༣༦. བྷེ་ས་ཛྫ་ནི་དྡེ་ས་ཝ་ཎྞ་ནཱ
༢༧༤-༥. ས་ཧ་དྷ་མྨི་ནཾ ལ་བྦྷཾ བྷེ་ས་ཛྫ་ཀ་ར་ཎ་ནྟི ས་མྦ་ནྡྷོ. ན ཀེ་ཝ་ལཾ པ་ཉྩ་ནྣཾ ས་ཧ་དྷ་མྨི་ཀཱ་ནཾ་ཡེ་ཝ བྷི་ཀྑཱ་ཙ་རི་ཡ་ཝི་ཉྙ་ཏྟི་ས་ཀེ་ཧི བྷེ་ས་ཛྫ་ཀ་ར་ཎཾ ལ་བྦྷ་ཏི, ཨ་ཐ ཁོ ཨ་པ་རེ་ས་མྤི པ་ཉྩ་ནྣཾ ལ་བྦྷ་ཏི, ཏེ ད་སྶེ་ནྟོ ‘‘པི་ཏཱུ་ན’’ནྟི་ཨཱ་དི་མཱ་ཧ. པི་ཏཱུ་ནནྟི མཱ་ཏཱ་པི་ཏཱུ་ན་ནྟི ཨ་ཏྠོ. ཡེ མཱ་ཏཱ་པི་ཏ་རོ ཛ་གྒ་ནྟི ཨུ་པ་ཊྛ་ཧ་ནྟི, ཏེ ཏ་དུ་པ་ཊྛཱ་ཀཱ ནཱ་མ. བྷི་ཀྑུཾ ཨེ་ཝ ནི་སྶཱ་ཡ ཛཱི་ཝ་ནྟོ བྷི་ཀྑུ་ནི་སྶི་ཏ་ཀོ ནཱ་མ. པ་བྦ་ཛྫཱ་པེ་ཀྑོ ‘‘བྷ་ཎྜཱུ’’ཏི ཝུ་ཙྩ་ཏི.
༢༧༦. ཨ་པ་རེ་ས་མྤི ད་ས་ནྣཾ ཀཱ་ཏུཾ ཝ་ཊྚ་ཏི, ཏེ ད་སྶེ་ཏུཾ ‘‘མ་ཧཱ་ཙཱུ་ལ༹་པི་ཏཱ’’ཏི་ཨཱ་དི་མཱ་ཧ. ཨེ་ཏྠ (པཱ་རཱ. ཨ་ཊྛ. ༢.༡༨༥-༡༨༧) པ་ན མ་ཧཱ་པི་ཏཱ ཙཱུ་ལ༹་པི་ཏཱ མ་ཧཱ་མཱ་ཏཱ ཙཱུ་ལ༹་མཱ་ཏཱ མ་ཧཱ་བྷཱ་ཏཱ ཙཱུ་ལ༹་བྷཱ་ཏཱ མ་ཧཱ་བྷ་གི་ནཱི ཙཱུ་ལ༹་བྷ་གི་ནཱི་ཏི ཨི་མེ་ཧི ཨ་ཊྛ་ཧི ཨཱ་དི-ས་དྡེ་ན པི་ཏུ་བྷ་གི་ནི་ཉྩ མཱ་ཏུ་བྷཱ་ཏི་ཀ་ཉྩ ག་ཧེ་ཏྭཱ ད་ས. ཨེ་ཏེ་སཾ པ་ན ས་ཀེ་ན བྷེ་ས་ཛྫེ་ན ཀཱ་ཏ་བྦཾ. ཨ་ཏྟ་ནི་ཡེ ཙ ཨ་ས་ཏཱི་ཏི པཱ་ཋ་སེ་སོ.
༢༧༧. ན ཀེ་ཝ་ལ་ཉྩ ཨེ་ཏེ་སཾ ད་ས་ནྣཾ, ཨི་མེ་ཧི ས་མྦ་ནྡྷཱ་ནཾ པུ་ཏྟ་ན་ཏྟཱ་དཱི་ནཾ ཡཱ་ཝ་ས་ཏྟ་མཱ ཀུ་ལ་པ་རི་ཝ་ཊྚཱ ཀཱ་ཏུཾ ཝ་ཊྚ་ཏཱི་ཏི ད་སྶ་ན་ཏྠཾ ‘‘ཀུ་ལ་དཱུ་ས་ནཱ’’ཏི་ཨཱ་དི་མཱ་ཧ. ཨ་ཉྙོ་པི (པཱ་རཱ. ཨ་ཊྛ. ༢.༢༨༥-༢༨༧) ཡོ ཨཱ་ག་ནྟུ་ཀོ ཝཱ ཙོ་རོ ཝཱ ཡུ་དྡྷ་པ་རཱ་ཛི་ཏོ ཝཱ ཨི་སྶ་རོ ཉཱ་ཏ་ཀེ་ཧི པ་རི་ཙྩ་ཏྟོ ཝཱ ག་མི་ཡ་མ་ནུ་སྶོ ཝཱ གི་ལཱ་ནོ ཧུ་ཏྭཱ ཝི་ཧཱ་རཾ པ་ཝི་ས་ཏི, ས་བྦེ་ས་མྤི ཨ་པ་ཙྩཱ་སཱི་ས་ནྟེ་ན བྷེ་ས་ཛྫཾ ཀཱ་ཏ་བྦཾ.
༢༧༨. མཱ་ཏཱ (པཱ་རཱ. ཨ་ཊྛ. ༢.༡༨༥-༡༨༧) པི་ཏཱ ཏ་དུ་པ་ཊྛཱ་ཀོ བྷི་ཀྑུ་ནི་སྶི་ཏ་ཀོ པ་ཎྜུ་པ་ལཱ་སོ ཝེ་ཡྻཱ་ཝ་ཙྩ་ཀ་རོ་ཏི ཨི་མེ་སཾ ཚ་ནྣཾ ཨ་ནཱ་མ་ཊྛ་པི་ཎྜ་པཱ་ཏོ ཨ་ཝཱ་རི་ཏོ་ཏི ཨ་ཏྠོ. ཀི་ཉྩ བྷི་ཡྻོ – དཱ་མ་རི་ཀ་ཙོ་ར་སྶ ཙ ཨི་སྶ་རི་ཡ་སྶ ཙ དཱ་ཏུ་མ་ཝཱ་རི་ཏོ་ཏི ཨ་ཏྠོ.
༢༧༩. ཏེ་སནྟི (པཱ་རཱ. ཨ་ཊྛ. ༢.༡༨༥-༡༨༧) ག་ཧ་ཊྛཱ་ནཾ. སཱ་ས་ནོ་ག་དྷནྟི ར་ཏ་ན་པ་རི་ཏྟ་ཨཱ་ཊཱ་ནཱ་ཊི་ཡ་པ་རི་ཏྟཱ་དི་པ་རི་ཏྟཾ བྷ་ཎི་ཏ་བྦ་ནྟི ཨ་ཏྠོ.
༢༨༠. ‘‘ཨཱ་ག་ནྟྭཱ (པཱ་རཱ. ཨ་ཊྛ. ༢.༡༨༥-༡༨༧) སཱི་ལཾ དེ་ཏུ, དྷ་མྨ་ཉྩ པ་རི་ཏྟ་ཉྩ བྷཱ་ས་ཏཱུ’’ཏི ཀེ་ན་ཙི པེ་སི་ཏོ་ཏི ས་མྦ་ནྡྷོ. དཱ་ཏུཾ ཝ་ཏྟུནྟི སཱི་ལཾ དཱ་ཏུཾ, དྷ་མྨ་ཉྩ པ་རི་ཏྟ་ཉྩ ཝ་ཏྟུཾ ལ་བྦྷ་ཏཱི་ཏི ཨ་ཏྠོ. བྷེ་ས་ཛྫ་ཝི་ནི་ཙྪ་ཡོ.
བྷེ་ས་ཛྫ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.