མཱུ་ལ་སི་ཀྑཱ
ག་ནྠཱ་ར་མྦྷ་ཀ་ཐཱ
ན་ཏྭཱ ནཱ་ཐཾ པ་ཝ་ཀྑཱ་མི, མཱུ་ལ་སི་ཀྑཾ ས་མཱ་ས་ཏོ;
བྷི་ཀྑུ་ནཱ ན་ཝ་ཀེ་ནཱ་དོ, མཱུ་ལ་བྷཱ་སཱ་ཡ སི་ཀྑི་ཏུཾ.
༡. པཱ་རཱ་ཛི་ཀ་ནི་དྡེ་སོ
༡. སཾ ནི་མི་ཏྟཾ པ་ཝེ་ས་ནྟོ, བྷི་ཀྑུ མ་གྒ་ཏྟ་ཡེ ཙུ་ཏོ;
པ་ཝེ་ས་ན་ཊྛི་ཏུ་དྡྷཱ་ར-པ་ཝི་ཊྛེ ཙེ་པི སཱ་དི་ཡཾ.
༢. ཨ་དི་ནྣཾ མཱ་ནུ་སཾ བྷ་ཎྜཾ, ཐེ་ཡྻཱ་ཡེ་ཀེ་ན ཨཱ་དི་ཡཾ;
པ་ཉྩ་ཝཱི་སཱ་ཝ་ཧཱ་རེ་སུ, ག་རུ་ཀཾ ཙེ ཙུ་ཏོ བྷ་ཝེ.
༣. ཨཱ་དི་ཡ་ནྟོ ཧ་ར་ནྟོ་ཝ-ཧ་ར་ནྟོ་པི་རི་ཡཱ་པ་ཐཾ;
ཝི་ཀོ་པེ་ནྟོ ཏ་ཐཱ ཋཱ་ནཱ, ཙཱ་ཝེ་ནྟོ་པི པ་རཱ་ཛི་ཀོ.
༤. ཏ་ཏྠ ནཱ་ནེ་ཀ་བྷ་ཎྜཱ་ནཾ, པ་ཉྩ་ཀཱ་ནཾ ཝ་སཱ པ་ན;
ཨ་ཝ་ཧཱ་རཱ ད་ས་ཉྩེ་ཏི, ཝི་ཉྙཱ་ཏ་བྦཱ ཝི་བྷཱ་ཝི་ནཱ.
༥. སཱ་ཧ་ཏྠཱ་ཎ་ཏྟི་ཀོ ཙེ་ཝ, ནི་སྶ་གྒོ ཙཱ་ཏྠ་སཱ་དྷ་ཀོ;
དྷུ་ར་ནི་ཀྑེ་པ་ན་ཉྩེ་ཝ, ཨི་དཾ སཱ་ཧ་ཏྠ་པ་ཉྩ་ཀཾ.
༦. པུ་བྦ་ས་ཧ་པྤ་ཡོ་གོ ཙ, སཾ་ཝི་དྷཱ་ཧ་ར་ཎ་མྤི ཙ;
ས་ངྐེ་ཏ་ཀ་མྨཾ ནི་མི་ཏྟཾ, པུ་བྦ་པྤ་ཡོ་ག་པ་ཉྩ་ཀཾ.
༧. ཐེ་ཡྻཱ་པ་ས་ཡ྄ཧ་པ་རི་ཀ་པྤ-པྤ་ཊི་ཙྪ་ནྣ་ཀུ་སཱ་དི་ཀཱ;
ཨ་ཝ་ཧཱ་རཱ ཨི་མེ པ་ཉྩ, ཝི་ཉྙཱ་ཏ་བྦཱ ཝི་བྷཱ་ཝི་ནཱ.
༨. མ་ནུ་སྶ་པཱ་ཎཾ པཱ་ཎོ་ཏི, ཛཱ་ནཾ ཝ་དྷ་ཀ་ཙེ་ཏ་སཱ;
ཛཱི་ཝི་ཏཱ ཡོ ཝི་ཡོ་ཛེ་ཏི, སཱ་ས་ནཱ སོ པ་རཱ་ཛི་ཏོ.
༩. ཛྷཱ་ནཱ་དི་བྷེ་དཾ ཧ་ད་ཡེ ཨ་ས་ནྟཾ,
ཨ་ཉྙ་པ་དེ་ས་ཉྩ ཝི་ནཱ་དྷི་མཱ་ནཾ;
མ་ནུ་སྶ་ཛཱ་ཏི་སྶ ཝ་དེ་ཡྻ བྷི་ཀྑུ,
ཉཱ་ཏ་ཀྑ་ཎེ ཏེ་ན པ་རཱ་ཛི་ཀོ བྷ་ཝེ་ཏི.
༢. ག་རུ་ཀཱ་པ་ཏྟི་ནི་དྡེ་སོ
༡༠. མོ་ཙེ་ཏུ་ཀཱ་མ་ཙི་ཏྟེ་ན, ཨུ་པ་ཀྐ་མྨ ཝི་མོ་ཙ་ཡཾ;
སུ་ཀྐ་མ་ཉྙ་ཏྲ སུ་པི་ནཱ, ས་མ་ཎོ ག་རུ་ཀཾ ཕུ་སེ.
༡༡. ཀཱ་ཡ་སཾ་ས་གྒ་རཱ་གེ་ན, མ་ནུ་སྶི་ཏྠིཾ པ་རཱ་མ་སཾ;
ཨི་ཏྠི་ས་ཉྙཱི ཨུ་པ་ཀྐ་མྨ, ས་མ་ཎོ ག་རུ་ཀཾ ཕུ་སེ.
༡༢. དུ་ཊྛུ་ལླ་ཝཱ་ཙ་སྶཱ་དེ་ན, མ་གྒཾ ཝཱ་ར་བྦྷ མེ་ཐུ་ནཾ;
ཨོ་བྷཱ་ས་ནྟོ མ་ནུ་སྶི་ཏྠིཾ, སུ་ཎ་མཱ་ནཾ ག་རུཾ ཕུ་སེ.
༡༣. ཝ་ཎྞཾ ཝ་ཏྭཱ་ཏྟ་ནོ་ཀཱ་མ-པཱ་རི་ཙ་རི་ཡཱ་ཡ མེ་ཐུ་ནཾ;
ཨི་ཏྠིཾ མེ་ཐུ་ན་རཱ་གེ་ན, ཡཱ་ཙ་མཱ་ནོ ག་རུཾ ཕུ་སེ.
༡༤. ས་ནྡེ་སཾ པ་ཊི་གྒ་ཎྷི་ཏྭཱ, པུ་རི་ས་སྶི་ཏྠི་ཡཱ་པི ཝཱ;
ཝཱི་མཾ་སི་ཏྭཱ ཧ་རཾ་པ་ཙྩཱ, ས་མ་ཎོ ག་རུ་ཀཾ ཕུ་སེ.
༡༥. ཙཱ་ཝེ་ཏུ་ཀཱ་མོ ཙོ་དེ་ནྟོ, ཨ་མཱུ་ལ་ནྟི་མ་ཝ་ཏྠུ་ནཱ;
ཙོ་དཱ་པ་ཡཾ ཝཱ ས་མ་ཎོ, སུ་ཎ་མཱ་ནཾ ག་རུཾ ཕུ་སེ.
༡༦. ལེ་ས་མ་ཏྟཾ ཨུ་པཱ་དཱ་ཡ, ཨ་མཱུ་ལ་ནྟི་མ་ཝ་ཏྠུ་ནཱ;
ཙཱ་ཝེ་ཏུ་ཀཱ་མོ ཙོ་དེ་ནྟོ, སུ་ཎ་མཱ་ནཾ ག་རུཾ ཕུ་སེ་ཏི.
༣. ནི་སྶ་གྒི་ཡ་ནི་དྡེ་སོ
༡༧. ཝི་ཀ་པྤ་ན་མ་དྷི་ཊྛཱ་ན-མ་ཀ་ཏྭཱ ཀཱ་ལ་ཙཱི་ཝ་རཾ;
ད་སཱ་ཧ་མ་ཏི་མཱ་པེ་ཏི, ཏ་སྶ ནི་སྶ་གྒི་ཡཾ སི་ཡཱ.
༡༨. བྷི་ཀྑུ་ས་མྨུ་ཏི་ཡཱ་ཉྙ་ཏྲ, ཏི་ཙཱི་ཝ་ར་མ་དྷི་ཊྛི་ཏཾ;
ཨེ་ཀཱ་ཧ་མ་ཏི་མཱ་པེ་ཏི, ནི་སྶ་གྒི ས་མ་ཡཾ ཝི་ནཱ.
༡༩. ཨ་ཉྙཱ་ཏི་ཀཱ བྷི་ཀྑུ་ནི་ཡཱ, པུ་རཱ་ཎ་ཙཱི་ཝ་རཾ པ་ན;
དྷོ་ཝཱ་པེ་ཏི ར་ཛཱ་པེ་ཏི, ཨཱ་ཀོ་ཊཱ་པེ་ཏི ཏཾ སི་ཡཱ.
༢༠. ཨ་ཉྙཱ་ཏི་ཀཱ བྷི་ཀྑུ་ནི་ཡཱ, ཧ་ཏྠ་ཏོ ཀི་ཉྩི མཱུ་ལ་ཀཾ;
ཨ་ད་ཏྭཱ ཙཱི་ཝ་རཱ་དཱ་ནེ, ནི་སྶ་གྒི་ཡ་མུ་དཱི་རི་ཏཾ.
༢༡. ཨ་པྤ་ཝཱ་རི་ཏ་མ་ཉྙཱ་ཏིཾ, ཝི་ཉྙཱ་པེ་ནྟ་སྶ ཙཱི་ཝ་རཾ;
ཨ་ཉྙ་ཏྲ ས་མ་ཡཱ ཏ་སྶ, ནི་སྶ་གྒི་ཡ་མུ་དཱི་རི་ཏཾ.
༢༢. ར་ཛ་ཏཾ ཛཱ་ཏ་རཱུ་པཾ ཝཱ, མཱ་ས་ཀཾ ཝཱ ཀ་ཧཱ་པ་ཎཾ;
ག་ཎྷེ་ཡྻ ཝཱ ག་ཎྷཱ་པེ་ཡྻ, ནི་སྶ་གྒི སཱ་དི་ཡེ་ཡྻ ཝཱ.
༢༣. པ་རི་ཝ་ཏྟེ་ཡྻ ནི་སྶ་གྒི, ར་ཛ་ཏཱ་དི ཙ་ཏུ་བྦི་དྷཾ;
ཀ་པྤི་ཡཾ ཀ་པྤི་ཡེ་ནཱ་པི, ཋ་པེ་ཏྭཱ ས་ཧ་དྷ་མྨི་ཀེ.
༢༤. ཝི་ཀ་པྤ་ན་མ་དྷི་ཊྛཱ་ན-མ་ཀ་ཏྭཱ་ན པ་མཱ་ཎི་ཀཾ;
ད་སཱ་ཧ་མ་ཏི་མཱ་པེ་ཏི, པ་ཏྟཾ ནི་སྶ་གྒི་ཡཾ སི་ཡཱ.
༢༥. པ་ཉྩ་བ་ནྡྷ་ན་ཏོ ཨཱུ་ན-པ་ཏྟེ ས་ཏི པ་རཾ པ་ན;
ཝི་ཉྙཱ་པེ་ཏི ན་ཝཾ པ་ཏྟཾ, ཏ་སྶ ནི་སྶ་གྒི་ཡཾ སི་ཡཱ.
༢༦. པ་ཊི་གྒ་ཧེ་ཏྭཱ བྷུ་ཉྫ་ནྟོ, ས་པྤི་ཏེ་ལཱ་དི་ཀཾ པ་ན;
ས་ཏྟཱ་ཧ་མ་ཏི་མཱ་པེ་ཏི, ཏ་སྶ ནི་སྶ་གྒི་ཡཾ སི་ཡཱ.
༢༧. བྷི་ཀྑུ་སྶ ཙཱི་ཝ་རཾ ད་ཏྭཱ, ཨ་ཙྪི་ནྡ་ནྟ་སྶ ཏཾ པུ་ན;
ས་ཀ་ས་ཉྙཱ་ཡ ནི་སྶ་གྒི, ཨ་ཙྪི་ནྡཱ་པ་ཡ་ཏོ་པི ཝཱ.
༢༨. ཨ་པྤ་ཝཱ་རི་ཏ་མ་ཉྙཱ་ཏིཾ, སུ་ཏྟཾ ཡཱ་ཙི་ཡ ཙཱི་ཝ་རཾ;
ཝཱ་ཡཱ་པེ་ནྟ་སྶ ནི་སྶ་གྒི, ཝི་ནཱ ཉཱ་ཏི་པྤ་ཝཱ་རི་ཏེ.
༢༩. ཛཱ་ན་ནྟོ བྷི་ཀྑུ ས་ངྒྷ་སྶ, ལཱ་བྷཾ པ་རི་ཎ་ཏཾ པ་ན;
ཨ་ཏྟ་ནོ པ་རི་ཎཱ་མེ་ཏི, ཏ་སྶ ནི་སྶ་གྒི་ཡཾ སི་ཡཱ་ཏི.
༤. པཱ་ཙི་ཏྟི་ཡ་ནི་དྡེ་སོ
༣༠. ས་མྤ་ཛཱ་ན་མུ་སཱ་ཝཱ་དེ, པཱ་ཙི་ཏྟི་ཡ་མུ་དཱི་རི་ཏཾ;
བྷི་ཀྑུ་ཉྩ ཨོ་མ་ས་ནྟ་སྶ, པེ་སུ་ཉྙ་ཧ་ར་ཎེ་པི ཙ.
༣༡. ཋ་པེ་ཏྭཱ བྷི་ཀྑུ་ནིཾ བྷི་ཀྑུཾ, ཨ་ཉྙེ་ན པི་ཊ་ཀ་ཏྟ་ཡཾ;
པ་ད་སོ་དྷ་མྨཾ བྷ་ཎ་ནྟ་སྶ, པཱ་ཙི་ཏྟི་ཡ་མུ་དཱི་རི་ཏཾ.
༣༢. ཨ་ནུ་པ་ས་མྤ་ནྣེ་ནེ་ཝ, ས་ཡི་ཏྭཱ་ན ཏི་ར་ཏྟི་ཡཾ;
པཱ་ཙི་ཏྟི ས་ཧ་སེ་ཡྻཱ་ཡ, ཙ་ཏུ་ཏྠ་ཏྠ་ངྒ་ཏེ པུ་ན.
༣༣. ཨི་ཏྠི་ཡཱ ཨེ་ཀ་ར་ཏྟ་མྤི, སེ་ཡྻཾ ཀ་པྤ་ཡ་ཏོ་པི ཝཱ;
དེ་སེ་ནྟ་སྶ ཝི་ནཱ ཝི་ཉྙུཾ, དྷ་མྨ་ཉྩ ཚ་པྤ་དུ་ཏྟ་རིཾ.
༣༤. དུ་ཊྛུ་ལླཾ བྷི་ཀྑུ་ནོ ཝ་ཛྫཾ, བྷི་ཀྑུ་ས་མྨུ་ཏི་ཡཱ ཝི་ནཱ;
ཨ་བྷི་ཀྑུ་ནོ ཝ་ད་ནྟ་སྶ, པཱ་ཙི་ཏྟི་ཡ་མུ་དཱི་རི་ཏཾ.
༣༥. ཁ་ཎེ་ཡྻ ཝཱ ཁ་ཎཱ་པེ་ཡྻ, པ་ཐ་ཝི་ཉྩ ཨ་ཀ་པྤི་ཡཾ;
བྷཱུ་ཏ་གཱ་མཾ ཝི་ཀོ་པེ་ཡྻ, ཏ་སྶ པཱ་ཙི་ཏྟི་ཡཾ སི་ཡཱ.
༣༦. ཨ་ཛ྄ཛྷོ་ཀཱ་སེ ཏུ མ་ཉྩཱ་དིཾ, ཀ་ཏྭཱ ས་ནྠ་ར་ཎཱ་དི་ཀཾ;
ས་ངྒྷི་ཀཾ ཡཱ་ཏི པཱ་ཙི་ཏྟི, ཨ་ཀ་ཏྭཱ་པུ་ཙྪ་ནཱ་དི་ཀཾ.
༣༧. ས་ངྒྷི་ཀཱ་ཝ་ས་ཐེ སེ་ཡྻཾ, ཀ་ཏྭཱ ས་ནྠ་ར་ཎཱ་དི་ཀཾ;
ཨ་ཀ་ཏྭཱ་པུ་ཙྪ་ནཱ་དིཾ ཡོ, ཡཱ་ཏི པཱ་ཙི་ཏྟི ཏ་སྶ་པི.
༣༨. ཛཱ་ནཾ ས་པྤཱ་ཎ་ཀཾ ཏོ་ཡཾ, པཱ་ཙི་ཏྟི པ་རི་བྷུ་ཉྫ་ཏོ;
ཨ་ཉྙཱ་ཏི་ཀཱ བྷི་ཀྑུ་ནི་ཡཱ, ཋ་པེ་ཏྭཱ པཱ་རི་ཝ་ཏྟ་ཀཾ.
༣༩. ཙཱི་ཝ་རཾ དེ་ཏི པཱ་ཙི་ཏྟི, ཙཱི་ཝ་རཾ སི་བྦ་ཏོ་པི ཙ;
ཨ་ཏི་རི་ཏྟཾ ཨ་ཀཱ་རེ་ཏྭཱ, པ་ཝཱ་རེ་ཏྭཱ་ན བྷུ་ཉྫ་ཏོ.
༤༠. བྷི་ཀྑུཾ ཨཱ་སཱ་ད་ནཱ་པེ་ཀྑོ, པ་ཝཱ་རེ་ཏི པ་ཝཱ་རི་ཏཾ;
ཨ་ན་ཏི་རི་ཏྟེ་ན བྷུ་ཏྟེ ཏུ, པཱ་ཙི་ཏྟི་ཡ་མུ་དཱི་རི་ཏཾ.
༤༡. ས་ནྣི་དྷི་བྷོ་ཛ་ནཾ བྷུ་ཉྫེ, ཝི་ཀཱ་ལེ ཡཱ་ཝ་ཀཱ་ལི་ཀཾ;
བྷུ་ཉྫ་ཏོ ཝཱ་པི པཱ་ཙི་ཏྟི, ཨ་གི་ལཱ་ནོ པ་ཎཱི་ཏ་ཀཾ.
༤༢. ཝི་ཉྙཱ་པེ་ཏྭཱ་ན བྷུ་ཉྫེ་ཡྻ, ས་པྤི་བྷ་ཏྟཱ་དི་ཀ་མྤི ཙ;
ཨ་པྤ་ཊི་གྒ་ཧི་ཏཾ བྷུ་ཉྫེ, ད་ནྟ་ཀ་ཊྛོ་ད་ཀཾ ཝི་ནཱ.
༤༣. ཏི་ཏྠི་ཡ་སྶ ད་དེ ཀི་ཉྩི, བྷུ་ཉྫི་ཏ་བྦཾ ས་ཧ་ཏྠ་ཏོ;
ནི་ས་ཛྫཾ ཝཱ་ར་ཧོ ཀ་པྤེ, མཱ་ཏུ་གཱ་མེ་ན ཙེ་ཀ་ཏོ.
༤༤. སུ་རཱ་མེ་ར་ཡ་པཱ་ནེ་པི, པཱ་ཙི་ཏྟི་ཡ་མུ་དཱི་རི་ཏཾ;
ཨ་ངྒུ་ལི་པ་ཏོ་ད་ཀེ ཙཱ་པི, ཧ་ས་དྷ་མྨེ་པི ཙོ་ད་ཀེ.
༤༥. ཨ་ནཱ་ད་རེ་པི པཱ་ཙི་ཏྟི, བྷི་ཀྑུཾ བྷཱི་ས་ཡ་ཏོ་པི ཝཱ;
བྷ་ཡཱ་ན་ཀཾ ཀ་ཐཾ ཀ་ཏྭཱ, ད་སྶེ་ཏྭཱ ཝཱ བྷ་ཡཱ་ན་ཀཾ.
༤༦. ཋ་པེ་ཏྭཱ པ་ཙྩ་ཡཾ ཀི་ཉྩི, ཨ་གི་ལཱ་ནོ ཛ་ལེ་ཡྻ ཝཱ;
ཛོ་ཏིཾ ཛ་ལཱ་པ་ཡེ་ཡྻཱ་པི, ཏ་སྶ པཱ་ཙི་ཏྟི་ཡཾ སི་ཡཱ.
༤༧. ཀ་པྤ་བི་ནྡུ་མ་ནཱ་དཱ་ཡ, ན་ཝ་ཙཱི་ཝ་ར་བྷོ་གི་ནོ;
ཧ་སཱ་པེ་ཀྑ་སྶ པཱ་ཙི་ཏྟི, བྷི་ཀྑུ་ནོ ཙཱི་ཝ་རཱ་དི་ཀཾ.
༤༨. ཨ་པ་ནེ་ཏྭཱ ནི་དྷེ་ནྟ་སྶ, ནི་དྷཱ་པེ་ནྟ་སྶ ཝཱ པ་ན;
ཛཱ་ནཾ པཱ་ཎཾ མཱ་རེ་ནྟ་སྶ, ཏི་ར་ཙྪཱ་ན་ག་ཏ་མྤི ཙ.
༤༩. ཚཱ་དེ་ཏུ་ཀཱ་མོ ཚཱ་དེ་ཏི, དུ་ཊྛུ་ལླཾ བྷི་ཀྑུ་ནོ་པི ཙ;
གཱ་མ་ནྟ་ར་ག་ཏ་སྶཱ་པི, སཾ་ཝི་དྷཱ་ཡི་ཏྠི་ཡཱ ས་ཧ.
༥༠. བྷི་ཀྑུཾ པ་ཧ་ར་ཏོ ཝཱ་པི, ཏ་ལ་ས་ཏྟི་ཀ་མུ་གྒི་རེ;
ཙོ་དེ་ཏི ཝཱ ཙོ་དཱ་པེ་ཏི, ག་རུ་ཀཱ་མཱུ་ལ་ཀེ་ན་པི.
༥༡. ཀུ་ཀྐུ་ཙྩུ་པྤཱ་ད་ནེ ཙཱ་པི, བྷ་ཎྜ་ན་ཏྠཱ་ཡུ་པ་སྶུ་ཏིཾ;
སོ་ཏུཾ བྷ་ཎྜ་ན་ཛཱ་ཏཱ་ནཾ, ཡཱ་ཏི པཱ་ཙི་ཏྟི་ཡཾ སི་ཡཱ.
༥༢. ས་ངྒྷ་སྶ ལཱ་བྷཾ པ་རི་ཎཱ་མི་ཏཾ ཏུ,
ནཱ་མེ་ཏི ཡོ ཏཾ པ་ར་པུ་གྒ་ལ་སྶ;
པུ་ཙྪཾ ཨ་ཀ་ཏྭཱ་པི ཙ ས་ནྟ་བྷི་ཀྑུཾ,
པཱ་ཙི་ཏྟི གཱ་མ་སྶ ག་ཏེ ཝི་ཀཱ་ལེ་ཏི.
༥. པ་ཀི་ཎྞ་ཀ་ནི་དྡེ་སོ
༥༣. ས་ངྒྷི་ཀཾ ག་རུ་བྷ་ཎྜཾ ཡོ, དེ་ཏི ཨ་ཉྙ་སྶ ཨི་སྶ་རོ;
ཐུ་ལླ་ཙྩ་ཡཾ ཡ་ཐཱ་ཝ་ཏྠུཾ, ཐེ་ཡྻཱ པཱ་རཱ་ཛི་ཀཱ་དི་པི.
༥༤. ཀུ་སཱ་དི་མ་ཡ་ཙཱི་རཱ་ནི, ཀ་མྦ་ལཾ ཀེ་ས་ཝཱ་ལ་ཛཾ;
ས་མ་ཡཾ ཝི་ནཱ དྷཱ་ར་ཡ་ཏོ, ལཱུ་ཀ་པ་ཀྑཱ་ཛི་ན་ཀྑི་པཾ.
༥༥. ས་ཏྠ་ཀ་མྨེ ཝ་ཏྠི་ཀ་མྨེ, སཾ ནི་མི་ཏྟ་ཉྩ ཚི་ནྡ་ཏོ;
ཐུ་ལླ་ཙྩ་ཡཾ མ་ནུ་སྶཱ་ནཾ, མཾ་སཱ་དི་བྷོ་ཛ་ནེ་པི ཝཱ.
༥༦. ཀ་ད་ལེ་ར་ཀ་ཀྐ་དུ་སྶཱ་ནི, པོ་ཏྠ་ཀཾ ས་བྦ་ནཱི་ལ་ཀཾ;
ས་བྦ་པཱི་ཏཱ་དི་ཀ་ཉྩཱ་པི, དྷཱ་ར་ཡ་ནྟ་སྶ དུ་ཀྐ་ཊཾ.
༥༧. ཧ་ཏྠི་སྶུ་ར་ག་སོ་ཎཱ་ནཾ, སཱི་ཧ་བྱ་གྒྷ་ཙྪ་དཱི་པི་ནཾ;
ཏ་ར་ཙྪ་སྶ ཙ མཾ་སཱ་དིཾ, ཨུ་དྡི་སྶ་ཀ་ཏ་ཀ་མྤི ཙ.
༥༨. ཨ་ནཱ་པུ་ཙྪི་ཏ་མཾ་ས་ཉྩ, བྷུ་ཉྫ་ཏོ དུ་ཀྐ་ཊཾ སི་ཡཱ;
ཡཱ་ཏཱ་ནུ་པུ་བྦཾ ཧི་ཏྭཱ་ན, ད་ཀ་ཏི་ཏྠཱ་དི་ཀཾ ཝ་ཛེ.
༥༩. ས་ཧ་སཱ ཝུ་བྦྷ་ཛི་ཏྭཱ་ན, པ་ཝི་སེ ནི་ཀྑ་མེ་ཡྻ ཝཱ;
ཝ་ཙྩ་པ་སྶཱ་ཝ་ཀུ་ཊི་ཀཾ, ཝི་ནཱ ཨུ་ཀྐཱ་སི་ཀཾ ཝི་སེ.
༦༠. ནི་ཏྠུ་ན་ནྟོ ཀ་རེ ཝ་ཙྩཾ, ད་ནྟ་ཀ་ཊྛ་ཉྩ ཁཱ་ད་ཡཾ;
ཝ་ཙྩ་པ་སྶཱ་ཝ་དོ་ཎཱི་ནཾ, བ་ཧི ཝ་ཙྩཱ་དི་ཀཾ ཀ་རེ.
༦༡. ཁ་རེ་ན ཙཱ་ཝ་ལེ་ཁེ་ཡྻ, ཀ་ཊྛཾ པཱ་ཏེ་ཡྻ ཀཱུ་པ་ཀེ;
ཨཱུ་ཧ་ཏ་ཉྩ ན དྷོ་ཝེ་ཡྻ, ཨུ་ཀླཱ་པ་ཉྩ ན སོ་དྷ་ཡེ.
༦༢. ད་ཀ་ཀི་ཙྩཾ ཀ་རོ་ནྟ་སྶ, ཀ་ཏྭཱ ‘‘ཙ་པུ་ཙ་པཱུ’’ཏི ཙ;
ཨ་ན་ཛ྄ཛྷི་ཊྛོ་ཝ ཐེ་རེ་ན, པཱ་ཏི་མོ་ཀྑ་མྤི ཨུ་དྡི་སེ.
༦༣. ཨ་ནཱ་པུ་ཙྪཱ་ཡ པ་ཉྷ་སྶ, ཀ་ཐ་ནེ ཝི་སྶ་ཛྫ་ནེ་པི ཙ;
ས་ཛ྄ཛྷཱ་ཡ་ཀ་ར་ཎེ དཱི་པ-ཛཱ་ལ་ནེ ཝི་ཛ྄ཛྷཱ་པ་ནེ་པི ཙ.
༦༤. ཝཱ་ཏ་པཱ་ན་ཀ་ཝཱ་ཊཱ་ནི, ཝི་ཝ་རེ་ཡྻ ཐ་ཀེ་ཡྻ ཝཱ;
ཝ་ནྡ་ནཱ་དིཾ ཀ་རེ ན་གྒོ, ག་མ་ནཾ བྷོ་ཛ་ནཱ་དི་ཀཾ.
༦༥. པ་རི་ཀ་མྨཾ ཀ་རེ ཀཱ་རེ, ཏི་པ་ཊི་ཙྪ་ནྣ་ཀཾ ཝི་ནཱ;
ཀཱ་ཡཾ ན་ཧཱ་ཡཾ གྷཾ་སེ་ཡྻ, ཀུ་ཊྚེ ཐ་མྦྷེ ཏ་རུ་མྷི ཝཱ.
༦༦. ཀུ་རུ་ཝི་ནྡ་ཀ་སུ་ཏྟེ་ན, ཨ་ཉྙ་མ་ཉྙ་སྶ ཀཱ་ཡ་ཏོ;
ཨ་གི་ལཱ་ནོ བ་ཧཱ་རཱ་མེ, ཙ་རེ་ཡྻ ས་ཨུ་པཱ་ཧ་ནོ.
༦༧. ཨུ་པཱ་ཧ་ནཾ ཡོ དྷཱ་རེ་ཏི, ས་བྦ་ནཱི་ལཱ་དི་ཀ་མྤི ཙ;
ནི་མི་ཏྟཾ ཨི་ཏྠི་ཡཱ ར་ཏྟོ, མུ་ཁཾ ཝཱ བྷི་ཀྑ་དཱ་ཡི་ཡཱ.
༦༨. ཨུ་ཛ྄ཛྷཱ་ན་ས་ཉྙཱི ཨ་ཉྙ་སྶ, པ་ཏྟཾ ཝཱ ཨ་ཏྟ་ནོ མུ་ཁཾ;
ཨཱ་དཱ་སཱ་དི་མྷི པ་སྶེ་ཡྻ, ཨུ་ཙྩཱ་ས་ན་མ་ཧཱ་ས་ནེ.
༦༩. ནི་ས་ཛྫཱ་དིཾ ཀ་རོ་ནྟ་སྶ, དུ་ཀྐ་ཊཾ ཝ་ནྡ་ནེ་པི ཙ;