༡༥. ཨུ་པ་ཛ྄ཛྷཱ་ཙ་རི་ཡ་ཝ་ཏྟ་ནི་དྡེ་ས་ཝ་ཎྞ་ནཱ
༡༤༥. ‘‘ཨི་དཾ ཏ་ཡཱ དུ་ཀྐ་ཏཾ, དུ་བྦྷཱ་སི་ཏ’’ནྟི་ཨཱ་དཱི་ནི ཝ་ཏྭཱ ཙོ་ད་ན་ཏོ, ཨ་ཏྟ་ནོ ཝ་ཛྫཾ ཨ་སྶ་ར་ནྟ་སྶ ས་ཏུ་པྤཱ་ད་ཝ་སེ་ན སཱ་ར་ཎ་ཏོ, ས་མྨཱ པ་ཊི་པ་ཏྟི་ཡཾ སཱ་ར་ཎ་ཏོ པ་ཝ་ཏྟཱ་པ་ན་ཏོ ཝཱ ཝ་ཛྫཱ་ཝ་ཛྫཾ ཨུ་པ་ནི་ཛ྄ཛྷཱ་ཡ་ཏི བྷུ་སཾ ཙི་ནྟེ་ཏཱི་ཏི ཨུ་པ་ཛ྄ཛྷཱ. ཨུ་པ་ཛ྄ཛྷཱ ཨེ་ཝ ཨུ་པ་ཛ྄ཛྷཱ་ཡོ. ‘‘ཨེ་ཝཾ ཏ་ཡཱ བུ་དྡྷ་ཝ་ཙ་ནཾ ས་ཛ྄ཛྷཱ་ཡི་ཏ་བྦཾ, ཨེ་ཝཾ ཨ་ཏི་ཀྐ་མི་ཏ་བྦཾ, ཨེ་ཝཾ པ་ཊི་ཀྐ་མི་ཏ་བྦ’’ནྟི་ཨཱ་དི་ནཱ ཨཱ་ཙཱ་ར་སི་ཀྑཱ་པ་ནེ ཨཱ་ཙ་ར་ཏི པ་ཝ་ཏྟ་ཏཱི་ཏི ཨཱ་ཙ་རི་ཡོ. སོ ཙ ནི་སྶ་ཡ་པ་བྦ་ཛྫཱ་ཨུ་པ་ས་མྤ་དཱ་དྷ་མྨཱ་ཙ་རི་ཡ་ཝ་སེ་ན ཙ་ཏུ་བྦི་དྷོ. ཨུ་པ་ཛ྄ཛྷཱ ཙ ཨཱ་ཙ་རི་ཡོ ཙ ཨུ་པ་ཛ྄ཛྷཱ་ཙ་རི་ཡཱ, ཏེ. ནི་སྶཱ་ཡ ཝ་ས་མཱ་ནོཏི ཨི་མི་ནཱ ནི་སྶ་ཡ་པ་བྦ་ཛྫཱ་ཨུ་པ་ས་མྤ་དཱ་དྷ་མྨ་ནྟེ་ཝཱ་སི་ཀེ་སུ ཡོ ནི་སྶཱ་ཡ ཝ་ས་ཏི, ཏཾ ད་སྶེ་ཏི. ཙ་ཏཱུ་སུ ཧི ཏེ་སུ ནི་སྶ་ཡ་ནྟེ་ཝཱ་སི་ཀེ་ན ཡཱ་ཝ ཨཱ་ཙ་རི་ཡཾ ནི་སྶཱ་ཡ ཝ་ས་ཏི, ཏཱ་ཝ་ས་བྦཾ ཨཱ་ཙ་རི་ཡ་ཝ་ཏྟཾ ཀཱ་ཏ་བྦཾ, ནེ་ཏ་རེ་ཧི. ཨི་ཏ་རེ་ཧི, ནི་སྶ་ཡ་མུ་ཏྟ་ཀེ་ཧི་པི ཡཱ་ཝ ཙཱི་ཝ་ར་ར་ཛ་ནཾ, ཏཱ་ཝ ཙ ཨ་ར་ཏི་ཝི་ནོ་ད་ནཱ་དི་ཀ་ཉྩ ཝ་ཏྟཾ ཀཱ་ཏ་བྦཾ. ཨ་ནཱ་པུ་ཙྪི་ཏྭཱ པ་ཏྟ་ཙཱི་ཝ་ར་དཱ་ནཱ་དི་མྷི པ་ན ཨེ་ཏེ་སཾ ཨ་ནཱ་པ་ཏྟི. ས་དྡྷི་ཝི་ཧཱ་རི་ཀ་སྶ པ་ན ཨུ་པ་ཛ྄ཛྷཱ་ཡཱ་ནཾ ཡཱ་ཝ ཙཱི་ཝ་ར་ར་ཛ་ནཾ, ཏཱ་ཝ ཙ ཨ་ར་ཏི་ཝི་ནོ་ད་ནཱ་དི་ཀ་ཉྩ ཨ་ཀ་རོ་ནྟ་སྶ ནི་སྶ་ཡ་མུ་ཏྟ་ཀ་སྶཱ་པི ཨ་མུ་ཏྟ་ཀ་སྶཱ་པི ཨཱ་པ་ཏྟི་ཡེ་ཝ. ཨེ་ཀ་ཙྩ་སྶ པ་ཏྟ་དཱ་ནཱ་དི་ཏོ པ་ཊྛཱ་ཡ ཨ་མུ་ཏྟ་ནི་སྶ་ཡ་སྶེ་ཝ ཨཱ་པ་ཏྟི. ཏེ་སུ མ་ཛ྄ཛྷེ དྭེ ཨཱ་ཙ་རི་ཡ་སྶ ཡཱ་ཝ་ཛཱི་ཝཾ བྷཱ་རཱ. ཨི་ཏ་རེ པ་ན ཡཱ་ཝ ས་མཱི་པེ ཝ་ས་ནྟི, ཏཱ་ཝ་དེ་ཝ, ཏ་སྨཱ ཨཱ་ཙ་རི་ཡེ་ནཱ་པི ཏེ་སུ ས་མྨཱ ཝ་ཏྟི་ཏ་བྦཾ, ཨུ་པ་ཛ྄ཛྷཱ་ཡེ་ན ས་དྡྷི་ཝི་ཧཱ་རི་ཀེ་སུ ཝ་ཏྟ་བྦ་མེ་ཝ ན་ཏྠི. སུ་པེ་ས་ལོཏི པི་ཡཾ སཱི་ལ་མ་སྶཱ་ཏི པེ་ས་ལོ, ཝུ་དྡྷི, ཡ-ལོ་པེ་ན ཨཱི-ཀཱ་ར་སྶ ཨ་ཏྟ་ཀ་ར་ཎེ་ན, སུ་ཊྛུ པེ་ས་ལོ སུ་པེ་ས་ལོ, སི་ཀྑཱ་ཀཱ་མོ་ཏི ཨ་ཏྠོ. ‘‘ད་ནྟ་ཀ་ཊྛ’’ནྟི་ཨཱ་དི ‘‘ད་དེ’’ཏི་མ་སྶ ཀ་མྨཾ. ད་དེཏི ས་མྨཱ ཨཱ་ད་རེ་ན ཡ་ཐཱ་དྷི་པྤཱ་ཡཾ ད་དེ་ཡྻཱ་ཏི ཨ་ཏྠོ. ཀཱ་ལེཏི ཏ་ད་ནུ་རཱུ་པེ ཀཱ་ལེ.
༡༤༦. པ་ཏྟེ ཙ…པེ… ཙཱི་ཝ་རེ ཙ ཝ་ཏྟཾ ཙ་རེ་ཏི ས་མྦ་ནྡྷོ. ཙ་རེཏི ཀ་རེ་ཡྻ. ཏ་ཏྠ ནཱི་ཙཾ ཀ་ཏྭཱ སཱ་དྷུ་ཀཾ ཨ་པ་རི་གྷཾ་ས་ནྟེ་ན དྷོ་ཝ་ནཾ, མུ་ཧུ་ཏྟཾ ཨུ་ཎྷེ ཨོ་ཏཱ་པ་ནཾ, ཋ་པ་ན་ཊྛཱ་ནཾ ཨུ་པ་པ་རི་ཀྑི་ཏྭཱ ཙ་མྨཱ་དི་ནཱ ཀེ་ན་ཙི ཨ་ནྟ་ར་ཧི་ཏཱ་ཡ ནི་ཀྑི་པ་ནཾ པ་ཏྟེ ཝ་ཏྟཾ. གཱ་མཾ པ་ཝི་ས་ནྟཱ་ནཾ ནི་ཝཱ་ས་ན་ཀཱ་ཡ་བ་ནྡྷ་ན་ས་ངྒྷཱ་ཊི་དཱ་ནཾ, དྷོ་ཝི་ཏྭཱ སོ་ད་ཀ་པ་ཏྟ་སྶ དཱ་ནཾ གཱ་མ་པྤ་ཝེ་སེ ཝ་ཏྟཾ. ཡ་དི ཨཱ་ཀ་ངྑ་ནྟི, པ་རི་མ་ཎྜ་ལཾ ནི་ཝཱ་སེ་ཏྭཱ ཙ པཱ་རུ་པི་ཏྭཱ ཙ ནཱ་ཏི་དཱུ་ར་ན་ཙྩཱ་ས་ནྣེ ག་མ་ནཾ, པ་ཏྟ་པ་རི་ཡཱ་པ་ནྣ་གྒ་ཧ་ཎ་ཉྩ ག་མ་ནེ ཝ་ཏྟཾ. ནི་ཝ་ཏྟེ་ནྟེ པ་ན པ་ཋ་མ་ཏ་རཾ ཨཱ་ག་ནྟྭཱ ཨཱ་ས་ན་པ་ཉྙཱ་པ་ནཾ, པཱ་དོ་ད་ཀཱ་དི་ཨུ་པ་ནི་ཀྑི་པ་ནཾ, པ་ཏྟ་ཙཱི་ཝ་ར་པྤ་ཊི་གྒ་ཧ་ཎཾ ཨཱ་ག་མེ ཨཱ་ག་མ་ནེ ཝ་ཏྟཾ. བྷ་ཎ་ནྟཱ་ནཾ ཨ་ནྟ་རཱ ཀ་ཐཱ་ཨ་ནོ་པཱ་ཏ་ནཾ ས་བྦ་ཏྠ ཝ་ཏྟཾ. ཨཱ་ས་ན་པ་ཉྙཱ་པ་ནཾ, ཨུ་ཊྛི་ཏེ་སུ ཨཱ་ས་ན་ཨུ་དྡྷ་ར་ཎཾ, པཱ་ད་པཱི་ཋ་ཀ་ཐ་ལཱ་ནཾ ཨུ་པ་ནི་ཀྑི་པ་ནཾ, པ་ཊི་སཱ་མ་ན་ཉྩ ཨཱ་ས་ནེ པཱ་ད་པཱི་ཋེ པཱ་ད་ཀ་ཐ་ལེ ཙ ཝ་ཏྟཾ. དྷོ་ཏ་པཱ་ད་ཊྛ་པ་ན་ཀཾ པཱ་ད་པཱི་ཋཾ. ཨ་ཉྙཾ ཀ་ཐ་ལཾ. ཨུ་པཱ་ཧ་ནཱ ཙ ཙཱི་ཝ་ར་ཉྩཱ་ཏི དྭ་ནྡོ, ཏ་སྨིཾ. སུ་ཀྑ་ཨ་ལླ་ཙོ་ལེ༹་ཧི པུ་ཉྪ་ནཾ ཨུ་པཱ་ཧ་ནཱ་ཡ ཝ་ཏྟཾ. སི་ནྣ་ཙཱི་ཝ་ར་སྶ མུ་ཧུ་ཏྟཾ ཨོ་ཏཱ་པ་ནཾ, ཙ་ཏུ་ར་ངྒུ་ལཾ ཀ་ཎྞཾ ཨུ་སྶཱ་རེ་ཏྭཱ ཙཱི་ཝ་ར་སཾ་ཧ་ར་ཎ་ཉྩ ཙཱི་ཝ་རེ ཝ་ཏྟཾ.
༡༤༧. པ་རི་བྷོ་ཛ་ནཱི་ཡ…པེ… པ་སྶཱ་ཝ་ཊྛཱ་ནི་སུ ཙ ཝི་ཧཱ་ར་སོ་དྷ་ནེ ཙ པུ་ན པ་ཉྙཱ་པ་ནེ ཙ ཝ་ཏྟཾ ཏ་ཐཱ་ཏི ས་མྦ་ནྡྷོ. ཝ་ཙྩ་ཉྩ པ་སྶཱ་ཝོ ཙ ཝ་ཙྩ་པ་སྶཱ་ཝཱ. ཏི་ཊྛ་ཏི ཨེ་ཏྠཱ་ཏི ཋཱ་ནཱི, ཀུ་ཊི. ཝ་ཙྩ་པ་སྶཱ་ཝཱ་ནཾ ཋཱ་ནཱི་ཏི ཏ་པྤུ་རི་སོ. ཨ་ཐ ཝཱ ཏི་ཊྛ་ཏི ཨེ་ཏྠཱ་ཏི ཋཱ་ནཾ, སོ་ཡེ་ཝ ས་མཱ་སོ, ཝ་ཙྩ་པ་སྶཱ་ཝ་སྶ ཙ པ་ཏ་ན་ཊྛཱ་ནཾ, ཏཾ ཨ་སྶ ཨ་ཏྠཱི་ཏི ཨི་ཊྛ་གེ་ཧཱ་དི. པ་རི་བྷོ་ཛ་ནཱི་ཡ་ཉྩ པཱ་ནཱི་ཡ་ཉྩ ཝ་ཙྩ་པ་སྶཱ་ཝ་ཊྛཱ་ནཱི ཙ པ་རི…པེ… ཊྛཱ་ནཱི. ཏཱ་སུ ཏེ་སུ ཝཱ. པཱ་དོ་ད་ཀ་ཨུ་ཎྷ་སཱི་ཏ་ན་ཧཱ་ནོ་ད་ཀ་པྤ་ཊི་ཡཱ་དཱ་པ་ནཾ པ་རི་བྷོ་ཛ་ནཱི་ཡེ ཝ་ཏྟཾ. པཱ་ཏ་བྦ་པཱ་ནཱི་ཡེ་ན པུ་ཙྪ་ནཾ ཨུ་པ་ཊྛཱ་པ་ན་ཉྩ པཱ་ནཱི་ཡེ ཝ་ཏྟཾ. ས་མྨ་ཛྫ་ན་པཱ་ནཱི་ཡ་ཨུ་པ་ཊྛཱ་པ་ནཾ ཝ་ཙྩ་པ་སྶཱ་ཝ་ཊྛཱ་ནཱི་སུ ཝ་ཏྟཾ. པ་ཋ་མཾ པ་ཏྟ་ཙཱི་ཝ་རཱ་དཱི་ནི ཧ་རཱ་པེ་ཏྭཱ ཨེ་ཀ་མ་ནྟེ ནི་ཀྑི་པ་ནཱ་དི, ཨུ་ལློ་ཀ་ཏོ པ་ཊྛཱ་ཡ མ་ཀྐ་ཊ་ས་ནྟཱ་ནཾ ཨོ་ཧཱ་རེ་ཏྭཱ ས་མྨ་ཛྫ་ན་ཉྩ ཝི་ཧཱ་ར་སོ་དྷ་ནེ ཝ་ཏྟཾ. ཨོ་ཏཱ་པེ་ཏྭཱ སོ་དྷེ་ཏྭཱ པ་པྥོ་ཊེ་ཏྭཱ ཨ་ཏི་ཧ་རི་ཏྭཱ ཡ་ཐཱ་ཋཱ་ནེ བྷཱུ་མ་ཏྠ་ར་ཎཱ་དི་པ་ཉྙཱ་པ་ནཾ པུ་ན པ་ཉྙཱ་པ་ནེ ཝ་ཏྟཾ. ཏ་ཐཱཏི ཨི་མི་ནཱ ‘‘ཙ་རེ’’ཏི ཨི་དཾ ཨ་ཏི་དི་ས་ཏི.
༡༤༨. ཝི་ཧཱ་རཾ སོ་དྷེ་ནྟོ བྷི་ཀྑུ པ་ཊི་ཝཱ་ཏེ ཝཱ ས་ངྒ་ཎེ ཝཱ པཱ་ནཱི་ཡ་སཱ་མ་ནྟཱ ཝཱ ས་ཡ་ནཱ་ས་ནཾ ན པ་པྥོ་ཊེ་ཡྻཱ་ཏི ས་མྦ་ནྡྷོ. པཱ་ནཱི་ཡ-ས་དྡེ་ན པ་རི་བྷོ་ཛ་ནཱི་ཡ་ཉྩ ས་ངྒ་ཧི་ཏཾ. པ་ཊི་ཝཱ་ཏེཏི ཨུ་པ་རི་ཝཱ་ཏེ. ས་ངྒ་ཎེཏི བ་ཧཱུ་ནཾ ས་མོ་ས་ར་ཎེ ཝི་ཝ་ཊ་པྤ་དེ་སེ. ས་ཡ་ནཱ་ས་ནཾ ནཱ་མ བྷཱུ་མ་ཏྠ་ར་ཎ་མ་ཉྩཱ་དི.
༡༤༩. ནྷཱ་ནེ ཝ་ཏྟཾ ཙ་རེ, ནྷཱ་ཏ་སྶ ཀཱ་ཏ་བྦེ ཙ་རེ་ཏི ས་མྦ་ནྡྷ་སྶ པུ་རི་སཱ་དྷཱི་ན་ཏཱ་ཡ ས་མྦ་ནྡྷོ ཝེ་དི་ཏ་བྦོ. ཙཱི་ཝ་ར་པྤ་ཊི་གྒ་ཧ་ཎ་ག་ཏྟ་པ་རི་ཀ་མྨ་ཀ་ར་ཎཾ ན་ཧཱ་ནེ ཝ་ཏྟཾ. ཀཱ་ཏ་བྦེ ཙ་རེཏི ག་ཏྟ་ཏོ ཨུ་ད་ཀ་ས་མྨ་ཛྫ་ན་ནི་ཝཱ་ས་ན་དཱ་ནཱ་དི་ཀི་ཙྩེ པ་ཝ་ཏྟེ་ཡྻཱ་ཏི ཨ་ཏྠོ. ‘‘ཝ་ན་པྤ་གུ་མྦེ’’ཏི་ཨཱ་དཱི་སུ ཝི་ཡ སི་སྶ ཨེ-ཀཱ་རཱ་དེ་སཾ རཱུ་པཾ, ཏ་སྨཱ ཀཱ་ཏ་བྦཾ ཝ་ཏྟཾ ཙ་རེ་ཡྻཱ་ཏི ཡོ་ཛེ་ཏྭཱ ཝེ་དི་ཏ་བྦཾ. བུ་དྷཱ པ་ན ‘‘ནྷཱ་ནེ ནྷཱ་ཏ་སྶ ཀཱ་ཏ་བྦེ ཝ་ཏྟཾ ཙ་རེ’’ཏི ཡོ་ཛེ་ཏྭཱ ཨ་ཏྠཾ ཝ་ད་ནྟི. ཨེ་ཝཾ ས་ཏི ཀཱ་ཏ་བྦ-ས་དྡ་སྶ ཀ་མྨ་སཱ་དྷ་ན་ཏྟཱ ཝ་ཏྟ་མེ་ཝ ཀཱ་ཏ་བྦཾ ནཱ་མཱ་ཏི ‘‘ཝ་ཏྟེ ཝ་ཏྟཾ ཙ་རེ’’ཏི ཝུ་ཏྟཾ ཝི་ཡ ཧོ་ཏཱི་ཏི ཝི་རུ་ཛ྄ཛྷ་ཏི. ‘‘ན་ཧཱ་ཏེ་ན ན་ཧཱ་ཏ་སྶཱ’’ཏི ཝཱ པཱ་ཋོ, ཨུ་ད་ཀེ ག་ཏྟ་པ་རི་ཀ་མྨེ་ན ཐེ་རཾ པ་ཋ་མཾ ན་ཧཱ་པེ་ཏྭཱ ས་ཡ་མྤི ན་ཧཱ་ཏེ་ནཱ་ཏི ཨ་ཏྠོ. པཱ་ལི༹་ཡམྤི ‘‘ན་ཧཱ་ཏེ་ན པ་ཋ་མ་ཏ་རཾ ཨུ་ཏྟ་རི་ཏྭཱ’’ཏི (མ་ཧཱ་ཝ. ༦༧) ཨ་ཏྠི. ཨ་ཐ ར་ངྒ་པཱ་ཀེ དྷོ་ཝ་ནེ སི་བྦ་ནེ ཙ ཝ་ཏྟཾ ཙ་རེ་ཏི ས་མྦ་ནྡྷོ, ར་ཛ་ན་པཱ་ཀེ ཙཱི་ཝ་ར་དྷོ་ཝ་ནེ ཙཱི་ཝ་ར་སི་བྦ་ནེ ཙཱ་ཏི ཨ་ཏྠོ. ར་ཛ་ནྟོ ཙཱི་ཝ་རེ ཐེ་ཝེ ཋི་ཏེ ན ཝ་ཛེ་ཏི ས་མྦ་ནྡྷོ. ར་ཛ་ནྟོཏི ཙཱི་ཝ་རཾ ར་ཛ་ནྟོ. ཐེ་ཝེཏི ར་ཛ་ན་བི་ནྡུ་མྷི.
༡༥༠. ཨེ་ཀ་ཙྩ་སྶཱཏི ཨཱ་ཙ་རི་ཡུ་པ་ཛ྄ཛྷཱ་ཡཱ་ནཾ ཝེ་རི་ནོ པུ་གྒ་ལ་སྶ པ་ཏྟཾ ཝཱ ཙཱི་ཝ་རཱ་ནི ཝཱ ཀི་ཉྩ་ནཾ པ་རི་ཀྑཱ་རཾ ཝཱ ན ད་དེ་ཡྻ ན ག་ཎྷེ་ཡྻ ཝཱ་ཏི ས་མྦ་ནྡྷོ. ཏ་ཏྠ ན ད་དེ་ཡྻ ན ག་ཎྷེ་ཡྻཱཏི པ་ཊི་སཱ་མ་ན་ཏྠཱ་ཡ་པི ན ད་དེ་ཡྻ, ན ག་ཎྷེ་ཡྻ ཝཱ་ཏི ཨ་ཏྠོ. ‘‘ཨཱ་ཀི་ཉྩ་ན’’ནྟི་ཨཱ་དཱི་སུ ཝི་ཡ ཀི་ཉྩ་ན-ས་དྡོ ད་ཊྛ་བྦོ, ཏ་སྶ ཀི་ཉྩཱི་ཏི ཨ་ཏྠོ. ཀི་ཉྩི་ནནྟི ཝཱ པཱ་ཋོ, ཀི་ཉྩི ནཾ པ་རི་ཀྑཱ་ར་ནྟི ཡོ་ཛ་ནཱ. པ་ད་སི་དྡྷི་ཝ་སེ་ནེ་ཏྠ ན་ནྟི ཏ-ས་དྡ་པྤ་ཡོ་གོ ཀ་ཏོ.
༡༥༡-༢. པ་ཙྪ་ཏོ ཀཱ་ཏུནྟི པ་ཙྪཱ་ས་མ་ཎཾ ཀཱ་ཏུཾ. ཏ་སྶཱཏི ཨེ་ཀ་ཙྩ་སྶ. པ་ཙྪ་ཏོཏི པ་ཙྪཱ་ས་མ་ཎོ ཧུ་ཏྭཱ. ནི་ནྣེ་ཏུནྟི ཨེ་ཀ་ཙྩ་སྶ ནཱི་ཧ་རི་ཏུཾ. ས་བྦ་ཏྠ ཨ་ནཱ་པུ་ཙྪཱ ན ཝ་ཊྚ་ཏཱི་ཏི ཡོ་ཛེ་ཏ་བྦཾ. ཀི་ཙྩ་ཡཾ ཝཱཏི ཝེ་ཡྻཱ་ཝ་ཙྩཱ་དི ཡཾ ཀི་ཉྩི ཀི་ཙྩཾ ཝཱ. ཀི་ཙྩ་མེ་ཝ ཀི་ཙྩ་ཡཾ, ཀ་སྶ ཡོ ‘‘སེ་ནི་ཡོ’’ཏི་ཨཱ་དཱི་སུ ཝི་ཡ. པ་རི་ཀ་མྨཾ ཝཱཏི པི་ཊྛི་པ་རི་ཀ་མྨཱ་དི་པ་རི་ཀ་མྨཾ. ཨ་ཏྟ་ནོ ཀཱ་རཱ་པེ་ཏུཾ ཝཱཏི ཨེ་ཀ་ཙྩེ་ན ཨ་ཏྟ་ནོ ཀཱ་རཱ་པེ་ཏུཾ ཝཱ. ཀཱ་ཏུཾ ཝཱཏི ཏ་སྶ ཨ་ཏྟ་ནཱ ཀཱ་ཏུཾ ཝཱ.
༡༥༣. སཱི་མ་ཏོ ནི་གྒ་ཏཱ བ་ཧི་བྷཱུ་ཏཱ ནི་སྶཱི་མཱ, ཏཾ. ཨཱ་ཙ་རི་ཡུ་པ་ཛ྄ཛྷཱ་ཡེ་སུ ཨ་ཝ་ཏྭཱ དཱུ་རཾ བྷི་ཀྑཱ་ཙཱ་རཾ ག་ཏེ་སུ་པི ཨ་པ་སྶ་ནྟེ་ན གཱ་མོ པ་ཝི་སི་ཏ་བྦོ. དི་ཊྛ་ཊྛཱ་ན་ཏོ པ་ཊྛཱ་ཡ པ་ན ཨཱ་པུ་ཙྪི་ཏུཾ་ཡེ་ཝ ཝ་ཊྚ་ཏི. ཨ་ཏྟ་ནོ ཀི་ཙྩ་ཡཾ ཝཱ་པཱིཏི ཨ་ཏྟ་ནོ སཱི་མཱ་ཡ་པི པ་ཏྟ་པ་ཙ་ན་ཙཱི་ཝ་ར་ར་ཛ་ནཱ་དི་ཀཾ ས་ཀཾ ཀ་ར་ཎཱི་ཡཾ ཝཱ་པི ཀཱ་ཏུཾ.
༡༥༤. ཨ་ར་ཏིནྟི སཱ་ས་ནེ ཨ་ན་བྷི་ར་ཏིཾ. ས་ངྒྷཱ་ཡ་ཏྟེ་སུ ཀ་མྨེ་སཱུཏི པ་རི་ཝཱ་སཱ་དི་ཏ་ཛྫ་ནཱི་ཡཱ་དཱི་སུ ས་ངྒྷ་པྤ་ཊི་བ་དྡྷེ་སུ ཀ་མྨེ་སུ. ཨུ་སྶུ་ཀྐཾ ཝཱ་པཱིཏི ཨཱ་ཙ་རི་ཡུ་པ་ཛ྄ཛྷཱ་ཡེ་སུ ག་རུ་དྷ་མྨཾ ཨ་ཛ྄ཛྷཱ་པ་ནྣེ་སུ, ཀ་མྨཱ་ར་ཧེ་སུ ཙ ‘‘ཀི་ནྟི ནུ ཁོ ས་ངྒྷོ པ་རི་ཝཱ་སཾ ད་དེ་ཡྻཱ’’ཏི་ཨཱ་དི་ནཱ ཨུ་སྶཱ་ཧཾ ཝཱ་པི.
༡༥༥. གི་ལཱ་ནེ་སུ ཨུ་པ་ཊྛེ་ཡྻཱཏི ‘‘པ་ཉྩ་ཧི, བྷི་ཀྑ་ཝེ, ཨ་ངྒེ་ཧི ས་མ་ནྣཱ་ག་ཏོ གི་ལཱ་ནུ་པ་ཊྛཱ་ཀོ ཨ་ལཾ གི་ལཱ་ནཾ ཨུ་པ་ཊྛཱ་ཏུཾ, པ་ཊི་བ་ལོ ཧོ་ཏི བྷེ་ས་ཛྫཾ སཾ་ཝི་དྷཱ་ཏུཾ, ས་པྤཱ་ཡཱ་ས་པྤཱ་ཡཾ ཛཱ་ནཱ་ཏི, ཨ་ས་པྤཱ་ཡཾ ཨ་པ་ནཱ་མེ་ཏི, ས་པྤཱ་ཡཾ ཨུ་པ་ནཱ་མེ་ཏི, མེ་ཏྟ་ཙི་ཏྟོ གི་ལཱ་ནཾ ཨུ་པ་ཊྛཱ་ཏི ནོ ཨཱ་མི་ས་ནྟ་རོ, ཨ་ཛེ་གུ་ཙྪཱི ཧོ་ཏི ཨུ་ཙྩཱ་རཾ ཝཱ པ་སྶཱ་ཝཾ ཝཱ ཁེ་ལ༹ཾ ཝཱ ཝ་ནྟཾ ཝཱ ནཱི་ཧཱ་ཏུཾ, པ་ཊི་བ་ལོ ཧོ་ཏི གི་ལཱ་ནཾ ཀཱ་ལེ་ན ཀཱ་ལཾ དྷ་མྨི་ཡཱ ཀ་ཐཱ་ཡ ས་ནྡ་སྶེ་ཏུཾ ས་མཱ་ད་པེ་ཏུཾ ས་མུ་ཏྟེ་ཛེ་ཏུཾ ས་མྤ་ཧཾ་སེ་ཏུ’’ནྟི (མ་ཧཱ་ཝ. ༣༦༦) ཨེ་ཝཾ ཝུ་ཏྟ་པ་ཉྩ་ངྒ་ས་མ་ནྣཱ་ག་ཏེ་ན ཧུ་ཏྭཱ གི་ལཱ་ནེ་སུ ཨུ་པ་ཊྛ་ཧེ་ཡྻཱ་ཏི ཨ་ཏྠོ. ཨི་མི་ནཱ ས་བྦེ་ཧི་པི ཨཱ་ཙ་རི་ཏ་བྦཾ གི་ལཱ་ན་ཝ་ཏྟཾ ཨུ་པ་དི་ས་ཏི. ཝུ་ཊྛཱ་ནནྟི གེ་ལ་ཉྙཱ ཝུ་ཊྛི་ཏཾ. ཨཱ་ག་མེཏི ཨཱ་ག་མེ་ཡྻ, ཨོ་ལོ་ཀེ་ཡྻཱ་ཏི ཨ་ཏྠོ. ཨུ་པ་ཛ྄ཛྷཱ་ཙ་རི་ཡེ་ཧི ཙ ས་དྡྷི་ཝི་ཧཱ་རི་ཀ་ཨ་ནྟེ་ཝཱ་སི་ཀེ་སུ ཡ་དི ཏེ གི་ལཱ་ནཱ ཧོ་ནྟི, ཨཱ་དི་ཏོ པ་ཊྛཱ་ཡ ཙཱི་ཝ་རེ ར་ཛ་ན་པ་རི་ཡོ་སཱ་ན་ཉྩ ཨ་ར་ཏི་ཝི་ནོ་ད་ནཱ་དི་ཀ་ཉྩ ཝ་ཏྟཾ, ཨ་གི་ལཱ་ནེ་སུ པ་ན ཨུ་དྡེ་ས་པ་རི་པུ་ཙྪཱ ཨོ་ཝཱ་དཱ་ནུ་སཱ་ས་ནི་ཡཱ ཨ་ནུ་གྒ་ཧོ་པ་ཏྟ་ཙཱི་ཝ་རཱ་དི་དཱ་ན་ཉྩཱ་ཏི ས་བྦཾ ཀཱ་ཏ་བྦཾ. ཏེ་ནེ་ཝ ཧེ་ཊྛཱ ཝུ་ཏྟཾ ‘‘ཏ་སྨཱ ཨཱ་ཙ་རི་ཡེ་ནཱ་པི ཏེ་སུ ས་མྨཱ ཝ་ཏྟི་ཏ་བྦཾ, ཨུ་པ་ཛ྄ཛྷཱ་ཡེ་ན ས་དྡྷི་ཝི་ཧཱ་རི་ཀེ་སུ ཝ་ཏྟ་བྦ་མེ་ཝ ན་ཏྠཱི’’ཏི.
ཨུ་པ་ཛ྄ཛྷཱ་ཙ་རི་ཡ་ཝ་ཏྟ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.