༡༣. ས་མ་ཎ་ཀ་པྤ་ནི་དྡེ་ས་ཝ་ཎྞ་ནཱ
༡༢༥. ས་མ་ཎ་ཀ་པྤཱཏི ས་མ་ཎ་ཝོ་ཧཱ་རཱ. བྷ་ཝ་ནྟི, ཨ་ཧེ་སུ་ནྟི ཝཱ བྷཱུ་ཏཱ, ཝ་ཏྟ་མཱ་ནེ, བྷཱུ་ཏེ ཝཱ ཏ་པྤ་ཙྩ་ཡོ. ཝི་རུ་ལ༹ྷ་མཱུ་ལཱ་དི་བྷཱ་ཝཾ ཨཱ་པ་ཛྫི་ཏྭཱ ཝ་ཌྜྷ་མཱ་ན་ཀཱ་ནཾ, ཝ་ཌྜྷི་ཏྭཱ མ་ཧ་ནྟ་བྷཱ་ཝཾ པ་ཏྟཱ་ན་ཉྩ རུ་ཀྑ་ལ་ཏཱ་དི་ས་ངྑཱ་ཏཱ་ནཾ བྷཱུ་ཏཱ་ནཾ གཱ་མོ, བྷཱུ་ཏཱ ཨེ་ཝ ཝཱ གཱ་མོ ས་མཱུ་ཧོ བྷཱུ་ཏ་གཱ་མོ. ཏ་སྶ ས་མཱ་ར་མྦྷོ ཚེ་ད་ན་ཕཱ་ལ་ནཱ་དི, ཏ་སྨིཾ. ནི་མི་ཏྟ་ཏྠེ ཙེ་ཏཾ བྷུ་མྨཾ, ཏཾ་ཧེ་ཏུ པཱ་ཙི་ཏྟི་ཡཾ ཧོ་ཏཱི་ཏི ཨ་ཏྠོ. ཀ་ཏ་ཀ་པྤི་ཡཾ ས་མ་ཎ་ཀ་པྤི་ཡཾ བྷ་ཝེ་ཏི ས་མྦ་ནྡྷོ. ཏ་ཏྠ ཀ་ཏཾ ཀ་པྤི་ཡཾ ཡ་སྶཱ་ཏི བ་ཧུ་བྦཱི་ཧི. ཀེ་ནཱ་ཏི ཨཱ་ཧ ‘‘ན་ཁེ་ནཱ’’ཏི་ཨཱ་དི.
༡༢༦. ཨི་དཱ་ནི ཡ་སྶ ས་མཱ་ར་མྦྷོ, ཏཾ བྷཱུ་ཏ་གཱ་མཾ ཝི་བྷ་ཛི་ཏྭཱ ད་སྶེ་ཏུཾ ‘‘ས མཱུ་ལཱ’’ཏི་ཨཱ་དི ཨཱ་ར་དྡྷཾ. སོཏི བྷཱུ་ཏ་གཱ་མོ. བྷ་ཝི་ཏུཾ ཨུ་པྤ་ཛྫི་ཏུཾ པ་ཡོ་ཛེ་ཏཱི་ཏི ཀཱ་རི་ཏ་ནྟཱ ཏ་པྤ་ཙྩ་ཡོ, པ་བྷཱ་ཝི་ཏོ ཨུ་པྤཱ་དི་ཏོ་ཏི ཨ་ཏྠོ. ཨ་ཐ ཝཱ པ་བྷ་ཝ་ནཾ པ་བྷ་ཝོ, ཨུ་པྤ་ཏྟི, སོ་ཝ པ་བྷ་ཝོ, པ་བྷཱ་ཝཾ ཀ་རོ་ཏཱི་ཏི ནཱ་མ་དྷཱ་ཏུ་ཏོ ཀ་ཏྟ་རི ཏ་པྤ་ཙྩ་ཡོ, པ་བྷཱ་ཝི་ཏོ ཨུ་པྤ་ནྣོ་ཏི ཨ་ཏྠོ. མཱུ་ལ་ཉྩ ཁ་ནྡྷོ ཙ བཱི་ཛ་ཉྩ ཨ་གྒ་ཉྩ ཕ་ལུ༹ ཙ མཱུ་ལ…པེ… ཕ་ལཱུ༹་ནི. ཕ་ལུ༹ ནཱ་མ པ་བྦཾ. ཏཱ་ནི་ཡེ་ཝ བཱི་ཛཱ་ནི, ཏེ་ཧི པ་བྷཱ་ཝི་ཏོ ཨུ་པྤཱ་དི་ཏོ, ཨ་ཐ ཝཱ ཏེ་ཧི ཨ་ཝ་དྷི་བྷཱུ་ཏེ་ཧི, ཀཱ་ར་ཎ་བྷཱུ་ཏེ་ཧི ཝཱ པ་བྷཱ་ཝི་ཏོ ཨུ་པྤ་ནྣོ་ཏི ཀ་མེ་ན ཝི་ཀ་པྤ་དྭ་ཡེ ས་མཱ་ས་དྭ་ཡཾ ཝེ་དི་ཏ་བྦཾ. ཏ་ཏྠ མཱུ་ལ་བཱི་ཛཾ ནཱ་མ ཧ་ལི་དྡི་སི་ངྒི་ཝེ་རཱ་དི.
ཁ་ནྡྷ་བཱི་ཛཾ ནཱ་མ ཨ་སྶ་ཏྠ་ནི་གྲོ་དྷཱ་དི. བཱི་ཛ་བཱི་ཛཾ ནཱ་མ པུ་བྦ་ཎྞཱ་པ་ར་ཎྞཱ་དི. ཨ་གྒ་བཱི་ཛཾ ནཱ་མ ཧི་རི་ཝེ་རཱ་དི. ཕ་ལུ༹་བཱི་ཛཾ ནཱ་མ ཨུ་ཙྪུ་ན་ལཱ༹་དི. ཏ་ཏྠ མཱུ་ལ་བཱི་ཛཱ་དཱི་ནི པ་ཉྩ བཱི་ཛ་གཱ་མོ. ཏ་ནྣི་བྦ་ཏྟོ རུ་ཀྑ་ལ་ཏཱ་དི བྷཱུ་ཏ་གཱ་མོ.
ཨི་དཱ་ནི ཏེ་སུ བཱི་ཛ་གཱ་མ་ས་མཱ་ར་མྦྷེ དུ་ཀྐ་ཊཾ ད་སྶེ་ཏི ཨ་པ་ར་དྡྷེ་ན. བྷཱུ་ཏ་གཱ་མ་ཝི་ཡོ་ཛི་ཏཾ བཱི་ཛཾ ཨཱ་ར་མྦྷེ དུ་ཀྐ་ཊ་ནྟི ས་མྦ་ནྡྷོ. བྷཱུ་ཏ་གཱ་མ་ཏོ ཝི་ཡོ་ཛི་ཏ་ནྟི ཏ་པྤུ་རི་སོ. བཱི་ཛནྟི བྷཱུ་མི་ཡཾ རོ་པི་ཏ་མ་རོ་པི་ཏ་མྤི ནི་གྒ་ཏ་ཝི་ད་ཏྠི་མ་ཏྟ་པ་ཏྟ་ཝ་ཊྚི་པི མཱུ་ལ་བཱི་ཛཱ་ནི. ‘‘ཨཱ་ར་མྦྷེ’’ཏི ཀི་ཏ་ཀ་པ་ཙྩ་ཡ་སྶ ཡོ་གེ ཨ་ཝུ་ཏྟེ ཀ་མྨ་ནི ཚ་ཊྛུ་པྤ་ཏྟི་ཡཾ ཝི་ཀ་པྤེ་ན ཨུ་བྷ་ཡ་ཏྠ དུ་ཏི་ཡཱ. ཨཱ་ར་མྦྷེཏི ས་མཱ་ར་མྦྷེ. ཏ་སྨཱ ‘‘ཨི་མཾ པུ་པྥཾ ཕ་ལཾ ཝཱ ཛཱ་ན, ཨི་མཾ ཀ་པྤི་ཡཾ ཀ་རོ་ཧཱི’’ཏི་ཨཱ་དི་ནཱ ཀ་པྤི་ཡ་ཝ་ཙ་ནེ་ན བྷཱུ་ཏ་གཱ་མ་ཏོ ཝི་ཡོ་ཛི་ཏཾ བཱི་ཛ་ཛཱ་ཏཾ བཱི་ཛ་གཱ་མ་པ་རི་མོ་ཙ་ན་ཏྠཾ པུ་ན ཀ་པྤི་ཡཾ ཀཱ་རཱ་པེ་ཏྭཱ པ་རི་བྷུ་ཉྫི་བྷ་བྦཾ. ‘‘ཨ་ནུ་ཛཱ་ནཱ་མི, བྷི་ཀྑ་ཝེ, པ་ཉྩ་ཧི ས་མ་ཎ་ཀ་པྤེ་ཧི ཕ་ལཾ པ་རི་བྷུ་ཉྫི་ཏུཾ ཨ་གྒི་པ་རི་ཛི་ཏཾ ས་ཏྠ་པ་རི་ཛི་ཏཾ ན་ཁ་པ་རི་ཛི་ཏཾ ཨ་བཱི་ཛཾ ནི་བྦ་ཏྟ་བཱི་ཛ་ཉྙེ་ཝ པ་ཉྩ་མ’’ནྟི (ཙཱུ་ལ༹་ཝ. ༢༥༠) ཝུ་ཏྟེ་སུ པ་ཉྩ་སུ ན་ཁ་པ་རི་ཛི་ཏཱ་དཱི་ནི ཏཱི་ཎི ད་སྶི་ཏཱ་ནི.
༡༢༧. ཨི་དཱ་ནི ཨ་ཝ་སི་ཊྛཱ་ནི དྭེ ད་སྶེ་ཏུཾ ‘‘ནི་བྦ་ཏྟ་བཱི་ཛ’’ནྟི་ཨཱ་དི་ཀཾ པ་ཋ་མ་དྡྷཾ ཨཱ་ཧ. ཏ་ཏྠ ནི་བྦ་ཏྟ་བཱི་ཛནྟི ནི་བྦ་ཏྟ་ནི་ཡ་ནྟི ནི་བྦ་ཏྟཾ, ནི་པུ་བྦ ཝ་ཏུ ཝ་ཏྟ་ནེ་ཏི་མ་སྨཱ ཏ་པྤ་ཙྩ་ཡོ, ནི་བྦ་ཏྟཾ བཱི་ཛཾ ཡ་སྶ ཏཾ ནི་བྦ་ཏྟ་བཱི་ཛཾ, བཱི་ཛཾ ནི་བྦ་ཏྟེ་ཏྭཱ ཝི་སུཾ ཀ་ཏྭཱ པ་རི་བྷུ་ཉྫི་ཏ་བྦཾ ཨ་མྦ་པ་ན་སཱ་དི. ནོ་བཱི་ཛཾ ནཱ་མ ཏ་རུ་ཎ་མྦ་ཕ་ལཱ་དི. ཨི་དཱ་ནི བཱི་ཛ་གཱ་མ་བྷཱུ་ཏ་གཱ་མེ་སུ ཀ་པྤི་ཡ་ཀ་ར་ཎ་པྤ་ཀཱ་རཱ་དི་ཝི་སེ་སཾ ད་སྶེ་ནྟོ ‘‘ཀ་ཊཱ་ཧཱ’’ཏི་ཨཱ་དི་མཱ་ཧ. ཏ་ཏྠ ཀ་ཊཱ་ཧེ་ན བ་དྡྷཾ བཱི་ཛཾ ཡེ་ས་ནྟི བཱ་ཧི་ར་ཏྠོ.
༡༢༨. བྷཱ་ཛ་ནེ བྷཱུ་མི་ཡ་མྤི ཝཱ ཨེ་ཀཱ་བ་དྡྷེ་སུ བཱི་ཛེ་སུ ཨེ་ཀ་སྨི་ཉྩ ཀ་པྤི་ཡེ ཀ་ཏེ་ཏི ཡོ་ཛ་ནཱ. བཱི་ཛེ་སཱུཏི བཱི་ཛ་གཱ་མ་བྷཱུ་ཏ་གཱ་མེ་སུ. བྷཱུ་ཏ་གཱ་མོ་པི ཧི ཨི་དྷ ‘‘བཱི་ཛ’’ནྟི རུ་ལ༹ྷཱི་ཝ་སེ་ན ཝུ་ཙྩ་ཏི.
༡༢༩. ནི་ཀྑི་ཏྟེཏི ཋ་པི་ཏེ. ཀ་པྤི་ཡཾ པུ་ན ཀ་རེ་ཡྻཱཏི ཛཱ་ཏ་མཱུ་ལ་པ་ཎྞ་བྷཱ་ཝ་ཏོ བྷཱུ་ཏ་གཱ་མ་ཏྟཱ བྷཱུ་ཏ་གཱ་མ་ཏོ པ་རི་མོ་ཙི་ཏཾ བཱི་ཛ་གཱ་མ་པ་རི་མོ་ཙ་ན་ཏྠཾ པུ་ན ཀ་པྤི་ཡཾ ཀཱ་རེ་ཡྻཱ་ཏི ཨ་ཏྠོ. ཏེ་ནཱ་ཧ ‘‘བྷཱུ་ཏ་གཱ་མོ ཧི སོ ཏ་དཱ’’ཏི. ཧི-ས་དྡོ ཧེ་ཏུ་མྷི. ཏ་དཱཏི མཱུ་ལེ ཙ པ་ཎྞེ ཙ ཛཱ་ཏ་ཀཱ་ལེ ས་ཙེ མཱུ་ལ་མ་ཏྟཾ ས་ཉྫཱ་ཡ་ཏི, ཨུ་པ་རི་བྷཱ་གེ ས་ཙེ ཨ་ངྐུ་རོ ཛཱ་ཡ་ཏི, ཧེ་ཊྛཱ་བྷཱ་གེ ཚི་ནྡི་ཏུཾ ཝ་ཊྚ་ཏི. མཱུ་ལ་མ་ཏྟེ་སུ ཝཱ པ་ན པ་ཎྞ་མ་ཏྟེ་སུ ཝཱ ནི་གྒ་ཏེ་སུ ས་ཙེ་པི ར་ཏ་ན་པྤ་མཱ་ཎཱ་པི སཱ་ཁཱ ནི་ཀྑ་མ་ནྟི, བཱི་ཛ་གཱ་མ་ས་ངྒ་ཧི་ཏཱ ཧོ་ནྟི.
༡༣༠. ཨུ་ད་ཀ་ས་མྦྷ་ཝོ སེ་ཝཱ་ལོ ཙ ཙེ་ཏི་ཡཱ་དཱི་སུ སེ་ཝཱ་ལོ ཙ བྷཱུ་ཏ་གཱ་མོ་ཝཱ་ཏི ས་མྦ་ནྡྷོ. ཨཱ་དི-ས་དྡེ་ན པཱ་ཀཱ་རཱ་དི་གྒ་ཧ་ཎཾ. ཡ་དི དྭེ ཏཱི་ཎི པ་ཎྞཱ་ནི ན ཛཱ་ཡ་ནྟི, ཨ་གྒ་བཱི་ཛ་ས་ངྒ་ཧཾ ག་ཙྪ་ཏི. སུ་ཀྑོ པ་ན ས་མྨ་ཛྫི་ཏ་བྦོ. མཱུ་ལ་པ་ཎྞེ ཝི་ནི་གྒ་ཏེ བཱི་ཛོ་པི བྷཱུ་ཏ་གཱ་མོ་ཝཱ་ཏི ས་མྦ་ནྡྷོ. པ་ཎྞེཏི ཨི་མི་ནཱ ཨ་ངྐུ་ར་མ་ཏྟཾ པ་ཊི་ཀྑི་པ་ཏི.
༡༣༡. གྷ་ཊཱ་དི་པི་ཊྛེ སེ་ཝཱ་ལོ ཙ ཨ་ཧི་ཚ་ཏྟ་ཀ་མ་ཀུ་ལ༹་ཉྩ དུ་ཀྐ་ཊ་སྶེ་ཝ ཝ་ཏྠཱུ་ནཱི་ཏི ས་མྦ་ནྡྷོ. པི་ཊྛེཏི ཨི་མི་ནཱ ཨ་ནྟོ ཨ་བྦོ་ཧཱ་རི་ཀོ་ཏི ད་སྶེ་ཏི. ཕུ་ལླནྟི ཕུ་ལླི་ཏཾ ཨ་ཧི་ཚ་ཏྟ་ཀཾ. ཨ་བྱ་ཝ་ཧཱ་རི་ཀནྟི ཨཱ་པ་ཏྟི་ཝོ་ཧཱ་ར་ཡོ་གྒཾ ན ཧོ་ཏཱི་ཏི ཨ་ཏྠོ.
༡༣༢. ཨ་ལླ་རུ་ཀྑེ ལཱ་ཁཱ་ནི་ཡྻཱ་ས་ཚ་ཏྟཱ་ནི ཝི་ཀོ་པི་ཡ ག་ཎྷ་ཏོ ཏ་ཏྠ ཨ་ཀྑ་རཾ ཚི་ནྡ་ཏོ ཝཱ་པི པཱ་ཙི་ཏྟཱི་ཏི ས་མྦ་ནྡྷོ. ཏ་ཏྠཱཏི ཨ་ལླ་རུ་ཀྑེ. ‘‘ཝི་ཀོ་པ་ཡ’’ནྟི པོ་ཏྠ་ཀེ་སུ པཱ་ཋོ དི་སྶ་ཏི, སོ ཨ་པཱ་ཋོ པ་ཋ་མ་ནྟ་ཏཱ་ཡ ཀཱ་ར་ཎཱ་བྷཱ་ཝ་ཏོ. ‘‘ཝི་ཀོ་པི་ཡཱ’’ཏི པ་ན པཱ་ཋོ ག་ཧེ་ཏ་བྦོ. ཝི་ཀོ་པི་ཡཱཏི ཨི་མི་ནཱ ཨ་ཝི་ཀོ་པེ་ཏྭཱ ག་ཧ་ཎེ ཨ་ནཱ་པ་ཏྟཱི་ཏི དཱི་པེ་ཏི.
༡༣༣. དཱ་རུ་མ་ཀྐ་ཊ་ཀཱ་དི་ནཱཏི ཨཱ་ཎིཾ ཀོ་ཊྚེ་ཏྭཱ དཱ་རུ་ཡ་ནྟཾ ཀ་ཏྭཱ ཏ་ཏྠ ཀ་ཎྚ་ཀཾ ཨོ་ལ་མྦེ་ནྟི, ཨེ་ཏཾ དཱ་རུ་མ་ཀྐ་ཊ་ཀཾ ནཱ་མ. ཨཱ་དི-ས་དྡེ་ན ཀ་ཎྚ་ཀ་བ་ནྡྷ་ནཱ་དཱི་ནཾ ག་ཧ་ཎཾ. ཏི་ཎཱ་དིཾ ཚི་ནྡི་ཏུཾ, ག་ཎྛི་ཀཾ ཀཱ་ཏུ་ཉྩ ན ཀ་པྤ་ཏཱི་ཏི ཡོ་ཛ་ནཱ. ཚི་ནྡི་ཏུནྟི ཚི་ནྡ་ནཾ.
༡༣༤. བྷཱུ་ཏ་གཱ་མཾ ཝཱཏི བྷཱུ་ཏ་གཱ་མཾ ཝཱ. བཱི་ཛཾ ཝཱཏི བཱི་ཛ་གཱ་མཾ ཝཱ. ‘‘ཚི་ནྡ ཝཱ’’ཏི་ཨཱ་དི་ནཱ ས་བྦ་ཏྠ ཝཱ-ས་དྡོ ཡོ་ཛེ་ཏ་བྦོ. པ་ཙ ཝཱཏི པ་ཙ་ནཾ ཀ་རོ་ཧཱི་ཏི ཝཱ. ‘‘པ་ཊ’’ ཨི་ཏི ཝཱ པཱ་ཋོ, ཏ་སྶ ཨུ་པྤཱ་དེ་ཧཱི་ཏི ཨ་ཏྠོ. ‘‘ཨི་མཾ རུ་ཀྑཾ ཚི་ནྡཱ་ཧཱི’’ཏི་ཨཱ་དི་ནཱ པ་ན ཨ་ཝ་ཏྭཱ ‘‘རུ་ཀྑཾ ཚི་ནྡཱ’’ཏི་ཨཱ་དི་ནཱ ཨ་ནི་ཡ་མེ་ཏྭཱ ཝ་ཏྟུཾ ཝ་ཊྚ་ཏི.
༡༣༥. ཨི་མནྟི ཨེ་ཏཾ རུ་ཀྑཱ་དིཾ. ཨི་མཾ སོ་དྷེ་ཧཱིཏི ཨེ་ཏྠ ཨི་ཏི-ས་དྡཾ ཀ་ཏྭཱ ཨ་ཏྠོ ཝ་ཏྟ་བྦོ་ཏི.
ས་མ་ཎ་ཀ་པྤ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.