༨. ཀཱ་ལི་ཀ་ནི་དྡེ་སོ
ཀཱ་ལི་ཀཱ ཙཱཏི –
༨༤. པ་ཊི་གྒ་ཧི་ཏཱ ཙ་ཏྟཱ་རོ, ཀཱ་ལི་ཀཱ ཡཱ་ཝ་ཀཱ་ལི་ཀཾ;
ཡཱ་མ་ཀཱ་ལི་ཀཾ ས་ཏྟཱ་ཧ-ཀཱ་ལི་ཀཾ ཡཱ་ཝ་ཛཱི་ཝི་ཀཾ.
༨༥. པི་ཊྛཾ མཱུ་ལཾ ཕ་ལཾ ཁ་ཛྫཾ, གོ་ར་སོ དྷ་ཉྙ་བྷོ་ཛ་ནཾ;
ཡཱ་གུ་སཱུ་པ་པྤ་བྷུ་ཏ་ཡོ, ཧོ་ནྟེ་ཏེ ཡཱ་ཝ་ཀཱ་ལི་ཀཱ.
༨༦. མ་དྷུ་མུ་དྡི་ཀ་སཱ་ལཱུ་ཀ-ཙོ་ཙ་མོ་ཙ་མྦ་ཛ་མྦུ་ཛཾ;
ཕཱ་རུ་སཾ ན་གྒི་ས་ནྟ་ཏྟཾ, པཱ་ན་ཀཾ ཡཱ་མ་ཀཱ་ལི་ཀཾ.
༨༧. སཱ་ནུ་ལོ་མཱ་ནི དྷ་ཉྙཱ་ནི, ཋ་པེ་ཏྭཱ ཕ་ལ་ཛོ ར་སོ;
མ་དྷཱུ་ཀ་པུ་པྥ་མ་ཉྙ་ཏྲ, ས་བྦོ པུ་པྥ་ར་སོ་པི ཙ.
༨༨. ས་བྦ་པ་ཏྟ་ར་སོ ཙེ་ཝ, ཋ་པེ་ཏྭཱ པ་ཀྐ་ཌཱ་ཀ་ཛཾ;
སཱི་ཏོ་ད་མ་དྡི་ཏོ་དི་ཙྩ-པཱ་ཀོ ཝཱ ཡཱ་མ་ཀཱ་ལི་ཀོ.
༨༩. ས་པྤི་ནོ་ནཱི་ཏ་ཏེ་ལཱ་ནི, མ་དྷུ་ཕཱ་ཎི་ཏ་མེ་ཝ ཙ;
ས་ཏྟཱ་ཧ་ཀཱ་ལི་ཀཱ ས་པྤི, ཡེ་སཾ མཾ་ས་མ་ཝཱ་རི་ཏཾ.
༩༠. ཏེ་ལཾ ཏི་ལ་ཝ་སེ་ར་ཎྜ-མ་དྷུ་སཱ་ས་པ་ས་མྦྷ་ཝཾ;
ཁུ་དྡཱ་བྷ་མ་ར་མ་དྷུ་ཀ་རི-མ་ཀྑི་ཀཱ་ཧི ཀ་ཏཾ མ་དྷུ;
ར་སཱ་དི་ཨུ་ཙྪུ་ཝི་ཀ་ཏི, པ་ཀྐཱ་པ་ཀྐཱ ཙ ཕཱ་ཎི་ཏཾ.
༩༡. ས་ཝ་ཏྠུ་པ་ཀྐཱ སཱ་མཾ ཝཱ, ཝ་སཱ ཀཱ་ལེ ཨ་མཱ་ནུ་སཱ;
ཨ་ཉྙེ་སཾ ན པ་ཙེ ཝ་ཏྠུཾ, ཡཱ་ཝ་ཀཱ་ལི་ཀ་ཝ་ཏྠུ་ནཾ.
༩༢. ཧ་ལི་དྡིཾ སི་ངྒི་ཝེ་ར་ཉྩ, ཝ་ཙ་ཏྟཾ ལ་སུ་ཎཾ ཝ་ཙཱ;
ཨུ་སཱི་རཾ བྷ་དྡ་མུ་ཏྟ་ཉྩཱ་ཏི་ཝི་སཱ ཀ་ཊུ་རོ་ཧི་ཎཱི;
པ་ཉྩ་མཱུ་ལཱ་དི་ཀ་ཉྩཱ་པི, མཱུ་ལཾ ཏཾ ཡཱ་ཝ་ཛཱི་ཝི་ཀཾ.
༩༣. བི་ལ༹་ངྒཾ མ་རི་ཙཾ གོ་ཊྛ-ཕ་ལཾ པི་པྥ་ལི རཱ་ཛི་ཀཱ;
ཏི་ཕ་ལེ་ར་ཎྜ་ཀཱ་དཱི་ནཾ, ཕ་ལཾ ཏཾ ཡཱ་ཝ་ཛཱི་ཝི་ཀཾ.
༩༤. ཀ་པྤཱ་ས་ནི་མྦ་ཀུ་ཊ་ཛ་པ་ཊོ་ལ་སུ་ལ་སཱ་དི་ནཾ;
སཱུ་པེ་ཡྻ་པ་ཎྞཾ ཝ་ཛྫེ་ཏྭཱ, པ་ཎྞཾ ཏཾ ཡཱ་ཝ་ཛཱི་ཝི་ཀཾ.
༩༥. ཋ་པེ་ཏྭཱ ཨུ་ཙྪུ་ནི་ཡྻཱ་སཾ,
ས་ར་སཾ ཨུ་ཙྪུ་ཛཾ ཏ་ཙཾ;
ནི་ཡྻཱ་སོ ཙ ཏ་ཙོ ས་བྦོ,
ལོ་ཎཾ ལོ་ཧཾ སི་ལཱ ཏ་ཐཱ.
༩༦. སུ་དྡྷ་སི་ཏྠ་ཉྩ སེ་ཝཱ་ལོ, ཡ་ཉྩ ཀི་ཉྩི སུ་ཛྷཱ་པི་ཏཾ;
ཝི་ཀ་ཊཱ་དི་པྤ་བྷེ་ད་ཉྩ, ཉཱ་ཏ་བྦཾ ཡཱ་ཝ་ཛཱི་ཝི་ཀཾ.
༩༧. མཱུ་ལཾ སཱ་རཾ ཏ་ཙོ ཕེ་གྒུ, པ་ཎྞཾ པུ་པྥཾ ཕ་ལཾ ལ་ཏཱ;
ཨཱ་ཧཱ་ར་ཏྠ མ་སཱ་དྷེ་ནྟཾ, ས་བྦཾ ཏཾ ཡཱ་ཝ་ཛཱི་ཝི་ཀཾ.
༩༨. ས་བྦ་ཀཱ་ལི་ཀ་ས་མྦྷོ་གོ, ཀཱ་ལེ ས་བྦ་སྶ ཀ་པྤ་ཏི;
ས་ཏི པ་ཙྩ་ཡེ ཝི་ཀཱ་ལེ, ཀ་པྤ་ཏེ ཀཱ་ལི་ཀ་ཏྟ་ཡཾ.
༩༩. ཀཱ་ལ་ཡཱ་མ་མ་ཏི་ཀྐ་ནྟཱ, པཱ་ཙི་ཏྟིཾ ཛ་ན་ཡ་ནྟུ་བྷོ;
ཛ་ན་ཡ་ནྟི ཨུ་བྷོ་པེ་ཏེ, ཨ་ནྟོ་ཝུ་ཏྠ་ཉྩ ས་ནྣི་དྷིཾ.
༡༠༠. ས་ཏྟཱ་ཧ་ཀཱ་ལི་ཀེ ས་ཏྟ, ཨ་ཧཱ་ནི ཨ་ཏི་ནཱ་མི་ཏེ;
པཱ་ཙི་ཏྟི པཱ་ལི༹་ནཱ་རུ་ལ༹ྷེ, ས་པྤི་ཨཱ་དི་མྷི དུ་ཀྐ་ཊཾ.
༡༠༡. ནི་སྶ་ཊྛ་ལ་དྡྷཾ མ་ཀྑེ་ཡྻ, ན་ངྒཾ ན་ཛ྄ཛྷོ་ཧ་རེ་ཡྻ ཙ;
ཝི་ཀ་པྤེ་ནྟ་སྶ ས་ཏྟཱ་ཧེ, སཱ་མ་ཎེ་ར་སྶ་དྷི་ཊྛ་ཏོ;
མ་ཀྑ་ནཱ་དི་ཉྩ ནཱ་པ་ཏྟི, ཨ་ཉྙ་སྶ ད་ད་ཏོ་པི ཙ.
༡༠༢. ཡཱ་ཝ་ཀཱ་ལི་ཀ་ཨཱ་དཱི་ནི, སཾ་ས་ཊྛཱ་ནི ས་ཧ་ཏྟ་ནཱ;
གཱ་ཧཱ་པ་ཡ་ནྟི ས་བྦྷཱ་ཝཾ, ཏ་སྨཱ ཨེ་ཝ་མུ་དཱི་རི་ཏཾ.
༡༠༣. པུ་རེ པ་ཊི་གྒ་ཧི་ཏ་ཉྩ, ས་ཏྟཱ་ཧཾ ཡཱ་ཝ་ཛཱི་ཝི་ཀཾ;
སེ་ས་ཀཱ་ལི་ཀ་ས་མྨི་སྶཾ, པཱ་ཙི་ཏྟི པ་རི་བྷུ་ཉྫ་ཏོ.
༡༠༤. ཡཱ་ཝ་ཀཱ་ལི་ཀ་ས་མྨི་སྶཾ, ཨི་ཏ་རཾ ཀཱ་ལི་ཀ་ཏྟ་ཡཾ;
པ་ཊི་གྒ་ཧི་ཏཾ ཏ་ད་ཧུ, ཏ་ད་ཧེ་ཝ ཙ བྷུ་ཉྫ་ཡེ.
༡༠༥. ཡཱ་མ་ཀཱ་ལི་ཀ་ས་མྨི་སྶཾ, སེ་ས་མེ་ཝཾ ཝི་ཛཱ་ནི་ཡཾ;
ས་ཏྟཱ་ཧ་ཀཱ་ལི་ཀ་མི་སྶ་ཉྩ, ས་ཏྟཱ་ཧཾ ཀ་པྤ་ཏེ་ཏ་ར་ནྟི.