༢༨. ཀ་མྨ་ནི་དྡེ་ས་ཝ་ཎྞ་ནཱ
༡༩༩. ཝ་གྒེ་ན ཨ་དྷ་མྨ་ཀ་མྨ་ཉྩ ས་མ་གྒེ་ན ཨ་དྷ་མྨ་ཀ་མྨ་ཉྩ ཝ་གྒེ་ན དྷ་མྨ་ཀ་མྨ་ཉྩ ས་མ་གྒེ་ན དྷ་མྨ་ཀ་མྨ་ཉྩཱ་ཏི ཙ་ཏྟཱ་རི ཀ་མྨཱ་ནི ཧོ་ནྟཱི་ཏི སེ་སོ. ཏ་ཏྠ ཝ་གྒེ་ན ཨ་དྷ་མྨ་ཀ་མྨནྟི ཝ་གྒེ་ན ས་ངྒྷེ་ན ཀ་ར་ཎཱི་ཡཾ ཨ་དྷ་མྨ་ཀ་མྨཾ. ཨེ་ས ན་ཡོ ས་བྦ་ཏྠ. ཝ་གྒོཏི ཙ ས་མཱུ་ཧོ ཝུ་ཙྩ་ཏི, སོ ཙ ཙ་ཏུ་ཝ་གྒཱ་དི་ཀ་ར་ཎཱི་ཡཱ་དཱི་སུ ཡཱ་ཝ་ཏི་ཀཱ་ནཾ ཀ་མྨ་པྤ་ཏྟཱ་ནཾ ཨ་ས་མྨུ་ཁཱི་བྷཱ་ཝེ་ན, ཚ་ནྡཱ་ར་ཧཱ་ནཾ ཚ་ནྡཱ་ནཱ་ཧ་ར་ཎེ་ན, ས་མྨུ་ཁཱི་བྷཱུ་ཏཱ་ན་ཉྩ པ་ཊི་ཀྐོ་ས་ནེ་ན, ཏེ་སུ ཨེ་ཀེ་ནཱ་པི ཝཱ ཨི་དྷ ཨ་དྷི་པྤེ་ཏོ. ཨ་དྷ་མྨ་ཀ་མྨནྟི ཨེ་ཏྠ པ་ན དྷ་མྨོ ནཱ་མ ‘‘ཨུ་ཏྟི་དུ་ཏི་ཡེ ཙེ, བྷི་ཀྑ་ཝེ, ཀ་མྨེ ཨེ་ཀཱ་ཡ ཨུ་ཏྟི་ཡཱ ཀ་མྨཾ ཀ་རོ་ཏི, ན ཙ ཀ་མྨ་ཝཱ་ཙཾ ཨ་ནུ་སྶཱ་ཝེ་ཏི, ཨ་དྷ་མྨ་ཀ་མྨ’’ནྟི་ཨཱ་དི་ནཱ (མ་ཧཱ་ཝ. ༣༨༧) ཨེ་ཀཱ་ཡེ་ཝ ཉ་ཏྟི་ཡཱ, ཏ་ཐཱ དྭཱི་ཧི ཉ་ཏྟཱི་ཧི ཨེ་ཀཱ་ཡེ་ཝ ཝཱ ཀ་མྨ་ཝཱ་ཙཱ་ཡ, ཏ་ཐཱ དྭཱི་ཧི ཀ་མྨ་ཝཱ་ཙཱ་ཧཱི་ཏི ཨཱ་ག་ཏཱ་ཡ ཙ ཏ་ཐཱ ཧཱ་པ་ན་ཨ་ཉྙ་ཐཱ་ཀ་ར་ཎ་བྷཱ་ཝེ་ན ཉ་ཏྟི་ཀ་མྨཾ ཋ་པེ་ཏྭཱ ཉ་ཏྟི་ཙ་ཏུ་ཏྠེ ཙ ཀ་མྨེ ཨཱ་ག་ཏཱ་ཡ ཙ ཨ་ཀ་མྨཱ་ར་ཧ་སྶ ཏ་ཛྫ་ནཱི་ཡ་པ་བྦཱ་ཛ་ནཱི་ཡ་པ་ཊི་སཱ་ར་ཎཱི་ཡ་ནི་ཡ་སྶ་ཏི་ཝི་དྷ་ཨུ་ཀྑེ་པ་ནཱི་ཡཱ་ནཾ ས་ཏྟ་ནྣཾ ཀ་མྨཱ་ནཾ ཀ་ར་ཎ་ཝ་སེ་ན, ཀ་མྨཱ་ར་ཧ་སྶ ཙ ཝི་རཱ་དྷེ་ཏྭཱ ཀ་ར་ཎ་ཝ་སེ་ན ཨཱ་ག་ཏཱ་ཡ ཙ པཱ་ལི༹་ཡཱ ཝི་པ་རཱི་ཏཱ ཙ པཱ་ལི༹, ཨུ་པ་ས་མྤ་དཱ་དི་ཀ་མྨ་ཝ་སེ་ན ཨཱ་ག་ཏཱ ཙ པཱ་ལི༹, ས་མྨུ་ཁཱ་ཝི་ན་ཡ་ས་ཏི་ཝི་ན་ཡ་ཨ་མཱུ་ལ༹ྷ་ཝི་ན་ཡ་པ་ཊི་ཉྙཱ་ཀ་ར་ཎ་ཡེ་བྷུ་ཡྻ་སི་ཀཱ་ཏ་སྶ་པཱ་པི- ཡ་སི་ཀཱ་ཏི་ཎ་ཝ་ཏྠཱ་ར་ཀ་ས་ངྑཱ་ཏཱ་ནཾ ས་ཏྟ་ནྣཾ ཀ་མྨཱ་ནཾ ཡ་ཐཱ་ལཱ་བྷ་ཀ་ར་ཎ་ཝ་སེ་ན ཨཱ་ག་ཏཱ ཙ པཱ་ལི༹, ཏེ་ན ཀ་ར་ཎཱི་ཡཾ ཨ་པ་ལོ་ཀ་ན་ཉ་ཏྟི་ཉ་ཏྟི་དུ་ཏི་ཡ་ཉ་ཏྟི་ཙ་ཏུ་ཏྠ་ས་ངྑཱ་ཏཾ ཙ་ཏུ་བྦི་དྷཾ ཀ་མྨཾ དྷ་མྨ་ཀ་མྨཾ, ཏ་པྤ་ཊི་པ་ཀྑཾ ཨ་དྷ་མྨ་ཀ་མྨཾ. ཏ་བྦི་པ་རི་ཡཱ་ཡེ་ན ས་མ་གྒོ དྷ་མྨ་ཀ་མྨ་ཉྩ ཝེ་དི་ཏ་བྦཾ. དྷ་མྨོ ཡ་ཐཱ་ཝུ་ཏྟཱ པཱ་ལི༹ ཨ་སྶ ཨ་ཏྠི, དྷ་མྨེ་ན ཀ་ཏཾ ཝཱ་ཏི དྷ་མྨི་ཀཾ. ཏ་བྦི་པ་རཱི་ཏཾ ཨ་དྷ་མྨི་ཀཾ. ཙ་ཏུ་ཏྠཾ་ཡེ་ཝཱཏི ཏེ་སུ ཙ་ཏཱུ་སུ ཀ་མྨེ་སུ ཙ་ཏུ་ནྣཾ པཱུ་ར་ཎཾ ས་མ་གྒེ་ན དྷ་མྨི་ཀཾ. སེ་ས་ཀ་མྨཱ་ནཾ བྷཱ་ཝེ་ན བྷི་ཀྑུ་ནཱ དུ་ཀྐ་ཊ་སྶ བྷ་ཝ་ནཾ ལ་ཀྑཱི་ཡ་ཏཱི་ཏི སེ་ས་ཀ་མྨེ་སཱུ་ཏི བྷཱ་ཝ་ལ་ཀྑ་ཎེ ས་ཏྟ་མཱི. དུ་ཀྐ་ཊནྟི ཀུ་པྤཱ་ནཾ ཨ་དྷ་མྨ་ཀ་མྨ་ཝ་གྒ་ཀ་མྨཱ་ནཾ ཀ་ཏ་ཏྟཱ དུ་ཀྐ་ཊཾ.
༢༠༠. ཨི་དཱ་ནི ཡ་དི་དཾ ས་མ་གྒེ་ན དྷ་མྨི་ཀཾ ནཱ་མ, ཏཾ ཡེ་ཧི ས་ངྒྷེ་ཧི ཀཱ་ཏ་བྦཾ, ཏེ་སཾ པ་བྷེ་དཾ ད་སྶེ་ཏུཾ ‘‘ཙ་ཏུ་ཝ་གྒོ’’ཏི་ཨཱ་དི་མཱ་ཧ. ཙ་ཏྭཱ་དཱི་ནཾ ས་ངྑྱེ་ཡ་ཝུ་ཏྟི་ཏྟཱ ཙ་ཏུ་ནྣཾ ཝ་གྒོ་ཏི་ཨཱ་དི་ནཱ ཝི་གྒ་ཧོ. ད་ས་ཝཱི་ས་ཏི་ཝ་གྒི་ཀོཏི ད་ས་ནྣཾ ཝཱི་ས་ཏི་ཡཱ ཙ ཝ་གྒ་བྷེ་ད་ཝ་སེ་ན ད་ས་ཝཱི་ས་ཏཱི་ནཾ ཝ་གྒོ་ཏི ཝི་གྒ་ཧོ, ཎི་ཀོ ས་ཀ་ཏྠེ. ཝཱི་ས་ཏི་ཡཱ ཝ་གྒོ, ཨ་ཏི་རེ་ཀེ་ན ས་ཧི་ཏོ ཝཱི་ས་ཏི་ཝ་གྒོ་ཏི ཝི་གྒ་ཧོ.
༢༠༡-༢. པ་ཉྩ་ནྣཾ ཀ་མྨཱ་ནཾ ནི་ཡ་མེ་ཏི ‘‘ཙ་ཏཱུ’’ཏི་ཨཱ་དི་ནཱ. ཨ་བྦྷཱ་ནཾ ཨུ་པ་ས་མྤ་དཾ པ་ཝཱ་ར་ཎཾ ཋ་པེ་ཏྭཱ ཙ་ཏུ་ཝ་གྒོ ཙཱ་ཏི་ཨཱ་དི་ནཱ ཡོ་ཛེ་ཏྭཱ ས་བྦ་ཀ་མྨེ་སུ ཀ་མྨ་པྤ་ཏྟོ་ཏི དཱི་པི་ཏོ་ཏི ཡོ་ཛེ་ཏ་བྦཾ. ཏ་ཏྠ ཏ་ཏྠ ཙ-ས་དྡོ ཙ་ཏུ་ཝ་གྒཱ་ད་ཡོ ཀ་མྨ་པ་ཏྟི་ཀི་རི་ཡཱ་ཡཾ ས་མུ་ཙྩི་ནོ་ཏི. ཨི་དྷ པ་ན ས་བྦ-ས་དྡོ ཨ་བྦྷཱ་ནཱ་དཱི་ནཾ ཀེ་ས་ཉྩི ཋ་པི་ཏ་ཏྟཱ པ་དེ་ས་ས་བྦེ ག་ཡ྄ཧ་ཏི. ཀ་མྨ་པ་ཏྟོཏི ཀ་མྨ་སྶ པ་ཏྟོ ཡུ་ཏྟོ ཨ་ནུ་རཱུ་པོ. ཨི་ཏ་རོཏི ཝཱི་ས་ཏི་ཝ་གྒོ ཨ་ཏི་རེ་ཀ་ཝཱི་ས་ཏི་ཝ་གྒོ. ས་བྦ་ཀ་མྨེ་སཱུཏི ཨེ་ཏྠ པ་ན ས་བྦ-ས་དྡོ ས་བྦ་ས་བྦེ. ན་ནུ ཙ ཝཱི་ས་ཏི་ཝ་གྒ་སྶ ཀ་མྨ་པྤ་ཏྟ་བྷཱ་ཝེ་ས་ཏི ཨ་ཏི་རེ་ཀ་ཝཱི་ས་ཏི་ཝ་གྒ་སྶ པ་གེ་ཝཱ་ཏི ཝི་ཉྙཱ་ཡ་ཏི. ཏ་ཐཱ ས་ཏི སོ ཀ་སྨཱ ཝུ་ཏྟོ་ཏི? ས་ཙྩཾ, ཏ་ཐཱ་པི སོ ཙ་ཏུ་ཝ་གྒཱ་དི་ནཱ ས་ངྒྷེ་ན ཀ་ཏྟ་བྦ་ཀ་མྨཾ ཨཱུ་ན་ཀ་ཏ་རེ་ན ན ཝ་ཊྚ་ཏི, ཨ་ཏི་རེ་ཀེ་ན པ་ན ཝ་ཊྚ་ཏཱི་ཏི ཉཱ་པ་ན་ཏྠཾ ཝུ་ཏྟོ.
༢༠༣. ཨི་དཱ་ནི ཙ་ཏུ་ཝ་གྒཱ་དི་ཀེ་ན ཚ་ནྡཱ་ཧ་ར་ཎེ་ན པཱུ་རེ་ཏ་བྦོ་ཏི ད་སྶེ་ཏི ‘‘ཙ་ཏཱུ’’ཏི་ཨཱ་དི་ནཱ. པཱ་རཱ་ཛི་ཀཱ་དི་བྷཱ་ཝ་མ་ནཱ་པ་ནྣ་ཏྟཱ པ་ཀ་ཏི་ཡཱ ས་བྷཱ་ཝེ་ནེ་ཝ ཋི་ཏོ ཨ་ཏྟཱ ཡེ་སཾ, པ་ཀ་ཏོ ཝཱ ཏ་ཏོ་ཡེ་ཝ ཀ་མྨེ་སུ ཨ་ཝི་ག་ཏོ ཨ་ཏྟཱ ཡེ་སཾ ཏེ་ཏི པ་ཀ་ཏ་ཏྟ་ཀཱ, པཱ་རཱ་ཛི་ཀ་ཨུ་ཀྑི་ཏྟ་ཀ་ལ་དྡྷི་ནཱ་ནཱ་སཾ་ཝཱ་ས་ཀེ་ཧི ཨ་ཉྙེ. པ་རེཏི ཨེ་ཀ་སཱི་མ་ཊྛཱ ཏཱ་དི་སཱ་ཡེ་ཝ ཨ་ཉྙེ. སེ་སེ་པཱིཏི ཨ་ཝ་སེ་སེ པ་ཉྩ་ཝ་གྒཱ་དི་ཀ་ར་ཎཱི་ཡེ་པི.
༢༠༤. ཨི་དཱ་ནི ཝ་ཏྠུ་ཉ་ཏྟི་ཨ་ནུ་སྶཱ་ཝ་ན་སཱི་མཱ་དི་ཝི་པ་ཏྟི་ཏོ, ཀ་མྨ་ཝི་པ་ཏྟཱི་སུ པ་རི་ས་ཏོ ཙ པ་ཊི་ཀྐོ་ས་ཏོ ཙ ཀ་མྨ་སྶ ཀུ་པྤཱ་ཀུ་པྤ་བྷཱ་ཝཾ ཏ་ཏྠ ཙ ཨཱ་པ་ཏྟི་ཨཱ་དིཾ ད་སྶེ་ཏུཾ ‘‘ཙ་ཏཱུ’’ཏི་ཨཱ་དི མཱ་ཧ. ཙ་ཏུ་ཝ་གྒཱ་དི་ཀ་ཏྟ་བྦཾ ཨ་སཾ་ཝཱ་ས་ག་ཎ་པཱུ་རཾ ཝཱ ཀ་མྨཱ་ར་ཧ་ག་ཎ་པཱུ་རཾ ཝཱ ཀ་མྨ་ཉྩ ག་རུ་ཀ་ཊྛ་ག་ཎ་པཱུ་རཾ ཝཱ པ་རི་ཝཱ་སཱ་དི་ཀ་མྨ་ཉྩཱ་ཏི ཡོ་ཛ་ནཱ. ཨེ་ཏྠ ཙ ཀ་མྨཱ་ར་ཧོ ག་རུ་ཀ་ཊྛ་ཏོ ཨ་ཉྙོ, ནི་ཀྑི་ཏྟ་ཝ་ཏྟོ པ་ན ག་རུ་ཀ་ཊྛོ ག་ཎ་པཱུ་ར་ཀོ ཧོ་ཏི་ཡེ་ཝ. ཀ་ཏནྟི ཙ་ཏུ་ཝ་གྒཱ་དི་ནཱ ཀ་ཏཾ.
༢༠༥. ཝཱ་རེ་ཡྻཱཏི ཨ་ནྟ་རཱ་ཡེ ཨ་ས་ཏི ཨ་ནྟ་མ་སོ ཨེ་ཀོ་པི ཝཱ་རེ་ཡྻཱ་ཏི ཨ་ཏྠོ. ཨ་ནྟ་རཱ་ཡེཏི པཱ་པེ་ཧི ཀ་རི་ཡ་མཱ་ནེ ཛཱི་ཝི་ཏ་བྲ་ཧྨ་ཙ་རི་ཡ་ནྟ་རཱ་ཡེ ས་ཏི. ཨ་ན་ནྟ་རཱ་ཡི་ཀཱ ཙེ ན ཝཱ་རེ་ནྟི, དུ་ཀྐ་ཊཾ. དི་ཊྛཱ་ཝིནྟི ཨ་ཏྟ་ནོ ཨ་ཏྟ་ནོ དི་ཊྛིཾ ལ་དྡྷིཾ ‘‘ཨ་དྷ་མྨ་ཀ་མྨཾ ཨི་དཾ, ན མེ་ཏཾ ཁ་མ་ཏཱི’’ཏི ཨ་ཉྙ་མ་ཉྙཾ ཨཱ་ཝི ཀ་རེ་ཡྻུ་ནྟི སེ་སོ. ཨེ་ཀོ་དྷི་ཊྛཱ་ནནྟི ཨེ་ཀོ བྷི་ཀྑུ ‘‘ན མེ་ཏཾ ཁ་མ་ཏཱི’’ཏི ཨ་དྷི་ཊྛཱ་ནཾ ཀ་རེ་ཡྻཱ་ཏི སེ་སོ. ཏ་ཏོ་དྷི་ཀཱཏི ཏཱི་ཧི ཨ་དྷི་ཀཱ. ཏེ པ་ན ས་ངྒྷ་ཏྟཱ པ་ཧོ་ནྟི ཨ་ཏྟ་ནོ ཀ་མྨཾ ནི་ཏྠ་རི་ཏུཾ.
༢༠༦. ཁི་ཏྟ་ཙི་ཏྟོ ནཱ་མ ཨུ་མྨ་ཏྟ་ཀོ. དུ་ཁ་ཊྚི་ཏོཏི ཝེ་ད་ན་ཊྚོ. ན རཱུ་ཧ་ཏཱིཏི ག་ཡ྄ཧ་ཏྟཾ ན རོ་ཧ་ཏཱི་ཏི ཨ་ཏྠོ.
༢༠༧. ཨ་ནྟ་མ་སོ ཨ་ན་ནྟ་ར་སྶཱ་པི ཨཱ་རོ་ཙེ་ནྟ་སྶ པ་ཀ་ཏ…པེ… བྷི་ཀྑུ་ནོ་ཏི ས་མྦ་ནྡྷོ. ཨེ་ཀ་སཱི་མཱ་ཡཾ ཏི་ཊྛ་ཏཱི་ཏི ཨེ་ཀ་སཱི་མ་ཊྛོ. ས་མོ སཾ་ཝཱ་སོ ཨ་སྶཱ་ཏི ས་མ་སཾ་ཝཱ་སོ. ཨེ་ཀ་སཱི་མ་ཊྛོ ཙ སོ ས་མ་སཾ་ཝཱ་སོ ཙ, པ་ཀ་ཏ་ཏྟོ ཙ སོ ཨེ་ཀ་སཱི་མ་ཊྛ་ས་མ་སཾ་ཝཱ་སོ ཙ, སོ ཙཱ་ཡཾ བྷི་ཀྑུ ཙཱ་ཏི ས་བྦ་ཏྠ ཀ་མྨ་དྷཱ་ར་ཡོ, ཏ་སྶ. ཨེ་ཏྠ པ་ན ཨ་ཝི་པ་ནྣ་སཱི་ལོ པ་ཀ་ཏ་ཏྟོཏི ཨ་དྷི་པྤེ་ཏོ. ཨཱ་རོ་ཙེ་ནྟ་སྶཱཏི ཨ་ཏྟ་ནོ ལ་དྡྷིཾ པ་ཀཱ་སེ་ནྟ་སྶ. རཱུ་ཧ་ཏཱིཏི པ་ཊི་ཀྑེ་པོ རུ་ཧ་ཏི.
༢༠༨. དྷ་མྨི་ཀཾ ཀ་མྨནྟི དྷ་མྨེ་ན ཀ་ཏྟ་བྦཾ ཨ་པ་ལོ་ཀ་ནཱ་དི་ཀ་མྨཾ. པ་ཊི་ཀྐོ་སེ་ཡྻཱཏི ནི་ཝཱ་རེ་ཡྻ. ཏི་རོ་ཀྑཱ ཀཱ་ཡ་སཱ་མ་གྒིཾ ཝཱ ཚ་ནྡཾ ཝཱ་ཏི ཝཱ-ས་དྡཾ ནེ་ཏྭཱ ཨ་ཏྠོ ནེ་ཏ་བྦོ. ཏི་རོ་ཀྑཱཏི པ་ར་མྨུ་ཁཱ. སོ ས་མྨུ་ཁཱ-ས་དྡོ ཝི་ཡ ནི་པཱ་ཏོ, ཨ་ཐ ཝཱ ཨ་ཀྑཱ ཨི་ནྡྲི་ཡ་ཝི་ས་ཡ་ཏོ ཏི་རོ བ་ཧཱི་ཏི ཨ་ཏྠོ་ཏི.
ཀ་མྨ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.