༤. ར་ཛ་ན་ནི་དྡེ་ས་ཝ་ཎྞ་ནཱ

༥༨. མཱུ་ལ་ཉྩ ཁ་ནྡྷོ ཙ ཏ་ཙོ ཙ པ་ཏྟ་ཉྩ ཕ་ལ་ཉྩ པུ་པྥ་ཉྩ, ཏེ་སཾ པ་བྷེ་དོ་ཏི ཚ་ཊྛཱི་ཏ་པྤུ་རི་སོ. ཨ་ཐ ཝཱ པ་བྷེ་ད-ས་དྡ་སྶ ཀ་མྨ་སཱ་དྷ་ན་ཏྟེ ཏཱ་ནི་ཡེ་ཝ པ་བྷེ་དོ་ཏི ཀ་མྨ་དྷཱ་ར་ཡོ, ཏ་ཏོ. ར་ཛ་ནྟི ཨེ་ཏེ་ཧཱི་ཏི ར་ཛ་ནཱ་ནི, མཱུ་ལཱ་དཱི་ནི. ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཚ ར་ཛ་ནཱ་ནི མཱུ་ལ་ར་ཛ་ན’’ནྟི་ཨཱ་དི་ནཱ (མ་ཧཱ་ཝ. ༣༤༤) བྷ་ག་ཝ་ཏཱ ཨ་ནུ་ཉྙཱ་ཏ་ཏྟཱ ཝུ་ཏྟཾ ‘‘ར་ཛ་ནཱ ཚ་པྤ་ཀཱ་རཱ་ནི, ཨ་ནུ་ཉྙཱ་ཏཱ་ནི ས་ཏྠུ་ནཱ’’ཏི.

༥༩. མཱུ་ལེཏི མཱུ་ལ་ར་ཛ་ནེ ཧ་ལི་དྡིཾ ཝི་ཝ་ཛྫི་ཡ ས་བྦཾ ལ་བྦྷ་ནྟི ས་མྦ་ནྡྷོ. ཨེ་ཝཾ ས་བྦ་ཏྠ. མ་ཉྫེ་ཊྛི ཙ ཏུ་ངྒ་ཧཱ་ར་ཀོ ཙཱ་ཏི དྭ་ནྡོ. ཨ་ལླི-ས་དྡེ་ན ནཱི་ལི-ས་དྡེ་ན ཙ ཏེ་སཾ ག་ཙྪ་ཛཱ་ཏཱི་ནཾ པ་ཏྟཱ་ནི ག་ཧི་ཏཱ་ནི ཨུ་པ་ཙཱ་རེ་ན, ཏ་ཐཱ ལོ་དྡ-ས་དྡེ་ན ཀ་ཎྜུ་ལ-ས་དྡེ་ན ཙ ཏ་ཙོ, ཀུ་སུ་མྦྷ-ས་དྡེ་ན ཀིཾ སུ་ཀ-ས་དྡེ་ན ཙ པུ་པྥཱ་ནི. ཏེ་ནེ་ཝ ཙ ཏཱ་ནི ན་པུཾ་ས་ཀཱ་ནི. ཏུ་ངྒ་ཧཱ་ར་ཀོ ནཱ་མ ཨེ་ཀོ ཀ་ཎྚ་ཀ་རུ་ཀྑོ, ཏ་སྶ ཧ་རི་ཏཱ་ལ་ཝ་ཎྞཾ ཁ་ནྡྷ་ར་ཛ་ནཾ ཧོ་ཏི. ཨ་ལླི་པ་ཏྟེ་ན ཨེ་ཀ་ཝཱ་རཾ གི་ཧི་པ་རི་བྷུ་ཏྟཾ ར་ཛི་ཏུཾ ཝ་ཊྚ་ཏི. ཕ་ལ་ར་ཛ་ནེ ས་བྦ་མྤི ཝ་ཊྚ་ཏི.

ར་ཛ་ན་ནི་དྡེ་ས་ཝ་ཎྞ་ནཱ ནི་ཊྛི་ཏཱ.