༥༠. ཝི་པ་སྶ་ནཱ་ནི་དྡེ་སོ
ཝི་པ་སྶ་ནཱཏི –
༤༧༡. ནཱ་མ་རཱུ་པཾ པ་རི་གྒ་ཡ྄ཧ, ཏ་ཏོ ཏ་སྶ ཙ པ་ཙྩ་ཡཾ;
ཧུ་ཏྭཱ ཨ་བྷཱ་ཝ་ཏོནི་ཙྩཱ, ཨུ་ད་ཡ་བྦ་ཡ་པཱི་ལ༹་ནཱ.
༤༧༢. དུ་ཀྑཱ ཨ་ཝ་ས་ཝ་ཏྟི་ཏྟཱ, ཨ་ན་ཏྟཱཏི ཏི་ལ་ཀྑ་ཎཾ;
ཨཱ་རོ་པེ་ཏྭཱ་ན ས་ངྑཱ་རེ, ས་མྨ་ས་ནྟོ པུ་ན་པྤུ་ནཾ;
པཱ་པུ་ཎེ་ཡྻཱ་ནུ་པུ་བྦེ་ན, ས་བྦ་སཾ་ཡོ་ཛ་ན་ཀྑ་ཡ་ནྟི.
ནི་ག་མ་ན་ཀ་ཐཱ
༤༧༣. ཨ་དྷི་སཱི་ལཱ་དྷི་ཙི་ཏྟཱ་ནཾ, ཨ་དྷི་པ་ཉྙཱ་ཡ སི་ཀྑ་ནཱ;
བྷི་ཀྑུ་ཀི་ཙྩ་མ་ཏོ ཁུ་དྡ་སི་ཀྑཱ་ཡཾ ས་མུ་དཱ་ཧ་ཊཱ.
༤༧༤. མ་ཧ་ཏོ ཀི་ཏྟི་ས་དྡ་སྶ, ཡ་སྶ ལོ་ཀ་ཝི་ཙཱ་རི་ནོ;
པ་རི་སྶ་མོ ན ས་མྦྷོ་ཏི, མཱ་ལུ་ཏ་སྶེ་ཝ ནི་ཙྩ་སོ.
༤༧༥. ཏེ་ན དྷ་མྨ་སི་རཱི་ཀེ་ན, ཏ་མྦ་པ་ཎྞི་ཡ་ཀེ་ཏུ་ནཱ;
ཐེ་རེ་ན ར་ཙི་ཏཱ དྷ་མྨ་ཝི་ན་ཡ་ཉྙུ་པ་སཾ་སི་ཏཱ.
༤༧༦. ཨེ་ཏྟཱ་ཝ་ཏཱ་ཡཾ ནི་ཊྛཱ་ནཾ, ཁུ་དྡ་སི་ཀྑཱ ཨུ་པཱ་ག་ཏཱ;
པ་ཉྩ་མ་ཏྟེ་ཧི གཱ་ཐཱ་ནཾ, ས་ཏེ་ཧི པ་རི་མཱ་ཎ་ཏོ་ཏི.
ཁུ་དྡ་སི་ཀྑཱ ནི་ཊྛི་ཏཱ.
ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ