༤༩. ཙ་ཏུ་རཱ་ར་ཀྑ་ནི་དྡེ་སོ
ཙ་ཏུ་ར་ཀྑཱཏི –
༤༦༡. བུ་དྡྷཱ་ནུ་སྶ་ཏི མེ་ཏྟཱ ཙ, ཨ་སུ་བྷཾ མ་ར་ཎ་སྶ་ཏི;
ཨཱ་ར་ཀ་ཏྟཱ་དི་ནཱ་ར་ཧཾ, ས་མྨཱ སཱ་མ་ཉྩ བུ་དྡྷ་ཏོ.
༤༦༢. ས་མྨཱ་ས་མྦུ་དྡྷ་ཨི་ཏི ཝཱ་ནུ་སྶ་ཏི ཡཱ པུ་ན་པྤུ་ནཾ;
ན་ཝ་བྷེ་དེ བྷ་ག་ཝ་ཏོ, བུ་དྡྷཱ་ནུ་སྶ་ཏི སཱ གུ་ཎེ.
༤༦༣. སཱི་མ་ཊྛ་ས་ངྒྷེ སཱི་མ་ཊྛ་དེ་ཝ་ཏཱ་སུ ཙ ཨི་སྶ་རེ;
ཛ་ནེ གོ་ཙ་ར་གཱ་མ་མྷི, ཏ་ཏྠུ་པཱ་དཱ་ཡ མཱ་ནུ་སེ.
༤༦༤. ས་བྦ་ས་ཏྟེ་སུ སུ་ཁི་ཏཱ, ཧོ་ནྟཱ་ཝེ་རཱ་ཏི་ཨཱ་དི་ནཱ;
པ་རི་ཙྪི་ཛྫ པ་རི་ཙྪི་ཛྫ, བྷཱ་ཝ་ནཱ མེ་ཏྟ་བྷཱ་ཝ་ནཱ.
༤༦༥. ཝ་ཎྞ་ས་ཎྛཱ་ན་ཨོ་ཀཱ་ས-དི་ས་ཏོ པ་རི་ཙྪེ་ད་ཏོ;
ཝ་ཝ་ཏྠ་པེ་ཏྭཱ ཀེ་སཱ་དི-ཀོ་ཊྛཱ་སེ ཨ་ནུ་པུ་བྦ་ཏོ.
༤༦༦. ནཱ་ཏི་སཱི་གྷ་ཉྩ ས་ཎི་ཀཾ, ཝི་ཀྑེ་པཾ པ་ཊི་བཱ་ཧ་ཡཾ;
པ་ཎྞ་ཏྟིཾ ས་མ་ཏི་ཀྐ་མྨ, མུ་ཉྩ་ནྟ་སྶཱ་ནུ་པུ་བྦ་ཏོ.
༤༦༧. ཝ་ཎྞ་ཨཱ་ས་ཡ་ས་ཎྛཱ་ན-ག་ནྡྷོ་ཀཱ་སེ་ཧི བྷཱ་ཝ་ནཱ;
པ་ཊི་ཀྐཱུ་ལཱ་ཏི ཀོ་ཊྛཱ་སེ, ཨུ་དྡྷུ་མཱ་ཏཱ་དི་ཝ་ཏྠུ་སུ;
ག་ཧེ་ཏྭཱ ཨ་སུ་བྷཱ་ཀཱ་རཾ, པ་ཝ་ཏྟཱ བྷཱ་ཝ་ནཱ་སུ་བྷཾ.
༤༦༨. ‘‘མ་ར་ཎཾ མེ བྷ་ཝི་སྶ་ཏི, ཛཱི་ཝི་ཏཾ ཨུ་ཙྪི་ཛྫི་སྶ་ཏི;
མ་ར་ཎཾ མ་ར་ཎཾ ཝཱ’’ཏི, བྷཱ་ཝ་ཡི་ཏྭཱ་ན ཡོ་ནི་སོ.
༤༦༩. ཝ་དྷ་ཀ་སྶེ་ཝུ་པ་ཊྛཱ་ནཱ, ས་མྤ་ཏྟཱི་ནཾ ཝི་པ་ཏྟི་ཏོ;
ཨུ་པ་སཾ་ཧ་ར་ཏོ ཀཱ་ཡ་བ་ཧུ་སཱ་དྷཱ་ར་ཎཱ ཏ་ཐཱ.
༤༧༠. ཨཱ་ཡུ་དུ་བྦ་ལ་ཏོ ཀཱ་ལ་ཝ་ཝ་ཏྠཱ་ན་སྶ་བྷཱ་ཝ་ཏོ;
ཨ་དྡྷཱ་ན་སྶ པ་རི་ཙྪེ་དཱ, བྷཱ་ཝ་ནཱ མ་ར་ཎ་སྶ་ཏཱིཏི.