༤༦. སཾ་ཝ་ར་ནི་དྡེ་ས་ཝ་ཎྞ་ནཱ

༤༥༣. ཙ་ཀྑུ་སོ་ཏཱ་དི་བྷེ་དེ་ཧཱིཏི (དཱི. ནི. ༡.༢༡༣, ༤༥༤; མ. ནི. ༡.༤༡༡; ཨ. ནི. ༤.༡༩༨; དྷ. ས. ༡༣༥༢-༡༣༥༤; མ་ཧཱ་ནི. ༡༩༦) ཙ་ཀྑུ་སོ་ཏ་གྷཱ་ན་ཛི་ཝ྄ཧཱ་ཀཱ་ཡ་མ་ན་ས་ངྑཱ་ཏེ་ཧི ཚ་ཧི ཨི་ནྡྲི་ཡེ་ཧཱི་ཏི ཨ་ཏྠོ. རཱུ་པ་ས་དྡཱ་དི་གོ་ཙ་རེཏི རཱུ་པ་ས་དྡ་ག་ནྡྷ་ར་ས་ཕོ་ཊྛ་བྦ་དྷ་མྨ་ས་ངྑཱ་ཏེ་སུ ཚ་སུ གོ་ཙ་རེ་སཱུ་ཏི ཨ་ཏྠོ. ཨེ་ཏྠ པ་ན ཧ་ཏྠ་པཱ་ད་ཧ་སི་ཏ་ཀ་ཐི་ཏ་ཝི་ལོ་ཀི་ཏཱ་དི་བྷེ་དཾ སུ་བྷཱ་ཀཱ་རཾ ག་ཧེ་ཏྭཱ ཨ་ཡོ་ནི་སོ མ་ན་སི ཀ་རོ་ནྟ་སྶ ཨ་བྷི་ཛ྄ཛྷཱ ཨུ་པྤ་ཛྫ་ཏི. ‘‘ཨ་ན་ཏྠཾ མེ ཨ་ཙ་རི, ཙ་ར་ཏི, ཙ་རི་སྶ་ཏཱི’’ཏི་ཨཱ་དི་ནཱ (པ་རི. ཨ་ཊྛ. ༣༢༩) ན་ཡེ་ན པ་ཊི་གྷ་ནི་མི་ཏྟཾ ག་ཧེ་ཏྭཱ ཨ་ཡོ་ནི་སོ མ་ན་སི ཀ་རོ་ནྟ་སྶ བྱཱ་པཱ་དོ ཨུ་པྤ་ཛྫ་ཏི. ཨེ་ཏྠ པ་ན ཨི་ཏྠི་པུ་རི་ས་ནི་མི་ཏྟཾ ཝཱ སུ་བྷ་ནི་མི་ཏྟཱ་དི་ཀཾ ཀི་ལེ་ས་ཝ་ཏྠུ་བྷཱུ་ཏཾ ནི་མི་ཏྟཾ ཨ་གྒ་ཎྷི་ཏྭཱ དི་ཊྛེ དི་ཊྛ་མ་ཏྟཱ་དི་ནཱ པ་ཊི་པ་ཛྫི་ཏྭཱ ཨ་སུ་བྷ་ནི་མི་ཏྟེ ཡོ་ནི་སོ མ་ན་སི་ཀཱ་རཾ བ་ཧུ་ལཱི་ཀ་རོ་ནྟ་སྶ ཨ་བྷི་ཛ྄ཛྷཱ་ཡ པ་ཧཱ་ནཾ ཧོ་ཏི. ‘‘ཨ་ན་ཏྠཾ མེ ཨ་ཙ་རི, ཏཾ ཀུ་ཏེ་ཏྠ ལ་བྦྷཱ’’ཏི་ཨཱ་དི་ནཱ ཝཱ མེ་ཏྟཱ་བྷཱ་ཝ་ནཱ་དི་ཝ་སེ་ན ཝཱ ཡོ་ནི་སོ མ་ན་སི ཀ་རོ་ནྟ་སྶ བྱཱ་པཱ་ད་པྤ་ཧཱ་ནཾ ཧོ་ཏི. ཨེ་ཝ་མི་དཾ ས་ངྑེ་པ་ཏོ རཱུ་པཱ་དཱི་སུ ཀི་ལེ་སཱ་ནུ་བ་ནྡྷ་ནི་མི་ཏྟཱ་དི་གྒཱ་ཧ་པ་རི་ཝ་ཛྫ་ན་ལ་ཀྑ་ཎཾ ཨི་ནྡྲི་ཡ་སཾ་ཝ་ར་སཱི་ལ་ནྟི ཝེ་དི་ཏ་བྦཾ.

༤༥༤. ནི་གྒ་ཎྷེ་ཡྻཱཏི ནི་ཝཱ་རེ་ཡྻ;

‘‘ཡཱ་ནི སོ་ཏཱ་ནི ལོ་ཀ་སྨིཾ; (ཨ་ཛི་ཏཱ་ཏི བྷ་ག་ཝཱ,)

ས་ཏི ཏེ་སཾ ནི་ཝཱ་ར་ཎཾ;

སོ་ཏཱ་ནཾ སཾ་ཝ་རཾ བྲཱུ་མི;

པ་ཉྙཱ་ཡེ་ཏེ པི་དྷི་ཡྻ་རེ’’ཏི –. (སུ. ནི. ༡༠༤༡);

ཝུ་ཏྟ་ཏྟཱ ‘‘ས་ཏི་མཱ ས་མྤ་ཛཱ་ནོ ཝཱ’’ཏི ཝུ་ཏྟཾ. ཨེ་ཏྠ པ་ན ཙ་ཏུ་བྦི་དྷཾ ས་མྤ་ཛ་ཉྙཾ སཱ་ཏྠ་ཀ་ས་པྤཱ་ཡ་གོ་ཙ་ར་ཨ་ས་མྨོ་ཧ་ཝ་སེ་ན. སཾ་ཝ་ར་ཝི་ནི་ཙྪ་ཡོ.

སཾ་ཝ་ར་ནི་དྡེ་ས་ཝ་ཎྞ་ནཱ ནི་ཊྛི་ཏཱ.