༣༨. ཀུ་ལ་དཱུ་ས་ན་ནི་དྡེ་ས་ཝ་ཎྞ་ནཱ
༢༩༧. ‘‘ཀུ་ལཱ་ནི དཱུ་སེ་ཏི པུ་པྥེ་ན ཝཱ ཕ་ལེ་ན ཝཱ ཙུ་ཎྞེ་ན ཝཱ མ་ཏྟི་ཀཱ་ཡ ཝཱ ད་ནྟ་ཀ་ཊྛེ་ན ཝཱ ཝེ་ལུ༹་ཡཱ ཝཱ ཝེ་ཛྫི་ཀཱ་ཡ ཝཱ ཛ་ངྒྷ་པེ་ས་ནི་ཡེ་ན ཝཱ’’ཏི (པཱ་རཱ. ༤༣༧) ཝུ་ཏྟ་ཏྟཱ ཏཱ་ནི ཨ་ཊྛ ཝ་ཏྠཱུ་ནི ད་སྶེ་ཏུཾ ‘‘པུ་པྥ’’ནྟི་ཨཱ་དི་མཱ་ཧ. ཨི་མཱ་ཡ མི་ཙྪཱ་པ་ཊི་པ་ཏྟི་ཡཱ ཀུ་ལཱ་ནཾ ཨ་ཉྙེ་སུ སཱི་ལ་ཝ་ནྟེ་སུ པ་སཱ་དཾ དཱུ་སེ་ཏི ཝི་ནཱ་སེ་ཏཱི་ཏི ཀུ་ལ་དཱུ་ས་ནཾ དུ་ཀྐ་ཊཾ ཨཱ་པ་ཛྫ་ཏི. ཏཾ པ་ན ཨ་ཏྟ་ནོ ས་ནྟ་ཀེ ཙ པ་ར་ས་ནྟ་ཀེ ཙ ཝེ་དི་ཏ་བྦཾ.
༢༩༨. ཨི་དཱ་ནི ཨི་མེ་སུ ཝ་ཏྠཱུ་སུ ན ཀེ་ཝ་ལཾ ཀུ་ལ་དཱུ་ས་ན་དུ་ཀྐ་ཊ་མེ་ཝ ཨཱ་པ་ཛྫ་ཏི, ཐུ་ལླ་ཙྩ་ཡཱ་དཱི་ནི་པི ཨཱ་པ་ཛྫ་ཏཱི་ཏི ད་སྶེ་ཏུཾ ‘‘ཐུ་ལླ་ཙྩ་ཡ’’ནྟི་ཨཱ་དི་མཱ་ཧ. ས་ངྒྷི་ཀཾ ག་རུ་བྷ་ཎྜཾ ཨི་སྶ་རེ་ན དེ་ནྟ་སྶ ཐུ་ལླ་ཙྩ་ཡ་ནྟི ས་མྦ་ནྡྷོ. སེ་ནཱ་ས་ན་ཏྠཱ་ཡ ནི་ཡ་མི་ཏཾ པ་ན པུ་པྥཱ་དི ག་རུ་བྷ་ཎྜཾ ཧོ་ཏི. ས་ངྒྷ་སྶ ཝཱ ཨ་ཉྙ་སྶ ཝཱ ས་ནྟ་ཀཾ ཐེ་ཡྻ་ཙི་ཏྟེ་ན དེ་ནྟ་སྶ དུ་ཀྐ་ཊཱ་དཱི་ནི ཧོ་ནྟཱི་ཏི པཱ་ཋ་སེ་སོ, ཏ་སྶ བྷ་ཎྜ་སྶ ཨ་གྒྷ་ཝ་སེ་ན དུ་ཀྐ་ཊ་ཐུ་ལླ་ཙྩ་ཡ་པཱ་རཱ་ཛི་ཀཱ་ནི ཧོ་ནྟཱི་ཏི ཨ་ཏྠོ.
༢༩༩-༣༠༠. ས་བྦ་ཐཱཏི (པཱ་རཱ. ཨ་ཊྛ. ༢.༤༣༡) ཀ་པྤི་ཡ་ཝོ་ཧཱ་ར་ཨ་ཀ་པྤི་ཡ་ཝོ་ཧཱ་ར་པ་རི་ཡཱ་ཡ་ཨོ་བྷཱ་ས་ནི་མི་ཏྟ་ཀ་མྨཱ་དཱི་ཧི ན ཝ་ཊྚ་ཏཱི་ཏི ཨ་ཏྠོ. ཝ་ཏི་ཨཱ་དཱི་ནི ཀ་ཏྭཱ ཛ་གྒི་ཏུ་ཉྩ. ཨ་ཏྟ་ནོ པ་རི་བྷོ་ག་ཏྠནྟི ཕ་ལ་པ་རི་བྷོ་ག་ཏྠཾ. རོ་པ་ནཱ་དཱི་ནཱིཏི རོ་པཱ་པ་ནཱ་དཱི་ནི. ཨཱ་དི-ས་དྡེ་ན སི་ཉྩཱ་པ་ན་ཨོ་ཙི་ནཱ་པ་ནཱ་དཱི་ནི ག་ཧི་ཏཱ་ནི. ཀུ་དྡཱ་ལ་ཁ་ཎི་ཏྟི་ཝཱ་སི་ཕ་ར་སུ་ཨུ་ད་ཀ་བྷཱ་ཛ་ནཱ་དཱི་ནི ཨཱ་ཧ་རི་ཏྭཱ ས་མཱི་པེ ཋ་པ་ན་ཝ་སེ་ན ནི་མི་ཏྟ་ཏོ ཙ ཀུ་དྡཱ་ལ་ཁ་ཎི་ཏྟཱ་དཱི་ནི ཙ མཱ་ལཱ་ཝ་ཙྪེ ཙ ག་ཧེ་ཏྭཱ ཋི་ཏེ ‘‘སཱ་མ་ཎེ་རཱ་ད་ཡོ དི་སྭཱ ‘ཐེ་རོ ཀཱ་རཱ་པེ་ཏུ་ཀཱ་མོ’ཏི ཨཱ་ག་ནྟྭཱ ཀ་རོ་ནྟཱི’’ཏི ས་ཉྙཱ་ཡ ཨོ་བྷཱ་ས་ཏོ ཙ ‘‘ཨི་མཾ རུ་ཀྑཾ ཛཱ་ན, ཨི་མཾ ཨཱ་ཝཱ་ཊཾ ཛཱ་ནཱ’’ཏི་ཨཱ་དི་ཀ་པྤི་ཡ་ཝོ་ཧཱ་ར་ཏོ ཙ ‘‘པ་ཎྜི་ཏེ་ན མཱ་ལཱ་ཝ་ཙྪཱ་ད་ཡོ རོ་པཱ་པེ་ཏ་བྦཱ, ན ཙི་ར་སྶེ་ཝ ཨུ་པ་ཀཱ་རཱ་ཡ སཾ་ཝ་ཏྟ་ནྟཱི’’ཏི་ཨཱ་དི་པ་རི་ཡཱ་ཡ་ཏོ ཙ རོ་པ་ནཱ་དཱི་ནི ལ་བྦྷ་རེ་ཏི ས་མྦ་ནྡྷོ.
༣༠༡-༢. ཨི་དཱ་ནི ཨ་ཊྛ་སུ ཝ་ཏྠཱུ་སུ ཨ་ཝ་སེ་སཱ་ནི དྭེ ཝ་ཏྠཱུ་ནི ད་སྶེ་ཏུཾ ‘‘ཝུ་ཏྟཱ་ཝ ཝེ་ཛྫི་ཀཱ ཛ་ངྒྷ་པེ་ས་ནེ’’ཏི ཝུ་ཏྟཾ. ཏ་ཏྠ ཝེ་ཛྫི་ཀཱ པུ་བྦེ ཝུ་ཏྟཱ་ཝ, ཨི་དཱ་ནི ཛ་ངྒྷ་པེ་ས་ནཱ་དི་ཝི་ནི་ཙྪ་ཡཾ ཝ་ཀྑཱ་མཱི་ཏི ཨ་ཏྠོ. པི་ཏ་རོཏི (པཱ་རཱ. ཨ་ཊྛ. ༢.༤༣༦-༤༣༧) མཱ་ཏཱ་པི་ཏ་རོ. བྷ་ཎྜུནྟི པ་བྦ་ཛྫཱ་པེ་ཀྑཾ. བྷི་ཀྑུ་སྶ ས་ཀཾ ཝེ་ཡྻཱ་ཝ་ཙྩ་ཀ་ར་ཉྩཱ་ཏི ཨེ་ཏེ ཋ་པེ་ཏྭཱ ཀ་སི་ཝཱ་ཎི་ཛྫཱ་དི་གི་ཧི་ཀ་མྨེ་སུ དཱུ་ཏ་སཱ་ས་ནཾ ཧ་ར་ཎེ དུ་ཀྐ་ཊ་ནྟི ཨ་ཏྠོ. པ་ཋ་མཾ སཱ་ས་ནཾ ཨ་གྒ་ཧེ་ཏྭཱ པུ་ན ཏཾ དི་སྭཱ ཝཱ ཏ་སྶ ས་ནྟི་ཀཾ ག་ནྟྭཱ ཝཱ ཝ་ད་ཏོ་པི དུ་ཀྐ་ཊ་མེ་ཝཱ་ཏི ཨ་ཏྠོ. སཱ་ས་ནཾ ཨ་གྒ་ཧེ་ཏྭཱ ཨཱ་ག་ཏཱ་ནཾ པ་ན ‘‘བྷ་ནྟེ, ཏ་སྨིཾ གཱ་མེ ཨི་ཏྠ་ནྣཱ་མ་སྶ ཀཱ པ་ཝ་ཏྟཱི’’ཏི པུ་ཙྪི་ཡ་མཱ་ནེ ཀ་ཐེ་ཏུཾ ཝ་ཊྚ་ཏི. པུ་ཙྪི་ཏ་པ་ཉྷེ དོ་སོ ན་ཏྠི.
༣༠༣. ཨེ་ཝཾ ཀུ་ལ་དཱུ་ས་ནེ་ན ཨུ་པྤ་ནྣ་པ་ཙྩ་ཡཱ. ‘‘པ་ཉྩ་ནྣ་མྤཱི’’ཏི ཝུ་ཏྟ་ཏྟཱ ཨ་ནུ་པ་ས་མྤ་ནྣེ་ན ཀ་ཏ་མྤི ཨེ་དི་སཾ ན ཝ་ཊྚ་ཏི ཨེ་ཝ མི་ཙྪཱ་ཛཱི་ཝ་ཏྟཱ. ཨཱ་ཏུ་མཱ་ཝ་ཏྠུ (མ་ཧཱ་ཝ. ༣༠༣) ཙེ་ཏྠ ནི་ད་སྶ་ནཾ. ཀིཾ ཝི་ཡཱ་ཏི ཙེ, ཏཾ ད་སྶེ་ཏུཾ ‘‘ཨ་བྷཱུ་ཏཱ་རོ་ཙ་ནཱ་རཱུ་པ-ས་བྱོ་ཧཱ་རུ་གྒ་ཧཱ་དི་སཱ’’ཏི ཝུ་ཏྟཾ. ཏ་ཏྠ ཨུ་གྒ་ཧཱ་དི་སཱཏི ཨེ་ཏེ་ཧི ཨུ་པྤ་ནྣ་པ་ཙྩ་ཡ་ས་དི་སཱ་ཏི ཨ་ཏྠོ.
༣༠༤. ཨི་དཱ་ནི པུ་པྥཱ་དཱི་ནི ཀེ་སཾ དཱ་ཏུཾ ཝ་ཊྚ་ནྟི, ཀེ་སཾ དཱ་ཏུཾ ན ཝ་ཊྚ་ནྟཱི་ཏི ཏཾ ད་སྶེ་ཏུཾ ‘‘ཧ་རཱ་པེ་ཏྭཱ’’ཏི་ཨཱ་དི་མཱ་ཧ. པི་ཏཱུ་ནཾ (པཱ་རཱ. ཨ་ཊྛ. ༢.༤༣༦-༤༣༧) དཱ་ཏུཾ ལ་བྦྷ་ཏཱི་ཏི ས་མྦ་ནྡྷོ. སེ་ས་ཉཱ་ཏཱི་ནཾ པ་ཏྟཱ་ནཾ ཨེ་ཝ. ལི་ངྒནྟི སི་ཝ་ལི་ངྒཾ.
༣༠༥. ཏ་ཐཱ ཕ་ལནྟི ཕ་ལ་མྤི མཱ་ཏཱ་པི་ཏཱུ་ནཾ ཧ་རི་ཏྭཱ་པི ཧ་རཱ་པེ་ཏྭཱ་པི དཱ་ཏུཾ ལ་བྦྷ་ཏཱི་ཏི ཨ་ཏྠོ. ན ཀེ་ཝ་ལཾ མཱ་ཏཱ་པི་ཏཱུ་ནཾ་ཡེ་ཝ, ཨ་ཉྙེ་ས་མྤི དཱ་ཏུཾ ལ་བྦྷ་ཏཱི་ཏི ད་སྶེ་ཏུཾ ‘‘གི་ལཱ་ནཱ་ན’’ནྟི་ཨཱ་དི་མཱ་ཧ. ས་པ་ར་ས་ནྟ་ཀནྟི ཨེ་ཏྠ པ་རོཏི ཨ་ཏྟ་ནོ ཝི་སྶཱ་ས་ཉྙཱ་ཏ་ཀོ ཨེ་ཝ ཨ་དྷི་པྤེ་ཏོ.
༣༠༦. བྷཱ་ཛེ་ནྟེཏི ས་ངྒྷ་སྶ ཕ་ལ་པུ་པྥ་མྷི བྷཱ་ཛི་ཡ་མཱ་ནེ ས་མྨ་ཏེ་ན དེ་ཡྻ་ནྟི ས་མྦ་ནྡྷོ. ཨི་ཏ་རེ་ན ཨ་ས་མྨ་ཏེ་ན ཨ་པ་ལོ་ཀེ་ཏྭཱ དཱ་ཏ་བྦ་ནྟི ཨ་ཏྠོ.
༣༠༧. པ་རི་ཙྪི་ཛྫཱཏི ཨཱ་ག་ཏཱ་ནཾ དཱ་ཏ་བྦ་ནྟི ཕ་ལ་ཝ་སེ་ན ཝཱ རུ་ཀྑ་ཝ་སེ་ན ཝཱ པ་རི་ཙྪི་ནྡི་ཏྭཱ་ཏི ཨ་ཏྠོ. ཨི་ཏ་ར་སྶཱཏི ཨི་སྶ་རཱ་དི་ཀ་སྶ. ཀ་ཏི་ཀཾ ཝ་ཏྭཱཏི ‘‘ཨི་མ་སྨིཾ རུ་ཀྑེ ཨེ་ཏྟ་ཀཱ་ནི ཕ་ལཱ་ནི ལ་བྦྷ་ནྟཱི’’ཏི ཨེ་ཝཾ ཝ་ཏྭཱ.
༣༠༨. སེ་སེཏི མ་ཏྟི་ཀཱ་ད་ནྟ་ཀ་ཊྛ་ཝེ་ལུ༹་མྷི (པཱ་རཱ. ཨ་ཊྛ. ༢.༤༣༦-༤༣༧). ཡ་ཐཱ་ཝུ་ཏྟ་ན་ཡོ ཨེ་ཝཱཏི ཨེ་ཏྠ ཨ་ཏྟ་ནོ ཙ པ་ར་སྶ ཙ ས་ནྟ་ཀཾ ཀུ་ལ་ས་ངྒ་ཧ་ཏྠཱ་ཡ ད་ད་ཏོ དུ་ཀྐ་ཊ་ནྟི་ཨཱ་དི་ནཱ ཧེ་ཊྛཱ ཝུ་ཏྟ་ན་ཡེ་ནེ་ཝ ཝི་ནི་ཙྪ་ཡོ ཝེ་དི་ཏ་བྦོ་ཏི ཨ་ཏྠོ. པ་ཎྞ་མྤཱིཏི ཀི་ཉྩཱ་པི པཱ་ལི༹་ཡཾ པ་ཎྞ་དཱ་ནཾ ན ཝུ་ཏྟཾ, ཏ་ཐཱ་པི ཀུ་ལ་དཱུ་ས་ནེ པ་ཝེ་ས་ཡེ་ཏི ཨ་ཏྠོ. ཀུ་ལ་དཱུ་ས་ན་ཝི་ནི་ཙྪ་ཡོ.
ཀུ་ལ་དཱུ་ས་ན་ནི་དྡེ་ས་ཝ་ཎྞ་ནཱ ནི་ཊྛི་ཏཱ.