༡༦. ཝ་ཙྩ་པ་སྶཱ་ཝ་ཊྛཱ་ནི་ཀ་ནི་དྡེ་ས་ཝ་ཎྞ་ནཱ

༡༥༦. ཝ་ཙྩ་པ་སྶཱ་ཝ་ཊྛཱ་ནི་ཀནྟི ཋཱ་ན་མྷི ཋཱ་ནེ ཝཱ བྷ་ཝཾ ཝ་ཙྩ་པ་སྶཱ་ཝ་ཊྛཱ་ནི་ཀཾ. ཡ་ཐཱ་ཝུ་ཌྜྷཾ ཝ་ཙྩཾ ན ཀ་རེ་ཡྻཱ་ཏི ས་མྦ་ནྡྷོ. ཡེ ཡེ ཝུ་ཌྜྷཱ ཡ་ཐཱ་ཝུ་ཌྜྷཾ, ཨཱ་ག་ཏ་པྤ་ཊི་པཱ་ཊིཾ ཧི་ཏྭཱ ཝུ་ཌྜྷ་པྤ་ཊི་པཱ་ཊི་ཡཱ་ཏི ཨ་ཏྠོ. ཝ་ཙྩནྟི ཨུ་པ་ལ་ཀྑ་ཎ་མ་ཏྟཾ, པ་སྶཱ་ཝ་ཉྩ ན་ཧཱ་ན་ཉྩ ན ཀ་རེ་ཡྻཱ་ཏི ཨ་དྷི་པྤཱ་ཡོ. ཏ་དེ་ཝ ས་མ་ཏྠེ་ཏི ‘‘ཡཱ་ཏཱ་ནུ་པུ་བྦི་ཡཱ’’ཏི་ཨཱ་དི་ནཱ. ཡཱ་ཏཱ་ནུ་པུ་བྦི་ཡཱཏི ཡཱ་ཏཱ་ནཾ ག་ཏཱ་ནཾ ཨ་ནུ་པུ་བྦི ཨ་ནུ་ཀྐ་མོ ཡཱ་ཏཱ་ནུ་པུ་བྦི, ཏཱ་ཡ. ཝ་ཙྩ…པེ… ཏི་ཏྠ་ཉྩཱཏི ཨེ་ཏཾ ཏ་ཡཾ ལ་བྦྷ་ཏཱི་ཏི ཨ་ཏྠོ, བྷི་ཀྑུ་ནཱ་ཏི ཝི་ཉྙཱ་ཡ་ཏི.

༡༥༧. ཨུ་བྦྷ་ཛི་ཏྭཱ ཙ ས་ཧ་སཱ ཙ ནོ པ་ཝི་སེ་ཡྻཱ་ཏི ས་མྦ་ནྡྷོ. ཨུ་བྦྷ་ཛི་ཏྭཱཏི ཙཱི་ཝ་རཾ དཱུ་ར་ཏོ་ཝ ཨུ་ཀྑི་པི་ཏྭཱ. ས་ཧ་སཱཏི སཱི་གྷཾ. ཨུ་ཀྐཱ་སི་ཏྭཱ པ་ཝི་སེ་ཡྻཱ་ཏི ཡོ་ཛ་ནཱ.

༡༥༨. ཝ་ཙྩ་པ་སྶཱ་ཝ་དོ་ཎཱི་ནཾ བ་ཧཱི་ཏི ས་མྦ་ནྡྷོ. ཨུ་བྷ་ཡནྟི ཝ་ཙྩ་མྤི པ་སྶཱ་ཝ་མྤི.

༡༥༩. ཀཱུ་པེཏི ཝ་ཙྩཱ་ཝཱ་ཊེ. ཀ་ཊྛནྟི ཨ་ཝ་ལེ་ཁ་ན་ཀ་ཊྛཾ. ཕ་རུ་སེ་ནཱཏི ཁ་རེ་ན ཨ་ཝ་ལེ་ཁ་ན་ཀ་ཊྛེ་ན. ཨུ་ཧ་ཏ་ཉྩཱ་པཱིཏི ཨ་ཏྟ་ནཱ ཝཱ པ་རེ་ན ཝཱ ཨུ་ཧ་ཏ་ཉྩཱ་པི ཝ་ཙྩ་མ་ཀྑི་ཏ་ཉྩཱ་པཱི་ཏི ཨ་ཏྠོ. དྷོ་ཝ་ཡེཏི ས་ཏི ཨུ་ད་ཀེ, ཨུ་ད་ཀེ ཨ་ས་ཏི ཀ་ཊྛེ་ན་པི སོ་དྷེ་ཡྻ.

༡༦༠. ན ནི་ཀྑ་མེཏི ན ནི་ཀྑ་མེ་ཡྻ. ཙ་པུ ཙ་པཱུཏི ཨ་ནུ་ཀ་ར་ཎཾ, ཝི་ཙྪཱ་ཡཾ དྭི་ཏྟེ ཙ་པུ ཙ་པུ ཀ་ཏྭཱ་ཏི ཀི་རི་ཡཱ་ཝི་སེ་ས་ནཾ. ནཱ་ཙ་མེ་ཡྻཱཏི ན དྷོ་ཝེ་ཡྻ. ས་ཏི པ་ན ཨུ་ད་ཀེ ཨཱ་ཙ་མི་ཏ་བྦཾ, ཨ་ས་ཏི ཡེ་ན ཀེ་ན་ཙི པུ་ཉྪི་ཏྭཱ ག་ནྟ་བྦཾ, ས་བྦ་སཱ་དྷཱ་ར་ཎ་ཊྛཱ་ནེ ཙ ཨཱ་ཙ་མ་ན་ཀུ་མྦྷི་ཡཱ ཨུ་ད་ཀཾ ན སེ་སེ་ཏ་བྦཾ. ཨུ་ཀླཱ་པནྟི ཀ་ཙ་ཝ་རཾ. ཝི་སོ་དྷ་ཡེཏི ཝི་ཧཱ་ར་སོ་དྷ་ནེ ཝི་ཡ ཝ་ཙྩ་པ་སྶཱ་ཝ་ཀུ་ཊི་ཡོ, པ་རི་ཝེ་ཎ་ཀོ་ཊྛ་ཀེ ཙ ས་མྨ་ཛྫེ་ཡྻ. ས་བྦ་ཏྠེ་ཝ ཙ པ་ན ཝ་ཏྟ་བྷེ་དེ དུ་ཀྐ་ཊཾ.

ཝ་ཙྩ་པ་སྶཱ་ཝ་ཊྛཱ་ནི་ཀ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.