༤༧. སུ་དྡྷི་ནི་དྡེ་ས་ཝ་ཎྞ་ནཱ

༤༥༥. དེ་ས་ནཱ སཾ་ཝ་རོ ཨེ་ཊྛི, པ་ཙྩ་ཝེ་ཀྑ་ཎ བྷེ་ད་ཏོཏི (པཱ་རཱ. ཨ་ཊྛ. ༢.༥༨༥; ཝི་སུ་དྡྷི. ༡.༡༩) དེ་ས་ནཱ་སུ་དྡྷི སཾ་ཝ་ར་སུ་དྡྷི པ་རི་ཡེ་ཊྛི་སུ་དྡྷི པ་ཙྩ་ཝེ་ཀྑ་ཎ་སུ་དྡྷཱི་ཏི ཨེ་ཝཾ ཙ་ཏུ་བྦི་དྷཱ སུ་དྡྷཱི་ཏི ཨ་ཏྠོ. ཨི་དཱ་ནི ཏཱ་ཧི སུ་དྡྷཱི་ཧི ཝི་སུ་ཛ྄ཛྷ་ན་ཀེ ད་སྶེ་ཏུཾ ‘‘པཱ་ཏི་མོ་ཀྑ་སཾ་ཝ་ར་ས་མྨ་ཏ’’ནྟི་ཨཱ་དི་མཱ་ཧ.

༤༥༦. ‘‘པུ་ན ཨེ་ཝཾ ན ཀ་རི་སྶ’’ནྟི ཙི་ཏྟཱ་དྷི་ཊྛཱ་ན་སཾ་ཝ་རཱ ཡ་སྨཱ སུ་ཛ྄ཛྷ་ཏི ཨི་ནྡྲི་ཡ་སཾ་ཝ་རོ, ཏ་སྨཱ ཨི་ནྡྲི་ཡ་སཾ་ཝ་རོ ‘‘སཾ་ཝ་ར་སུ་དྡྷཱི’’ཏི ཝུ་ཏྟོ་ཏི ས་མྦ་ནྡྷོ.

༤༥༧. པ་ཧཱ་ཡཱ་ནེ་ས་ནནྟི ཨ་ནེ་ས་ནཾ པ་ཧཱ་ཡ དྷ་མྨེ་ན ཨུ་པྤཱ་དེ་ནྟ་སྶ པ་ཙྩ་ཡེ་ཏི པཱ་ཋ་སེ་སོ.

༤༥༨. ‘‘པ་ཊི་ས་ངྑཱ ཡོ་ནི་སོ ཙཱི་ཝ་རཾ པ་ཊི་སེ་ཝཱ་མི…པེ… ཨུ་པྤ་ནྣཱ་ནཾ ཝེ་ཡྻཱ་བཱ་དྷི་ཀཱ་ནཾ…པེ… པ་ར་མ་ཏཱ་ཡཱ’’ཏི (མ. ནི. ༡.༢༣; ཨ. ནི. ༦.༥༨) ཙ ཨེ་ཝཾ ཙ་ཏཱུ་སུ་པི པ་ཙྩ་ཡེ་སུ ཡ་ཐཱ་ཝུ་ཏྟ་པ་ཙྩ་ཝེ་ཀྑ་ཎ་སུ་ཛ྄ཛྷ་ནཱ་ཏི ཨ་ཏྠོ. ཨེ་ཏྠ པ་ན དུ་ཝི་དྷཾ པ་ཙྩ་ཝེ་ཀྑ་ཎཾ པ་ཊི་ལཱ་བྷ་ཀཱ་ལེ ཙ པ་རི་བྷོ་ག་ཀཱ་ལེ ཙ. པ་ཊི་ལཱ་བྷ་ཀཱ་ལེ ཧི དྷཱ་ཏུ་ཝ་སེ་ན ཝཱ པ་ཊི་ཀྐཱུ་ལ་ཝ་སེ་ན ཝཱ པ་ཙྩ་ཝེ་ཀྑི་ཏྭཱ ཋ་པི་ཏ་ཙཱི་ཝ་རཱ་དཱི་ནི ཏ་ཏོ ཨུ་ཏྟ་རི པ་རི་བྷུ་ཉྫ་ནྟ་སྶ ཨ་ན་ཝ་ཛྫོ་ཝ པ་རི་བྷོ་གོ, པ་རི་བྷོ་ག་ཀཱ་ལེ་པི. སུ་དྡྷི་ཝི་ནི་ཙྪ་ཡོ.

སུ་དྡྷི་ནི་དྡེ་ས་ཝ་ཎྞ་ནཱ ནི་ཊྛི་ཏཱ.