༣༨. ཀུ་ལ་དཱུ་ས་ན་ནི་དྡེ་སོ

དཱུ་ས་ནནྟི –

༢༩༧. པུ་པྥཾ ཝེ་ལུ༹ཾ ཕ་ལཾ ཙུ་ཎྞཾ, ད་ནྟ་ཀ་ཊྛ་ཉྩ མ་ཏྟི་ཀཾ;

ས་ངྒ་ཧ་ཎ་ཏྠཾ ད་ད་ཏོ, ཀུ་ལ་དཱུ་ས་ན་དུ་ཀྐ་ཊཾ.

༢༩༨. ཐུ་ལླ་ཙྩ་ཡཾ ག་རུ་བྷ་ཎྜཾ, ཨི་སྶ་རེ་ནེ་ཏྠ ས་ངྒྷི་ཀཾ;

དེ་ནྟ་སྶ དུ་ཀྐ་ཊཱ་དཱི་ནི, ཐེ་ཡྻཱ ས་ངྒྷ་ཉྙ ས་ནྟ་ཀཾ.

༢༩༩. ཀུ་ལ་ས་ངྒ་ཧཱ རོ་པེ་ཏུཾ, རོ་པཱ་པེ་ཏུ་ཉྩ ས་བྦ་ཐཱ;

ཕ་ལ་པུ་པྥཱུ་པ་གཾ རུ་ཀྑཾ, ཛ་གྒི་ཏུ་ཉྩ ན ཝ་ཊྚ་ཏི.

༣༠༠. ནི་མི་ཏྟོ་བྷཱ་ས་ཏོ ཀ་པྤ་ཝོ་ཧཱ་ར་པ་རི་ཡཱ་ཡ་ཏོ;

ཨ་ཏྟ་ནོ པ་རི་བྷོ་ག་ཏྠཾ, རོ་པ་ནཱ་དཱི་ནི ལ་བྦྷ་རེ.

༣༠༡. ཝུ་ཏྟཱ་ཝ ཝེ་ཛྫི་ཀཱ ཛ་ངྒྷ་པེ་ས་ནེ གི་ཧི་ཀ་མྨ་སུ;

ཋ་པེ་ཏྭཱ པི་ཏ་རོ བྷ་ཎྜུཾ, ཝེ་ཡྻཱ་ཝ་ཙྩ་ཀ་རཾ ས་ཀཾ.

༣༠༢. དུ་ཀྐ་ཊཾ པ་ད་ཝཱ་རེ་ན, ཧ་ར་ཎེ དཱུ་ཏ་སཱ་ས་ནཾ;

སཱ་ས་ནཾ ཨ་གྒ་ཧེ་ཏྭཱ་པི, པ་ཋ་མཾ ཝ་ད་ཏོ པུ་ན.

༣༠༣. ཨུ་པྤ་ནྣ་པ་ཙྩ་ཡཱ ཨེ་ཝཾ, པ་ཉྩ་ནྣ་མྤི ཨ་ཀ་པྤི་ཡཱ;

ཨ་བྷཱུ་ཏཱ་རོ་ཙ་ནཱ་རཱུ་པ-སཾ་ཝོ་ཧཱ་རུ་གྒ་ཧཱ་དི་སཱ.

༣༠༤. ཧ་རཱ་པེ་ཏྭཱ ཧ་རི་ཏྭཱ་པི, པི་ཏཱུ་ནཾ སེ་ས་ཉཱ་ཏི་ནཾ;

པ་ཏྟཱ་ནཾ ཝ་ཏྠུ་པཱུ་ཛ་ཏྠཾ, དཱ་ཏུཾ པུ་པྥཱ་ནི ལ་བྦྷ་ཏི;

མ་ཎྜ་ན་ཏྠ་ཉྩ ལི་ངྒཱ་དི-པཱུ་ཛ་ཏྠ་ཉྩ ན ལ་བྦྷ་ཏི.

༣༠༥. ཏ་ཐཱ ཕ་ལཾ གི་ལཱ་ནཱ་ནཾ, ས་མྤ་ཏྟི་སྶ་རི་ཡ་སྶ ཙ;

པ་རི་བྦ་ཡ་ཝི་ཧཱི་ནཱ་ནཾ, དཱ་ཏུཾ ས་པ་ར་ས་ནྟ་ཀཾ.

༣༠༦. བྷཱ་ཛེ་ནྟེ ཕ་ལ་པུ་པྥ་མྷི, དེ་ཡྻཾ པ་ཏྟ་སྶ ཀ་སྶ་ཙི;

ས་མྨ་ཏེ་ནཱ་པ་ལོ་ཀེ་ཏྭཱ, དཱ་ཏ་བྦ་མི་ཏ་རེ་ན ཏུ.

༣༠༧. ཝི་ཧཱ་རེ ཝཱ པ་རི་ཙྪི་ཛྫ, ཀ་ཏྭཱ་ན ཀ་ཏི་ཀཾ ཏ་ཏོ;

དེ་ཡྻཾ ཡ་ཐཱ་པ་རི་ཙྪེ་དཾ, གི་ལཱ་ན་སྶེ་ཏ་ར་སྶ ཝཱ;

ཡཱ་ཙ་མཱ་ན་སྶ ཀ་ཏི་ཀཾ, ཝ་ཏྭཱ རུ་ཀྑཱ་ཝ ད་སྶི་ཡཱ.

༣༠༨. སི་རཱི་ས་ཀ་ས་ཝཱ་དཱི་ནཾ, ཙུ་ཎྞེ སེ་སེ ཙ ནི་ཙྪ་ཡོ;

ཡ་ཐཱ་ཝུ་ཏྟ་ན་ཡོ ཨེ་ཝ, པ་ཎྞ་མྤེ་ཏྠ པ་ཝེ་ས་ཡེ་ཏི.