༡༡. ནི་སྶ་གྒི་ཡ་ནི་དྡེ་ས་ཝ་ཎྞ་ནཱ

༡༡༦-༧. རཱུ་པི་ཡེ་ན ཨ་རཱུ་པི་ཡཾ རཱུ་པི་ཡ་ཉྩ ཨི་ཏ་རེ་ན རཱུ་པི་ཡ་ཉྩ པ་རི་ཝ་ཏྟེ་ཡྻཱ་ཏི ས་མྦ་ནྡྷོ. ཏ་ཏྠ རཱུ་པི་ཡེ་ནཱཏི རཱུ་པི་ཡ་ས་ངྑཱ་ཏེ་ན ནི་སྶ་གྒི་ཡ་ཝ་ཏྠུ་ནཱ. ཨ་རཱུ་པི་ཡནྟི ཨ་རཱུ་པི་ཡ་ས་ངྑཱ་ཏཾ དུ་ཀྐ་ཊ་ཝ་ཏྠུཾ ཀ་པྤི་ཡ་ཝ་ཏྠུ་ཉྩ. ཨི་ཏ་རེ་ནཱཏི ཨ་རཱུ་པི་ཡེ་ན. ནི་སྶ་གྒཱིཏི ནི་སྶ་ཛྫ་ནཾ ནི་སྶ་གྒོ, པུ་བྦ་བྷཱ་གེ ཀ་ཏྟ་བྦ་སྶ ཝི་ན་ཡ་ཀ་མྨ་སྶེ་ཏཾ ནཱ་མཾ. ནི་སྶ་གྒོ ཨ་སྶ ཨ་ཏྠཱི་ཏི ནི་སྶ་གྒི, ཀིཾ ཏཾ? པཱ་ཙི་ཏྟི་ཡཾ. རཱུ་པི་ཡ་སྶ མཱུ་ལ་གྒ་ཧ་ཎེ པ་ན རཱུ་པི་ཡ་པྤ་ཊི་གྒ་ཧ་ཎ་སི་ཀྑཱ་པ་དེ་ན ནི་སྶ་གྒི་ཡཾ པཱ་ཙི་ཏྟི་ཡཾ.

ཨི་དཱ་ནི རཱུ་པི་ཡཱ་དིཾ ད་སྶེ་ཏུཾ ‘‘ཨི་དྷཱ’’ཏི་ཨཱ་དི ཨཱ་ར་དྡྷཾ. ཏ་ཏྠ ཀ་ཧཱ…པེ… མཱ་ས་ཀཾ ཨི་དྷ རཱུ་པི་ཡ་ནྟི ས་མྦ་ནྡྷོ. ཏ་ཏྠ ཀ་ཧཱ་པ་ཎོ ནཱ་མ སུ་ཝ་ཎྞ་མ་ཡོ ཝཱ ར་ཛ་ཏ་མ་ཡོ ཝཱ ཨེ་ཏ་ར་ཧི པ་ཀ་ཏི་ཀ་ཧཱ་པ་ཎོ ཝཱ. ས་ཛ྄ཛྷཱུཏི ར་ཛ་ཏཾ. སི་ངྒཱིཏི སུ་ཝ་ཎྞ་བྷེ་དོ, ཏ་ཐཱ་པི ཙེ་ཏྠ སཱ་མ་ཉྙེ་ན སུ་ཝ་ཎྞ་མ་དྷི་པྤེ་ཏཾ. ཝོ་ཧཱ་རཱུ་པ་ག་མཱ་ས་ཀནྟི ཝོ་ཧཱ་རཾ ཀ་ཡ་ཝི་ཀྐ་ཡཾ ཨུ་པ་ག་ཙྪ་ཏཱི་ཏི ཝོ་ཧཱ་རཱུ་པ་གཾ, ཏ་ཉྩ ཏཾ མཱ་ས་ཀ་ཉྩ. ཏཾ པ་ན ས་མུ་ཊྛཱ་པི་ཏ་རཱུ་པ་ཉྩ ཨ་ས་མུ་ཊྛཱ་པི་ཏ་རཱུ་པ་ཉྩ ལོ་ཧ་དཱ་རུ་ཨཱ་དི་མ་ཡཾ ཝུ་ཙྩ་ཏི. ཨི་དྷ རཱུ་པི་ཡནྟི ཨི་མ་སྨིཾ སི་ཀྑཱ་པ་དེ རཱུ་པི་ཡཾ ནཱ་མཱ་ཏི ཨ་ཏྠོ. ཝ་ཏྠ་མུ་ཏྟཱ་དི ཀ་པྤཾ དུ་ཀྐ་ཊ་ཝ་ཏྠུ་ཉྩ ཨི་ཏ་ར་ནྟི ཡོ་ཛ་ནཱ. ཏ་ཏྠ ཝ་ཏྠ་ཉྩ མུ་ཏྟཱ ཙ ཨཱ་དི ཡ་སྶཱ་ཏི ས་མཱ་སོ. ཨཱ་དི-ས་དྡོ པ་ཙྩེ་ཀཾ ཡོ་ཛེ་ཏ་བྦོ ‘‘ཝ་ཏྠཱ་དི མུ་ཏྟཱ་དཱི’’ཏི. ཏ་ཏྠ པ་ཋ་མེ་ན ཨཱ་དི-ས་དྡེ་ན ཀ་པྤཱ་ས་སུ་ཏྟཱ་པ་ར་ཎྞཱ་དི་ཀཾ ཡཾ ཀི་ཉྩི ཀ་པྤི་ཡ་ཝ་ཏྠུཾ, དུ་ཏི་ཡེ་ན མ་ཎི ས་ངྑོ སི་ལཱ པ་ཝཱ་ལ༹ཾ ལོ་ཧི་ཏ་ངྐོ མ་སཱ་ར་ག་ལླཾ ས་ཏྟ་དྷ་ཉྙཱ་ནི དཱ་སི་དཱ་ས་ཁེ་ཏྟ་ཝ་ཏྠུ་པུ་པྥཱ་རཱ་མ་ཕ་ལཱ་རཱ་མཱ་ད་ཡོ་ཏི ཨི་དཾ དུ་ཀྐ་ཊ་ཝ་ཏྠུཾ ས་ངྒ་ཎྷཱ་ཏི. ཝ་ཏྠཱ་དི་ཀ་པྤི་ཡ་ཝ་ཏྠུཾ, མུ་ཏྟཱ་དི་དུ་ཀྐ་ཊ་ཝ་ཏྠུ་ཉྩ ཨི་ཏ་རཾ ཨ་ཉྙཾ ཨ་རཱུ་པི་ཡཾ ནཱ་མཱ་ཏི ཨ་ཏྠོ.

༡༡༨. ཨེ་ཏྟཱ་ཝ་ཏཱ རཱུ་པི་ཡ་སཾ་ཝོ་ཧཱ་རཾ ད་སྶེ་ཏྭཱ ཨི་དཱ་ནི ཀ་པྤི་ཡ་བྷ་ཎྜེ ཀ་ཡ་ཝི་ཀྐ་ཡཾ ད་སྶེ་ཏུ་མཱ་ཧ ‘‘ཨི་མ’’ནྟི་ཨཱ་དི. ཏ་ཏྠ ‘‘ཨི་མཾ ག་ཧེ་ཏྭཱ ཨི་མཾ དེ་ཧི, ཨི་མཾ ཀ་ར, ཨི་མཾ ཨཱ་ན་ཡཱ’’ཏི ཝཱ ‘‘ཨི་མཾ བྷུ་ཏྭཱ ཨི་མཾ དེ་ཧི, ཨི་མཾ ཀ་ར, ཨི་མཾ ཨཱ་ན་ཡཱ’’ཏི ཝཱ ‘‘ཨི་མཾ དེ་མི, ཨི་མཾ དེ་ཧི, ཨི་མཾ ཀ་ར, ཨི་མཾ ཨཱ་ན་ཡཱ’’ཏི ཝཱ ཀ་ཡ་ཝི་ཀྐ་ཡེ ས་མཱ་པ་ནྣེ ནི་སྶ་གྒཱི་ཏི ཡོ་ཛ་ནཱ. ཏ་ཏྠ ཨི་མནྟི ཏ་ཎྜུ་ལཱ་དིཾ. བྷུ་ཏྭཱཏི ཨོ་ད་ནཱ་དིཾ བྷུ་ཉྫི་ཏྭཱ. ཨི་མཾ དེ་ཧཱིཏི ཨེ་ཏཾ ཝ་ཏྠཱ་དི་ཀཾ དེ་ཧི. ཨི་མཾ ཀ་རཱཏི ཨེ་ཏཾ ར་ཛ་ན་པ་ཙ་ནཱ་དིཾ ཀ་རོ་ཧི. ཨི་མཾ ཨཱ་ན་ཡཱཏི ཨེ་ཏཾ ར་ཛ་ན་ཀ་ཊྛཱ་དིཾ ཨཱ་ནེ་ཧི. ཨི་མཾ དེ་མཱིཏི ཨེ་ཏཾ ཝ་ཏྠཱ་དི་ཀཾ ཏ་ཝ དེ་མི. ས་མཱ་པ་ནྣེཏི ཀ་ཏེ. ཏ་སྨཱ ཀ་པྤི་ཡཾ བྷ་ཎྜཾ པ་རི་ཝ་ཏྟེ་ནྟེ་ན ཨ་ཉྙཱ་ཏ་ཀེ་ཧི ས་དྡྷིཾ ‘‘ཨི་མཾ དེ་ཧཱི’’ཏི ཝ་ད་ཏོ ཝི་ཉྙ་ཏྟི, ‘‘ཨི་མཾ ག་ཎྷཱ་ཧཱི’’ཏི ཝ་ད་ཏོ ས་དྡྷཱ་དེ་ཡྻ་ཝི་ནི་པཱ་ཏ་ནཾ, ‘‘ཨི་མི་ནཱ ཨི་མཾ དེ་ཧཱི’’ཏི ཝ་ད་ཏོ ཀ་ཡ་ཝི་ཀྐ་ཡ་ནྟི ཝུ་ཏྟཱ ཏི་སྶོ ཨཱ་པ་ཏྟི་ཡོ. མཱ་ཏཱ་པི་ཏཱུ་ཧི པ་ན ས་དྡྷིཾ ཀ་ཡ་ཝི་ཀྐ་ཡ་མ་ཏྟཾ མོ་ཙེ་ནྟེ་ན པ་རི་ཝ་ཏྟེ་ཏ་བྦཾ. ཨ་ཡ་ཉྷི ཀ་ཡ་ཝི་ཀྐ་ཡོ ཋ་པེ་ཏྭཱ པ་ཉྩ་ས་ཧ་དྷ་མྨི་ཀེ ཨ་ཝ་སེ་སེ་ཧི གི་ཧི་པ་བྦ་ཛི་ཏེ་ཧི ན ཝ་ཊྚ་ཏི. ས་ཙེ པ་ན ན་ཝ་ཀ་མྨཱ་ནི ཀཱ་རེ་ཏི, ཨ་ཊྛ་ཀ་ཐཱ་པ་མཱ་ཎེ་ན པཱ་ཙི་ཏྟི་ཡ་མ་ཏྟཾ དེ་སེ་ཏ་བྦཾ.

༡༡༩-༡༢༠. ཨི་དཱ་ནི པ་རི་ཎཱ་མ་ན་ཝ་སེ་ན ཨཱ་པ་ཏྟི་བྷེ་དཾ ད་སྶེ་ཏུཾ ‘‘ཨ་ཏྟ་ནོ’’ཏི་ཨཱ་དི ཨཱ་ར་དྡྷཾ. ཏ་ཏྠཱ་ཡཾ པི་ཎྜ་ཏྠོ – ས་ངྒྷ་སྶ ན་ཏཾ ལཱ་བྷཾ ཨ་ཏྟ་ནོ པ་རི་ཎཱ་མེ་ཡྻ, ནི་སྶ་གྒི. ཨ་ཉྙ་ཏོ པུ་གྒ་ལ་སྶ པ་རི་ཎཱ་མེ་ཡྻ, པཱ་ཙི་ཏྟི. ཨ་ཉྙ་སྶ ས་ངྒྷ་སྶ ཝཱ ཙེ་ཏི་ཡ་སྶ ཝཱ པ་རི་ཎཱ་མེ་ཡྻ, དུ་ཀྐ་ཊཾ. ཨ་ཉྙ་སྶ པུ་གྒ་ལ་སྶ ཝཱ ཙེ་ཏི་ཡ་སྶ ཝཱ ན་ཏཾ ལཱ་བྷཾ ཨ་ཏྟ་ནོ ཝཱ ས་ངྒྷ་སྶ ཝཱ ཨ་ཉྙ་པུ་གྒ་ལ་སྶ ཝཱ ཨ་ཉྙ་ཙེ་ཏི་ཡ་སྶ ཝཱ པ་རི་ཎཱ་མེ་ཡྻ, དུ་ཀྐ་ཊ་ནྟི ཡོ་ཛ་ནཱ. ཏ་ཏྠ ན་ཏནྟི ཀཱ་ཡེ་ན ཝཱ ཝ་ཙ་སཱ ཝཱ ནི་ནྣཾ ཀ་ཏཾ. ལཱ་བྷནྟི ལ་བྷི་ཏ་བྦཾ ཙཱི་ཝ་རཱ་དི. ཨ་ཉྙ་ཏོ ཨ་ཉྙ་སྨིཾ པུ་གྒ་ལེ ཝཱ ཙེ་ཏི་ཡེ ཝཱ, ཙེ་ཏི་ཡེ པ་ན དུ་ཀྐ་ཊཾ. ཨ་ཉྙ་སྶཱཏི ཙེ་ཏི་ཡཱ་དི་ནོ ཨ་ནྟ་མ་སོ སུ་ན་ཁ་སྶ. ཨ་ཉྙ་ཏོ ཝཱཏི ཙེ་ཏི་ཡཱ་དི་མྷི ཝཱ. ས་ངྒྷ་སྶཱཏི པ་ན ཨི་དཾ ཀཱ་ཀ་ཀྑི་གོ་ལ༹་ཀ་ཉཱ་ཡེ་ན ‘‘ན་ཏཾ པ་རི་ཎཱ་མེ་ཡྻཱ’’ཏི ཨུ་བྷ་ཡ་ཏྠ པ་རི་ཝ་ཏྟ་ཏི. ནི་སྶ་ཊྛཾ ས་ཀ་ས་ཉྙཱ་ཡ ན ད་དེ་ཡྻ ཝཱ, དུ་ཀྐ་ཊ་ནྟི ས་མྦ་ནྡྷོ. ཨ་ཉྙ་ཐཱ ཨ་ཉྙེ་ན པ་ཀཱ་རེ་ན, ཐེ་ཡྻ་ས་ཉྙཱ་ཡ ན ད་དེ་ཡྻ ཙེ་ཏི ཝུ་ཏྟཾ ཧོ་ཏི. ཨི་ཏ་རནྟི ཝ་ཏྠུ་ཝ་སེ་ན ཨ་ཉྙཾ པཱ་རཱ་ཛི་ཀཾ ཐུ་ལླ་ཙྩ་ཡཾ དུ་ཀྐ་ཊ་ཉྩ ཧོ་ཏཱི་ཏི ཨ་ཏྠོ.

ནི་སྶ་གྒི་ཡ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.