༣༩. ཝ་སྶཱུ་པ་ནཱ་ཡི་ཀ་ནི་དྡེ་སོ
ཝ་སྶཱུ་པ་ནཱ་ཡི་ཀཱ ཙེ་ཝཱཏི –
༣༠༩. པུ་རི་མི་ཀཱ པ་ཙྪི་མི་ཀཱ, དུ་ཝེ ཝ་སྶཱུ་པ་ནཱ་ཡི་ཀཱ;
ཏ་ཏྠཱ་ལ་ཡ་པ་རི་གྒཱ་ཧོ, ཝ་ཙཱི་བྷེ་དོ ཙ ཨེ་དི་སོ.
༣༡༠. ‘‘ཨི་མ་སྨིཾ ཝི་ཧཱ་རེ ཨི་མཾ, ཏེ་མཱ་སཾ ཝ་སྶཾ ཨུ་པེ་མི;
ཨི་དྷ ཝ་སྶཾ ཨུ་པེ་མཱི’’ཏི, ཙི་ཏྟུ་པྤཱ་དེ་ཏྠ ཨཱ་ལ་ཡོ.
༣༡༡. ནོ་པེ་ཏུ་ཀཱ་མོ ཨཱ་ཝཱ་སཾ, ཏ་ད་ཧཱུ་ཏི་ཀྐ་མེ་ཡྻ ཝཱ;
བྷ་ཝེ་ཡྻ དུ་ཀྐ་ཊཱ་པ་ཏྟི, ཛཱ་ནཾ ཝཱ་ནུ་པ་ག་ཙྪ་ཏོ.
༣༡༢. དུ་ཏི་ཡཾ ཨུ་པ་ག་ཙྪེ་ཡྻ, ཚི་ནྣ་ཝ་སྶོ་ནུ་པཱ་ག་ཏོ;
ན པ་ཀྐ་མེ་ཡྻ ཏེ་མཱ་སཾ, ཨ་ཝ་སི་ཏྭཱ་ན ཙཱ་རི་ཀཾ.
༣༡༣. མཱ་ཏཱ་པི་ཏཱུ་ན་མ་ཏྠཱ་ཡ, པ་ཉྩ་ནྣཾ ས་ཧ་དྷ་མྨི་ནཾ;
གི་ལཱ་ན་ཏ་དུ་པ་ཊྛཱ་ཀ-བྷ་ཏྟ་མེ་སི་སྶ་མོ་ས་དྷཾ.
༣༡༤. པུ་ཙྪི་སྶཱ་མི ཨུ་པ་ཊྛི་སྶཾ, ག་ནྟྭཱ་ན་བྷི་ར་ཏཾ ཨ་ཧཾ;
ཝཱུ་པ་ཀཱ་སི་སྶཾ ཀུ་ཀྐུ་ཙྩཾ, དི་ཊྛིཾ ག་རུ་ཀ་མཱ་དི་ཀཾ.
༣༡༥. ཀ་རི་སྶཾ ཝཱ་པི ཀཱ་རེ་སྶཾ, ཝི་ནོ་ད་ནཾ ཝི་ཝེ་ཙ་ནཾ;
ཝུ་ཊྛཱ་ནཾ ཝཱ་པི ཨུ་སྶུ་ཀྐཾ, ག་ནྟུ་མི་ཙྩེ་ཝ་མཱ་དི་ནཱ;
ལ་བྦྷཾ ས་ཏྟཱ་ཧ་ཀི་ཙྩེ་ན, པ་ཧི་ཏཱ་པ་ཧི་ཏེ་པི ཝཱ.
༣༡༦. ས་ངྒྷ་ཀ་མྨེ ཝ་ཛེ དྷ་མྨ-སྶ་ཝ་ན་ཏྠཾ ནི་མ་ནྟི་ཏོ;
ག་རཱུ་ཧི པ་ཧི་ཏོ ཝཱ་པི, ག་རཱུ་ནཾ ཝཱ་པི པ་སྶི་ཏུཾ.
༣༡༧. ན བྷ་ཎྜ་དྷོ་ཝ་ནུ་དྡེ་ས-ཉཱ་ཏུ་པ་ཊྛཱ་ཀ་ད་སྶ་ནེ;
ལ་བྦྷཾ ན པཱ་པུ་ཎེ་ཡྻ་ཛྫེ-ཝཱ་ག་མི་སྶ་ནྟུ་དཱུ་ར་གོ.
༣༡༨. སེ་ས་ཉཱ་ཏཱི་ཧི པ་ཧི་ཏེ, བྷི་ཀྑུ་ནི་སྶི་ཏ་ཀེ་ན ཙ;
ཨུ་པཱ་ས་ཀོ་པཱ་སི་ཀཱ་ཧི, ནི་དྡི་སི་ཏྭཱ་ཝ པེ་སི་ཏེ.
༣༡༩. ཝ་སྶ་ཙྪེ་དེ ཨ་ནཱ་པ་ཏྟི, ཨ་ནྟ་རཱ་ཡེ ས་ཏ་ཏྟ་ནོ;
ས་ངྒྷ་སཱ་མ་གྒི་ཡཱ ཝཱ ནོ, ཚི་ནྣ་ཝ་སྶོ པ་ཝཱ་ར་ཡེ.
༣༢༠. ཨ་ཛ྄ཛྷོ་ཀཱ་སེ ཙ རུ་ཀྑ་སྶ, སུ་སི་རེ ཝི་ཊ་པེ་པི ཝཱ;
ཚ་ཝ་ཀུ་ཊི་ཚ་ཏྟ་ཙཱ་ཊཱི-སཱུ་པ་ག་ནྟུཾ ན ཝ་ཊྚ་ཏི.
༣༢༡. ཨ་སེ་ནཱ་ས་ནི་ཀེ་ནཱ་པི, ཨུ་པ་ག་ནྟུཾ ན ལ་བྦྷ་ཏི;
པ་ཝཱ་རེ་ཏུ་ཉྩ ལ་བྦྷ་ཏི, ནཱ་ཝཱ་ས་ཏྠ་ཝ་ཛཱུ་པ་གོ་ཏི.