༡༢༥. ‘‘ཨ་ཛྫ མེ པ་ཝཱ་ར་ཎཱ ‘ཙཱ་ཏུ་དྡ་སཱི, པ་ནྣ་ར་སཱི’ཏི ཝཱ ཨ་དྷི་ཊྛཱ་མཱི’’ཏི ཏི་ཀྑ་ཏྟུཾ ཝ་ཏྭཱ ཨེ་ཀེ་ན པ་ཝཱ་རེ་ཏ་བྦཾ.
༡༢༦. དྭཱི་སུ པ་ན ཐེ་རེ་ན ‘‘ཨ་ཧཾ, ཨཱ་ཝུ་སོ, ཨཱ་ཡ་སྨ་ནྟཾ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ཏུ མཾ ཨཱ་ཡ་སྨཱ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མཱི’’ཏི ཏི་ཀྑ་ཏྟུཾ ཝ་ཏྭཱ པ་ཝཱ་རེ་ཏ་བྦཾ. ན་ཝ་ཀེ་ནཱ་པི ཏ་ཐེ་ཝ ཝ་ཏྟ་བྦཾ. ‘‘བྷ་ནྟེ’’ཏི ཝ་ཙ་ནཾ ཝི་སེ་སོ.
༡༢༧. ཏཱི་སུ ཝཱ ཙ་ཏཱུ་སུ ཝཱ པ་ན ‘‘སུ་ཎ་ནྟུ མེ ཨཱ་ཡ་སྨ་ནྟཱ, ཨ་ཛྫ པ་ཝཱ་ར་ཎཱ པ་ནྣ་ར་སཱི, ཡ་དཱ་ཡ་སྨ་ནྟཱ་ནཾ པ་ཏྟ་ཀ་ལླཾ, མ་ཡཾ ཨ་ཉྙ་མ་ཉྙཾ པ་ཝཱ་རེ་ཡྻཱ་མཱ’’ཏི ཉ་ཏྟིཾ ཋ་པེ་ཏྭཱ ཐེ་རེ་ན ‘‘ཨ་ཧཾ, ཨཱ་ཝུ་སོ, ཨཱ་ཡ་སྨ་ནྟེ པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ མཾ ཨཱ་ཡ་སྨ་ནྟཱ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མཱི’’ཏི ཏི་ཀྑ་ཏྟུཾ ཝ་ཏྭཱ པ་ཝཱ་རེ་ཏ་བྦཾ. ན་ཝ་ཀེ་ཧི་པི ཏ་ཐེ་ཝ པ་ཊི་པཱ་ཊི་ཡཱ པ་ཝཱ་རེ་ཏ་བྦཾ. ‘‘བྷ་ནྟེ’’ཏི་ཝ་ཙ་ནཾ ཝི་སེ་སོ.
༡༢༨. ཙ་ཏཱུ་ཧི ཨ་དྷི་ཀེ་སུ པ་ན ‘‘སུ་ཎཱ་ཏུ མེ ཨཱ་ཝུ་སོ ས་ངྒྷོ, ཨ་ཛྫ པ་ཝཱ་ར་ཎཱ པ་ནྣ་ར་སཱི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ པ་ཝཱ་རེ་ཡྻཱ’’ཏི ཉ་ཏྟིཾ ཋ་པེ་ཏྭཱ ཝུ་ཌྜྷ་ཏ་རེ་ན ‘‘ས་ངྒྷཾ, ཨཱ་ཝུ་སོ, པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ མཾ ཨཱ་ཡ་སྨ་ནྟོ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མཱི’’ཏི ཏི་ཀྑ་ཏྟུཾ ཝ་ཏྭཱ པ་ཝཱ་རེ་ཏ་བྦཾ. ན་ཝ་ཀེ་ཧི་པི ཏ་ཐེ་ཝ པ་ཊི་པཱ་ཊི་ཡཱ ‘‘ས་ངྒྷཾ, བྷ་ནྟེ, པ་ཝཱ་རེ་མི དི་ཊྛེ་ན ཝཱ སུ་ཏེ་ན ཝཱ པ་རི་ས་ངྐཱ་ཡ ཝཱ, ཝ་ད་ནྟུ མཾ ཨཱ་ཡ་སྨ་ནྟོ ཨ་ནུ་ཀ་མྤཾ ཨུ་པཱ་དཱ་ཡ, པ་སྶ་ནྟོ པ་ཊི་ཀ་རི་སྶཱ་མཱི’’ཏི ཏི་ཀྑ་ཏྟུཾ ཝ་ཏྭཱ པ་ཝཱ་རེ་ཏ་བྦཾ.
མཱུ་ལ་སི་ཀྑཱ ནི་ཊྛི་ཏཱ.
ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ