༡༧. ཨཱ་པུ་ཙྪ་ཀ་ར་ཎ་ནི་དྡེ་ས་ཝ་ཎྞ་ནཱ

༡༦༡. ཨཱ་པུ་ཙྪ་ཀ་ར་ཎནྟི ཨཱ་པུ་ཙྪཱ་ཡ ཀ་ར་ཎཾ. ཨ་ན་ཛ྄ཛྷི་ཊྛོ་ཝཱཏི ཨ་ནཱ་ཎ་ཏྟོ་ཝ, ཨ་ཡཱ་ཙི་ཏོ ཨེ་ཝ ཝཱ. ན ཙ ཝི་སྶ་ཛེཏི པུ་ཙྪི་ཏ་པ་ཉྷཾ ན ཝི་སྶ་ཛྫེ་ཡྻ ཙ, ཨཱ་པུ་ཙྪི་ཏྭཱ ཝཱ ཡཱ་ཙི་ཏོ ཝཱ ཡ་ཐཱ་ཝུ་ཏྟ་མེ་ཏཾ ཀཱ་ཏུཾ ལ་བྷ་ཏཱི་ཏི ཨ་དྷི་པྤཱ་ཡོ.

༡༦༢. ཨཱ་པུ་ཙྪི་ཏྭཱ ཀ་ཐེ་ནྟ་སྶཱཏི ཨ་ཏྟ་ནོ ཝུ་ཌྜྷཾ ཨཱ་པུ་ཙྪི་ཏྭཱ དྷ་མྨཱ་དི་ཀཾ བྷཱ་ས་ནྟ་སྶ. པུ་ན ཝུ་ཌྜྷ་ཏ་རཱ་ག་མེཏི པུ་ན ཨ་ཉྙ་སྶ ཝུ་ཌྜྷ་ཏ་ར་སྶ ཨཱ་ག་མ་ནེ ས་ཏཱི་ཏི ཨ་ཏྠོ. པུ་ན་ཨཱ་པུ་ཙྪ་ནཾ ན་ཏྠཱིཏི བྷཱ་སི་ཏ་བྦཾ ཋ་པེ་ཏྭཱ པུ་ན ཨཱ་པུ་ཙྪ་ན་ཀི་ཙྩཾ ན་ཏྠཱི་ཏི ཨ་ཏྠོ. ས་ངྒྷ་ཏྠེ་རེ ཨ་ས་ཏི ཨཱ་ར་དྡྷ་མྤི ཨ་ཊྛ་པེ་ཏྭཱ ཀ་ཐེ་ནྟ་སྶཱ་པི ཨེ་སེ་ཝ ན་ཡོ. བྷ་ཏྟ་གྒེ ཨ་ནུ་མོ་ད་ཏོ ཙ ཨཱ་པུ་ཙྪ་ནཾ ན་ཏྠཱི་ཏི ས་མྦ་ནྡྷོ. ཨ་ནུ་མོ་ད་ཏོཏི དཱ་ཡ་ཀེ་ཧི ཡཱ་ཙི་ཏ་སྶ ཏཾ་ཏཾ་པུ་ཉྙཱ་ནུ་མོ་ད་ན་ཝ་སེ་ན དྷ་མྨ་ཀ་ཐཾ ཀ་རོ་ཏོ ཙ. ཨ་ནུ་མོ་ད་ན་ཉྩ ཐེ་རཱ་དྷེ་ཡྻཾ. ‘‘ཨ་ནུ་ཛཱ་ནཱ་མི, བྷི་ཀྑ་ཝེ ཐེ་རེ་ན བྷི་ཀྑུ་ནཱ བྷ་ཏྟ་གྒེ ཨ་ནུ་མོ་དི་ཏུ’’ནྟི (ཙཱུ་ལ༹་ཝ. ༣༦༢) ཧི ཝུ་ཏྟཾ. ‘‘ས་ཙེ མ་ནུ་སྶཱ ཨ་ཏྟ་ནོ ཨ་བྷི་རུ་ཙི་ཀེ་ན ཨེ་ཀེ་ན ཨ་ནུ་མོ་ད་ནཾ ཀཱ་རེ་ནྟི, ནེ་ཝ ཏ་སྶ ཨ་ནུ་མོ་ད་ཏོ ཨཱ་པ་ཏྟི, ན མ་ཧཱ་ཐེ་ར་སྶ བྷཱ་རོ ཧོ་ཏི. ཨུ་པ་ནི་སི་ནྣ་ཀ་ཐཱ་ཡ་མེ་ཝ ཧི མ་ནུ་སྶེ་སུ ཀ་ཐཱ་པེ་ནྟེ་སུ མ་ཧཱ་ཐེ་རོ ཨཱ་པུ་ཙྪི་ཏ་བྦོ’’ཏི ཨ་ཊྛ་ཀ་ཐཱ་ཡཾ (ཙུ་ལ༹་ཝ. ཨ་ཊྛ. ༣༦༢) ཝུ་ཏྟཾ.

༡༦༣. ཝུ་ཌྜྷེ་ན ཨེ་ཀ་ཝི་ཧཱ་ར་ཀེ ཝ་ས་ནྟོ ཙཱ་ཏི ས་མྦ་ནྡྷོ. ཝུ་ཌྜྷེ་ནཱཏི ཝུ་ཌྜྷེ་ན ས་དྡྷིཾ. ཨེ་ཀ་ཝི་ཧཱ་ར་ཀེཏི ས་ཝ་ནཱུ་པ་ཙཱ་རེ ཁུ་དྡ་ཀ་ཝི་ཧཱ་རེ, ན མ་ཧཱ་ཝི་ཧཱ་རེ. ཀུ་ཙྪི་ཏ་ཏྠེ ཧི ཀ་པྤ་ཙྩ་ཡོ. ན ས་ཛ྄ཛྷཱ་ཡེ་ཡྻཱཏི ས་ཛ྄ཛྷཱ་ཡ་ནཾ ན ཀ་རེ་ཡྻ.

༡༦༤. ‘‘དྷ་མྨཾ ན བྷཱ་ས་ཡེ’’ཏི་ཨཱ་དཱི་སུ ཨ་ནཱ་པུ་ཙྪཱ་ཏི ས་མྦ་ནྡྷི་ཏ་བྦཾ. ན ཙ ཝི་ཛ྄ཛྷ་པེཏི ན ཙ ནི་བྦཱ་ཡེ་ཡྻ. ཝཱ་ཏ་པཱ་ན་ཉྩ ཨཱ་ལོ་ཀ་ས་ནྡྷི་ཕ་ལ་ཀཾ ཀ་ཝཱ་ཊ་ཉྩ དྭཱ་ར་ཕ་ལ་ཀཾ ཝཱ་ཏ་པཱ་ན་ཀ་ཝཱ་ཊཾ ཝཱ ན ཝི་ཝ་རེ་ཡྻ ན ཐ་ཀེ་ཡྻ ཙཱ་ཏི ན-ཀཱ་རོ ས་བྦ་ཏྠ ཡོ་ཛེ་ཏ་བྦོ.

༡༦༥. ཨེ་ཀ་ཙ་ངྐ་མེ ཝུ་ཌྜྷེ་ན ཙ་ངྐ་མ་ནྟོ་པི ཡེ་ན ཝུ་ཌྜྷོ, ཏེ་ན པ་རི་ཝ་ཏྟ་ཡེ་ཏི ཡོ་ཛ་ནཱ. ཡེ་ན ཏེ་ནཱཏི བྷུ་མྨ་ཏྠེ ཀ་ར་ཎ་ཝ་ཙ་ནཾ, ཡ་ཏྠ ཝུ་ཌྜྷོ, ཏ་ཏྠཱ་ཏི ཨ་ཏྠོ, ཝུ་ཌྜྷཾ ཨོ་ཧཱ་ཡ ཨ་ཉྙ་ཏོ ན ག་ནྟ་བྦ་ནྟི ཨ་དྷི་པྤཱ་ཡོ. སོཏི ན་ཝ་ཀོ. ཨེ་ནནྟི ཝུ་ཌྜྷཾ. ས་བྦ་ཏྠ དུ་ཀྐ་ཊཾ. ཨ་ཡ་ཉྷི ཁ་ནྡྷ་ཀ་དྷ་མྨ་ཏཱ ཡ་ཏྠ ན-ཀཱ་རེ་ན པ་ཊི་སེ་དྷོ, ཏ་ཏྠ དུ་ཀྐ་ཊ་ནྟི.

ཨཱ་པུ་ཙྪ་ཀ་ར་ཎ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.