༡༤. བྷཱུ་མི་ནི་དྡེ་ས་ཝ་ཎྞ་ནཱ
༡༣༦. ཡཱ་སུ ཝུ་ཏྠཾ པ་ཀྐ་ཉྩ ཀ་པྤ་ཏི, ཏཱ ཀ་པྤི་ཡཱ བྷཱུ་མི་ཡོ ས་མྨུ་ཏི ཙ ས་མྨུ་ཏི་ཀུ་ཊི ཙ…པེ… ག་ཧ་པ་ཏི ཙ ག་ཧ་པ་ཏི་ཀུ་ཊི ཙཱ་ཏི ཨི་མཱ ཙ་ཏ་སྶོ ཧོ་ནྟཱི་ཏི ཡོ་ཛེ་ཏྭཱ ཨ་ཏྠོ ཝེ་དི་ཏ་བྦོ. ཏ་ཏྠ བྷེ་ས་ཛྫ་ཀྑ་ནྡྷ་ཀེ (མ་ཧཱ་ཝ. ༢༩༥) ཝུ་ཏྟཱ་ཡ ཨུ་ཏྟི་དུ་ཏི་ཡ་ཀ་མྨ་ཝཱ་ཙཱ་ཡ, ཨ་པ་ལོ་ཀ་ན་ཀ་མྨ་ཝ་སེ་ན ཝཱ སཱ་ཝེ་ཏྭཱ ས་མྨཱ ཨུ་ཏྟི་ས་མྤ་ནྣཾ ཀ་རཱི་ཡ་ཏཱི་ཏི ས་མྨུ་ཏི, ཐ་མྦྷཱ་ནཾ བྷི་ཏྟི་པཱ་དཱ་ནཾ ཝཱ ཨུ་གྒ་མ་ནཾ ཨུ་དྡྷཾ ཀ་ཏྭཱ ཋ་པ་ནཾ, ‘‘ཀ་པྤི་ཡ་ཀུ་ཊིཾ ཀ་རོ་མཱ’’ཏི ཝཱ་ཙཱ་ཡ སཱ་ཝ་ན་ཉྩ ཨ་ནྟཾ ཡ་སྶཱ སཱ ཨུ་སྶཱ་ཝ་ན་ནྟཱ. ཏ་ཐཱ ཙ ཝུ་ཏྟཾ ‘‘ཐ་མྦྷ་པྤ་ཏི་ཊྛཱ་ན་ཉྩ ཝ་ཙ་ན་པ་རི་ཡོ་སཱ་ན་ཉྩ ས་མ་ཀཱ་ལཾ ཝ་ཊྚ་ཏཱི’’ཏི (མ་ཧཱ་ཝ. ཨ་ཊྛ. ༢༩༥). ནི་སཱ་ད་ནཾ པ་ཝི་ས་ནཾ ས་ནྣི་ཝེ་ས་ནཾ ནི་སཱ་དོ, གུ་ནྣཾ ཝི་ཡ ནི་སཱ་དོ ཨེ་ཏི་སྶཱ་ཏི གོ་ནི་སཱ་དི. བྷི་ཀྑུཾ ཋ་པེ་ཏྭཱ སེ་ས་ས་ཧ་དྷ་མྨི་ཀཱ ས་བྦེ ཙ དེ་ཝ་མ་ནུ་སྶཱ ཨི་དྷ ག་ཧ་པ་ཏཱིཏི སཱ་མ་ཉྙེ་ན ཨ་དྷི་པྤེ་ཏཱ. ཨེ་ཏྠ པ་ན ག་ཧ་པ་ཏི་ས་མྦ་ནྡྷི་ནཱི ཀུ་ཊི དཱི་གྷེ་ན ག་ཧ་པ་ཏཱི.
‘‘ཡཾ པ་ན ཨ་ཀ་པྤི་ཡ་བྷཱུ་མི་ཡཾ ས་ཧ་སེ་ཡྻ་པྤ་ཧོ་ན་ཀེ གེ་ཧེ ཝུ་ཏྠ’’ནྟི (མ་ཧཱ་ཝ. ཨ་ཊྛ. ༢༩༥) ཨ་ཊྛ་ཀ་ཐཱཝ་ཙ་ན་ཏོ ཡཾ ས་ངྒྷོ ཨཱ་ཀ་ངྑ་ཏི ཝི་ཧཱ་རཾ ཝཱ ཨ་ཌྜྷ་ཡོ་གཾ ཝཱ པཱ་སཱ་དཾ ཝཱ ཧ་མྨི་ཡཾ ཝཱ གུ་ཧཾ ཝཱ ལེ་ཎཱ་དིཾ ཝཱ, ཏེ་ས་མྤི སཱ་མ་ཉྙ་ཝ་ཙ་ནཾ ཝི་ཉྙཱ་ཡ་ཏཱི་ཏི ཏཾ་ཏཾ་ལ་ཀྑ་ཎ་པྤ་ཏྟཱ ས་ཧ་སེ་ཡྻ་པྤ་ཧོ་ན་ཀཱ ལེ་ཎཱ་ད་ཡོ ཙ་ཏཱུ་སྭེ་ཝ ཀུ་ཊཱི་སུ ཨ་ནྟོ་ག་དྷཱ་ཏི ཝེ་དི་ཏ་བྦཾ. ཨི་མཱ་སུ ཙ་ཏཱུ་སུ ས་ཧ་སེ་ཡྻ་པྤ་ཧོ་ན་ཀེ པ་དེ་སེ ཡཾ ས་ངྒྷི་ཀཾ པུ་གྒ་ལི་ཀཾ ཝཱ བྷི་ཀྑུ་ས་ནྟ་ཀཾ ཨེ་ཀ་ར་ཏྟ་མྤི ཨ་ནྟོ་ཝུ་ཏྠཾ ཨ་ནུ་པ་ས་མྤ་ནྣེ་ན པ་ཀྐ་ཉྩ ཡཱ་ཝ་ཀཱ་ལི་ཀཾ ཡཱ་མ་ཀཱ་ལི་ཀ་ཉྩ ཨ་ནྟོ་ཝུ་ཏྠ་ཨ་ནྟོ་པ་ཀྐ་ས་ངྑཾ ན ག་ཙྪ་ཏི, ཀོ པ་ན ཝཱ་དོ ཨི་ཏ་ར་དྭ་ཡེ. ཏཾ པ་ན ཨ་ཀ་པྤི་ཡ་བྷཱུ་མི་ཡ་མྤི ཝུ་ཏྠཾ པ་ཀྐ་ཉྩ ཝ་ཊྚ་ཏི. ཏེ་ན ཝུ་ཏྟཾ ‘‘ཡཱ་སུ ཝུ་ཏྠཾ པ་ཀྐ་ཉྩ ཀ་པྤ་ཏཱི’’ཏི.
༡༣༧. ཝཱ་ས་ཏྠཱ་ཡ ཀ་ཏེ ས་ངྒྷི་ཀེ ཝཱ ཨེ་ཀ་ས་ནྟ་ཀེ ཝཱ ས་ཧ་སེ་ཡྻ་པྤ་ཧོ་ན་ཀེ གེ་ཧེ ཀ་པྤི་ཡཱ་ཀུ་ཊི ལ་དྡྷ་བྦཱ་ཏི ས་མྦ་ནྡྷོ. ཏ་ཏྠ ཝཱ་ས་ཏྠཱ་ཡཱཏི ཨི་མི་ནཱ ཨ་ཝཱ་ས་ཏྠཱ་ཡ ཀ་ཏཾ ནི་ཝ་ཏྟེ་ཏི. ཨེ་ཀ་ས་ནྟ་ཀེཏི ཨེ་ཀ་སྶ བྷི་ཀྑུ་ནོ ས་ནྟ་ཀེ. ཀ་པྤི་ཡཱ་ཀུ་ཊཱིཏི བྷཱ་ཝ་པྤ་དྷཱ་ནོ་ཡཾ ནི་དྡེ་སོ, ན ཧི གེ་ཧེ གེ་ཧཾ ལ་དྡྷུཾ ཡུ་ཛྫ་ཏཱི་ཏི ཀ་པྤི་ཡ་ཀུ་ཊི་ཏཱ་ཏི ཨ་ཏྠོ. དཱི་གྷོ པ་ན གཱ་ཐཱ་ཝ་སེ་ན, ཀ་པྤི་ཡཱ ཀུ་ཊི་ཏཱ་ཏི ཝཱ ཝི་སེ་ས་ན་ཝ་སེ་ན ད་ཊྛ་བྦཾ. ས་ཧ་སེ་ཡྻ་པྤ་ཧོ་ན་ཀེཏི ཨེ་ཏྠ ས་ཧ་སེ་ཡྻ་པྤ་ཧོ་ན་ཀཾ ཝཱ་སཱ་གཱ་ར་ལ་ཀྑ་ཎེ ཝུ་ཏྟ་ལ་ཀྑ་ཎཾ སེ་ནཱ་ས་ནཾ.
༡༣༨. ཨི་དཱ་ནི ཏཱ ཀུ་ཊི་ཡོ ཀ་མེ་ན ད་སྶེ་ཏྭཱ ཏ་ཏྠ པ་ཊི་པ་ཛྫི་ཏ་བྦ་ཝི་དྷིཾ, ཏཱ་སཾ ས་བྦ་ཐཱ་པ་ག་མ་ཉྩ ད་སྶེ་ཏུཾ ‘‘གེ་ཧེ’’ཏི་ཨཱ་དི་མཱ་ཧ. ཏ་ཏྠ ‘‘ཀ་པྤི་ཡ་ཀུ་ཊིཾ ཀ་རོ་མ, ཀ་པྤི་ཡ་ཀུ་ཊིཾ ཀ་རོ་མཱ’’ཏི ཨེ་ཝ་མཱི་ར་ཡ་ནྟི ས་མྦ་ནྡྷོ. ཨི་ཊྛ་ཀཱ ཙ ཐ་མྦྷཱ ཙ ‘‘ཨི་ཊྛ་ཀཱ་ཐ་མྦྷཱ’’ཏི ཝ་ཏྟ་བྦེ ར་སྶོ. ཨི་ཊྛ་ཀ་ཐ་མྦྷཱ ཨཱ་དི ཡ་སྶ བྷི་ཏྟི་པཱ་སཱ་ད་སྶཱ་ཏི བ་ཧུ་བྦཱི་ཧི. པ་ཙྪཱ པ་ཋ་མ་ས་དྡེ་ན ཀ་མྨ་དྷཱ་ར་ཡོ. ‘‘ཋ་པེ་ཡྻ ཙེ, སཱ ཨུ་སྶཱ་ཝ་ན་ནྟི་ཀཱ’’ཏི ཨེ་ཝཾ ཙེ-སཱ-ས་དྡེ ཡོ་ཛེ་ཏྭཱ ཨ་ཏྠོ ཝེ་དི་ཏ་བྦོ.
༡༣༩. ས་ཀ་ལོ ཨ་པ་རི་ཀྑི་ཏྟོ ཨཱ་རཱ་མོ་པི ཝཱ་ཏི ས་མྦ་ནྡྷོ. སེ་ནཱ་ས་ནཾ པ་རི་ཀྑི་ཏྟཾ ཝཱ ཧོ་ཏུ, ཨ་པ་རི་ཀྑི་ཏྟཾ ཝཱ, ན ཏཾ པ་མཱ་ཎཾ.
༡༤༠. ཨ་ཉྙེ་ཧི ཀ་པྤི་ཡ་ཀུ་ཊི་ཡཱ ཨ་ཏྠཱ་ཡ དི་ནྣོ ཝཱ ཏེ་སཾ ས་ནྟ་ཀོ ཝཱ་ཏི ཡོ་ཛ་ནཱ.
༡༤༡. ཨ་ཝི་རོ་དྷ་བྷཱ་ཝེ་ན ཀ་པྤ་ནཱི་ཡཱ ཀ་པྤཱ, ཀ་པྤ སཱ་མ་ཏྠི་ཡ་མི་ཙྩེ་ཏ་སྨཱ ཨི་ཏྠི་ཡཾ ཨཱ་པ་ཙྩ་ཡེ རཱུ་པཾ, ན ཀ་པྤཱ ཨ་ཀ་པྤཱ, ཨ་ཀ་པྤཱ ཙ སཱ ཀུ་ཊི ཙེ་ཏི ཨ་ཀ་པྤ་ཀུ་ཊི, ཏཱ་ཡ. ས་པྤི་ཨཱ་དཱིཏི ཨི་མི་ནཱ ས་ཏྟཱ་ཧ་ཀཱ་ལི་ཀཾ ཡཱ་ཝ་ཛཱི་ཝི་ཀ་ཉྩ ག་ཧི་ཏཾ.
༡༤༢. ཏེ་ཧེ་ཝཱཏི ཨ་ཀ་པྤ་ཀུ་ཊི་ཡཾ ཝུ་ཏྠ་ས་པྤི་ཨཱ་དཱི་ཧི ཨེ་ཝ ས་དྡྷིཾ ས་ཏྟཱ་ཧ་ཀཱ་ལི་ཀ་སཾ་ས་ཊྛ་ཏཱ་ཡ ‘‘ས་ཏྟཱ་ཧཾ ཀ་པྤ་ཏེ’’ཏི ཝུ་ཏྟཾ. སཱ་མི་སེཏི ཨཱ་མི་ས་ས་ངྑཱ་ཏེ་ན པུ་རི་མ་དྭ་ཡེ་ན ས་ཧི་ཏེ. སཱ་མ་པཱ་ཀ་ཏཱཏི སཱ་མཾ ཨ་ཏྟ་ནཱ པཱ་ཀོ ཨེ་ཏ་སྶཱ་ཏི སཱ་མ་པཱ་ཀཾ, ས་ཏྟཱ་ཧ་ཀཱ་ལི་ཀེ་ན ས་ཧ པ་ཀྐཾ སཱ་མི་སཾ ཡཱ་ཝ་ཛཱི་ཝི་ཀཾ, ཏ་སྶ བྷཱ་ཝོ སཱ་མ་པཱ་ཀ་ཏཱ. ས་ཡཾ པ་ཀྐཾ ཏཾ ཨ་ཏྟ་ནཱ སཾ་ས་ཊྛ་ཏཱ་ཡ ཏ་མྤི ཨཱ་མི་སཾ སཱ་མ་པཱ་ཀ་ག་ཏི་ཀཾ ཀ་རོ་ཏཱི་ཏི ཏ་སྶ སཱ་མ་པཱ་ཀ་ཏཱ ཧོ་ཏཱི་ཏི ཨ་དྷི་པྤཱ་ཡོ.
༡༤༣. ཨ་དྷི་ཊྛི་ཏཱཏི པ་ཏི་ཊྛི་ཏཱ. ཨེ་ཝ-ས་དྡོ ཏི་ཊྛ་ཏི་ས་དྡ་སྶ ཨ་ནྟེ ད་ཊྛ་བྦོ.
༡༤༤. ས་བྦེ་སཱུཏི ཐ་མྦྷཱ་དཱི་སུ ས་ཀ་ལེ་སུ. ཛ་ཧི་ཏཾ ཝ་ཏྠུ ཀུ་ཊི་བྷཱུ་མི ཡ་སྶཱ ཛ་ཧི་ཏ་ཝ་ཏྠུ་ཀཱ. པ་རི་ཀྑི་ཏྟེ ཛ་ཧི་ཏ་ཝ་ཏྠུ་ཀཱ་ཏི ས་མྦ་ནྡྷོ. སེ་སཱཏི ཨི་ཏ་རཱ དྭེ ཀུ་ཊི་ཡོ. ཚ་ད་ན་ཝི་བྦྷ་མཱཏི ཚ་ད་ན་སྶ ཝི་ནཱ་སཱ. ཨེ་ཏྠཱ་པི ‘‘ཛ་ཧི་ཏ་ཝ་ཏྠུ་ཀཱ’’ཏི ཨཱ་ནེ་ཏ་བྦ་ནྟི.
བྷཱུ་མི་ནི་དྡེ་ས་ཝ་ཎྞ་ནཱ ནི་ཊྛི་ཏཱ.