༢༡. ཙ་མྨ་ནི་དྡེ་ས་ཝ་ཎྞ་ནཱ

༡༧༣. ཨི་དཱ་ནི ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ས་བྦ་པ་ཙྩ་ནྟི་མེ་སུ ཛ་ན་པ་དེ་སུ ཙ་མྨཱ་ནི ཨ་ཏྠ་ར་ཎཱ་ནི ཨེ་ལ༹་ཀ་ཙ་མྨཾ ཨ་ཛ་ཙ་མྨཾ མི་ག་ཙ་མྨ’’ནྟི (མ་ཧཱ་ཝ. ༢༥༩) ཨེ་ཝཾ ཝུ་ཏྟ་ཙ་མྨཱ་ནི ད་སྶེ་ཏུཾ ‘‘མི་གཱ་ཛེ་ལ༹་ཀ་ཙ་མྨཱ་ནཱི’’ཏི་ཨཱ་དི་མཱ་ཧ. པ་རི་བྷུ་ཉྫི་ཏུནྟི (མ་ཧཱ་ཝ. ཨ་ཊྛ. ༢༦༢) མ་ཉྩཱ་དཱི་སུ ཡ་ཏྠ ཀ་ཏྠ་ཙི ཨ་ཏྠ་རི་ཏྭཱ ནི་པ་ཛྫི་ཏུཾ ཝཱ ནི་སཱི་དི་ཏུཾ ཝཱ ཝ་ཊྚ་ནྟཱི་ཏི ཨ་ཏྠོ. རོ་ཧི་ཏེ་ཎཱི་པ་ས་དཱ ཙ ཀུ་རུ་ངྒཱ ཙ ཙ-ས་དྡེ་ན ཨ་ཉྙེ་པི ཝཱ་ལ༹་མི་གཱ མི་ག་མཱ་ཏུ་ཀཱ་ད་ཡོ་པི མི་ག་ཛཱ་ཏི་ཀཱ ཨེ་ཝཱ་ཏི ཨ་དྷི་པྤཱ་ཡོ.

༡༧༤. ཨ་ནུ་ཉྙཱ་ཏ་ཏྟ་ཡཱ ཨ་ཉྙ་ནྟི –

‘‘མ་ཀྐ་ཊོ ཀཱ་ལ༹་སཱི་ཧོ ཙ, ས་ར་བྷོ ཀ་ད་ལཱི་མི་གོ;

ཡེ ཙ ཝཱ་ལ༹་མི་གཱ ཀེ་ཙི, ཏེ་སཾ ཙ་མྨཾ ན ཝ་ཊྚ་ཏཱི’’ཏི. –

ཨེ་ཏྠ ཝཱ་ལ༹་མི་གགྒ་ཧ་ཎེ་ན ཝུ་ཏྟཱ་ཝ་སེ་སཱ ཨ་ནྟ་མ་སོ གོ་མ་ཧིཾ་སཱ་ད་ཡོ ག་ཧི་ཏཱ་ཏི ཝེ་དི་ཏ་བྦཱ. ཐ་ཝི་ཀཱཏི ཨུ་པཱ་ཧ་ན་ཀོ་ས་ཀ་ས་ཏྠ་ཀོ་ས་ཀ་ཀུ་ཉྩི་ཀ་ཀོ་ས་ཀཱ་ཏི ཝེ་དི་ཏ་བྦཱ, ན པ་ཏྟ་ཏྠ་ཝི་ཀཱ་ད་ཡོ. ཙ་མྨ་ཝི་ནི་ཙྪ་ཡོ.

ཙ་མྨ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.