༢༦. ས་མཱ་ནཱ་ས་ནི་ཀ་ནི་དྡེ་ས་ཝ་ཎྞ་ནཱ

༡༩༥. ཏི་ཝ་སྶ་ནྟ་ར་མེ་ཀ་མཱ་ས་ནཾ བྷི་ཀྑཱུ་ནཾ ཨ་ནུ་ཉྙཱ་ཏ་ནྟི ས་མྦ་ནྡྷོ. ཏ་ཏྠ ཨེ་ཀ་སྨིཾ ཨཱ་ས་ནེ མ་ཉྩཱ་དི་ཀེ དྭི་ནྣཾ ཨཱ་ས་ནཾ ནི་སཱི་ད་ནཾ ཨེ་ཀ་མཱ་ས་ནཾ. མ-ཀཱ་རོ ས་ནྡྷི་ཛོ. ཀཱི་དི་ས་ནྟི ཨཱ་ཧ ‘‘ཏི་ཝ་སྶ་ནྟ་ར’’ནྟི. ཏི་ཎྞཾ ཝ་སྶཱ་ན་མ་ནྟ་ར་མེ་ཏ་སྶཱ་ཏི ཏི་ཝ་སྶ་ནྟ་རོ, དྭཱི་ཧི ཝ་སྶེ་ཧི མ་ཧ་ནྟ་ཏ་རོ ཝཱ ད་ཧ་ར་ཏ་རོ ཝཱ བྷི་ཀྑུ, སོ ཨ་སྶ ཨ་ཏྠཱི་ཏི ཏི་ཝ་སྶ་ནྟ་རཾ, ཏི་ཝ་སྶ་ནྟ་ར་ཝ་ནྟ་ནྟི ཨ་ཏྠོ. ཡོ པ་ན ཨེ་ཀེ་ན ཝ་སྶེ་ན མ་ཧ་ནྟ་ཏ་རོ ཝཱ ད་ཧ་ར་ཏ་རོ ཝཱ ཨེ་ཀ་ཝ་སྶོ་ཡེ་ཝ ཝཱ, ཏ་བྦ་ནྟ་ཏཱ་ཡ ཝ་ཏྟ་བྦ་མེ་ཝ ན་ཏྠི. ཨ་ཐ ཝཱ ཏི་ཝ་སྶ་ནྟ་རནྟི ཀ་ར་ཎ་ཏྠེ ཨུ་པ་ཡོ་ག་ཝ་ཙ་ནཾ, ཏི་ཝ་སྶ་ནྟ་རེ་ན ས་དྡྷི་ནྟི ཨ་ཏྠོ. ཏ་མེ་ཝ ས་མ་ཏྠེ་ཏི ‘‘ས་ཏྟ་ཝ་སྶེ’’ཙྩཱ་དི་ནཱ.

༡༩༦. མུ་ནི ཨ་ནུ་ཉྙཱ་སཱི་ཏི ས་མྦ་ནྡྷོ. ས་བྦེ་ཧེ་ཝཱཏི ས་མཱ་ནཱ་ས་ནི་ཀ་ཨ་ས་མཱ་ནཱ་ས་ནི་ཀེ་ཧི ས་བྦེ་ཧེ་ཝ ས་དྡྷིཾ.

༡༩༧. དཱི་གྷཱ་ས་ནཾ ད་སྶེ་ཏི ‘‘ཨ་ནྟ’’ནྟི་ཨཱ་དི་ནཱ. ཡཾ ཏི་ཎྞཾ ནི་སཱི་དི་ཏུཾ པ་ཧོ་ཏི, ཏཾ ཨ་ནྟཾ དཱི་གྷཱ་ས་ན་ནྟི ས་མྦ་ནྡྷོ. ཨ་ནྟནྟི པ་ཙྪི་མཾ. ཨ་དཱི་གྷཱ་ས་ནེ པ་ན ས་མཱ་ནཱ་ས་ནི་ཀཱ ནི་སཱི་དི་ཏུཾ ལ་བྦྷ་ནྟཱི་ཏི ད་སྶེ་ནྟོ ‘‘མ་ཉྩ་ཀེ’’ཏི་ཨཱ་དི་མཱ་ཧ. ས་བྦ་ཏྠ ཨ་ཡ་ཐཱ་ཀ་ར་ཎ་ཏོ དུ་ཀྐ་ཊ་ནྟི.

ས་མཱ་ནཱ་ས་ནི་ཀ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.