༧. པ་ཝཱ་ར་ཎཱ་ནི་དྡེ་སོ
པ་ཝཱ་ར་ཎཱཏི –
༧༣. ཡེ་ནཱི་རི་ཡཱ་པ་ཐེ་ནཱ་ཡཾ, བྷུ་ཉྫ་མཱ་ནོ པ་ཝཱ་རི་ཏོ;
ཏ་ཏོ ཨ་ཉྙེ་ན བྷུ་ཉྫེ་ཡྻ, པཱ་ཙི་ཏྟི་ན་ཏི་རི་ཏྟ་ཀཾ.
༧༤. ཨ་ས་ནཾ བྷོ་ཛ་ན་ཉྩེ་ཝ, ཨ་བྷི་ཧཱ་རོ ས་མཱི་པ་ཏཱ;
ཀཱ་ཡ་ཝཱ་ཙཱ་པ་ཊི་ཀྑེ་པོ, པ་ཉྩ་ཨ་ངྒཱ པ་ཝཱ་ར་ཎཱ.
༧༥. ཨོ་ད་ནོ ས་ཏྟུ ཀུ་མྨཱ་སོ, མ་ཙྪོ མཾ་ས་ཉྩ བྷོ་ཛ་ནཾ;
སཱ་ལི ཝཱི་ཧི ཡ་ཝོ ཀ་ངྒུ, ཀུ་དྲཱུ་ས་ཝ་ར་གོ་དྷུ་མཱ;
ས་ཏྟ་ནྣ་མེ་སཾ དྷ་ཉྙཱ་ནཾ, ཨོ་ད་ནོ བྷོ་ཛྫ་ཡཱ་གུ ཙ.
༧༦. སཱ་མཱ་ཀཱ་དི་ཏི་ཎཾ ཀུ་དྲཱུ་ས་ཀེ ཝ་ར་ཀ་ཙོ་ར་ཀོ;
ཝ་ར་ཀེ སཱ་ལི་ཡ་ཉྩེ་ཝ, ནཱི་ཝཱ་རོ ས་ངྒ་ཧཾ ག་ཏོ.
༧༧. བྷ་ཊྛ་དྷ་ཉྙ་མ་ཡོ ས་ཏྟུ, ཀུ་མྨཱ་སོ ཡ་ཝ་ས་མྦྷ་ཝོ;
མཾ་སོ ཙ ཀ་པྤི་ཡོ ཝུ་ཏྟོ, མ་ཙྪོ ཨུ་ད་ཀ་ས་མྦྷ་ཝོ.
༧༨. བྷུ་ཉྫ་ནྟོ བྷོ་ཛ་ནཾ ཀ་པྤ-མ་ཀ་པྤཾ ཝཱ ནི་སེ་དྷ་ཡཾ;
པ་ཝཱ་རེ་ཡྻཱ་བྷི་ཧ་ཊཾ ཀ་པྤཾ, ཏ་ནྣཱ་མེ་ན ཨི་མ་ནྟི ཝཱ.
༧༩. ལཱ་ཛཱ ཏཾ་ས་ཏྟུ་བྷ་ཏྟཱ་ནི, གོ་ར་སོ སུ་དྡྷ་ཁ་ཛྫ་ཀོ;
ཏ་ཎྜུ་ལཱ བྷ་ཊྛ་པི་ཊྛ་ཉྩ, པུ་ཐུ་ཀཱ ཝེ་ལུ༹་ཨཱ་དི་ནཾ.
༨༠. བྷ་ཏྟཾ ཝུ་ཏྟཱ་ཝ་སེ་སཱ་ནཾ, ར་ས་ཡཱ་གུ ར་སོ་པི ཙ;
སུ་དྡྷ་ཡཱ་གུ་ཕ་ལཱ་དཱི་ནི, ན ཛ་ནེ་ནྟི པ་ཝཱ་ར་ཎཾ.
༨༡. པ་ཝཱ་རི་ཏེ་ན ཝུ་ཊྛཱ་ཡ, ཨ་བྷུ་ཏྟེ་ན ཙ བྷོ་ཛ་ནཾ;
ཨ་ཏི་རི་ཏྟཾ ན ཀཱ་ཏ་བྦཾ, ཡེ་ན ཡཾ ཝཱ པུ་རེ ཀ་ཏཾ.
༨༢. ཀ་པྤི་ཡཾ ག་ཧི་ཏ་ཉྩེ་ཝུ-ཙྩཱ་རི་ཏཾ ཧ་ཏྠ་པཱ་ས་གཾ;
ཨ་ཏི་རི་ཏྟཾ ཀ་རོ་ནྟེ་ཝཾ, ‘‘ཨ་ལ་མེ་ཏ’’ནྟི བྷཱ་ས་ཏུ.
༨༣. ན ཀ་རེ་ནུ་པ་ས་མྤ་ནྣ-ཧ་ཏྠ་གཾ པེ་ས་ཡི་ཏྭཱ་པི;
ཀཱ་རེ་ཏུཾ ལ་བྦྷ་ཏེ ས་བྦོ, བྷུ་ཉྫི་ཏུཾ ཏ་མ་ཀཱ་ར་ཀོ་ཏི.