༤༦. སཾ་ཝ་ར་ནི་དྡེ་ས་ཝ་ཎྞ་ནཱ

༤༥༣. སཾ་ཝ་ར་ཎཾ ཙ་ཀྑུ་དྭཱ་རཱ་དཱི་ནཾ ས་ཏི་ཀ་ཝཱ་ཊེ་ན པི་ད་ཧ་ནཾ སཾ་ཝ་རོ. ཏ་ཏྠ ཀི་ཉྩཱ་པི ཙ་ཀྑུ་ནྡྲི་ཡེ སཾ་ཝ་རོ ན་ཏྠི, ན ཧི ཙ་ཀྑུ་པ་སཱ་དཾ ནི་སྶཱ་ཡ ས་ཏི ཨུ་པྤ་ཛྫ་ཏི, ནེ་ཝ བྷ་ཝ་ངྒ་ས་མ་ཡེ ཨཱ་ཝ་ཛྫ་ནཱ་དཱི་ནཾ ཨ་ཉྙ་ཏ་ར་ས་མ་ཡེ, ཛ་ཝ་ན་ཀྑ་ཎེ པ་ན ཨུ་པྤ་ཛྫ་ཏཱི་ཏི ཏ་དཱ སཾ་ཝ་རོ ཧོ་ཏི, ཨེ་ཝཾ ཧོ་ནྟེ པ་ན སོ ཙ་ཀྑུ་དྭཱ་རཱ་དཱི་ནཾ སཾ་ཝ་རོ་ཏི ཝུ་ཙྩ་ཏི. ཙ་ཀྑུ་སོ་ཏཱ་དི་བྷེ་དེ་ཧཱིཏི ཙ་ཀྑུ ཙ སོ་ཏ་ཉྩ, ཏཱ་ནི ཨཱ་དི ཡེ་སཾ, ཏེ་ཝ བྷེ་དཱ ཙཱ་ཏི ས་མཱ་སོ, ཏེ་ཧི དྭཱ་རེ་ཧི. ཨ་བྷི་ཛ྄ཛྷཱ་དི་པྤ་ཝ་ཏྟི་ཡཱ ཨ་ཙྩ་ནྟོ་པ་ཀཱ་ར་ཀ་ཏྟཱ ཀ་ར་ཎ་ཏྠེ ཙེ་ཏྠ ཏ་ཏི་ཡཱ. ཨེ་ཏེ་ན ཙ་ཀྑུ་སོ་ཏ་གྷཱ་ན་ཛི་ཝ྄ཧཱ་ཀཱ་ཡ་མ་ན་ས་ངྑཱ་ཏཱ་ནི དྭཱ་རཱ་ནི ཝུ་ཏྟཱ་ནི. རཱུ་པ་ས་དྡཱ་དི་གོ་ཙ་རེཏི རཱུ་པ་ས་དྡ་ག་ནྡྷ་ར་ས་ཕོ་ཊྛ་བྦ་དྷ་མྨ་ས་ངྑཱ་ཏེ ཝི་ས་ཡེ. ཨ་བྷི་ཛ྄ཛྷཱ་དོ་མ་ན་སྶཱ་དི་པྤ་ཝ་ཏྟིནྟི ཨེ་ཏྠ པ་ར་ས་མྤ་ཏྟིཾ ཨ་བྷི་མུ་ཁཾ ཛྷཱ་ཡ་ཏཱི་ཏི ཨ་བྷི་ཛ྄ཛྷཱ, བ་ལ་ཝ་ཏ་ཎྷཱ. ཨཱ་དི-ས་དྡེ་ན མི་ཙྪཱ་དི་ཊྛི་ཨཱ་ད་ཡོ ཨ་ནེ་ཀེ ཨ་ཀུ་ས་ལཱ དྷ་མྨཱ ས་ངྒ་ཧི་ཏཱ.

༤༥༤. ས་ཀཾ ཙི་ཏྟཾ ཀི་ཊྛཱ་དིཾ དུ་པྤ་སུཾ ཝི་ཡ ནི་གྒ་ཎྷེ་ཡྻཱ་ཏི ས་མྦ་ནྡྷོ. ཀི་ཊྛནྟི ཀི་ཊྛ་ཊྛཱ་ནེ ཨུ་པྤ་ནྣཾ ས་སྶཾ ག་ཧི་ཏཾ. ཀི་ཊྛཾ ཨ་ད་ཏཱི་ཏི ཀི་ཊྛཱ་དི, ཏཾ. ས་མྤ་ཛཱ་ནོཏི སཱ་ཏྠ་ཀ་ས་པྤཱ་ཡ་གོ་ཙ་ར་ཨ་ས་མྨོ་ཧ་ས་ངྑཱ་ཏེ་ན ཙ་ཏུ་ས་མྤ་ཛ་ཉྙེ་ན ས་མྨཱ པ་ཛཱ་ནོ. ཨི་མི་ནཱ ཨི་ནྡྲི་ཡ་སཾ་ཝ་ར་སཱི་ལཾ ཀ་ཐི་ཏཾ.

སཾ་ཝ་ར་ནི་དྡེ་ས་ཝ་ཎྞ་ནཱ ནི་ཊྛི་ཏཱ.