༡༤. བྷཱུ་མི་ནི་དྡེ་ས་ཝ་ཎྞ་ནཱ
༡༣༦. ཨི་དཱ་ནི ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཙ་ཏ་སྶོ ཀ་པྤི་ཡ་བྷཱུ་མི་ཡོ ཨུ་སྶཱ་ཝ་ན་ནྟི་ཀཾ གོ་ནི་སཱ་དི་ཀཾ ག་ཧ་པ་ཏིཾ ས་མྨུ་ཏི’’ནྟི (མ་ཧཱ་ཝ. ༢༩༥) ཨེ་ཝཾ ཝུ་ཏྟཱ ཙ་ཏ་སྶོ ཀ་པྤི་ཡ་བྷཱུ་མི་ཡོ ད་སྶེ་ཏུཾ ‘‘ས་མྨུ་ཏུ་སྶཱ་ཝ་ན་ནྟཱ ཙཱ’’ཏི་ཨཱ་དི་མཱ་ཧ. ཡཱ་སཱུཏི ཀ་པྤི་ཡ་བྷཱུ་མཱི་སུ (ཀ་ངྑཱ. ཨ་ཊྛ. ས་ནྣི་དྷི་ཀཱ་ར་ཀ་སི་ཀྑཱ་པ་ད་ཝ་ཎྞ་ནཱ).
༡༣༧. ཨི་དཱ་ནི ཡ་ཏྠ ཀ་པྤི་ཡ་ཀུ་ཊི ཨི་ཙྪི་ཏ་བྦཱ, ཏཾ ད་སྶེ་ཏུཾ ‘‘ཝཱ་ས་ཏྠཱ་ཡཱ’’ཏི་ཨཱ་དི་མཱ་ཧ. ཝཱ་ས་ཏྠཱ་ཡཱཏི ཨི་མི་ནཱ ཀོ་ཊྛཱ་གཱ་ར་བྷ་ཏྟ་སཱ་ལཱ་ཙེ་ཏི་ཡ་གྷ་ར་ས་མྨུ་ཉྫ་ནཱི་མཱ་ལ༹་ཀཱ་དི ཡཾ ཡཾ ཨ་ཉྙ་མྤི ཝཱ་ས་ཏྠཱ་ཡ ཀ་རཱི་ཡ་ཏི, ཏ་ཏྠ ཏ་ཏྠ ཀ་པྤི་ཡ་ཀུ་ཊི་ཀ་ར་ཎ་ཀི་ཙྩཾ ན་ཏྠཱི་ཏི དཱི་པི་ཏཾ ཧོ་ཏི. བྷོ་ཛ་ན་སཱ་ལཱ པ་ན སེ་ནཱ་ས་ན་མེ་ཝ, ཏ་སྨཱ ཏ་ཏྠ ཀཱ་ཏ་བྦཱ ཨེ་ཝཱ་ཏི ཝ་ད་ནྟི. ས་ངྒྷི་ཀེ་ཝེ་ཀ་ས་ནྟ་ཀེཏི ཨེ་ཏྠ ཨེ་ཀ་ས་ནྟ་ཀོ ཨུ་པ་ས་མྤ་ནྣ་ས་ནྟ་ཀོ་ཝ ཝེ་དི་ཏ་བྦོ.
༡༣༨. ཨི་དཱ་ནི ཀ་ཏྟ་བྦཱ་ཀཱ་རཾ ད་སྶེ་ཏུཾ ‘‘གེ་ཧེ’’ཏི་ཨཱ་དི་མཱ་ཧ. ཏ་ཏྠ ས་ངྒྷ་སྶ ཝཱ ཨེ་ཀ་སྶ ཝཱ གེ་ཧེ ཝི་ཧཱ་རེ ཀ་རི་ཡ་མཱ་ནེ ཨེ་ཝཾ ཨཱི་ར་ཡཾ ‘‘ཀ་པྤི་ཡ་ཀུ་ཊིཾ ཀ་རོ་མ, ཀ་པྤི་ཡ་ཀུ་ཊིཾ ཀ་རོ་མཱ’’ཏི ཝཱ ‘‘ཀ་པྤི་ཡ་ཀུ་ཊི ཀ་པྤི་ཡ་ཀུ་ཊཱི’’ཏི ཝཱ ཝ་ད་ནྟོ པ་ཋ་མི་ཊྛ་ཀ་ཏྠ་མྦྷཱ་དིཾ ཋ་པེ་ཡྻ, ཨེ་ཝཾ ཀ་ཏཱ ཨུ་སྶཱ་ཝ་ན་ནྟི་ཀཱ ནཱ་མ, ཨེ་ཝཾ ཨུ་དཱ་ཧ་རི་ཏ་ཝ་ཙ་ན་ནྟི་ཀཱ་ཏི ཨ་ཏྠོ.
༡༣༩. ཡེ་བྷུ་ཡྻེ་ན ཝཱ ཨ་པ་རི་ཀྑི་ཏྟོ, ས་ཀ་ལོ་པི ཝཱ ཨ་པ་རི་ཀྑི་ཏྟོ ཨཱ་རཱ་མོ ‘‘གོ་ནི་སཱ་དཱི’’ཏི ཝུ་ཙྩ་ཏཱི་ཏི ས་མྦ་ནྡྷོ. ཨེ་ཏྠ པ་ན སེ་ནཱ་ས་ནེ་སུ པ་རི་ཀྑི་ཏྟེ་སུ་པི ཨཱ་རཱ་མེ ཨ་པ་རི་ཀྑི་ཏྟེ ཀ་པྤི་ཡ་ཀུ་ཊི་ཀ་ར་ཎ་ཀི་ཙྩཾ ན་ཏྠི. ས་མྨུ་ཏིཾ ཀ་རོ་ནྟེ་ཧི ཀ་ཏཾ པ་རི་ཡོ་སི་ཏཾ ‘‘ཨི་མཾ ཝི་ཧཱ་རཾ ཨ་ཌྜྷ་ཡོ་གཾ པཱ་སཱ་དཾ ཧ་མྨི་ཡཾ གུ་ཧཾ ཏི་ཎ་ཀུ་ཊི་ཀཾ མ་ཎྜ་པ’’ནྟི ཏེ་སཾ ནཱ་མཾ ག་ཧེ་ཏྭཱ ཏ་སྶཱ ཀུ་ཊི་ཡཱ ཧ་ཏྠ་པཱ་སེ ཝཱ ཋ་ཏྭཱ, ཏ་སྶཱ ཨ་ནྟོ ཝཱ པ་ཝི་སི་ཏྭཱ ཝུ་ཏྟ་ན་ཡེ་ནེ་ཝ ཉ་ཏྟི་དུ་ཏི་ཡ་ཀ་མྨ་ཝཱ་ཙཱ་ཡ ས་མྨ་ནྣི་ཏ་བྦཾ.
༡༤༠. ‘‘བྷི་ཀྑུཾ ཋ་པེ་ཏྭཱ ཨ་ཉྙེ་ཧཱི’’ཏི ཝ་ཙ་ན་ཏོ སེ་ས་ས་ཧ་དྷ་མྨི་ཀེ་ཧི་པི དེ་ཝ་མ་ནུ་སྶེ་ཧི་པི ཨ་ཉྙེ་ཧི ཀ་པྤི་ཡ་ཀུ་ཊི་ཡཱ ཨ་ཏྠཱ་ཡ དི་ནྣོ ཝཱ ཏེ་སཾ ས་ནྟ་ཀོ ཝཱ གེ་ཧོ ‘‘ག་ཧ་པ་ཏཱི’’ཏི མ་ཏོ ཉཱ་ཏོ་ཏི ཨ་ཏྠོ, ས་ངྒྷ་ས་ནྟ་ཀ་ཉྩ བྷི་ཀྑུ་ས་ནྟ་ཀ་ཉྩ ཋ་པེ་ཏྭཱ ས་བྦེ་སཾ གེ་ཧོ ག་ཧ་པ་ཏཱི་ཏི ཨ་དྷི་པྤཱ་ཡོ.
༡༤༡. ས་པྤི་ཨཱ་དཱི་ཧི མི་སྶི་ཏནྟི ས་པྤི་ཨཱ་དཱི་ཧི པ་ཉྩ་ཧི ཙ ཧ་ལི་དྡི་སི་ངྒི་ཝེ་རཱ་དི་ཡཱ་ཝ་ཛཱི་ཝི་ཀེ་ན ཙཱ་ཏི ཨ་ཏྠོ. ཝ་ཛེ་ཡྻ ཨ་ནྟོ་ཝུ་ཏྠ་ཏྟནྟི ཨེ་ཏྠ ཡཱ་ཝ་ཀཱ་ལི་ཀ་ཡཱ་མ་ཀཱ་ལི་ཀ་ས་ངྑཱ་ཏཾ པུ་རི་མ་ཀཱ་ལི་ཀ་དྭ་ཡཾ ས་ངྒྷི་ཀཾ ཝཱ བྷི་ཀྑུ་སྶ ཝཱ བྷི་ཀྑུ་ནི་ཡཱ ཝཱ ས་ནྟ་ཀཾ ས་ཡཾ ཀ་པྤི་ཡ་ཀུ་ཊི་ཡཱ ཝུ་ཏྠ་མྤི ཨི་ཏ་རེ་ཧི ཨ་ཀ་པྤི་ཡ་ཀུ་ཊི་ཡཱ ཝུ་ཏྠེ་ཧི མི་སྶི་ཏཾ ཨ་ནྟོ་ཝུ་ཏྠ་བྷཱ་ཝཾ ཨཱ་ག་ཙྪེ་ཡྻཱ་ཏི ཨ་ཏྠོ.
༡༤༢. ཏེ་ཧེ་ཝཱཏི ཨ་ཀ་པྤི་ཡ་ཀུ་ཊི་ཡཾ ཝུ་ཏྠ་ས་པྤི་ཏེ་ལཱ་དཱི་ཧི. སཱ་མ་པཱ་ཀ་ཏནྟི སཱ་མཾ་པ་ཀྐ་བྷཱ་ཝཾ ག་ཙྪ་ཏཱི་ཏི ཨ་ཏྠོ.
༡༤༣-༤. ཨི་མཱ པ་ན ཀ་པྤི་ཡ་ཀུ་ཊི་ཡོ ཡ་དཱ ཛ་ཧི་ཏ་ཝ་ཏྠུ་ཀཱ ཧོ་ནྟི, ཏཾ ད་སྶེ་ཏུཾ ‘‘ཨུ་སྶཱ་ཝ་ན་ནྟི་ཀཱ’’ཏི་ཨཱ་དི་མཱ་ཧ. ས་ཙེ ཐ་མྦྷེ ཝཱ བྷི་ཏྟི་པཱ་དེ ཝཱ པ་རི་ཝ་ཏྟེ་ནྟི, ཡོ ཡོ ཋི་ཏོ, ཏ་ཏྠ ཏ་ཏྠ པ་ཏི་ཊྛཱ་ཏི, ཨེ་ཏེ་ནུ་པཱ་ཡེ་ན ས་བྦེ་སུ པ་རི་ཝ་ཏྟེ་སུ་པི ན ཝི་ཛ་ཧི་ཏ་ཝ་ཏྠུ་ཀཱ་ཝ ཧོ་ཏཱི་ཏི ཨ་ཏྠོ. པ་རི་ཀྑི་ཏྟེ གོ་ནི་སཱ་དི ཝི་ཛ་ཧི་ཏ་ཝ་ཏྠུ་ཀཱ. སེ་སཱ ཚ་ད་ན་ཝི་བྦྷ་མཱཏི ཚ་ད་ན་ཝི་ནཱ་སཱ ཛ་ཧི་ཏ་ཝ་ཏྠུ་ཀཱ ཧོ་ནྟཱི་ཏི ཨ་དྷི་པྤཱ་ཡོ. བྷཱུ་མི་ཝི་ནི་ཙྪ་ཡོ.
བྷཱུ་མི་ནི་དྡེ་ས་ཝ་ཎྞ་ནཱ ནི་ཊྛི་ཏཱ.