༤. ར་ཛ་ན་ནི་དྡེ་ས་ཝ་ཎྞ་ནཱ

༥༨. ཨི་དཱ་ནི ཏེ་སཾ ཙཱི་ཝ་རཱ་ནཾ ར་ཛ་ན་ཝི་དྷཱ་ནཾ ད་སྶེ་ཏུཾ ‘‘ར་ཛ་ནཱ་ནི ཙཱ’’ཏི ཝུ་ཏྟཾ. ཏ་ཏྠ ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཚ ར་ཛ་ནཱ་ནི མཱུ་ལ་ར་ཛ་ནཾ ཁ་ནྡྷ་ར་ཛ་ནཾ ཏ་ཙ་ར་ཛ་ནཾ པ་ཏྟ་ར་ཛ་ནཾ པུ་པྥ་ར་ཛ་ནཾ ཕ་ལ་ར་ཛ་ན’’ནྟི (མ་ཧཱ་ཝ. ༣༤༤) ཨེ་ཝཾ བྷ་ག་ཝ་ཏཱ ཨ་ནུ་ཉྙཱ་ཏ་ཏྟཱ ‘‘ཚ་པྤ་ཀཱ་རཱ་ནི ཨ་ནུ་ཉྙཱ་ཏཱ་ནི ས་ཏྠུ་ནཱ’’ཏི ཝུ་ཏྟཾ.

༥༩. ཏ་ཏྠ མཱུ་ལེཏི མཱུ་ལ་ར་ཛ་ནེ་ཏི ཨ་ཏྠོ. ཧ་ལི་དྡིཾ ཝི་ཝ་ཛྫི་ཡ ས་བྦཾ ལ་བྦྷ་ནྟི ས་མྦ་ནྡྷོ. ཨེ་ཝཾ སེ་སེ་སུ་པི. ཏུ་ངྒ་ཧཱ་ར་ཀོ ནཱ་མ ཨེ་ཀོ ས་ཀ་ཎྚ་ཀ་རུ་ཀྑོ, ཏ་སྶ ཧ་རི་ཏཱ་ལ་ཝ་ཎྞཾ ཁ་ནྡྷ་ར་ཛ་ནཾ ཧོ་ཏི. གི་ཧི་པ་རི་བྷུ་ཏྟཾ པ་ན ཨ་ལླི་པ་ཏྟེ་ན ཨེ་ཀ་ཝཱ་རཾ ར་ཛི་ཏུཾ ཝ་ཊྚ་ཏི. ཕ་ལ་ར་ཛ་ནེ ཨ་ཀ་པྤི་ཡཾ ནཱ་མ ན་ཏྠི, ས་བྦཾ ཝ་ཊྚ་ཏཱི་ཏི. ར་ཛ་ན་ཝི་ནི་ཙྪ་ཡོ.

ར་ཛ་ན་ནི་དྡེ་ས་ཝ་ཎྞ་ནཱ ནི་ཊྛི་ཏཱ.