༤༡. པ་ཀི་ཎྞ་ཀ་ནི་དྡེ་སོ
པ་ཀི་ཎྞ་ཀནྟི –
༣༣༥. ས་དྭཱ་ར་བ་ནྡྷ་ནེ ཋཱ་ནེ, སོ་དུ་ཀྑ་ལ་ཀ་པཱ་ས་ཀེ;
ས་ཡ་ནྟེ་ན དི་ཝཱ དྭཱ་རཾ, བ་ནྡྷེ་ཡྻ པ་རི་ཝ་ཊྚ་ཀཾ.
༣༣༦. ས་ནྟེ ཝི་ཉྙུ་མྷི པུ་རི་སེ, ཨཱ་བྷོ་གོ ཙཱ་པི ཀ་པྤ་ཏི;
ས་ཝ་སེ ཏཾ ཝི་ནཱ་ཀཱ་རཾ, ས་ཡ་ནྟོ དུ་ཀྐ་ཊཾ ཕུ་སེ.
༣༣༧. ར་ཏ་ནཱ་ནི་ཏྠི་རཱུ་པཱ་ནི, དྷ་ཉྙ་མི་ཏྠི་པ་སཱ་དྷ་ནཾ;
ཏཱུ་རི་ཡཱ་ཝུ་དྷ་བྷ་ཎྜཱ་ནི, ཨཱ་མ་ས་ནྟ་སྶ དུ་ཀྐ་ཊཾ.
༣༣༨. སི་ཏྠ་ཏེ་ལོ་ད་ཏེ་ལེ་ཧི, ཕ་ཎ་ཧ་ཏྠ་ཕ་ཎེ་ཧི ཝཱ;
ཀོ་ཙྪེ་ན་ཝཱ་པི ཡོ ཀེ་སེ, ཨོ་ས་ཎྛེ་ཡྻ་སྶ དུ་ཀྐ་ཊཾ.
༣༣༩. ནེ་ཀ་པཱ་ཝུ་ར་ཎཱ ཨེ་ཀ་ཏྠ་ར་ཎཱ ཝཱ ཏུ་ཝ་ཊྚ་ཡུཾ;
ཏ་ཐེ་ཀ་མ་ཉྩེ བྷུ་ཉྫེ་ཡྻུཾ, ཨེ་ཀ་སྨིཾ ཝཱ་པི བྷཱ་ཛ་ནེ.
༣༤༠. ཙ་ཏུ་ར་ངྒུ་ལ་ཏོ ཨཱུ་ན་མ་དྷི་ཀ་ཊྛ་ངྒུ་ལཾ ཏ་ཐཱ;
ད་ནྟ་ཀ་ཊྛཾ ན ཁཱ་དེ་ཡྻ, ལ་སུ་ཎཾ ན ཨ་ཀ་ལླ་ཀོ.
༣༤༡. ཧཱི་ནུ་ཀྐ་ཊྛེ་ཧི ཨུ་ཀྐ་ཊྛཾ, ཧཱི་ནཾ ཝཱ ཛཱ་ཏི་ཨཱ་དི་ཧི;
ཨུ་ཛུཾ ཝཱ་ཉྙཱ་པ་དེ་སེ་ན, ཝ་དེ དུ་བྦྷཱ་སི་ཏཾ ད་ཝཱ.
༣༤༢. དཱི་གྷེ ན་ཁེ ཙ ཀེ་སེ ཙ, ནཱ་ས་ལོ་མེ ན དྷཱ་ར་ཡེ;
ན ལ་བྦྷཾ ཝཱི་ས་ཏི་མ་ཊྛཾ, ས་མྦཱ་དྷེ ལོ་མ་ཧཱ་ར་ཎཾ.
༣༤༣. ཡ་ཐཱ་ཝུ་ཌྜྷཾ ན བཱ་དྷེ་ཡྻ, ས་ངྒྷུ་དྡི་ཊྛཾ་ཝ ས་ངྒྷི་ཀཾ;
ཨ་དྷོ་ཏ་ཨ་ལླ་པཱ་དེ་ཧི, ན་ཀྐ་མེ ས་ཡ་ནཱ་ས་ནཾ;
སུ་དྷོ་ཏ་པཱ་ད་ཀཾ ཝཱ་པི, ཏ་ཐེ་ཝ ས་ཨུ་པཱ་ཧ་ནོ.
༣༤༤. ས་ངྒྷཱ་ཊི་ཡཱ ན པ་ལླ་ཏྠེ, བྷི་ཏྟཱ་དིཾ ན ཨ་པ་སྶ་ཡེ;
པ་རི་ཀ་མྨ་ཀ་ཏཾ ས་ནྟེ, ཨུ་ད་ཀེ ནོ ན ཨཱ་ཙ་མེ.
༣༤༥. ཨ་ཀ་པྤི་ཡ་ས་མཱ་དཱ་ནེ, ད་ཝཱ སི་ལཱ་པ་ཝི་ཛ྄ཛྷ་ནེ;
དེ་ས་ནཱ་ཡ ས་བྷཱ་གཱ་ཡ, ཨཱ་ཝི་ཀ་མྨེ ཙ དུ་ཀྐ་ཊཾ.
༣༤༦. པ་ཊི་སྶ་ཝ་ཝི་སཾ་ཝཱ་དེ, སུ་དྡྷ་ཙི་ཏྟ་སྶ དུ་ཀྐ་ཊཾ;
པ་ཊི་སྶ་ཝ་ཀྑ་ཎེ ཨེ་ཝ, པཱ་ཙི་ཏྟི ཨི་ཏ་ར་སྶ ཏུ.
༣༤༧. ན རུ་ཀྑ་མ་བྷི་རཱུ་ཧེ་ཡྻ, ས་ཏི ཀི་ཙྩེ་ཝ པོ་རི་སཾ;
ཨཱ་པ་དཱ་སུ ཡ་ཐཱ་ཀཱ་མཾ, ཀ་པྤ་ཏཱི ཨ་བྷི་རཱུ་ཧི་ཏུཾ.
༣༤༨. ཝི་ནཱ་དྡྷཱ་ནཾ ཝ་ཛ་ནྟ་སྶ, དུ་ཀྐ་ཊཾ པ་རི་སཱ་ཝ་ནཾ;
ཡཱ་ཙ་མཱ་ན་སྶ ཨ་དྡྷཱ་ནེ, ཨ་ད་ད་ནྟ་སྶ དུ་ཀྐ་ཊཾ.
༣༤༩. ཐུ་ལླ་ཙྩ་ཡཾ ཕུ་སེ ཨ་ངྒ་ཛཱ་ཏ་ཙྪེ་དེ་ན དུ་ཀྐ་ཊཾ;
ཨཱ་བཱ་དྷ་པྤ་ཙྩ་ཡཱ་ཉྙ་ཏྲ, སེ་ས་ངྒེ ཨ་ཏྟ་གྷཱ་ཏ་ནེ.
༣༥༠. ཙི་ཏྟ་པོ་ཏྠ་ཀ་རཱུ་པཱ་ནི, ན ཀ་རེ ན ཙ ཀཱ་ར་ཡེ;
ན ཝུ་ཊྛཱ་པེ་ཡྻ བྷུ་ཉྫ་ནྟཾ, ཨཱ་རཱ་མཱ་ར་ཉྙ་གེ་ཧ་སུ.
༣༥༡. ཡཱ་ནཱ་ནི པུ་མ་ཡུ་ཏྟཱ་ནི, སི་ཝི་ཀཾ ཧ་ཏྠ་ཝ་ཊྚ་ཀཾ;
པཱ་ཊ་ངྐི་ཉྩ གི་ལཱ་ན་སྶ, ཀ་པྤ་ཏཱི ཨ་བྷི་རཱུ་ཧི་ཏུཾ.
༣༥༢. བུ་དྡྷཾ དྷ་མྨ་ཉྩ ས་ངྒྷ་ཉྩ, ཨཱ་ར་བྦྷ ཀ་ར་ཎེ ད་ཝཾ;
དུ་ཀྐ་ཊཾ པ་རི་སཾ ཝཱ་པི, ཨ་ཉྙ་སྶ ཨུ་པ་ལཱ་ལ༹་ནེ.
༣༥༣. ཀཱ་ཡཾ ཨཱུ་རུཾ ནི་མི་ཏྟཾ ཝཱ, བྷི་ཀྑུ་ནཱི་ནཾ ན ད་སྶ་ཡེ;
ཝི་ཝ་རི་ཏྭཱ ན སི་ཉྩེ་ཡྻ, ཏཱ ཀ་དྡ་མུ་ད་ཀཱ་དི་ནཱ.
༣༥༤. ན ག་ཎྷ་ཏོ ཙ ཨོ་ཝཱ་དཾ, ན པ་ཙྩཱ་ཧ་ར་ཏོ་པི ཙ;
བཱ་ལཾ གི་ལཱ་ནཾ ག་མི་ཡཾ, ཝ་ཛྫ་ཡི་ཏྭཱ་ན དུ་ཀྐ་ཊཾ.
༣༥༥. ལོ་ཀཱ་ཡ་ཏཾ ན ཝཱ་ཙེ་ཡྻ, པ་ལི་ཏཾ ན ཙ གཱ་ཧ་ཡེ;
པེ་ལཱ༹་ཡ་པི ན བྷུ་ཉྫེ་ཡྻ, ན ཀཱི་ལེ༹ ཀི་ཉྩི ཀཱི་ལི༹་ཏཾ.
༣༥༦. པཱ་རུ་པེ ན ནི་ཝཱ་སེ་ཡྻ, གི་ཧི་པཱ་རུ་ཏ་ནི་ཝཱ་ས་ནཾ;
སཾ་ཝེ་ལླི་ཡཾ ནི་ཝཱ་སེ་ཡྻ, དཱ་ཡཾ ནཱ་ལི་མྤ་ཡེ་ཡྻ ཝཱ.
༣༥༧. ཝ་ཌྜྷིཾ པ་ཡོ་ཛ་ཡེ ཡཱ་ཙེ, ནོ་ཉྙཱ་ཏ་ཀ་པྤ་ཝཱ་རི་ཏེ;
ཨ་ཏྟ་ནོ པ་རི་བྷོ་ག་ཏྠཾ, དི་ནྣ་མ་ཉྙ་སྶ ནོ ད་དེ;
ཨ་གྒཾ ག་ཧེ་ཏྭཱ བྷུ་ཏྭཱ ཝཱ, ཀ་ཏི་པཱ་ཧཾ པུ་ནོ ད་དེ.
༣༥༨. ཨུ་དྡི་སྶ ཡཱ་ཙ་ནེ ར་ཀྑཾ, ཉ་ཏྭཱ་ཉ་ཏྭཱ ཝ ད་ཎྜི་ནཾ;
གཱི་ཝཱ་སྶ ད་ཎྜི་ཏེ ད་ཎྜོ, ས་ཡཾ ད་ཎྜཱ་པ་ནེ པ་ན;
ད་ཎྜ་སྶ ཨ་གྒྷ་བྷེ་དེ་ན, ཉེ་ཡྻཱ པཱ་རཱ་ཛི་ཀཱ་དི་ཀཱ.
༣༥༩. ཧ་ར་ནྟེ་སུ པ་རི་ཀྑཱ་རཾ, ‘‘ཙོ་རོ ཙོ་རོ’’ཏི བྷཱ་སི་ཏེ;
ཨ་ན་ཏྠཱ་ཡེ་སཾ ག་ཎྷ་ནྟེ, ད་ཎྜཾ གཱི་ཝཱ་སྶ ཏ་ཏྟ་ཀཾ.
༣༦༠. ཝི་གྷཱ་སུ་ཙྩཱ་ར་ས་ངྐཱ་ར-མུ་ཏྟཾ ཚ་ཌྜེ་ཡྻ དུ་ཀྐ་ཊཾ;
བ་ཧི པཱ་ཀཱ་ར་ཀུ་ཊྚཱ་ནཾ, ཝ་ལ༹་ཉྫེ ནཱ་ཝ་ལོ་ཀི་ཡ;
ཧ་རི་ཏེ ཝཱ་པི ཝཱི་ཧཱ་དི-ནཱ་ལི༹་ཀེ་རཱ་དི་རོ་པི་མེ.
༣༦༡. ཡོ་ཛཱ་པེ་ཏུཾ པ་ཡོ་ཛེ་ཏུཾ, པ་ཡུ་ཏྟཱ་ནི ཙ པ་སྶི་ཏུཾ;
ན ལ་བྦྷཾ དྷ་མྨ་ཡུ་ཏྟ་མྤི, ན་ཙྩཾ གཱི་ཏ་ཉྩ ཝཱ་དི་ཏཾ;
‘‘ཨུ་པ་ཧཱ་རཾ ཀ་རོ་མཱ’’ཏི, ཝུ་ཏྟེ ཝཱ ས་མྤ་ཊི་ཙྪི་ཏུཾ.
༣༦༢. རཱ་ཛཱ་གཱ་རཾ པོ་ཀྑ་ར་ཎིཾ, ཨུ་ཡྻཱ་ནཾ ཙི་ཏྟ་གཱ་ར་ཀཾ;
ཀཱི་ལ༹་ཏྠཾ ག་ཙྪ་ཏོ ད་ཊྛུཾ, ཨཱ་རཱ་མཾ དུ་ཀྐ་ཊཾ ཀ་ཏཾ.
༣༦༣. ན་ཝེ ན པ་ཊི་བཱ་ཧེ་ཡྻཱ-ས་ནེ་ནུ་ཎྷེ ན ཙཱི་ཝ་རཾ;
ནི་ད་ཧེ་ཡྻ ཁ་མཱ་པེ་ཡྻ, ག་རུ་ནཱ ཙ པ་ཎཱ་མི་ཏོ.
༣༦༤. ཨ་ཀྐོ་ས་ནེ པ་ར་མྨུ་ཁཱ, ཨཱ་པ་ཏྟཱི་ཧི ཙ ས་ཏྟ་ཧི;
བྷི་ཀྑུཾ ཨུ་པཱ་ས་ཀཾ ཝཱ་པི, ཨ་ཉྙེ་ནེ་ཝ ཙ དུ་ཀྐ་ཊཾ.
༣༦༥. ན ལ་བྦྷཾ ཝི་ནི་པཱ་ཏེ་ཏུཾ, ས་དྡྷཱ་དེ་ཡྻ་ཉྩ ཙཱི་ཝ་རཾ;
ལ་བྦྷཾ པི་ཏཱུ་ནཾ སེ་སཱ་ནཾ, ཉཱ་ཏཱི་ན་མྤི ན ལ་བྦྷ་ཏི.
༣༦༦. ཝ་སྶཾ་ཝུ་ཏྠོ་ཉྙ་ཏོ་ཉྙ་ཏྲ, བྷཱ་གཾ ག་ཎྷེ་ཡྻ དུ་ཀྐ་ཊཾ;
པ་ཊི་དེ་ཡྻ ན་ཊྛེ ཛི་ཎྞེ, གཱི་ཝཱ ནོ དེ་ཡྻ ཙོ་དི་ཏོ;
དྷུ་ར་ནི་ཀྑེ་པ་ཏོ ཏེ་སཾ, ཧོ་ཏི བྷ་ཎྜ་གྒྷ་ཀཱ་རི་ཡོ.
༣༦༧. ན ས་ནྟ་རུ་ཏྟ་རོ གཱ་མཾ, ཀ་ལློ ཝཱ ས་ཨུ་པཱ་ཧ་ནོ;
པ་ཝི་སེ་ཡྻ ན དྷཱ་རེ་ཡྻ, ཙཱ་མ་རཱི་མ་ཀ་ས་བཱི་ཛ་ནིཾ.
༣༦༨. ཨ་གི་ལཱ་ནོ ན ཚི་ནྡེ་ཡྻ, ཀེ་སེ ཀ་ཏྟ་རི་ཡཱ བ་ཧི;
ཨཱ་རཱ་མ་ཏོ ན དྷཱ་རེ་ཡྻ, ཚ་ཏྟཾ ལ་བྦྷ་ཏི གུ་ཏྟི་ཡཱ.
༣༦༩. གཱ་ཧེ་ཡྻ ནུ་བྷ་ཏོ་ཀཱ་ཛཾ, ཨེ་ཀ་ནྟ་རི་ཀ་ཀཱ་ཛ་ཀཾ;
སཱི་ས་ཀྑ་ནྡྷ་ཀ་ཊི་བྷཱ་རཱ, ཧ་ཏྠོ་ལ་མྦོ ཙ ལ་བྦྷ་ཏི.
༣༧༠. ཨཱ་པ་ཏྟི་ཡཱ ཨ་ནོ་ཀཱ་ས-ཀ་ཏཾ ཙོ་དེ་ཡྻ དུ་ཀྐ་ཊཾ;
སུ་དྡྷ་སྶ ཙ ཨ་ཝ་ཏྠུ་སྨིཾ, ཏ་ཐཱ ཨོ་ཀཱ་ས་ཀཱ་ར་ཎེ.
༣༧༡. ཨ་ཊྛ་ངྒུ་ལཱ་དྷི་ཀཾ མ་ཉྩ་པ་ཊི་པཱ་དཾ ན དྷཱ་ར་ཡེ;
པ་ཀ་ཏ་ངྒུ་ལེ་ན ས་ཏྟཱ་ནཾ, མ་ཉྩཾ ཝཱ ཨུ་ཙྩ་པཱ་ད་ཀཾ.
༣༧༢. མཱུ་ག་བྦ་ཏཱ་དིཾ ག་ཎྷེ་ཡྻ, དུ་ཀྐ་ཊཾ ཏི་ཏྠི་ཡ་བྦ་ཏཾ;
ཁུ་ར་བྷ་ཎྜཾ པ་རི་ཧ་རེ, ཏ་ཐཱ ནྷཱ་པི་ཏ་པུ་བྦ་ཀོ.
༣༧༣. ཡཾ ཀི་ཉྩི ཡཱ་ཙི་ཏུཾ ཧ་ཏྠ་ཀ་མྨཾ ཏ་ད་ནུ་སཱ་ར་ཏོ;
ལ་དྡྷཾ ག་ཧེ་ཏུཾ ནི་ཀྐ་མྨ་མ་ཡཱ་ཙི་ཏྭཱ་པི ཀ་པྤ་ཏི;
ཀཱ་རེ་ཏུ་མཱ་ཧ་རཱ་པེ་ཏུཾ, ཡཾ ཀི་ཉྩི་པ་ར་ས་ནྟ་ཀཾ.
༣༧༤. གི་ཧཱི་ནཾ གོ་པ་ཀེ དེ་ནྟེ, ག་ཧེ་ཏུཾ དེ་ཏི ཡ་ཏྟ་ཀཾ;
ལ་བྦྷཾ ཡ་ཐཱ་པ་རི་ཙྪེ་དཾ, ས་ངྒྷ་ཙེ་ཏི་ཡ་ས་ནྟ་ཀེ.
༣༧༥. དྭཱི་ཧཱ་པ་ཛྫེ་ཡྻ ཨཱ་པ་ཏྟིཾ, ཀཱ་ཡ་ཝཱ་ཙཱ་ཧི ཝཱ ཚ་ཧི;
ཨ་ལ་ཛྫི་ཉྙཱ་ཎ་ཀུ་ཀྐུ་ཙྩ་པ་ཀ་ཏ་ཏྟཱ ས་ཏི་པླ་ཝཱ;
ཨ་ཀ་པྤི་ཡེ ཝཱ ཀ་པྤི་ཡེ, ཀ་པྤཱ་ཀ་པྤི་ཡ་ས་ཉྙི་ཏཱ.
༣༧༦. ཨ་ལ་ཛྫི་ཉྙཱ་ཎ་ཏཱ་པ་ཏྟིཾ, ཀཱ་ཡ་ཝཱ་ཙཱ་ཧི ཚཱ་ད་ཡེ;
ལི་ངྒེ ས་ངྒྷེ ག་ཎེ་ཀ་སྨིཾ, ཙ་ཏུ་དྷཱ་པ་ཏྟི་ཝུ་ཊྛི་ཏི.
༣༧༧. པ་རི་ཀ་ཐོ་བྷཱ་ས་ཝི་ཉྙ་ཏྟི, ན ལ་བྦྷཱ པ་ཙྩ་ཡ་དྭ་ཡེ;
ཝི་ཉྙ་ཏྟི་ཡེ་ཝ ཏ་ཏི་ཡེ, སེ་སེ ས་བྦ་མྤི ལ་བྦྷ་ཏི.
༣༧༨. ན རཱུ་ཧ་ཏ་ཙྩ་ཡེ དཱ་ནཾ, པ་ཉྩ་ནྣཾ ས་ཧ་དྷ་མྨི་ནཾ;
ས་ངྒྷ་སྶེ་ཝ ཙ ཏཾ ཧོ་ཏི, གི་ཧཱི་ནཾ པ་ན རཱུ་ཧ་ཏི.
༣༧༩. བྷི་ཀྑུ ཝཱ སཱ་མ་ཎེ་རོ ཝཱ, ཀཱ་ལཾ ཀ་ཡི་རཱ་ཐཱུ་པ་སྶ་ཡེ;
བྷི་ཀྑུ་ས་ངྒྷོ་ཝ དཱ་ཡ་ཛྫོ, ཏ་ཏྠ སེ་སེ་པྱ་ཡཾ་ན་ཡོ.
༣༨༠. པུ་རི་མ་སྶེ་ཝི་མཾ དི་ནྣཾ, དེ་ཧི ནེ་ཏྭཱ་སུ་ཀ་སྶ་ཏི;
པ་ཙྪི་མ་སྶེ་ཝ ད་མྨཱི་ཏི, དི་ནྣཾ ཉ་ཏྭཱ ཨི་མཾ ཝི་དྷིཾ;
ག་ཎྷེ ཝི་སྶཱ་ས་གཱ་ཧཾ ཝཱ་དྷི་ཊྛེ མ་ཏ་ཀ་ཙཱི་ཝ་རཾ.
༣༨༡. ལོ་ཧ་བྷ་ཎྜེ པ་ཧ་ར་ཎིཾ, དཱ་རུ་བྷ་ཎྜེ ཙ དཱ་རུ་ཛཾ;
པ་ཏྟཾ པཱ་དུ་ཀ་པ་ལླ་ངྐཾ, ཨཱ་ས་ནྡིཾ མ་ཏྟི་ཀཱ་མ་ཡེ;
ཋ་པེ་ཏྭཱ ཀ་པྤ་ཏི ས་བྦཾ, ཀ་ཏ་ཀཾ ཀུ་མྦྷ་ཀཱ་རི་ཀ་ནྟི.