༡༠. ཨ་ཀ་པྤི་ཡ་མཾ་ས་ནི་དྡེ་ས་ཝ་ཎྞ་ནཱ

༡༡༣. ཨི་དཱ་ནི མཾ་སེ་སུ པ་ཊི་པ་ཛྫི་ཏ་བྦཱ་ཀཱ་རཾ ད་སྶེ་ཏུཾ ‘‘མཾ་སེ་སུ ཙ ཨ་ཀ་པྤི་ཡ’’ནྟི ཨུ་དྡྷ་ཊཾ. ཨ་ཀ་པྤི་ཡ་མཾ་ས་མྷི ད་སྶི་ཏེ ཀ་པྤི་ཡ་མཾ་སཾ ད་སྶི་ཏ་མེ་ཝ ཧོ་ཏི པཱ་རི་སེ་ས་ན་ཡེ་ན. ཨུ་ར་ག་སྶ ཙཱཏི ཨེ་ཏྠ ས་བྦོ་པི ཨུ་ར་གོ ན ཀ་པྤ་ཏི.

༡༡༤. ཨེ་ཏྟཱ་ཝ་ཏཱ ཛཱ་ཏི་ཝ་སེ་ན ད་ས་ཝི་དྷ་མྤི ཨ་ཀ་པྤི་ཡ་མཾ་སཾ ད་སྶེ་ཏྭཱ ཨི་དཱ་ནི ཀ་པྤི་ཡ་མཾ་སེ་སུ་པི ཨ་ཀ་པྤི་ཡ་ཝི་དྷིཾ ད་སྶེ་ཏུཾ ‘‘ཨུ་དྡི་སྶ་ཀ་ཏ་མཾ་ས་ཉྩ, ཡ་ཉྩ ཨ་པྤ་ཊི་ཝེ་ཀྑི་ཏ’’ནྟི ཝུ་ཏྟཾ. ཏ་ཏྠ པ་ཉྩ་སུ ས་ཧ་དྷ་མྨི་ཀེ་སུ ཡ་སྶ ཀ་སྶ་ཙི ཡཾ ཀི་ཉྩི ཨུ་དྡི་སྶ ཀ་ཏཾ ཨུ་དྡི་སྶ་ཀ་ཏཾ ནཱ་མ, ཏཾ པ་ན ཛཱ་ནི་ཏྭཱ པ་རི་བྷུ་ཉྫི་ཏུཾ ས་བྦེ་ས་མྤི ན ཝ་ཊྚ་ཏི, ཨ་ཛཱ་ན་ནྟཱ་ནཾ ཨ་ནཱ་པ་ཏྟི. མ་ཙྪེ་སུ་པི ཨེ་སེ་ཝ ན་ཡོ. ཨ་པྤ་ཊི་ཝེ་ཀྑི་ཏནྟི ཨ་ནུ་པ་པ་རི་ཀྑི་ཏཾ, ཨ་ནཱ་པུ་ཙྪི་ཏ་ནྟི ཨ་ཏྠོ. ‘‘ན བྷི་ཀྑ་ཝེ ཨ་པྤ་ཊི་ཝེ་ཀྑི་ཏྭཱ མཾ་སཾ པ་རི་བྷུ་ཉྫི་ཏ་བྦཾ, ཡོ པ་རི་བྷུ་ཉྫེ་ཡྻ, ཨཱ་པ་ཏྟི དུ་ཀྐ་ཊ་སྶཱ’’ཏི (མ་ཧཱ་ཝ. ༢༨༡) ཝུ་ཏྟཾ. མ་ཙྪེ་སུ པ་ན ཨཱ་པུ་ཙྪ་ན་ཀི་ཙྩཾ ན་ཏྠི ཨ་ཀ་པྤི་ཡ་མ་ཙྪཱ་ནཾ ན་ཏྠི་ཏཱ་ཡཱ་ཏི ཝ་ད་ནྟི. ཨི་དཱ་ནི ཨེ་ཏེ་སུ ཨཱ་པ་ཏྟི་བྷེ་དཾ ད་སྶེ་ཏུཾ ‘‘ཐུ་ལླ་ཙྩ་ཡ’’ནྟི་ཨཱ་དི་མཱ་ཧ. ཏཾ ས་བྦཾ (ཀ་ངྑཱ. ཨ་ཊྛ. ས་ནྣི་དྷི་ཀཱ་ར་ཀ་སི་ཀྑཱ་པ་ད་ཝ་ཎྞ་ནཱ) ཨུ་ཏྟཱ་ན་མེ་ཝ.

༡༡༥. ཨི་དཱ་ནི ན ཀེ་ཝ་ལཾ ཨི་མེ་སཾ མ་ནུ་སྶཱ་དཱི་ནཾ མཾ་ས་མེ་ཝ ཨ་ཀ་པྤི་ཡཾ, ཨ་ཊྛི་ཨཱ་དཱི་ནི་པི ཨ་ཀ་པྤི་ཡཱ་ནཱི་ཏི ད་སྶེ་ཏུཾ ‘‘ཨ་ཊྛཱི་པཱི’’ཏི་ཨཱ་དི ཝུ་ཏྟཾ. ཏ་ཏྠ (མ་ཧཱ་ཝ. ཨ་ཊྛ ༢༨༡) ལོ་མ་མྤེ་སནྟི ལོ་མ་མྤི ཨེ་སཾ ཨ་ཀ་པྤི་ཡ་མཾ་ས་ཝ་ཏྠཱུ་ན་ནྟི ཨ་ཏྠོ. ས་ཙི་ཏྟ་ཀཾ ཝཱཏི ཨེ་ཏེ་སུ པ་ན ཨུ་དྡི་སྶ་ཀ་ཏ་མེ་ཝ ས་ཙི་ཏྟ་ཀཾ, སེ་སཱ ཨ་ཙི་ཏྟ་ཀཱ་ཏི. ཨ་ཀ་པྤི་ཡ་མཾ་ས་ཝི་ནི་ཙྪ་ཡོ.

ཨ་ཀ་པྤི་ཡ་མཾ་ས་ནི་དྡེ་ས་ཝ་ཎྞ་ནཱ ནི་ཊྛི་ཏཱ.