༥. པ་ཀི་ཎྞ་ཀ་ནི་དྡེ་སོ
༥༣. ས་ངྒྷི་ཀཾ ག་རུ་བྷ་ཎྜཾ ཡོ, དེ་ཏི ཨ་ཉྙ་སྶ ཨི་སྶ་རོ;
ཐུ་ལླ་ཙྩ་ཡཾ ཡ་ཐཱ་ཝ་ཏྠུཾ, ཐེ་ཡྻཱ པཱ་རཱ་ཛི་ཀཱ་དི་པི.
༥༤. ཀུ་སཱ་དི་མ་ཡ་ཙཱི་རཱ་ནི, ཀ་མྦ་ལཾ ཀེ་ས་ཝཱ་ལ་ཛཾ;
ས་མ་ཡཾ ཝི་ནཱ དྷཱ་ར་ཡ་ཏོ, ལཱུ་ཀ་པ་ཀྑཱ་ཛི་ན་ཀྑི་པཾ.
༥༥. ས་ཏྠ་ཀ་མྨེ ཝ་ཏྠི་ཀ་མྨེ, སཾ ནི་མི་ཏྟ་ཉྩ ཚི་ནྡ་ཏོ;
ཐུ་ལླ་ཙྩ་ཡཾ མ་ནུ་སྶཱ་ནཾ, མཾ་སཱ་དི་བྷོ་ཛ་ནེ་པི ཝཱ.
༥༦. ཀ་ད་ལེ་ར་ཀ་ཀྐ་དུ་སྶཱ་ནི, པོ་ཏྠ་ཀཾ ས་བྦ་ནཱི་ལ་ཀཾ;
ས་བྦ་པཱི་ཏཱ་དི་ཀ་ཉྩཱ་པི, དྷཱ་ར་ཡ་ནྟ་སྶ དུ་ཀྐ་ཊཾ.
༥༧. ཧ་ཏྠི་སྶུ་ར་ག་སོ་ཎཱ་ནཾ, སཱི་ཧ་བྱ་གྒྷ་ཙྪ་དཱི་པི་ནཾ;
ཏ་ར་ཙྪ་སྶ ཙ མཾ་སཱ་དིཾ, ཨུ་དྡི་སྶ་ཀ་ཏ་ཀ་མྤི ཙ.
༥༨. ཨ་ནཱ་པུ་ཙྪི་ཏ་མཾ་ས་ཉྩ, བྷུ་ཉྫ་ཏོ དུ་ཀྐ་ཊཾ སི་ཡཱ;
ཡཱ་ཏཱ་ནུ་པུ་བྦཾ ཧི་ཏྭཱ་ན, ད་ཀ་ཏི་ཏྠཱ་དི་ཀཾ ཝ་ཛེ.
༥༩. ས་ཧ་སཱ ཝུ་བྦྷ་ཛི་ཏྭཱ་ན, པ་ཝི་སེ ནི་ཀྑ་མེ་ཡྻ ཝཱ;
ཝ་ཙྩ་པ་སྶཱ་ཝ་ཀུ་ཊི་ཀཾ, ཝི་ནཱ ཨུ་ཀྐཱ་སི་ཀཾ ཝི་སེ.
༦༠. ནི་ཏྠུ་ན་ནྟོ ཀ་རེ ཝ་ཙྩཾ, ད་ནྟ་ཀ་ཊྛ་ཉྩ ཁཱ་ད་ཡཾ;
ཝ་ཙྩ་པ་སྶཱ་ཝ་དོ་ཎཱི་ནཾ, བ་ཧི ཝ་ཙྩཱ་དི་ཀཾ ཀ་རེ.
༦༡. ཁ་རེ་ན ཙཱ་ཝ་ལེ་ཁེ་ཡྻ, ཀ་ཊྛཾ པཱ་ཏེ་ཡྻ ཀཱུ་པ་ཀེ;
ཨཱུ་ཧ་ཏ་ཉྩ ན དྷོ་ཝེ་ཡྻ, ཨུ་ཀླཱ་པ་ཉྩ ན སོ་དྷ་ཡེ.
༦༢. ད་ཀ་ཀི་ཙྩཾ ཀ་རོ་ནྟ་སྶ, ཀ་ཏྭཱ ‘‘ཙ་པུ་ཙ་པཱུ’’ཏི ཙ;
ཨ་ན་ཛ྄ཛྷི་ཊྛོ་ཝ ཐེ་རེ་ན, པཱ་ཏི་མོ་ཀྑ་མྤི ཨུ་དྡི་སེ.
༦༣. ཨ་ནཱ་པུ་ཙྪཱ་ཡ པ་ཉྷ་སྶ, ཀ་ཐ་ནེ ཝི་སྶ་ཛྫ་ནེ་པི ཙ;
ས་ཛ྄ཛྷཱ་ཡ་ཀ་ར་ཎེ དཱི་པ-ཛཱ་ལ་ནེ ཝི་ཛ྄ཛྷཱ་པ་ནེ་པི ཙ.
༦༤. ཝཱ་ཏ་པཱ་ན་ཀ་ཝཱ་ཊཱ་ནི, ཝི་ཝ་རེ་ཡྻ ཐ་ཀེ་ཡྻ ཝཱ;
ཝ་ནྡ་ནཱ་དིཾ ཀ་རེ ན་གྒོ, ག་མ་ནཾ བྷོ་ཛ་ནཱ་དི་ཀཾ.
༦༥. པ་རི་ཀ་མྨཾ ཀ་རེ ཀཱ་རེ, ཏི་པ་ཊི་ཙྪ་ནྣ་ཀཾ ཝི་ནཱ;
ཀཱ་ཡཾ ན་ཧཱ་ཡཾ གྷཾ་སེ་ཡྻ, ཀུ་ཊྚེ ཐ་མྦྷེ ཏ་རུ་མྷི ཝཱ.
༦༦. ཀུ་རུ་ཝི་ནྡ་ཀ་སུ་ཏྟེ་ན, ཨ་ཉྙ་མ་ཉྙ་སྶ ཀཱ་ཡ་ཏོ;
ཨ་གི་ལཱ་ནོ བ་ཧཱ་རཱ་མེ, ཙ་རེ་ཡྻ ས་ཨུ་པཱ་ཧ་ནོ.
༦༧. ཨུ་པཱ་ཧ་ནཾ ཡོ དྷཱ་རེ་ཏི, ས་བྦ་ནཱི་ལཱ་དི་ཀ་མྤི ཙ;
ནི་མི་ཏྟཾ ཨི་ཏྠི་ཡཱ ར་ཏྟོ, མུ་ཁཾ ཝཱ བྷི་ཀྑ་དཱ་ཡི་ཡཱ.
༦༨. ཨུ་ཛ྄ཛྷཱ་ན་ས་ཉྙཱི ཨ་ཉྙ་སྶ, པ་ཏྟཾ ཝཱ ཨ་ཏྟ་ནོ མུ་ཁཾ;
ཨཱ་དཱ་སཱ་དི་མྷི པ་སྶེ་ཡྻ, ཨུ་ཙྩཱ་ས་ན་མ་ཧཱ་ས་ནེ.
༦༩. ནི་ས་ཛྫཱ་དིཾ ཀ་རོ་ནྟ་སྶ, དུ་ཀྐ་ཊཾ ཝ་ནྡ་ནེ་པི ཙ;
ཨུ་ཀྑི་ཏྟཱ་ནུ་པ་ས་མྤ་ནྣ-ནཱ་ནཱ་སཾ་ཝཱ་ས་ཀཱ་དི་ནཾ.
༧༠. ཨེ་ཀ་ཏོ པ་ཎྜ་ཀི་ཏྠཱི་ཧི, ཨུ་བྷ་ཏོ་བྱ་ཉྫ་ནེ་ན ཝཱ;
དཱི་གྷཱ་ས་ནེ ནི་སཱི་དེ་ཡྻ, ཨ་དཱི་གྷེ ཨཱ་ས་ནེ པ་ན.
༧༡. ཨ་ས་མཱ་ནཱ་ས་ནི་ཀེ་ན, མ་ཉྩ་པཱི་ཋེ ས་ཡེ་ཡྻ ཝཱ;
ཀུ་ལ་ས་ངྒ་ཧ་ཏྠཾ ད་ད་ཏོ, ཕ་ལ་པུ་པྥཱ་དི་ཀ་མྤི ཙ.
༧༢. ག་ནྠི་མཱ་དིཾ ཀ་རེ ཀཱ་རེ, ཛི་ན་ཝཱ་རི་ཏ་པ་ཙྩ་ཡེ;
པ་རི་བྷུ་ཉྫེ་ཡྻ ཨ་བྱ་ཏྟོ, ཨ་ནི་སྶཱ་ཡ ཝ་སེ་ཡྻ ཝཱ.
༧༣. ཨ་ནུ་ཉྙཱ་ཏེ་ཧི ཨ་ཉྙ་སྶ, བྷེ་ས་ཛྫཾ ཝཱ ཀ་རེ ཝ་དེ;
ཀ་རེ སཱ་པ་ཏྟི་ཀོ བྷི་ཀྑུ, ཨུ་པོ་ས་ཐ་པྤ་ཝཱ་ར་ཎཾ.
༧༤. དྭཱ་ར་བ་ནྡྷཱ་དི་ཀེ ཋཱ་ནེ, པ་རི་ཝ་ཏྟ་ཀ་ཝཱ་ཊ་ཀཾ;
ཨ་པི་དྷཱ་ཡ ཝི་ནཱ་བྷོ་གཾ, ནི་ཡོ་གཾ ཝཱ ས་ཡེ དི་ཝཱ.
༧༥. དྷ་ཉྙི་ཏྠི་རཱུ་པ་ར་ཏ་ནཾ, ཨཱ་ཝུ་དྷི་ཏྠི་པ་སཱ་དྷ་ནཾ;
ཏཱུ་རི་ཡ་བྷ་ཎྜཾ ཕ་ལཾ རུ་ཀྑེ, པུ་བྦ་ཎྞཱ་དི་ཉྩ ཨཱ་མ་སེ.
༧༦. ས་སི་ཏྠོ་ད་ཀ་ཏེ་ལེ་ཧི, ཕ་ཎ་ཧ་ཏྠ་ཕ་ཎེ་ཧི ཝཱ;
ཀེ་ས་མོ་ས་ཎྛ་ནེ་ཀ་སྨིཾ, བྷཱ་ཛ་ནེ བྷོ་ཛ་ནེ་པི ཙ.
༧༧. ཨེ་ཀ་ཏྠ་ར་ཎ་པཱ་ཝུ་ར་ཎཱ, ས་ཡེ་ཡྻུཾ དྭེ་ཀ་མ་ཉྩ་ཀེ;
ད་ནྟ་ཀ་ཊྛ་ཉྩ ཁཱ་དེ་ཡྻ, ཨ་དྷི་ཀཱུ་ནཾ པ་མཱ་ཎ་ཏོ.
༧༨. ཡོ་ཛེ་ཏི ཝཱ ཡོ་ཛཱ་པེ་ཏི, ན་ཙྩཾ གཱི་ཏ་ཉྩ ཝཱ་དི་ཏཾ;
ད་སྶ་ནཾ ས་ཝ་ནཾ ཏེ་སཾ, ཀ་རོ་ནྟ་སྶ ཙ དུ་ཀྐ་ཊཾ.
༧༩. ཝཱི་ཧཱ་དི་རོ་པི་མེ ཙཱ་པི, བ་ཧི་པཱ་ཀཱ་ར་ཀུ་ཊྚ་ཀེ;
ཝ་ཙྩཱ་དི་ཚ་ཌྜ་ནཱ་དི་མྷི, དཱི་གྷ་ཀེ་སཱ་དི་དྷཱ་ར་ཎེ.
༨༠. ན་ཁ་མ་ཊྛ་ཀ་ར་ཎཱ་དི་མྷི, ས་མྦཱ་དྷེ ལོ་མ་ཧཱ་ར་ཎེ;
པ་རི་ཀ་མྨ་ཀ་ཏཾ བྷཱུ་མིཾ, ཨ་ཀྐ་མེ ས་ཨུ་པཱ་ཧ་ནོ.
༨༡. ཨ་དྷོ་ཏ་ཨ་ལླ་པཱ་དེ་ཧི, ས་ངྒྷི་ཀཾ མ་ཉྩ་པཱི་ཋ་ཀཾ;
པ་རི་ཀ་མྨ་ཀ་ཏཾ བྷི་ཏྟིཾ, ཨཱ་མ་ས་ནྟ་སྶ དུ་ཀྐ་ཊཾ.
༨༢. ས་ངྒྷཱ་ཊི་ཡཱ་པི པ་ལླ་ཏྠེ, དུ་པྤ་རི་བྷུ་ཉྫེ་ཡྻ ཙཱི་ཝ་རཾ;
ཨ་ཀཱ་ཡ་བ་ནྡྷ་ནོ གཱ་མཾ, ཝ་ཛེ ཀ་ཏྭཱ་ན ཝ་ཙྩ་ཀཾ.
༨༣. ནཱ་ཙ་མེ་ཡྻ ད་ཀེ ས་ནྟེ, ས་མཱ་དེ་ཡྻ ཨ་ཀ་པྤི་ཡེ;
དེ་ས་ནཱ་རོ་ཙ་ནཱ་དི་མྷི, ས་བྷཱ་གཱ་པ་ཏྟི་ཡཱ་པི ཙ.
༨༤. ན ཝ་སེ ཝ་སྶཾ ཝི་སཾ་ཝཱ་དེ, སུ་དྡྷ་ཙི་ཏྟེ པ་ཊི་སྶ་ཝཾ;
ཝ་སྶཾ ཝ་སི་ཏྭཱ ག་མ་ནེ, ཨ་ན་ནུ་ཉྙཱ་ཏ་ཀི་ཙྩ་ཏོ.
༨༥. ཝི་ནཱ་པ་དཾ ཏ་རུ་སྶུ་དྡྷཾ, པོ་རི་ས་མྷཱ་བྷི་རཱུ་ཧ་ཎེ;
ཨ་པ་རི་སྶཱ་ཝ་ནོ་དྡྷཱ་ནཾ, ཝ་ཛེ ཏཾ ཡཱ་ཙ་ཏོ ན དེ.
༨༦. ཨ་ཏྟ་ནོ གྷཱ་ཏ་ནེ ཨི་ཏྠི-རཱུ་པཱ་དིཾ ཀཱ་ར་ཡེ་ཡྻ ཝཱ;
ཧི་ཏྭཱ མཱ་ལཱ་དི་ཀཾ ཙི་ཏྟཾ, ཛཱ་ཏ་ཀཱ་དིཾ ས་ཡཾ ཀ་རེ.
༨༧. བྷུ་ཉྫ་ནྟ་མུ་ཊྛ་པེ ཏ་སྶ, སཱ་ལཱ་དཱི་སུ ནི་སཱི་ད་ཏོ;
ཝུ་ཌྜྷཱ་ནཾ པ་ན ཨོ་ཀཱ་སཾ, ཨ་ད་ཏྭཱ ཝཱ་པི དུ་ཀྐ་ཊཾ.
༨༨. ཡཱ་ནཱ་དི་མ་བྷི་རཱུ་ཧེ་ཡྻ, ཀ་ལླ་ཀོ ར་ཏ་ན་ཏྟ་ཡཾ;
ཨཱ་ར་བྦྷ ཝ་དེ ད་ཝ་ཉྙ-པ་རི་སཱ་ཡོ་པ་ལཱ་ལ་ནེ.
༨༩. ཀཱ་ཡཱ་དིཾ ཝི་ཝ་རི་ཏྭཱ་ན, བྷི་ཀྑུ་ནཱི་ནཾ ན ད་སྶ་ཡེ;
ཝཱ་ཙེ ལོ་ཀཱ་ཡ་ཏཾ པ་ལི་ཏཾ, ག་ཎྷེ་ཡྻ ག་ཎྷཱ་པེ་ཡྻ ཝཱ.
༩༠. ཡ་ཏྠ ཀ་ཏྠ་ཙི པེ་ལཱ༹་ཡཾ, བྷུ་ཉྫ་ཏོ པ་ཏྟ་ཧ་ཏྠ་ཀོ;
ཝཱ་ཏ་པཱ་ན་ཀ་ཝཱ་ཊཾ ཝཱ, པ་ཎཱ་མེ སོ་ད་ཀ་མྤི ཙ.
༩༡. ཨུ་ཎྷེ་ཡྻ པ་ཊི་སཱ་མེ་ཡྻ, ཨ་ཏི་ཨུ་ཎྷེ་ཡྻ ཝོ་ད་ཀཾ;
ཋ་པེ་ཡྻ བྷཱུ་མི་ཡཾ པ་ཏྟཾ, ཨ་ངྐེ ཝཱ མ་ཉྩ་པཱི་ཋ་ཀེ.
༩༢. མི་ཌྜྷ་ནྟེ པ་རི་བྷ་ཎྜ་ནྟེ, པཱ་དེ ཚ་ཏྟེ ཋ་པེ་ཏི ཝཱ;
ཙ་ལ་ཀཱ་དིཾ ཋ་པེ པ་ཏྟཾ, པ་ཏྟེ ཝཱ ཧ་ཏྠ་དྷོ་ཝ་ནེ.
༩༣. པ་ཏྟེ་ན ནཱི་ཧ་ར་ནྟ་སྶ, ཨུ་ཙྪི་ཊྛ་མུ་ད་ཀ་མྤི ཙ;
ཨ་ཀ་པྤི་ཡ་མྤི པ་ཏྟཾ ཝཱ, པ་རི་བྷུ་ཉྫེ་ཡྻ དུ་ཀྐ་ཊཾ.
༩༤. ཝ་དེ ‘‘ཛཱི་ཝཱ’’ཏི ཁི་པི་ཏེ, ན སི་ཀྑ་ཏི ཨ་ནཱ་ད་རོ;
པ་རི་མ་ཎྜ་ལ་ཀཱ་དི་མྷི, སེ་ཁི་ཡེ དུ་ཀྐ་ཊཾ སི་ཡཱ.
༩༥. ཡོ བྷ་ཎྜ་གཱ་རེ པ་ཡུ་ཏོ་ཝ བྷ་ཎྜ་ཀཾ,
མཱ་ཏཱུ་ན པཱ་ཙི་ཏྟི་ཡ་མ་སྶ གོ་པ་ཡེ;
ད་ཝཱ་ཡ ཧཱི་ནེ་ན་པི ཛཱ་ཏི་ཨཱ་དི་ནཱ,
ཝ་དེ་ཡྻ དུ་བྦྷཱ་སི་ཏ་མུ་ཏྟ་མ་མྤི ཡོ་ཏི.