༣༥. པ་རི་ཀྑཱ་ར་ནི་དྡེ་སོ
པ་རི་ཀྑཱ་རོཏི –
༢༥༩. པ་ཉྩ་ཝ་ཎྞེ་ཧི སུ་ཏྟེ་ཧི, ཨ་ནྟོ བ་ཧི ཙ སི་བྦི་ཏུཾ;
གི་རི་ཀཱུ་ཊ་ཌྜྷ་ཙ་ནྡཱ་དིཾ, ཚ་ཏྟེ པ་ཎྞེ ཙ ཚི་ནྡི་ཏུཾ.
༢༦༠. གྷ་ཊ་ཀཾ ཝཱ་ལ༹་རཱུ་པཾ ཝཱ, ད་ཎྜེ ལེ་ཁཱ ན ཝ་ཊྚ་ཏི;
ཝ་ཊྚ་ཏཱི ད་ཎྜ་བུ་ནྡ་མྷི, ཨ་ཧི་ཙྪ་ཏྟ་ཀ་སཱ་དི་སཾ.
༢༦༡. སི་བྦི་ཏུཾ ཨེ་ཀ་ཝ་ཎྞེ་ན, པ་ཉྫ་རཾ ཝཱ ཝི་ན་ནྡྷི་ཏུཾ;
ཐི་ར་ཏྠཾ ཝ་ཊྚ་ཏཱི ཚ་ཏྟེ, ད་ཎྜེ ལེ་ཁཱ་ཝ བ་ནྡྷི་ཏུཾ.
༢༦༢. ཨ་ནྟེ པ་ཊྚ་མུ་ཁེ ཝཱ་པི, ཝེ་ཎི ས་ངྑ་ལི་ཀཱ་པི ཝཱ;
སཱུ་ཙི་ཝི་ཀཱ་ར་མ་ཉྙཾ ཝཱ, ཙཱི་ཝ་རེ ན ཙ ཀ་པྤ་ཏི;
ཀ་པྤ་བི་ནྡུ་ཝི་ཀཱ་ར་མྤི, པཱ་ལི༹་ཀ་ཎྞི་ཀ་ཨཱ་དི་ཀཾ.
༢༦༣. ག་ཎྛི་པཱ་ས་ཀ་པ་ཊྚཱ་པི, ཙ་ཏུ་ཀྐོ་ཎཱ་ཝ ཨ་གྒྷི་ཡཾ;
མུ་གྒ་རོ ཀ་ཀྐ་ཊ་ཙྪཱ་དི-ཝི་ཀཱ་རཾ ནེ་ཏྠ ཝ་ཊྚ་ཏི.
༢༦༤. ཀོ་ཎ་སུ་ཏྟཱ ཙ པཱི་ལ༹་ཀཱ, དུ་ཝི་ཉྙེ་ཡྻཱ་ཝ ཀ་པྤ་རེ;
ག་ནྡྷཾ ཏེ་ལཾ ཝ ལཱ་ཁཾ ཝཱ, ར་ཛ་ནེ ན ཙ པ་ཀྑི་པེ.
༢༦༥. ར་ཏྟཾ ས་ངྑེ་ན མ་ཎི་ནཱ, གྷ་ཊྚེ་ཡྻ་ཉྙེ་ན ཝཱ ན ཙ;
གྷཾ་སེ་ཡྻ དོ་ཎི་ཡཾ ཀ་ཏྭཱ, པ་ཧཱ་རེ ན ཙ མུ་ཊྛི་ནཱ.
༢༦༦. ཀ་ཎྞ་ཀོ་ཎ་ཀ་སུ་ཏྟཱ་ནི, ར་ཏྟེ ཚི་ནྡེ་ཡྻ ཙཱི་ཝ་རེ;
ལེ་ཁཱ ན ཝ་ཊྚ་ཏཱི དྷ་མྨ-ཀ་ར་ཎེ ཚ་ཏྟ་ཝ་ཊྚི་ཡཾ.
༢༦༧. ལེ་ཁཾ ཋ་པེ་ཏྭཱ མ་ཎི་ཀཱ, པཱི་ལ༹་ཀཱ ཀུ་ཉྩི་ཀཱ་ཡ ཙ;
པི་པྥ་ལེ ཙ པ་རི་ཙྪེ་ད-ལེ་ཁཱ ད་ཎྜ་མྷི ཝ་ཊྚ་ཏི.
༢༦༨. མཱ་ལཱ་དྱ་ར་ཎི་ཡཾ པ་ཏྟ-མ་ཎྜ་ལེ བྷི་ཏྟི་ཀ་མྨ ཙ;
ཧེ་ཊྛཱ ལེ་ཁཱ་དྭ་ཡཾ ཨུ་དྡྷཾ, ཨ་ཧི་ཙྪ་ཏྟ་ཀ་སཱ་དི་སཾ.
༢༦༩. ཧི་ཏྭཱ ཀ་ཏྟ་ར་ཡ་ཊྛི་མྷི, སཱུ་ཙི་ས་ཎྜཱ་ས་ཀེ་པི ཙ;
ཡཾ ཀི་ཉྩི གི་རི་ཀཱུ་ཊཱ་དི-ཝ་ཎྞ་མ་ཊྛཾ ན ཝ་ཊྚ་ཏི.
༢༧༠. བི་མྦོ་ཧ་ནེ བྷི་སི་མ་ཉྩ-པཱི་ཋཱ་དི་ས་ཡ་ནཱ་ས་ནེ;
ས་མྨུ་ཉྫ་ནི་མྷི ས་ངྐཱ་ར-ཚ་ཌྜ་ནེ ར་ངྒ་བྷཱ་ཛ་ནེ.
༢༧༡. པཱ་ནཱི་ཡ་བྷཱ་ཛ་ནེ པཱ་ད-པཱི་ཋེ ཀ་ཐ་ལི་ཀཱ་ཡ ཙ;
པ་ཏྟཱ་དྷཱ་ར་པི་དྷཱ་ནེ་སུ, ཏཱ་ལ་ཝ་ཎྚེ ཙ བཱི་ཛ་ནེ;
ཡཾ ཀི་ཉྩི མཱ་ལཱ་ཀ་མྨཱ་དི-ཝ་ཎྞ་མ་ཊྛ་མ་ཝཱ་རི་ཏཾ.
༢༧༢. སེ་ནཱ་ས་ནེ པ་ན དྭཱ་ར་ཀ་ཝཱ་ཊཱ་དི་པྤ་བྷེ་ད་ནེ;
སོ་ཝ་ཎྞ་མ་ཡ་ནུ་ཉྙཱ་ཏཾ, ཝ་ཎྞ་མ་ཊྛ་མྷི ཀཱ ཀ་ཐཱ.
༢༧༣. ཝི་སཱ་ཎ་ནཱ་ལི༹་ལཱ་བྭཱ་དི་པྤ་བྷེ་དེ ཏེ་ལ་བྷཱ་ཛ་ནེ;
པུ་མི་ཏྠི་རཱུ་པ་ར་ཧི་ཏཾ, ཝ་ཎྞ་མ་ཊྛ་མ་ཝཱ་རི་ཏ་ནྟི.