ཁུ་དྡ་སི་ཀྑཱ
ག་ནྠཱ་ར་མྦྷ་ཀ་ཐཱ
(ཀ)
ཨཱ་དི་ཏོ ཨུ་པ་ས་མྤ་ནྣ-སི་ཀྑི་ཏ་བྦཾ ས་མཱ་ཏི་ཀཾ;
ཁུ་དྡ་སི་ཀྑཾ པ་ཝ་ཀྑཱ་མི, ཝ་ནྡི་ཏྭཱ ར་ཏ་ན་ཏྟ་ཡཾ.
ཏ་ཏྲཱ་ཡཾ མཱ་ཏི་ཀཱ –
(ཁ)
པཱ་རཱ་ཛི་ཀཱ ཙ ཙ་ཏྟཱ་རོ, ག་རུ་ཀཱ ན་ཝ ཙཱི་ཝ་རཾ;
ར་ཛ་ནཱ་ནི ཙ པ་ཏྟོ ཙ, ཐཱ་ལ་ཀཱ ཙ པ་ཝཱ་ར་ཎཱ.
(ག)
ཀཱ་ལི་ཀཱ ཙ པ་ཊི་གྒཱ་ཧོ, མཾ་སེ་སུ ཙ ཨ་ཀ་པྤི་ཡཾ;
ནི་སྶ་གྒི་ཡཱ་ནི པཱ་ཙི་ཏྟི, ས་མ་ཎ་ཀ་པྤ བྷཱུ་མི་ཡོ.
(གྷ)
ཨུ་པ་ཛ྄ཛྷཱ་ཙ་རི་ཡ་ཝ་ཏྟཱ་ནི, ཝ་ཙྩ་པྤ་སྶཱ་ཝ་ཋཱ་ནི་ཀཾ;
ཨཱ་པུ་ཙྪ་ཀ་ར་ཎཾ ན་གྒོ, ནྷཱ་ན་ཀ་པྤོ ཨ་ཝ་ནྡི་ཡོ.
(ང)
ཙ་མྨཾ ཨུ་པཱ་ཧ་ནཱ ཙེ་ཝ, ཨ་ནོ་ལོ་ཀི་ཡ་མ་ཉྫ་ནཱི;
ཨ་ཀ་པྤི་ཡ་ས་ཡ་ནཱ་ནི, ས་མཱ་ནཱ་ས་ནི་ཀོ་པི ཙ.
(ཙ)
ཨ་སཾ་ཝཱ་སི་ཀོ ཙ ཀ་མྨཾ, མི་ཙྪཱ་ཛཱི་ཝ་ཝི་ཝ་ཛྫ་ནཱ;
ཝ་ཏྟཾ ཝི་ཀ་པྤ་ནཱ ཙེ་ཝ, ནི་སྶ་ཡོ ཀཱ་ཡ་བ་ནྡྷ་ནཾ.
(ཚ)
པ་ཐ་ཝཱི ཙ པ་རི་ཀྑཱ་རོ, བྷེ་ས་ཛྫུ་གྒ་ཧ་དཱུ་ས་ནཾ;
ཝ་སྶཱུ་པ་ནཱ་ཡི་ཀཱ ཙེ་ཝཱ་ཝེ་བྷ་ངྒི་ཡཾ པ་ཀི་ཎྞ་ཀཾ.
(ཛ)
དེ་ས་ནཱ ཚ་ནྡ་དཱ་ནཱ་དི, ཨུ་པོ་ས་ཐ་པྤ་ཝཱ་ར་ཎཱ;
སཾ་ཝ་རོ སུ་དྡྷི ས་ནྟོ་སོ, ཙ་ཏུ་ར་ཀྑཱ ཝི་པ་སྶ་ནཱ་ཏི.
༡. པཱ་རཱ་ཛི་ཀ་ནི་དྡེ་སོ
པཱ་རཱ་ཛི་ཀཱ ཙ ཙ་ཏྟཱ་རོཏི –
༡. མ་གྒ་ཏྟ་ཡེ ཨ་ནི་ཀྑི་ཏྟ་སི་ཀྑོ ས་ནྠ་ཏ་ས་ནྠ་ཏེ;
ཨ་ལློ་ཀཱ་སེ ནི་མི་ཏྟཾ སཾ, ཏི་ལ་མ་ཏྟ་མྤི ས་ནྠ་ཏཾ.
༢. ཨ་ས་ནྠ་ཏ་མུ་པཱ་དི་ཎྞཾ, པ་ཝེ་ས་ནྟོ ཙུ་ཏོ་ཐ ཝཱ;
པ་ཝེ་ས་ན་ཊྛི་ཏུ་དྡྷཱ་ར་པ་ཝི་ཊྛ་ཀྑ་ཎ་སཱ་ད་ཀོ.
༣. ཨཱ་དི་ཡེ་ཡྻ ཧ་རེ་ཡྻཱ་ཝ་ཧ་རེ་ཡྻ ཨི་རི་ཡཱ་པ་ཐཾ;
ཀོ་པེ་ཡྻ ཋཱ་ནཱ ཙཱ་ཝེ་ཡྻ, ས་ངྐེ་ཏཾ ཝཱི་ཏི་ནཱ་མ་ཡེ.
༤. ཨ་དི་ནྣཾ ཐེ་ཡྻ་ཙི་ཏྟེ་ན, བྷ་ཝེ པཱ་རཱ་ཛི་ཀོ་ཐ ཝཱ;
ཐེ་ཡྻཱ་བ་ལ་ཀུ་ས་ཙྪ་ནྣ་པ་རི་ཀ་པྤཱ་ཝ་ཧཱ་ར་ཀོ;
བྷ་ཎྜ་ཀཱ་ལ་གྒྷ་དེ་སེ་ཧི, པ་རི་བྷོ་གེ་ཏྠ ནི་ཙྪ་ཡོ.
༥. མ་ནུ་སྶ་ཝི་གྒ་ཧཾ ཙི་ཙྩ, ཛཱི་ཝི་ཏཱ ཝཱ ཝི་ཡོ་ཛ་ཡེ;
ས་ཏྠ་ཧཱ་ར་ཀཾ ཝཱ་སྶ མ་ར་ཎ་ཙེ་ཏ་ནོ ཨུ་པ་ནི་ཀྑི་པེ.
༦. གཱ་ཧེ་ཡྻ མ་ར་ཎཱུ་པཱ་ཡཾ, ཝ་དེ་ཡྻ མ་ར་ཎེ གུ་ཎཾ;
ཙུ་ཏོ པ་ཡོ་གཱ སཱ་ཧ་ཏྠི་ནི་སྶ་གྒཱ་ཎ་ཏྟི་ཐཱ་ཝ་རཱ.
༧. ཨི་དྡྷི་ཝི་ཛྫཱ་མ་ཡཱ ཀཱ་ལ་ཝ་ཏྠཱ་ཝུ་དྷི་རི་ཡཱ་པ་ཐཱ;
ཀྲི་ཡཱ་ཝི་སེ་སོ ཨོ་ཀཱ་སོ, ཚ ཨཱ་ཎ་ཏྟི་ནི་ཡཱ་མ་ཀཱ.
༨. ཛྷཱ་ནཱ་དི་བྷེ་ད ནོ་ས་ནྟ་མ་ཏྟ་ན་ཏྟུ་པ་ནཱ་ཡི་ཀཾ;
ཀ་ཏྭཱ ཀོ་ཊྛཱ་ས་མེ་ཀེ་ཀཾ, པ་ཙྩུ་པྤ་ནྣ་བྷ་ཝ་སྶི་ཏཾ.
༩. ཨ་ཉྙཱ་པ་དེ་ས་ར་ཧི་ཏཾ, དཱི་པེ་ནྟོ་ན་དྷི་མཱ་ནི་ཀོ;
ཀཱ་ཡེ་ན ཝཱ་ཙཱ ཝི་ཉྙ་ཏྟི-པ་ཐེ ཉཱ་ཏེ ཙུ་ཏོ བྷ་ཝེ.
༡༠. པཱ་རཱ་ཛི་ཀེ་ཏེ ཙ་ཏྟཱ་རོ, ཨ་སཾ་ཝཱ་སཱ ཡ་ཐཱ པུ་རེ;
ཨ་བྷ་བྦཱ བྷི་ཀྑུ་བྷཱ་ཝཱ་ཡ, སཱི་ས་ཙྪི་ནྣོ་ཝ ཛཱི་ཝི་ཏུཾ.
༡༡. པ་རི་ཡཱ་ཡོ ཙ ཨཱ་ཎ་ཏྟི, ཏ་ཏི་ཡེ དུ་ཏི་ཡེ པ་ན;
ཨཱ་ཎ་ཏྟི་ཡེ་ཝ སེ་སེ་སུ, དྭ་ཡ་མེ་ཏཾ ན ལ་བྦྷ་ཏི.
༡༢. སེ་ཝེ་ཏུ་ཀཱ་མ་ཏཱ་ཙི་ཏྟཾ, མ་གྒེ མ་གྒ་པྤ་ཝེ་ས་ནཾ;
ཨི་མཾ མེ་ཐུ་ན་དྷ་མྨ་སྶ, ཨཱ་ཧུ ཨ་ངྒ་དྭ་ཡཾ བུ་དྷཱ.
༡༣. མ་ནུ་སྶ་སཾ ཏ་ཐཱ་ས་ཉྙཱི, ཐེ་ཡྻ་ཙི་ཏྟ་ཉྩ ཝ་ཏྠུ་ནོ;
ག་རུ་ཏཱ ཨ་ཝ་ཧཱ་རོ ཙ, ཨ་དི་ནྣཱ་དཱ་ན་ཧེ་ཏུ་ཡོ.
༡༤. པཱ་ཎོ མཱ་ནུ་སྶ་ཀོ པཱ་ཎ-ས་ཉྙི་ཏཱ གྷཱ་ཏ་ཙེ་ཏ་ནཱ;
པ་ཡོ་གོ ཏེ་ན མ་ར་ཎཾ, པ་ཉྩེ་ཏེ ཝ་དྷ་ཧེ་ཏུ་ཡོ.
༡༥. ཨ་ས་ནྟ་ཏཱ ཨ་ཏྟ་ནི པཱ་པ་མི་ཙྪ་ཏཱ-
ཡཱ་རོ་ཙ་ནཱ ཏ་སྶ མ་ནུ་སྶ་ཛཱ་ཏི་ཏཱ;
ནཱ་ཉྙཱ་པ་དེ་སོ ཙ ཏ་དེ་ཝ ཛཱ་ན་ནཾ,
པ་ཉྩེ་ཏྠ ཨ་ངྒཱ་ནི ཨ་ས་ནྟ་དཱི་པ་ནེ.
༡༦. ཨ་སཱ་དྷཱ་ར་ཎཱ ཙ་ཏྟཱ་རོ, བྷི་ཀྑུ་ནཱི་ན་མ་བྷ་བྦ་ཀཱ;
ཨེ་ཀཱ་ད་ས ཙ ཝི་བྦྷ་ནྟཱ, བྷི་ཀྑུ་ནཱི མུ་དུ་པི་ཊྛི་ཀོ.
༡༧. ལ་མྦཱི མུ་ཁེ་ན ག་ཎྷ་ནྟོ, ཨ་ངྒ་ཛཱ་ཏཾ པ་ར་སྶ ཙ;
ཏ་ཏྠེ་ཝཱ་བྷི་ནི་སཱི་ད་ནྟོ, ཙ་ཏྟཱ་རོ ཨ་ནུ་ལོ་མི་ཀཱ.
༡༨. མ་གྒེ མ་གྒ་པྤ་ཝེ་ས་ནཱ, མེ་ཐུ་ན་སྶ ཨི་དྷཱ་ག་ཏཱ;
ཙ་ཏྟཱ་རོ་ཏི ཙ་ཏུ་བྦཱི་ས, ས་མོ་དྷཱ་ནཱ པ་རཱ་ཛི་ཀཱ་ཏི.
༢. ས་ངྒྷཱ་དི་སེ་ས་ནི་དྡེ་སོ
ག་རུ་ཀཱ ན་ཝཱཏི –
༡༩. མོ་ཙེ་ཏུ་ཀཱ་མ་ཏཱ སུ་ཀྐ-སྶུ་པ་ཀྐ་མྨ ཝི་མོ་ཙ་ཡཾ;
ཨ་ཉྙ་ཏྲ སུ་པི་ན་ནྟེ་ན, ས་མ་ཎོ ག་རུ་ཀཾ ཕུ་སེ.
༢༠. ཨི་ཏྠི་ས་ཉྙཱི མ་ནུ་སྶི་ཏྠིཾ, ཀཱ་ཡ་སཾ་ས་གྒ་རཱ་ག་ཝཱ;
ས་མྥུ་ས་ནྟོ ཨུ་པ་ཀྐ་མྨ, ས་མ་ཎོ ག་རུ་ཀཾ ཕུ་སེ.
༢༡. ཏ་ཐཱ སུ་ཎ་ནྟིཾ ཝི་ཉྙུ་ཉྩ, མ་གྒཾ ཝཱ་ར་བྦྷ མེ་ཐུ་ནཾ;
དུ་ཊྛུ་ལླ་ཝཱ་ཙཱ་རཱ་གེ་ན, ཨོ་བྷཱ་སེ་ཏྭཱ ག་རུཾ ཕུ་སེ.
༢༢. ཝ་ཏྭཱ་ཏྟ་ཀཱ་མུ་པ་ཊྛཱ་ན-ཝ་ཎྞཾ མེ་ཐུ་ན་རཱ་གི་ནོ;
ཝཱ་ཙཱ མེ་ཐུ་ན་ཡུ་ཏྟེ་ན, ག་རུཾ མེ་ཐུ་ན་ཡཱ་ཙ་ནེ.
༢༣. པ་ཊི་གྒ་ཧེ་ཏྭཱ ས་ནྡེ་སཾ, ཨི་ཏྠི་ཡཱ པུ་རི་ས་སྶ ཝཱ;
ཝཱི་མཾ་སི་ཏྭཱ ཧ་རཾ པ་ཙྩཱ, ས་མ་ཎོ ག་རུ་ཀཾ ཕུ་སེ.
༢༤. སཾ་ཡཱ་ཙི་ཏ་པ་རི་ཀྑཱ་རཾ, ཀ་ཏྭཱ་དེ་སི་ཏ་ཝ་ཏྠུ་ཀཾ;
ཀུ་ཊིཾ པ་མཱ་ཎཱ་ཏི་ཀྐ་ནྟཾ, ཨ་ཏྟུ་དྡེ་སཾ ག་རུཾ ཕུ་སེ.
༢༥. མ་ཧ་ལླ་ཀཾ ཝི་ཧཱ་རཾ ཝཱ, ཀ་ཏྭཱ་དེ་སི་ཏ་ཝ་ཏྠུ་ཀཾ;
ཨ་ཏྟ་ནོ ཝ་ས་ན་ཏྠཱ་ཡ, ས་མ་ཎོ ག་རུ་ཀཾ ཕུ་སེ.
༢༦. ཨ་མཱུ་ལ་ཀེ་ན ཙོ་དེ་ནྟོ, ཙོ་དཱ་པེ་ནྟོ་ཝ ཝ་ཏྠུ་ནཱ;
ཨ་ནྟི་མེ་ན ཙ ཙཱ་ཝེ་ཏུཾ, སུ་ཎ་མཱ་ནཾ ག་རུཾ ཕུ་སེ.
༢༧. ཨ་ཉྙ་སྶ ཀི་རི་ཡཾ དི་སྭཱ, ཏེ་ན ལེ་སེ་ན ཙོ་ད་ཡཾ;
ཝ་ཏྠུ་ནཱ ཨ་ནྟི་མེ་ནཱ་ཉྙཾ, ཙཱ་ཝེ་ཏུཾ ག་རུ་ཀཾ ཕུ་སེ.
༢༨. ཚཱ་དེ་ཏི ཛཱ་ན་མཱ་པ་ནྣཾ, པ་རི་ཝ་སེ་ཡྻ ཏཱ་ཝ་ཏཱ;
ཙ་རེ་ཡྻ ས་ངྒྷེ མཱ་ན་ཏྟཾ, པ་རི་ཝུ་ཏྠོ ཚ ར་ཏྟི་ཡོ.
ཙི་ཎྞ་མཱ་ན་ཏྟ་མ་བྦྷེ་ཡྻ, ཏཾ ས་ངྒྷོ ཝཱི་ས་ཏཱི་ག་ཎོ.
༢༩. ཨཱ་པ་ཏྟི་ནུ་ཀྑི་ཏྟ་མ་ན་ནྟ་རཱ་ཡ
པ་ཧུ་ཏྟ་ཏཱ་ཡོ ཏ་ཐ་ས་ཉྙི་ཏཱ ཙ;
ཚཱ་དེ་ཏུ་ཀཱ་མོ ཨ་ཐ ཚཱ་ད་ནཱ་ཏི,
ཚ་ནྣཱ ད་ས་ངྒེ་ཧྱ་རུ་ཎུ་གྒ་མ་མྷཱི་ཏི.
༣. ཙཱི་ཝ་ར་ནི་དྡེ་སོ
ཙཱི་ཝ་རནྟི –
༣༠. ཁོ་མ་ཀོ་སེ་ཡྻ་ཀ་པྤཱ་ས-སཱ་ཎ་བྷ་ངྒཱ་ནི ཀ་མྦ་ལཾ;
ཀ་པྤི་ཡཱ་ནི ཚ་ལེ༹་ཏཱ་ནི, སཱ་ནུ་ལོ་མཱ་ནི ཛཱ་ཏི་ཏོ.
༣༡. དུ་ཀཱུ་ལ་ཉྩེ་ཝ པ་ཊྚུ་ཎྞ-པ་ཊཾ སོ་མཱ་ར་ཙཱི་ན་ཛཾ;
ཨི་དྡྷི་ཛཾ དེ་ཝ་དི་ནྣ་ཉྩ, ཏ་སྶ ཏ་སྶཱ་ནུ་ལོ་མི་ཀཾ.
༣༢. ཏི་ཙཱི་ཝ་རཾ པ་རི་ཀྑཱ་ར-ཙོ་ལ༹ཾ ཝ་སྶི་ཀ་སཱ་ཊི་ཀཾ;
ཨ་དྷི་ཊྛེ ན ཝི་ཀ་པྤེ་ཡྻ, མུ་ཁ་པུ་ཉྪ་ན་ནི་སཱི་ད་ནཾ.
༣༣. པ་ཙྩ་ཏྠ་ར་ཎ་ཀཾ ཀ་ཎྜུ-ཙྪཱ་དི་མེ་ཏྠ ཏི་ཙཱི་ཝ་རཾ;
ན ཝ་སེ་ཡྻ ཝི་ནེ་ཀཱ་ཧཾ, ཙཱ་ཏུ་མཱ་སཾ ནི་སཱི་ད་ནཾ.
༣༤. ‘‘ཨི་མཾ ས་ངྒྷཱ་ཊིཾ་དྷི་ཊྛཱ་མི’’, ས་ངྒྷཱ་ཊི་མི་ཙྩ་དྷི་ཊྛ་ཡེ;
ཨ་ཧ་ཏྠ་པཱ་ས་མེ་ཏ་ནྟི, སེ་སེ་སུ་པི ཨ་ཡཾ ན་ཡོ.
༣༥. ཨ་དྷི་ཊྛ་ཧ་ནྟོ ས་ངྒྷཱ་ཊི-པྤ་བྷུ་ཏིཾ པུ་བྦ་ཙཱི་ཝ་རཾ;
པ་ཙྩུ་དྡྷ་རི་ཏྭཱ་དྷི་ཊྛེ་ཡྻ, པ་ཏྟཱ་དྷི་ཊྛ་ཧ་ནེ ཏ་ཐཱ.
༣༦. ཨེ་ཏཾ ཨི་མཾ ཝ ས་ངྒྷཱ་ཊིཾ, སཾ་སེ པ་ཙྩུ་དྡྷ་རཱ་མི་ཏི;
ཨེ་ཝཾ ས་བྦཱ་ནི ནཱ་མེ་ན, ཝ་ཏྭཱ པ་ཙྩུ་དྡྷ་རེ ཝི་དཱུ.
༣༧. ས་ངྒྷཱ་ཊི པ་ཙྪི་མ་ནྟེ་ན, དཱི་གྷ་སོ མུ་ཊྛི་པ་ཉྩ་ཀོ;
ཨུ་ཏྟ་མ་ནྟེ་ན སུ་ག་ཏ-ཙཱི་ཝ་རཱུ་ནཱ་པི ཝ་ཊྚ་ཏི.
༣༨. མུ་ཊྛི་ཏྟི་ཀ་ཉྩ ཏི་རི་ཡཾ, ཏ་ཐཱ ཨེ་ཀཾ་སི་ཀ་སྶ་པི;
ཨ་ནྟ་ར་ཝཱ་ས་ཀོ ཙཱ་པི, དཱི་གྷ་སོ མུ་ཊྛི་པ་ཉྩ་ཀོ;
ཨ་ཌྜྷ་ཏེ་ཡྻོ དྭི་ཧ་ཏྠོ ཝཱ, ཏི་རི་ཡ་ནྟེ་ན ཝ་ཊྚ་ཏི.
༣༩. ནི་སཱི་ད་ན་སྶ དཱི་གྷེ་ན, ཝི་ད་ཏྠི དྭེ ཝི་སཱ་ལ་ཏོ;
དི་ཡ་ཌྜྷཾ ད་སཱ ཝི་ད་ཏྠི, སུ་ག་ཏ་སྶ ཝི་ད་ཏྠི་ཡཱ.
༤༠. ཀ་ཎྜུ་པྤ་ཊི་ཙྪཱ་དི་ཀ་སྶ, ཏི་རི་ཡཾ དྭེ ཝི་ད་ཏྠི་ཡོ;
དཱི་གྷ་ནྟ་ཏོ ཙ་ཏ་སྶོ་ཝ, སུ་ག་ཏ་སྶ ཝི་ད་ཏྠི་ཡཱ.
༤༡. ཝ་སྶི་ཀ་སཱ་ཊི་ཀཱ་ཡཱ་པི, དཱི་གྷ་སོ ཚ ཝི་ད་ཏྠི་ཡོ;
ཏི་རི་ཡཾ ཨ་ཌྜྷ་ཏེ་ཡྻཱ་ཝ, སུ་ག་ཏ་སྶ ཝི་ད་ཏྠི་ཡཱ.
༤༢. ཨེ་ཏྠ ཚེ་ད་ན་པཱ་ཙི་ཏྟི, ཀ་རོ་ནྟ་སྶ ཏ་དུ་ཏྟ་རི;
པ་ཙྩ་ཏྠ་ར་ཎ མུ་ཁ་ཙོ་ལཱ༹, ཨཱ་ཀ་ངྑི་ཏ་པྤ་མཱ་ཎི་ཀཱ.
༤༣. པ་རི་ཀྑཱ་ར་ཙོ་ལེ༹ ག་ཎ་ནཱ, པ་མཱ་ཎཾ ཝཱ ན དཱི་པི་ཏཾ;
ཏ་ཐཱ ཝ་ཏྭཱ ཨ་དྷི་ཊྛེ་ཡྻ, ཐ་ཝི་ཀཱ་དིཾ ཝི་ཀ་པྤི་ཡཾ.
༤༤. ཨ་ཧ་ཏཱ་ཧ་ཏ་ཀ་པྤཱ་ནཾ, ས་ངྒྷཱ་ཊི དི་གུ་ཎཱ སི་ཡཱ;
ཨེ་ཀ་ཙྩི་ཡོ་ཏྟ་རཱ་ས་ངྒོ, ཏ་ཐཱ ཨ་ནྟ་ར་ཝཱ་ས་ཀོ.
༤༥. ཨུ་ཏུ་དྡྷ་ཊཱ་ན དུ་སྶཱ་ནཾ, ས་ངྒྷཱ་ཊི ཙ ཙ་ཏུ་གྒུ་ཎཱ;
བྷ་ཝེ་ཡྻུཾ དི་གུ་ཎཱ སེ་སཱ, པཾ་སུ་ཀཱུ་ལེ ཡ་ཐཱ་རུ་ཙི.
༤༦. ཏཱི་སུ དྭེ ཝཱ་པི ཨེ་ཀཾ ཝཱ, ཚི་ནྡི་ཏ་བྦཾ པ་ཧོ་ཏི ཡཾ;
ས་བྦེ་སུ ཨ་པྤ་ཧོ་ནྟེ་སུ, ཨ་ནྭཱ་དྷི་མཱ་དི་ཡེ་ཡྻ ཝཱ;
ཨ་ཙྪི་ནྣ་ཉྩ ཨ་ནཱ་དི་ཎྞཾ, ན དྷཱ་རེ་ཡྻ ཏི་ཙཱི་ཝ་རཾ.
༤༧. གཱ་མེ ནི་ཝེ་ས་ནེ ཨུ་དྡོ-སི་ཏ་པཱ་སཱ་ད་ཧ་མྨི་ཡེ;
ནཱ་ཝཱ་ཊྚ་མཱ་ལ༹་ཨཱ་རཱ་མེ, ས་ཏྠ་ཁེ་ཏྟ་ཁ་ལེ དུ་མེ.
༤༨. ཨ་ཛ྄ཛྷོ་ཀཱ་སེ ཝི་ཧཱ་རེ ཝཱ, ནི་ཀྑི་པི་ཏྭཱ ཏི་ཙཱི་ཝ་རཾ;
བྷི་ཀྑུ་ས་མྨུ་ཏི་ཡཱ་ཉྙ་ཏྲ, ཝི་པྤ་ཝ་ཏྠུཾ ན ཝ་ཊྚ་ཏི.
༤༩. རོ་ག་ཝ་སྶཱ་ན་པ་རི་ཡ་ནྟཱ, ཀ་ཎྜུ་ཙྪཱ་དི་ཀ་སཱ་ཊི་ཀཱ;
ཏ་ཏོ པ་རཾ ཝི་ཀ་པྤེ་ཡྻ, སེ་སཱ ཨ་པ་རི་ཡ་ནྟི་ཀཱ.
༥༠. པ་ཙྩ་ཏྠ་ར་ཎ པ་རི་ཀྑཱ་ར-མུ་ཁ་པུ་ཉྪ་ན་ཙོ་ལ༹་ཀཾ;
ད་སཾ པྱ་ར་ཏྟ་ནཱ་དི་ཎྞ་ཀ་པྤཾ ལ་བྦྷཾ ནི་སཱི་ད་ནཾ.
༥༡. ཨ་ད་སཾ ར་ཛི་ཏཾ་ཡེ་ཝ, སེ་ས་ཙཱི་ཝ་ར་པ་ཉྩ་ཀཾ;
ཀ་པྤ་ཏཱ་དི་ཎྞ་ཀ་པྤཾ་ཝ, ས་ད་སཾ་ཝ ནི་སཱི་ད་ནཾ.
༥༢. ཨ་ན་དྷི་ཊྛི་ཏ་ནི་སྶ་ཊྛཾ, ཀ་པྤེ་ཏྭཱ པ་རི་བྷུ་ཉྫ་ཡེ;
ཧ་ཏྠ་དཱི་གྷཾ ཏ་ཏོ་པ་ཌྜྷ-ཝི་ཏྠཱ་ར་ཉྩ ཝི་ཀ་པྤི་ཡཾ.
༥༣. ཏི་ཙཱི་ཝ་ར་སྶ བྷི་ཀྑུ་སྶ, ས་བྦ་མེ་ཏཾ པ་ཀཱ་སི་ཏཾ;
པ་རི་ཀྑཱ་ར་ཙོ་ལི༹་ཡོ ས་བྦཾ, ཏ་ཐཱ ཝ་ཏྭཱ ཨ་དྷི་ཊྛ་ཏི.
༥༤. ཨ་ཙྪེ་ད་ཝི་སྶ་ཛྫ་ན་གཱ་ཧ་ཝི་བྦྷ་མཱ,
པ་ཙྩུ་དྡྷ་རོ མཱ་ར་ཎ་ལི་ངྒ་སི་ཀྑཱ;
ས་བྦེ་སྭ་དྷི་ཊྛཱ་ན་ཝི་ཡོ་ག་ཀཱ་ར་ཎཱ,