༢༧. ཨ་སཾ་ཝཱ་ས་ནི་དྡེ་ས་ཝ་ཎྞ་ནཱ

༡༩༨. ཨུ་ཀྑི་ཏྟོཏི ཀ་མྨ་ནཱ་ནཱ་སཾ་ཝཱ་ས་ཀ་ས་ངྑཱ་ཏོ ཨཱ་པ་ཏྟི་ཡཱ ཨ་ད་སྶ་ནེ, ཨ་པྤ་ཊི་ཀ་མྨེ, པཱ་པི་ཀཱ་ཡ དི་ཊྛི་ཡཱ ཨ་པྤ་ཊི་ནི་སྶ་གྒེ ཨུ་ཀྑི་ཏྟ་ཀོ. ཨ་ནུ་པ་ས་མྤ་ནྣོཏི སི་ཀྑ་མཱ་ན་སཱ་མ་ཎེ་ར་སཱ་མ་ཎེ་རི་སི་ཀྑཱ་པ་ཙྩ་ཀྑཱ་ཏ་ས་ངྑཱ་ཏོ ཨ་ནུ་པ་ས་མྤ་ནྣོ. ཚི་ནྣ་མཱུ་ལ་ཀོཏི ཨ་ནྟི་མ་ཝ་ཏྠུ་ཨ་ཛ྄ཛྷཱ་པ་ནྣོ. ཨུ་ཀྑི་ཏྟ་ཀེ་སུ ‘‘དྷ་མྨ་ཝཱ་དི་ནོ ཨེ་ཏེ’’ཏི ཨུ་པྤ་ནྣཱ་ཡ ལ་དྡྷི་ཡཱ ནཱ་ནཱ་བྷཱུ་ཏོ སཾ་ཝཱ་སོ ཨེ་ཏ་སྶཱ་ཏི ནཱ་ནཱ་སཾ་ཝཱ་སོ, ཨུ་ཀྑི་ཏྟཱ་ནུ་ཝ་ཏྟ་ཀ་ས་ངྑཱ་ཏོ ལ་དྡྷི་ནཱ་ནཱ་སཾ་ཝཱ་ས་ཀོ. སཱི་མ་ཏོ ནི་གྒ་ཏཱ ནི་སྶཱི་མཱ, སཱི་མ་ནྟ་རི་ཀཱ བ་ཧི་སཱི་མཱ ཙ, ཏ་ཏྠ ཧ་ཏྠ་པཱ་སེ ཙེ་པི ཋི་ཏོ, སཱི་མཱ་ནཱ་ནཱ་སཾ་ཝཱ་ས་ཀོ ནི་སྶཱི་མ་ཊྛི་ཏོ. ཝེ་ཧཱ་ཡ་སེ ཨཱ་ཀཱ་སེ ཋི་ཏོ ཝེ་ཧཱ་ཡ་ས་ཎྛི་ཏོ བི་ནྡཱ་ག་མེ་ན. ཏ་ཏྠ ‘‘ནཱ་ནཱ་སཾ་ཝཱ་སོ ཙཱ’’ཏི་ཨཱ་དི་ནཱ ས་མཱ་ཧཱ་ར་དྭ་ནྡེ་པི ཀྭ་ཙི ན་པུཾ་ས་ཀ་ལི་ངྒཾ བྱ་བྷི་ཙ་ར་ཏཱི་ཏི ན་པུཾ་ས་ཀ་ཏྟཱ་བྷཱ་ཝོ ཡ་ཐཱ ‘‘མ་གྒཱ་མ་གྒོ’’ཏི. ཨེ་ཀ་ཀ་མྨཾ ཨེ་ཀུ་དྡེ་སོ ས་མ་སི་ཀྑ་ཏཱ་ཏི ཨ་ཡཾ ཏི་ཝི་དྷོ་པི སཾ་ཝཱ་སོ ནཱ་མ. སོ ཡེ་སཾ ན་ཏྠི, ཏེ ཨ་སཾ་ཝཱ་སཱ. ཨེ་ཏེ ཧ་ཏྠ་པཱ་ས་ཏོ བ་ཧི་ཀ་ར་ཎ་ཝ་སེ་ན ཝ་ཛྫེ་ཏ་བྦཱ. ཨེ་ཏེ་སུ ཧི ཏི་ཝི་དྷེ ཨུ་ཀྑི་ཏྟ་ཀེ ས་ཏི ཨུ་པོ་ས་ཐཱ་དི་ཀཾ ཀ་མྨཾ ཀ་རོ་ནྟ་སྶ པཱ་ཙི་ཏྟི་ཡཾ, ཨི་ཏ་རེ་སུ དུ་ཀྐ་ཊ་ནྟི.

ཨ་སཾ་ཝཱ་ས་ནི་དྡེ་ས་ཝ་ཎྞ་ནཱ ནི་ཊྛི་ཏཱ.