༤༨. ས་ནྟོ་ས་ནི་དྡེ་ས་ཝ་ཎྞ་ནཱ

༤༥༩. ‘‘ཙ་ཏྟཱ་རི་མཱ་ནི, བྷི་ཀྑ་ཝེ, ཨ་པྤཱ་ནི ཙེ་ཝ སུ་ལ་བྷཱ་ནི ཙ, ཏཱ་ནི ཙ ཨ་ན་ཝ་ཛྫཱ་ནི. ཀ་ཏ་མཱ་ནི ཙ་ཏྟཱ་རི? པཾ་སུ་ཀཱུ་ལཾ, བྷི་ཀྑ་ཝེ, ཙཱི་ཝ་རཱ་ནཾ ཨ་པྤ་ཉྩ སུ་ལ་བྷ་ཉྩ, ཏ་ཉྩ ཨ་ན་ཝ་ཛྫཾ. པི་ཎྜི་ཡཱ་ལོ་པོ, བྷི་ཀྑ་ཝེ, བྷོ་ཛ་ནཱ་ནཾ ཨ་པྤ་ཉྩ སུ་ལ་བྷ་ཉྩ, ཏ་ཉྩ ཨ་ན་ཝ་ཛྫཾ. རུ་ཀྑ་མཱུ་ལཾ, བྷི་ཀྑ་ཝེ, སེ་ནཱ་ས་ནཱ་ནཾ ཨ་པྤ་ཉྩ སུ་ལ་བྷ་ཉྩ, ཏ་ཉྩ ཨ་ན་ཝ་ཛྫཾ. པཱུ་ཏི་མུ་ཏྟ་བྷེ་ས་ཛྫཾ, བྷི་ཀྑ་ཝེ, བྷེ་ས་ཛྫཱ་ནཾ ཨ་པྤ་ཉྩ སུ་ལ་བྷ་ཉྩ, ཏ་ཉྩ ཨ་ན་ཝ་ཛྫཾ. ཨི་མཱ་ནི ཁོ, བྷི་ཀྑ་ཝེ, ཙ་ཏྟཱ་རི ཨ་པྤཱ་ནི ཙེ་ཝ སུ་ལ་བྷཱ་ནི ཙ, ཏཱ་ནི ཙ ཨ་ན་ཝ་ཛྫཱ་ནཱི’’ཏི (ཨ. ནི. ༤.༢༧; ཨི་ཏི་ཝུ. ༡༠༡) ཝ་ཙ་ན་ཏོ ‘‘ཨ་པྤེ་ནཱ’’ཏི་ཨཱ་དི ཝུ་ཏྟཾ.

ས་ནྟུ་ཊྛོཏི ཨེ་ཏྠ ཡ་ཐཱ་ལཱ་བྷ་ཡ་ཐཱ་བ་ལ་ཡ་ཐཱ་སཱ་རུ་པྤ་ས་ནྟོ་སཱ་ནཾ ཝ་སེ་ན ཨེ་ཀེ་ཀ་སྨིཾ པ་ཙྩ་ཡེ ཏ་ཡོ ཏ་ཡོ ཀ་ཏྭཱ ཙ་ཏཱུ་སུ པ་ཙྩ་ཡེ་སུ དྭཱ་ད་ས ས་ནྟོ་སཱ ཧོ་ནྟི. མ་ཏྟ་ཉྙཱུཏི ཨེ་ཏྠ (མ. ནི. ཨ་ཊྛ. ༡.༤༢༢; སཾ. ནི. ཨ་ཊྛ. ༣.༤.༢༣༩; ཨ. ནི. ཨ་ཊྛ. ༢.༣.༡༦; ཨི་ཏི་ཝུ. ཨ་ཊྛ. ༢༨; དྷ. ས. ཨ་ཊྛ. ༡༢༤-༡༣༤) ཙ་ཏྟཱ་རོ མ་ཏྟཱ པ་རི་ཡེ་ས་ན་མ་ཏྟཱ པ་ཊི་གྒ་ཧ་ཎ་མ་ཏྟཱ པ་རི་བྷོ་ག་མ་ཏྟཱ ཝི་སྶ་ཛྫ་ན་མ་ཏྟཱ་ཏི. ཨི་ཏ་རཱི་ཏ་རེ་ན ཡཱ་པེ་ནྟོ སུ་བྷ་རོ ནཱ་མ. ས་ནྟོ་ས་ཝི་ནི་ཙྪ་ཡོ.

ས་ནྟོ་ས་ནི་དྡེ་ས་ཝ་ཎྞ་ནཱ ནི་ཊྛི་ཏཱ.