༣༧. ཨུ་གྒ་ཧ་ནི་དྡེ་ས་ཝ་ཎྞ་ནཱ
༢༨༡. པུ་གྒ་ལ-ས་དྡ་མ་ཏྟེ པ་ཡུ་ཏྟེ ཨ་ཏྟ་ནོ་པི ག་ཧ་ཎ་ས་མྦྷ་ཝོ སི་ཡཱ་ཏི བྱ་བྷི་ཙཱ་ར་ཏྠཾ ཨ་ཉྙ-ས་དྡ་པྤ་ཡོ་གོ. ས་ཏི ས་མྦྷ་ཝེ བྱ་བྷི་ཙཱ་རེ ཝི་སེ་ས་ནཾ སཱ་ཏྠ་ཀཾ ཧོ་ཏཱི་ཏི. ད་ས་བྷེ་ད་མྤི ར་ཏ་ནནྟི ‘‘མུ་ཏྟཱ མ་ཎི ཝེ་ལུ༹་རི་ཡོ ས་ངྑོ སི་ལཱ པ་ཝཱ་ལ༹ཾ ར་ཛ་ཏཾ ཛཱ་ཏ་རཱུ་པཾ ལོ་ཧི་ཏ་ངྐོ མ་སཱ་ར་ག་ལླ’’ནྟི (པཱ་ཙི. ༥༠༦) ཨེ་ཝཾ ཝུ་ཏྟཾ ད་ས་བྷེ་ད་མྤི ར་ཏ་ནཾ. ཨུ་གྒ་ཎྷ་ནྟ་སྶཱཏི ག་ཎྷ་ནྟ་སྶ ས་མྤ་ཊི་ཙྪ་ནྟ་སྶ.
༢༨༢-༣. ཏེ་སུ ཨ་ཏྟ་ཏྠཾ ཨུ་གྒ་ཎྷ་ནྟ་སྶ དྭཱི་སུ ནི་སྶ་གྒཱི་ཏི ས་མྦ་ནྡྷོ. ཏེ་སཱུཏི ཏེ་སུ ད་ས་སུ མ་ཛ྄ཛྷེ. དྭཱི་སཱུཏི ར་ཛ་ཏ་ཛཱ་ཏ་རཱུ་པ་ས་ངྑཱ་ཏེ་སུ དྭཱི་སུ ནི་སྶ་གྒི་ཡ་ཝ་ཏྠཱུ་སུ. ཨ་ཏྟ་ཏྠནྟི ཨི་མི་ནཱ ན་ཝ་ཀ་མྨཱ་དཱི་ནཾ པ་ཉྩ་ནྣཾ ཨ་ཏྠཱ་ཡ དུ་ཀྐ་ཊ་ནྟི དཱི་པེ་ཏི. སེ་སེ་སུ དུ་ཀྐ་ཊནྟི ཨ་ཝ་སེ་སེ་སུ ཨ་ཊྛ་སུ ས་བྦེ་ས་མྤི ཨ་ཏྠཱ་ཡ ཨུ་གྒ་ཎྷ་ནྟ་སྶ དུ་ཀྐ་ཊ་ནྟི ཨ་ཏྠོ. ག་ཎ་ཉྩ ས་ངྒྷ་ཉྩ པུ་གྒ་ལ་ཉྩ ཨ་ནཱ་མ་སི་ཏྭཱ ‘‘ཙེ་ཏྱ་སྶ ན་ཝ་ཀ་མྨ་སྶ ད་མྨཱི’’ཏི ཝུ་ཏྟེ ཙ ན པ་ཊི་ཀྑི་པེ་ཏི ས་མྦ་ནྡྷ་ནཱི་ཡཾ. ན པ་ཊི་ཀྑི་པེཏི ཨི་མི་ནཱ ས་ངྒྷཱ་དིཾ ཨཱ་མ་སི་ཏྭཱ ཝུ་ཏྟེ པ་ཊི་ཀྑི་པ་ནཾ དཱི་པེ་ཏི. པ་ཊི་ཀྑི་ཏྟེ ‘‘ཀ་པྤི་ཡ་ཀཱ་ར་ཀཱ་ནཾ ཝཱ ཧ་ཏྠེ བྷ་ཝི་སྶ་ཏི, མ་མ པུ་རི་སཱ་ནཾ མ་ཡ྄ཧ་མེ་ཝ ཝཱ ཧ་ཏྠེ བྷ་ཝི་སྶ་ཏི, ཀེ་ཝ་ལཾ ཏུ་མྷེ པ་ཙྩ་ཡེ པ་རི་བྷུ་ཉྫ་ཐཱ’’ཏི ཝ་ད་ཏི, ཝ་ཊྚ་ཏི. ཙ་ཏུ་པ་ཙྩ་ཡ་ཏྠཱ་ཡ ཙ དི་ནྣཾ ཡེ་ན ཡེ་ན ཨ་ཏྠོ ཧོ་ཏི, ཏ་ད་ཏྠཾ ཨུ་པ་ནེ་ཏ་བྦཾ. ཏེ་སཾ ཙཱི་ཝ་ར་ཏྠཱ་ཡ དི་ནྣཾ ཙཱི་ཝ་རེ་ཡེ་ཝ ཨུ་པ་ནེ་ཏ་བྦཾ. ས་ཙེ ཙཱི་ཝ་རེ་ན ཏཱ་དི་སོ ཨ་ཏྠོ ན་ཏྠི, པི་ཎྜ་པཱ་ཏཱ་དཱི་ཧི ས་ངྒྷོ ཀི་ལ་མ་ཏི, ས་ངྒྷ་སུ་ཊྛུ་ཏཱ་ཡ ཨ་པ་ལོ་ཀེ་ཏྭཱ ཏ་ད་ཏྠཱ་ཡ་པི ཨུ་པ་ནེ་ཏ་བྦཾ. ཨེ་ས ན་ཡོ པི་ཎྜ་པཱ་ཏ་གི་ལཱ་ན་པ་ཙྩ་ཡ་ཏྠཱ་ཡ དི་ནྣེ་པི. སེ་ནཱ་ས་ན་ཏྠཱ་ཡ དི་ནྣཾ པ་ན ག་རུ་བྷ་ཎྜ་ཏྟཱ ཏ་ཏྠེ་ཝ ཨུ་པ་ནེ་ཏ་བྦཾ, སེ་ནཱ་ས་ནེ་སུ ན་སྶ་ནྟེ་སུ ཛ་གྒ་ན་ཏྠཾ མཱུ་ལ་ཙྪེ་ཛྫཾ ཨ་ཀ་ཏྭཱ ཨ་ཝི་སྶ་ཛྫེ་ཏྭཱ ཡཱ་པ་ན་མ་ཏྟཾ པ་རི་བྷུ་ཉྫི་ཏ་བྦཾ.
༢༨༤. ཁེ་ཏྟཱ་དཱི་ནཾ ཀེ་ས་ཉྩི དུ་ཀྐ་ཊ་ཝ་ཏྠཱུ་ནཾ ས་མྤ་ཊི་ཙྪ་ནཱུ་པཱ་ཡཾ ད་སྶེ་ཏུཾ ‘‘ཁེ་ཏྟ’’ནྟི་ཨཱ་དི ཝུ་ཏྟཾ. ཏ་ཏྠ ཁེ་ཏྟནྟི པུ་བྦ་ཎྞ་ཝི་རུ་ཧ་ན་ཊྛཱ་ནཾ. ཝ་ཏྠུནྟི ཨ་པ་ར་ཎྞ་ཨུ་ཙྪུ་ཕ་ལཱ་དཱི་ནཾ ཝི་རུ་ཧ་ན་ཊྛཱ་ནཾ. དཱ་ས་པ་སྭཱ་དི་ཀནྟི དཱ་ས་པ་སུ་པུ་པྥཱ་རཱ་མ་ཕ་ལཱ་རཱ་མཱ་དི་ཀཾ. པ་ཊི་ཀྑི་པི་ཏྭཱ ཀ་པྤི་ཡེ་ན ཀ་མེ་ན ཙ ག་ཎྷེ་ཡྻཱ་ཏི ས་མྦ་ནྡྷོ. ཀ་པྤི་ཡེ་ན ཀ་མེ་ན ཙཱཏི ཨེ་ཏྠ ཀ་མ-ས་དྡོ ཝོ་ཧཱ་ར་པྤ་ཊི་པཱ་ཊི་ཝ་ཙ་ནོ, ཏ་སྨཱ པ་རེ་སཾ ཨ་ཏྟ་ནོ ཙ ཀ་པྤི་ཡ་ཝོ་ཧཱ་ར་ཀྐ་མེ་ནེ་ཝཱ་ཏི ཨ་ཏྠོ.
སོ ཙ ཁེ་ཏྟ་ཝ་ཏྠཱུསུ ཏཱ་ཝ ‘‘ཙ་ཏྟཱ་རོ པ་ཙྩ་ཡེ པ་རི་བྷུ་ཉྫ་ཐཱ’’ཏི ཝཱ ‘‘ཀ་པྤི་ཡ་ཀཱ་ར་ཀཱ་ནཾ ཧ་ཏྠེ བྷ་ཝི་སྶ་ཏཱི’’ཏི ཝཱ ‘‘ས་ངྒྷོ ཀ་པྤི་ཡ་བྷ་ཎྜཾ བྷུ་ཉྫ་ཏཱུ’’ཏི ཝཱ ‘‘སཱི་མཾ དེ་མཱ’’ཏི ཝཱ པ་རེ་ཧི ཝུ་ཏྟོ, ‘‘སཱ་དྷུ, ཨུ་པཱ་ས་ཀ མི་ག་པ་ཀྑི་ནོ ཨེ་ཏྠ ནི་བྦྷ་ཡཱ སུ་ཁེ་ན ཛཱི་ཝི་སྶ་ནྟཱི’’ཏི ཨ་ཏྟ་ནཱ ཝཱ ཏ་ལཱ༹་ཀེ ཡ་ཐཱ་ཝུ་ཏྟེ་ནེ་ཝ ‘‘ཨུ་ད་ཀཾ པ་རི་བྷུ་ཉྫི་སྶ་ནྟི, བྷ་ཎྜ་ཀཾ དྷོ་ཝི་སྶ་ནྟི, མི་ག་པ་ཀྑི་ནོ པི་ཝི་སྶ་ནྟཱི’’ཏི པ་རེ་ཧི ཝཱ ‘‘སཱ་དྷུ, ཨུ་པཱ་ས་ཀ, ས་ངྒྷོ པཱ་ནཱི་ཡཾ པི་ཝི་སྶ་ཏཱི’’ཏི་ཨཱ་དི་ནཱ ཨ་ཏྟ་ནཱ ཝཱ དཱ་སེ ‘‘ཨཱ་རཱ་མི་ཀཾ ད་མྨི, ཝེ་ཡྻཱ་ཝ་ཙྩ་ཀ་རཾ ད་མྨི, ཀ་པྤི་ཡ་ཀཱ་ར་ཀཾ ད་མྨཱི’’ཏི ཝཱ པ་སཱུ་སུ ‘‘པ་ཉྩ་གོ་ར་ས་པ་རི་བྷོ་ག་ཏྠཱ་ཡ ད་མྨཱི’’ཏི ཨཱ་རཱ་མེ ‘‘ཝ་ནཾ ད་མྨཱི’’ཏི ཨེ་ཝ་མཱ་དི་ནཱ ཝུ་ཏྟོ ཝེ་དི་ཏ་བྦོ. ས་ཙེ པ་ན ཀོ་ཙི ཨ་བྱ་ཏྟོ ཨ་ཀ་པྤི་ཡ་ཝོ་ཧཱ་རེ་ན ཁེ་ཏྟཱ་དིཾ པ་ཊི་གྒ་ཎྷཱ་ཏི ཝཱ ཀཱ་རེ་ཏི ཝཱ, ཏཾ བྷི་ཀྑཱུ་ཧི ན པ་རི་བྷུ་ཉྫི་ཏ་བྦཾ, ཏཾ ནི་སྶཱ་ཡ ལ་དྡྷཾ ཀ་པྤི་ཡ་བྷ་ཎྜ་མྤི ཨ་ཀ་པྤི་ཡ་མེ་ཝ. ཨ་བྱ་ཏྟེ་ན པ་ན ལ་ཛྫཱི་བྷི་ཀྑུ་ནཱ ཀཱ་རཱ་པི་ཏེ་སུ ཀི་ཉྩཱ་པི པ་ཊི་གྒ་ཧ་ཎཾ ཀ་པྤི་ཡཾ, བྷི་ཀྑུ་སྶ པ་ཡོ་ག་པ་ཙྩ་ཡཱ ཨུ་པྤ་ནྣེ་ན མི་སྶ་ཏྟཱ ཝི་ས་ག་ཏ་པི་ཎྜ་པཱ་ཏོ ཝི་ཡ, ཨ་ཀ་པྤི་ཡ་མཾ་ས་བྷོ་ཛ་ནཾ ཝི་ཡ ཙ དུ་བྦི་ནི་བྦྷོ་གཾ ཧོ་ཏི, ས་བྦེ་སཾ ཨ་ཀ་པྤི་ཡ་མེ་ཝ.
༢༨༥-༦. ན་ཝ…པེ… ཀི་རི་ཡཱ ཙ ཨ་ན་ཝེ མ་ཏྟི་ཀུ་དྡྷཱ་ར་ཎ་ཉྩ བ་ནྡྷོ ཙ ཨཱ་ལི༹་ཡཱ ཐི་ར་ཀཱ་རོ ཙ ཨ་ན་ཝེ ཀེ་དཱ་རེ ཨ་ཏི་རེ་ཀ་བྷཱ་ག་གྒ་ཧ་ཎ་ཉྩ ན་ཝེ ཙ ཨ་པ་རི་ཙྪི་ནྣ་བྷཱ་གེ ས་སྶེ ‘‘ཨེ་ཏྟ་ཀེ དེ་ཐཱ’’ཏི ཀ་ཧཱ་པ་ཎུ་ཊྛཱ་པ་ན་ཉྩཱ་ཏི ས་བྦེ་ས་མྤི ཨ་ཀ་པྤི་ཡ་ནྟི ས་མྦ་ནྡྷོ. མཱ་ཏི་ཀཱ ཙ ཀེ་དཱ་རོ ཙ ཏ་ལཱ༹་ཀོ ཙཱ་ཏི དྭ་ནྡོ མཱ་ཏི་ཀ…པེ… ཏ་ལཱ༹་ཀཱ. ཏེ་སཾ ཀི་རི་ཡཱ་ཏི ས་མཱ་སོ. ཨ་ན་ཝེཏི ཙ་ཏུ་པ་ཙྩ་ཡ་ཝ་སེ་ན པ་ཊི་གྒ་ཧི་ཏེ པུ་རཱ་ཎ་ཏ་ལཱ༹་ཀེ. ཨུ་ད་ཀ་ཝ་སེ་ན པ་ཊི་གྒ་ཧི་ཏེ པ་ན སུ་དྡྷ་ཙི་ཏྟཱ་ནཾ ཝ་ཊྚ་ཏི. བ་ནྡྷོཏི པཱ་ལི༹་ཡཱ བ་ནྡྷོ. པོ་རཱ་ཎ་ཀེ་དཱ་རེ ནི་ཡ་མི་ཏ་པ་ཀ་ཏི་བྷཱ་ག་ཏྟཱ ཨཱ་ཧ ‘‘ཨ་ན་ཝེ’’ཏི. ཨ་པ་རི་ཙྪི་ནྣ་བྷཱ་གེཏི ‘‘ཨེ་ཏྟ་ཀེ བྷཱུ་མི་བྷཱ་གེ ཨེ་ཏྟ་ཀོ བྷཱ་གོ དཱ་ཏ་བྦོ’’ཏི ཨེ་ཝཾ ཨ་པ་རི་ཙྪི་ནྣ་བྷཱ་གེ.
༢༨༧-༩. ‘‘ཀ་ས ཝ་པྤ’’ ཨི་ཙྩཱ་དིཾ ཨ་ཝ་ཏྭཱ ཙ ‘‘ཨེ་ཏྟ་ཀཱ་ཡ བྷཱུ་མི་ཡཱ ཨེ་ཏྟ་ཀོ བྷཱ་གོ དེ་ཡྻོ’’ཏི བྷཱུ་མིཾ ཝཱ པ་ཏི་ཊྛཱ་པེ་ཏི, ཏ་སྶེ་ཝེ་ཏ་མ་ཀ་པྤི་ཡ་ནྟི ས་མྦ་ནྡྷོ. ཙ-ས་དྡོ ཨ་ཝ་དྷཱ་ར་ཎེ. པ་ཏི་ཊྛཱ་པེ་ཏཱིཏི ཡོ བྷི་ཀྑུ པ་ཏི་ཊྛཱ་པེ་ཏི. ཏ་སྶེ་ཝཱཏི ཏ་སྶ པ་ཏི་ཊྛཱ་པ་ཀ་བྷི་ཀྑུ་སྶེ་ཝ. ཨེ་ཏནྟི པ་ཏི་ཊྛཱ་པི་ཏ་བྷཱུ་མི་ཏོ ལ་དྡྷ་དྷ་ཉྙཾ ‘‘ཨེ་ཏྟ་ཀེ བྷཱུ་མི་བྷཱ་གེ ས་སྶཾ ཀ་ཏཾ, ཨེ་ཏྟ་ཀཾ ག་ཎྷ་ཐཱ’’ཏི ཨེ་ཝཾ ཝ་ད་ནྟེ པ་མཱ་ཎ་ག་ཎྷ་ན་ཏྠཾ ད་ཎྜ་ར་ཛྫུ་བྷི མི་ན་ནེ ཝཱ ཁ་ལེ ཋ་ཏྭཱ ར་ཀྑ་ཎེ ཝཱ ཏཾ ནཱི་ཧ་རཱ་པ་ནེ ཝཱ ཀོ་ཊྛཱ་གཱ་རཱ་དི་པ་ཊི་སཱ་མ་ནེ ཝཱ ཨེ་ཏཾ ཏ་སྶེ་ཝ ཨ་ཀ་པྤི་ཡ་ནྟི ས་མྦ་ནྡྷ་ནཱི་ཡཾ. པ་ཏི་ཊྛཱ་པེ་ཏི ཙཱཏི སོ བྷི་ཀྑུ པ་ཏི་ཊྛཱ་པེ་ཏི ཙ. ཀ་ཏནྟི ཨ་མྷེ་ཧི ཀ་ཏཾ. ཝ་ད་ནྟེ་ཝནྟི ཨེ་ཝཾ ཀ་སྶ་ཀེ ཝ་ད་ནྟེ. པ་མཱ་ཎནྟི བྷཱུ་མི་པྤ་མཱ་ཎཾ. ནཱི་ཧ་རཱ་པ་ནེཏི ཁ་ལ་ཏོ གེ་ཧ་སྶ ནཱི་ཧ་རཱ་པ་ནེ. ཨེ་ཏནྟི མི་ཏ་ལ་དྡྷ་ར་ཀྑི་ཏཱ་དི་ཀཾ. ཏ་སྶེ་ཝཱཏི མཱ་ན་ཀ་ར་ཀྑ་ཀཱ་དི་ནོ ཨེ་ཝ. ཨ་པུ་བྦ་སྶ ཨ་ནུ་པྤཱ་དི་ཏ་ཏྟཱ ཨ་ཉྙེ་སཾ ཀ་པྤ་ཏཱི་ཏི ཨཱ་ཧ ‘‘ཏ་སྶེ་ཝེ་ཏ་མ་ཀ་པྤི་ཡ’’ནྟི.
༢༩༠. པ་ཊི་སཱ་མ་ན་པྤ་ས་ངྒེ་ནཱ་ཧ ‘‘པ་ཊི་སཱ་མེ་ཡྻཱ’’ཏི་ཨཱ་དི. པི་ཏུ་ས་ནྟ་ཀ་མྤི གི་ཧི་ས་ནྟ་ཀཾ ཡཾ ཀི་ཉྩཱི་ཏི ས་མྦ་ནྡྷོ. པི་ཏུ་ས་ནྟ་ཀནྟི པི་ཏཱ ཙ མཱ་ཏཱ ཙ པི་ཏ་རོ, ཏེ་སཾ ས་ནྟ་ཀཾ. གི་ཧི་ས་ནྟ་ཀནྟི ཨི་མི་ནཱ པ་ཉྩ་ནྣཾ ས་ཧ་དྷ་མྨི་ཀཱ་ནཾ ས་ནྟ་ཀཾ ཡཾ ཀི་ཉྩི པ་རི་ཀྑཱ་རཾ པ་ཊི་སཱ་མེ་ཏུཾ ཝ་ཊྚ་ཏཱི་ཏི དཱི་པེ་ཏི. ཡཾ ཀི་ཉྩཱིཏི ཀ་པྤི་ཡཾ ཨ་ཀ་པྤི་ཡཾ ཝཱ ཨ་ནྟ་མ་སོ མཱ་ཏུ་ཀ་ཎྞ་པི་ལ༹་ནྡྷ་ན་ཏཱ་ལ་པ་ཎྞ་མྤི. བྷ་ཎྜཱ་གཱ་རི་ཀ་སཱི་སེ་ནཱཏི སཱི་ས་ངྒ་མི་ཝ པ་དྷཱ་ནཾ ཡཾ ཀི་ཉྩི ‘‘སཱི་ས’’ནྟི ཨི་དྷ ཨུ་པ་ཙཱ་ར་ཝ་སེ་ན ཝུ་ཙྩ་ཏི, ཏ་ཐཱ བྷ་ཎྜཱ་གཱ་རི་ཀ་ས་དྡོ་པི བྷཱ་ཝ་པྤ་དྷཱ་ནོ, བྷ་ཎྜཱ་གཱ་རི་ཀོ བྷ་ཎྜཱ་གཱ་རི་ཀ་ཏྟཾ སཱི་སཾ པ་དྷཱ་ན་ནྟི ཝི་སེ་ས་ན་པ་ར་པ་དེ ཀ་མྨ་དྷཱ་ར་ཡོ, ཏེ་ན, བྷ་ཎྜཱ་གཱ་རི་ཀ་ཏྟ་སྶ པ་དྷཱ་ན་ཀ་ར་ཎེ་ནཱ་ཏི ཨ་ཏྠོ.
༢༩༡-༢. ཨ་ཝ་སྶཾ པ་ཊི་སཱ་མི་ཡནྟི ཨ་ཝ་སྶཾ ས་ངྒོ་པེ་ཏ་བྦཾ. ཝུ་ཏྟེ་པཱིཏི མཱ་ཏཱ་པི་ཏཱུ་ཧི ཝུ་ཏྟེ་པི.
༢༩༣-༤. ཝ་ཌྜྷ་ཀི་ཨཱ་ད་ཡོ ཝཱ རཱ་ཛ་ཝ་ལླ་བྷཱ ཝཱ ‘‘ས་ཀཾ པ་རི་ཀྑཱ་རཾ ཝཱ ས་ཡ་ན་བྷ་ཎྜཾ ཝཱ པ་ཊི་སཱ་མེ་ཏྭཱ དེ་ཧཱི’’ཏི ཡ་དི ཝ་ད་ནྟི, ཚ་ནྡ་ཏོ་པི བྷ་ཡཱ་པི ན ཀ་རེ་ཡྻཱ་ཏི ཡོ་ཛ་ནཱ. པ་རི་ཀྑཱ་རནྟི ཝཱ་སི་ཕ་ར་སུ་ཨཱ་དི་ཨུ་པ་ཀ་ར་ཎ་བྷ་ཎྜཾ. ཚ་ནྡ་ཏོ་པི བྷ་ཡཱ་པཱིཏི ཝ་ཌྜྷ་ཀི་ཨཱ་དཱི་སུ ཚ་ནྡེ་ན, རཱ་ཛ་ཝ་ལླ་བྷེ་སུ བྷ་ཡེ་ན.
༢༩༥-༦. པ་ཊི་སཱ་མི་ཏུཾ ཝ་ཊྚ་ཏཱི་ཏི ཡོ་ཛེ་ཏ་བྦཾ. ས་ངྐ་ནྟཱིཏི ཡཱ་དི་སེ པ་དེ་སེ ‘‘བྷི་ཀྑཱུ་ཧི ཝཱ སཱ་མ་ཎེ་རེ་ཧི ཝཱ ག་ཧི་ཏཾ བྷ་ཝི་སྶ་ཏཱི’’ཏི ས་ངྐཾ ཨུ་པྤཱ་དེ་ནྟི, ཏཱ་དི་སེ ཝི་ཧཱ་རཱ་ཝ་ས་ཐ་སྶ་ནྟོ་ཏི ཡོ་ཛ་ནཱི་ཡཾ. ཝི་ཧཱ་རཱ་ཝ་ས་ཐ་སྶཱཏི ཝི་ཧཱ་ར་སྶ ཙ ཨཱ་ཝ་ས་ཐ་སྶ ཙ. ར་ཏ་ནནྟི ད་ས་ཝི་དྷཾ ར་ཏ་ནཾ. ར་ཏྣ་ས་མྨ་ཏནྟི ཝ་ཏྠཱ་དི་ཀཾ. ནི་ཀྑི་པེ་ཡྻཱཏི སཱ་མི་ཀེ དི་ཊྛེ ནི་ཡ་མེ་ཏྭཱ དཱ་ཏུཾ ‘‘ཨེ་ཏྟ་ཀཱ ཀ་ཧཱ་པ་ཎཱ’’ཏི་ཨཱ་དི་ནཱ་ནུ་རཱུ་པེ་ན མ་ཏྟི་ཀ་ལ་ཉྪ་ནཱ་དི་ནི་མི་ཏྟེ་ན ཝཱ ས་ཉྙཱ་ཎཾ ཀ་ཏྭཱ ནི་ཀྑི་པེ་ཡྻ. ག་ཧེ་ཏྭཱ་ནཱཏི ཏཱ་དི་སེ ཨ་ས་ཏི ཨ་ཏྟ་ནཱ་ཝ ག་ཧེ་ཏྭཱ. ཏཱ་དི་སེཏི ར་ཏ་ནེ ཝཱ ར་ཏ་ན་ས་མྨ་ཏེ ཝཱ ས་ཏི. སཱ་མི་ཀཱ་ནཱ་ག་མཾ ཉ་ཏྭཱཏི ཡ་དི ཨ་ཏྟ་ནི ཨཱ་ས་ངྐ་ནྟི, མ་གྒཱ ཨོ་ཀྐ་མྨ ནི་སཱི་དི་ཡ པ་ཙྪཱ སཱ་མི་ཀཱ་ནཾ ཨ་ནཱ་ག་མ་ནཾ ཝི་ཉྙཱ་ཡ. པ་ཏི་རཱུ་པནྟི ར་ཏ་ན་ས་མྨ་ཏེ པཾ་སུ་ཀཱུ་ལ་གྒ་ཧ་ཎཾ ར་ཏ་ནེ ནི་རུ་སྶུ་ཀྐ་ག་མ་ན་ནྟི ཨེ་ཝ་རཱུ་པཾ བྷི་ཀྑཱུ་ནཾ ཨ་ནུ་རཱུ་པ་ནྟི.
ཨུ་གྒ་ཧ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.